Կընդդիմանա՞ արդյոք ՇՊՀ-ն, եթե լուծարման որոշում կայացվի

Շիրակի պետական համալսարանի լուծարման եւ այլ քայլերի մասին Կրթության, գիտության, մշակույթի եւ սպորտի նախարար Արայիկ Հարությունյանի երեկվա հայտարարությունը համալսարանում խառը տրամադրություններ է առաջացրել:

Միայն թե այս պահին համալսարանը նման լարվածության կարիք ամենաքիչն էր, որ ուներ: Այստեղ առանց այն էլ ներբուհական կյանքը տեւական դադարից հետո նոր-նոր էր սկսել բնական ընթացքի մեջ մտնել: Նախարարի հայտարարությունը ոչ այն է՝ սառը ցնցուղի դեր ունի այս պարագայում, ոչ այն է՝ խնդրի լուծման իրական տարբերակ կարող է համարվել:

Ինչպե՞ս են համալսարանում ընդունել նախարար Հարությունյանի հայտարարությունն ու ի՞նչ են մտածում: ՀԺ-ի հարցերին պատասխանել է Շիրակի պետական համալսարանի ռեկտորի ժամանակավոր պաշտոնակատար Երվանդ Սերոբյանը: «Հնարավո՞ր է արդյոք համալսարանը փակել, թե՝ ոչ, դա ես չեմ որոշում, իսկ նախարարի հայտարարությունն, այո, որոշակի տրամադրություններ համալսարանում ստեղծել է: Բայց նախարարի հայտարարությունները բնականաբար ես չեմ կարող մեկնաբանել, ես չեմ կարող ասել՝ ինչ հիմքեր է ունեցել՝ այդպես մտածելու, կամ ինչու է նման հայտարարություն արել, մեկնաբանել չեմ ցանկանում: Քննարկումների մասով, այո, բնական է, որ հայտարարությունը քննարկվում է: Սա հանրապետությունում լուրջ հնչեղություն ստացած հայտարարություն է, բոլորդ հասկանում եք, մարդիկ քննարկում են, եւ էդ քննարկման արդյունքում բացառված չէ, որ որոշակի եզրահանգում կամ կարծիքի արտահայտում լինի»,-ասաց Երվանդ Սերոբյանը:

Ռեկտորի ժպ-ն չհերքեց, չնայած թաքցնելու խնդիր էլ չկա, բոլորին է հայտնի, որ Շիրակի պետական համալսարանում դեռ նախորդ տարվանից լարվածություն է առաջացել՝ սկզբում կապված նախկին ռեկտոր Սահակ Մինասյանի գործողությունների հետ:  Այնուհետեւ աշխատանքից ազատվել էին դասախոսներ Գագիկ Համբարյանն ու Հովհաննես Խորիկյանը, հետո՝ համալսարանի պրոռեկտոր Անահիտ Ֆարմանյանը:

Համալսարանում ուսանողական նստացույցեր կազմակերպվեցին, պահանջվեց ռեկտոր Սահակ Մինասյանի հրաժարականը: Այնուհետեւ համալսարանի գրադարանից 9 տոննա գիրք անհետացավ: Երեւույթը ստացավ՝ անպետք էր, հեռացվել է որակումը:

Համալսարանի ուսանողները 2018 թվականի մարտի 19-ին նամակով դիմեցին այդ ժամանակահատվածում նախագահ Սերժ Սարգսյանին 3 հիմնական պահանջով՝ բեկանել դասախոսների աշխատանքից ազատման որոշումը, ապահովել մարտի 24-ին կայանալիք գիտխորհրդի եւ հոգաբարձուների խորհրդի համատեղ ընդլայնված նիստի թափանցիկությունը, այն  կազմակերպել լրագրողների, բողոքին մասնակից ուսանողների հատուկ խմբի եւ Հ. Խորիկյանի ու Գ. Համբարյանի ներկայությամբ եւ ապահովել բուհի ֆինանսական վիճակի թափանցիկությունն ու համալսարանի պաշտոնական կայքում զետեղել 2016թ. փոփոխված եւ 2017թ. նախահաշիվները եւ նույն թվականների ֆինանսական հաշվետվությունները, 2018 թվականի բյուջեի նախահաշիվը:

Այնուհետեւ՝ սկսած մայիսի 5-ից, ուսանողները կրկին պահանջեցին Սահակ Մինասյանի հրաժարականը: Միասյանը հրաժարականի դիմումը ներկայացրեց մայիսի 15-ին: Այդ օրվանից մինչ օրս ռեկտորի ժամանակավոր պաշտոնակատարը համալսարանի պրոռեկտոր Երվանդ Սերոբյանն է: Երկու անգամ կազմակերպված մրցույթի արդյունքում հնարավոր չի եղել համալսարանի ռեկտոր ընտրել:

