Չի բացառվում, որ «Սանիթեք»-ի հետ պայմանագիրը կլուծարվի, եթե պատշաճ չկատարի իր պարտականությունը․ Հայկ Մարության

Հենց առաջին օրվանից փորձել ենք «Սանիթեք» ընկերության հետ գալ մի իրավիճակի, որպեսզի իրենք կարողանան իրենց ծառայությունը պատշաճ որակով տալ։ Շաբաթը գոնե մեկ անգամ մեծ շրջանակներով հանդիպել ենք, անձամբ մասնակցել եմ՝ հասկանալու՝ ինչ խնդիրներ կան եւ ինչով կարող է համայնքն աջակցել իրենց։ Այս մասին այսօր ԱԺ-ում լրագրողների հետ զրույցում ասաց Երեւանի քաղաքապետ Հայկ Մարությանը․

«Մենք արել ենք ամեն ինչ, որպեսզի վիճակը լավանա, սակայն «Սանիթեք» ընկերությունն այլեւս կարողություն չունի սպասարկել Երեւան քաղաքին»,-ասաց Մարությանը՝ նշելով, որ թերի սպասարկումը «Սանիթեքի» ցանկության հետ չի կապում, այլ, ըստ իրեն, մեքենաների ու աշխատուժի քանակն այլեւս չի բավարարում․

«Մեքենաների տեխնիկական վիճակը գրեթե հասել է 0-ի։ Այսինքն՝ իրենք իրենց ասելով՝ օրական 12-18 մեքենա են հանում, բայց այդ մեքենաների մեծ մասը ճանապարհի կեսից խափանվում է, հետ են վերադառնում իրենց ավտոտնակներ, այսինքն՝ քիչ քանակությամբ մեքենաներ են սպասարկում քաղաքը, եւ այն, ինչ մենք տեսում ենք, դրա ուղիղ արդյունքն է»,- ասաց քաղաքապետը։

Մարությանի պնդմամբ՝ քաղաքապետարանը փորձել է օգնել «Սանիթեք»-ին, ամեն ինչ արել է, սակայն ընկերությունը նոր գումարներ չի ներդնում․

«Ըստ պայմանագրի, պետք է լինի 8000 աղբաման, սակայն այսօր առկա է 5000-ը՝ այն էլ վատ վիճակում։ Ասացինք՝ եկեք ժամանակացույց կազմենք, որ սկսեք բերել, իրենք ասացին՝ շատ լավ,  տվեցի 1500 աղբաման բերել, որ տարվա ընթացքում կբերեն։ 1500-ը շատ քիչ էր, բայց ասացինք, որ գոնե այսքանը լինի, բայց իրենք միանգամից տապալեցին ժամանակացույցը եւ ուղղակի չբերեցին։ Այդտեղ հասկացա, որ կամ ցանկություն չունեն համագործակցելու կամ ունակ չեն։ Քաղաքը չի կարող անվերջ սպասել մի ընկերության։ Եթե աղբամանը չի բերվում, ապա մեքենաների մասին խոսք անգամ լինել չի կարող։ Հասկանալով սա՝ մտել եմ կառավարություն, որ մենք մի փոքր քանակ մեկ անձից գնենք, 5 աղբահանող մեքենա բերեն, որ իրավիճակը գոնե վերահսկելի լինի, բայց նորից եմ ասում՝ մենք ուղղակի օգնում ենք «Սանիթեք»-ին»,- պարզաբանեց Մարությանը՝ հիշեցնելով, որ «Սանիթեք» ընկերությունը պայմանագրով պարտավորվում է իրականացնել Երեւան քաղաքի ամբողջ սանմաքրումը, աղբահանությունը, ձնամաքրումը, ինչը նշանակում է, որ ամբողջ սպեկտորը իրենք պետք է անեն, ոչ ոք՝ բացի իրենցից, բայց քանի որ քաղաքապետարանի ուղիղ պարտականությունն է՝ մաքրել քաղաքը, իրենք կողքից օգնում են, իրականացնում այս գործողությունները։

Լրագրողի հարցին՝ «Սանիթեքի» հետ պայմանագիրը լուծարվելո՞ւ է, Հայկ Մարությանը պատասխանեց, որ ժամանակը ցույց կտա․