«Անկախ այս փոփոխություններից, համալսարանում բարոյահոգեբանական վիճակի շտկում չեղավ: Բայց դրական տեղաշարժ կա»,- այսօր մեր զրույցի ժամանակ վստահ ասաց Սերոբյանը: «Բարոյահոգեբանական մթնոլորտը իդեալական չի, բայց ամեն ինչ արվում է՝ այն հնարավորինս շտկելու համար: Ես կարող եմ ասել, որ այս հարցում կան տեղաշարժեր, քայլ առ քայլ գնում ենք դեպի դրականը: Կարող է մի քիչ դանդաղ, միգուցե փոքր քայլերով, բայց փորձում ենք էդ բարոյահոգեբանական մթնոլորտը շտկել: Դա մեկ օրում չի ձեւավորվել, տարիների ընթացքում է ձեւավորված, եւ փորձում ենք էդ իրավիճակը կարգավորել: Գիտեք՝ այդ խնդիրները վաղուց կան, կան ընդհանուր հարցեր, որոնք կարծես թե բոլոր հիմնարկ-ձեռնարկություններում էլ առկա են, կան նաեւ մի քանի սպեցիֆիկ հարցեր: Էդ ամենի կարգավորման համար ջանքեր չեն խնայվում»:

Իսկ անկախ ամեն ինչից, ինչպե՞ս է ռեկտորի ԺՊ-ն պատկերացնում լուծարման կամ միավորման գործընացը: Ասաց՝ շատ վատ: «Եթե անկեղծ ասեմ, ես լուծարման ընթացքը շատ վատ եմ պատկերացնում: Ավելի քան վստահ եմ, որ ցանկացած պարագայում Շիրակի մարզն առանց մայր բուհի չի մնա: Կարող է կառուցվածքային փոփոխություններ լինեն, միավորումներ լինեն, բայց հաստատ բուհը կմնա: Թե ինչ անվան տակ կգործի, ինչ կարգավիճակով, չգիտեմ, բայց համոզված եմ, որ էնպես չի, լուծարում են, եւ վերջ, չկա էլ համալսարանը: Դա իմ սուբյեկտիվ կարծիքն է, եւ ես համոզված եմ, որ նման մտածելակերպ կա նաեւ նախարարությունում, որովհետեւ չի կարող Հայաստանի հյուսիսային շրջանը մնալ առանց բուհի, հատկապես, որ այն 85-ամյա բուհ է սա: Մենք այստեղ ե՛ւ Լոռիից, ե՛ւ Արարատյան դաշտավայրից ու ՀՀ այլ մարզերից ուսանողներ ունենք, եւ արտերկրից շատ ուսանողներ կան: Հատկապես հեռակա բաժնում դրսից շատ ուսանողներ ունենք: Հավանաբար կատեգորիկ իրավիճակ չի առաջանա, հատկապես որ համալսարանում, կոլեկտիվում ամեն ջանք ներդրվում է, որպեսզի առկա իրավիճակն արագ շտկվի»:

Բայց եթե, այնուամենայնիվ, լուծարման որոշում կայացվի, արդո՞ք համալսարանը կընդդիմանա, արդյո՞ք արդեն քայլեր այդ ուղղությամբ ձեռնարկվում են: Երվանդ Սերոբյանի հետ զրույցից պարզ դարձավ, որ ներկա պահին համալսարանում միայն խոսակցությունների եւ քննարկումների մակարդակում է նախարար Արայիկ Հարությունյանի հայտարարության արձագանքը: «Ես անկեղծորեն մտածում եմ, որ ծայրահեղ իրավիճակի չենք հասնի, դրա համար էլ չեմ փորձում ծայրահեղ իրավիճակները քննարկել, որովհետեւ բուհում կա խելամիտ կորիզ, բուհը սիրող ու նվիրված մարդիկ: Այդ հարցը պայմանավորված չէ բուհի աշխատողներով ու ուսանողներով միայն: Այս բուհը շատ կարեւոր նշանակություն ունի հյուսիսային տարածաշրջանի համար: Ես չեմ խուսափում կարծիք հայտնելուց, ես ունեմ իմ դիրքորոշումն ու ազատ եմ իմ կարծիքը հայտնելու մեջ, բայց այս պահին իմ անձնական կարծիքն այնքան էական չէ, քանի որ ես մարմնավորում եմ կոլեկտիվի կարծիքը: Երբ կոլեկտիվում կձեւավորվի միասնական կարծիք, ես դա բնականաբար կփոխանցեմ հասարակությանը»,-զրույցի ավարտին վստահեցրեց ՇՊՀ ռեկտորի ժամանակավոր պաշտոնակատար Երվանդ Սերոբյանը:

Հիշեցնենք, որ երեկ՝ հունիսի 12-ին, ԱԺ-ում հանձնաժողովների համատեղ նիստում 2018-ի բյուջեի կատարման հաշվետվության քննարկման ժամանակ Կրթության, գիտության, մշակույթի եւ սպորտի նախարար Արայիկ Հարությունյանը հետեւյալ հայտարարությամբ էր հանդես եկել. «Շիրակի պետական համալսարանը գտնվում է շատ վատ վիճակում: Ոչ թե ֆինանսական, այլ՝ բարոյահոգեբանական: Այստեղ զրո ակադեմիզմ է, ըստ էության, որովհետեւ ձեւավորվել են փոքրիկ խմբակներ, որոնք առաջնորդվում են բացառապես իրենց շահերով: Ես ամենայն լրջությամբ եմ ասում՝ եթե իրավիճակը շարունակվի այսպես, մենք հարց կդնենք բուհի կա՛մ լուծարման, կա՛մ միավորումների, որի արդյունքում կձեւավորվի նոր խորհուրդ եւ հարցերն այդպես կլուծենք»:

Տպել
1337 դիտում

Ռուս ֆուտբոլիստը պատրաստ է կամավոր գրվել և մեկնել առաջնագիծ

Թուրքական ԱԹՍ-ն ՀՀ տարածք չի մտել, մեր անգլերեն թվիթերում թարգմանչական սխալ է եղել. Razm.info

Այս պատերազմն ավարտվելու է Ադրբեջանի բանակի ոչնչացմամբ, եւ վերականգնվելու համար նրանց տասնյակ տարի է հարկավոր լինելու

ԱԺ «Իմ քայլը» խմբակցության պատգամավոր Տիգրան Ուլիխանյանը հրաժարականի դիմում է ներկայացրել

Նախագահ Արմեն Սարգսյանը շնորհավորել է Նիկոլայ Ռիժկովին՝ ծննդյան օրվա առթիվ

Էրդողանն իր պանթյուրքական շքեղ երեւակայության մեջ հույս ունի իրականություն դարձնել նոր օսմանյան կայսրության երազանքը

Թուրքական Bayraktar TB-2 մարտական ԱԹՍ-ն այս պահին պտտվում է Գյումրիի Շիրակ օդանավակայանի մերձակայքում. Razminfo

Ադրբեջանական ՏՕՍ-1Ա ծանր հրետանային համակարգերը կենդանի վահան են դարձնում իրենց իսկ քաղաքացիներին. ՊՆ (տեսանյութ)

«Հովազ 1» դիրքի ավագի սխրանքն ու գրագիտությունը պիտի մտնի Հայոց պատմության դասագրքեր. Հովհաննիսյան

«Արարատ-Արմենիա» - «Ցրվենա Զվեզդա» հանդիպումը տեղի կունենա Կիպրոսում

Ամուր ենք կանգնած մեր հողին ոչ միայն մարտական ոգու ու ազգային արժեքների, այլ նաեւ մեր խորը հավատքի շնորհիվ. ԱՀ նախագահ

Ոստիկանությունը հորդորում է ձեռնպահ մնալ ինքնագործ քայլերից. ապաստանի կամ այլ առաջարկի դեպքում համագործակցել

Երեւանի ավագանու «Իմ քայլը» խմբակցությունից կամավորներ են մեկնել առաջնագիծ. ովքեր են եւ քանիսն են նրանք

Համարժեք պատասխան կլինի տարածաշրջանային անվտանգությունն ու խաղաղությունը խաթարելու Ադրբեջանի փորձերին. վարչապետ

Թուրքիային հետաքրքիր չի Արցախը. Թուրքիային հետաքրքիր է Հայաստան աշխարհն ամբողջությամբ. Արայիկ Հարությունյան (տեսանյութ)

Անհրաժեշտ են կամավորներ. Արցախում աշխատուժի կարիք կա

Զինծառայողներ Հակոբ Բենիկի Զարգարյանը, Սոսիկ Գարիկի Ղազարյանը և Աշոտ Ավետիքի Քարամյանը ողջ են. ՊՆ

Հայկական կողմի համար պահի հրամայականը. Լևոն Տեր-Պետրոսյանի հայտարարությունը

Ուզում էի իմ աչքերով տեսնեի, թե ինչ է կատարվում. Ֆելիքս Ցոլակյանն այցելել է Արցախ (տեսանյութ)

Ավիառումբով փորձել են հարվածել երկաթգծին. Արծրուն Հովհաննիսյան (տեսանյութ)