«Երբ վերջնական ստեղծենք բյուջետային հիմնարկը, պետք է գնահատենք այդ պահի իրավիճակը, քանի որ կարող է իրենք մեկ ամսվա մեջ 50-ից ավել մեքենա են բերում, չնայած դա ֆանտաստիկայի ժանրից է։ Բայց եթե չեն կարողանում պատշաճ կատարել աղբահանությունը, որը բխում է պայմանագրից, իսկ պայմանագրով ունենք բազմաթիվ կետեր, որոնցով կարող ենք լուծարել այդ պայմանագիրը»։

Քաղաքապետը նկատեց, որ ամեն ամիս «Սանիթեք»-ին տուգանում են թերի կատարած աշխատանքի համար․

«Օրինակ՝ այս ամիս 26 մլն է տուգանվել, անցած ամիս՝ 13 մլն-ով եւ այլն»։

Հայկ Մարությանն ասաց, որ առաջիկա ամիսներին Երեւանում աղբահանությունը լուրջ կվերահսկվի, իսկ հունիսի վեջին Հայաստան կգան նոր մեքենաները։

Տպել
5971 դիտում

«Արարատ-Արմենիան» Չեմպիոնների լիգայում կխաղա ԱԻԿ-ի դեմ

Վահե Էնֆիաջյանը հանդիպել է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հետ

Ինձ վրա մատ թափ չտաք. լարված իրավիճակ Քոչարյանի եւ մյուսների գործով նիստին

Վահե Գրիգորյանն ընտրվեց Սահմանադրական դատարանի դատավոր

Առողջական լուրջ խնդիրներ ունեցող կալանավորը ՄԻՊ-ի աջակցությամբ տեղափոխվել է Դատապարտյալների հիվանդանոց

Հավանության է արժանացել 239 սուբվենցիոն ծրագիր, ընդհանուր 11,504 մլրդ դրամ արժեքով

Երեկվա եւ այսօրվա միջեւ ես ընտրում եմ վաղը․ Արման Բաբաջանյանը պաշտպանում է Վահե Գրիգորյանի թեկնածությունը

Ռոբերտ Քոչարյանի եւ մյուսների գործով դատավորը կրկին ինքնաբացարկ չհայտնեց

Պատգամավորները Սահմանադրական դատարանի դատավոր են ընտրում (լուսանկարներ)

Մհեր Գրիգորյանը ՄԱԿ մշտական համակարգողի հետ քննարկել է ոլորտային ռազմավարությունների մշակման գործընթացը

ԱՆ քրեակատարողական ծառայությունում մի շարք գնման գործընթացներ իրականացվել են օրենքի խախտումներով. ՊՎԾ

Հայկ Սարգսյանի տվյալներով՝ Չեխիայի արդարադատության նախարարը եղբորը արտահանձնելու վերաբերյալ համաձայնություն չի տվել

Հրդեհ Արմավիր քաղաքում.այրվել է ավտոմեքենա

Ներդրումներ է տապալել. ԱԱԾ-ն բացահայտել է Սյունիքի նախկին մարզպետ Սուրիկ Խաչատրյանի ապօրինությունները

ՍԴ-միակ մարմինն է, որ ունի վերջնական իշխանություն՝ մեկնաբանելու այս պետության ամենաքաղաքական ակտը՝ Սահմանադրությունը

Բարձրագույն դատական խորհրդի անդամի թեկնածուն ընտրվելու դեպքում պատրաստ է առաջինը ենթարկվել վեթինգի

ՈՒԵՖԱ-ի նախկին նախագահ ֆրանսիացի Միշել Պլատինին ձերբակալվել է

Արցախում զինծառայողը ճանապարհատրանսպորտային պատահարի է ենթարկվել. նա մահացել է հիվանդանոցում

Կաջակցի՞ արդյոք ԿԽՄԿ ՀՀ-ում իրականացվող բարեփոխումներին. Մհեր Գրիգորյանն ընդունել է Քլեր Մեյթրոյին

Պարտադրանքը, որ եղել է նախկինում, պետք է փոխվի. Հայկակ Արշամյան