2 խաղում անընդմեջ ՀՀ հավաքականում գոլի հեղինակ են դառնում նույն ֆուտբոլիստները՝ KGB եռյակը

Հունիս ամիսն ուրախ ստացվեց ՀՀ ֆուտբոլի ազգային հավաքականի եւ երկրպագուների համար. 2 խաղ, 2 հաղթանակ, 6 միավոր, 6 խփած ու 2 բաց թողած գոլ: Արդյունքում Եվրո 2020-ի որակավորման փուլի J խմբում թիմը 1 քայլ է հետ ուղեգիր տվող հորիզոնականից՝ 3-րդն է: Զիջում է առաջատար Իտալիային եւ 2-րդ տեղում ընթացող Ֆինլանդիային:

Ընտրական փուլի մեկնարկային 2 պարտություններից հետո ընտրանին խիստ քննադատության էր ենթարկվել: Լիխտենշտեյնի դեմ տնային խաղում էլ նկատելի էր, որ «Հանրապետականում» երկրպագուներն ավելի քիչ էին, քան դրան նախորդած Ֆինլանդիայի դեմ խաղում: Սակայն այդ՝ հունիսի 8-ի հանդիպման հենց առաջին վայրկյաններից հայ ֆուտբոլիստները ցույց տվեցին իրենց վճռականությունը: Ագրեսիվ էին առաջին րոպեներից, ու դա իր արդյունքը տվեց: Առաջին կեսից հետո հաղթում էին 2:0, սակայն 2 կեսում չփորձեցին էներգիա խնայել Հունաստանի դեմ խաղից առաջ: Եղավ 3:0 հաղթանակ: Ու թեեւ, հաշվի առնելով հայերի ունեցած պահերը, հաշիվը պետք է ավելի խոշոր լիներ, ամեն դեպքում հաղթանակն ուրախացրեց երկրպագուներին, իսկ ֆուտբոլիստներին վստահություն ներշնչեց:

Եթե Լիխտենշտեյնի դեմ խաղում չհաղթելը ֆուտբոլասերները չէին ների, ապա հունիսի 11-ին նախատեսված Հունաստանի պարագայում պետք էր իրատես լինել՝ անկախ նրանից, որ Հուաստանը լավ օրեր չի ապրում եւ անկախ նրանից, որ ընդամենը օրեր առաջ պարտվել էր Իտալիային (0:3): Բայց հոգեբանության մեջ ինչ-որ բան փոխվել է. այս խաղում էլ հայերն ագրեսին էին հենց սկզբից ու շատ արագ անակնկալի բերեցին տանտերերին: Այստեղ էլ մի քանի պահ չօգտագործեցին, պաշտպանությունում սխալվեցին, վերջին րոպեներին էլ լարվածության մեջ պահեցին երկրպագուներին՝ 2-րդ գոլն ընդունելով, բայց ի վերջո հաղթեցին 3:2 հաշվով:

2 խաղերում էլ աշխատեց գլխավոր մարզիչ Արմեն Գյուլբուդաղյանցի ընտրած հարձակման գիծը: 2 խաղերում էլ աչքի ընկան նույն ֆուտբոլիստները՝ Ալեքսանդր Կարապետյանը, Գեւորգ Ղազարյանը, Տիգրան Բարսեղյանը կամ ինչպես իսպանական մամուլն է սիրում անունների առաջին տառերի հապավումով ներկայացնել հարձակվողներին, KGB-ն (Karapetyan, Ghazaryan, Barseghyan): Ի դեպ հապավումը ոչինչ չի՞ հիշեցնում :)

Հավաքականն արձակուրդ է գնում բարձր տրամադրությամբ եւ վերադառնալու է Իտալիայի դեմ տնային խաղով՝ սեպտեմբերի 5-ին: Հունաստանի դեմ հադնիպումից հետո երկրպագուները գուցե ավելին ուզեն, սակայն պետք չէ մոռանալ հավաքականի խորքային խնդիրները, որոնք չեն լուծվել: Պետք է նաեւ հաշվի առնել, որ այսօրվա մարզավիճակը գուցեեւ երկուսուկես ամիս հետո պահպանված չլինի: Մյուս կողմից, սակայն, կարելի է պահանջել, որ ֆուտբոլիստները խաղադաշտ դուրս գան նույն հոգեբանությամբ, նույն տրամադրվածությամբ, սեփական հնարավորություններն առավելագույնս օգտագործելու պատրաստակամությամբ, որով աչքի ընկան Լիխտենշտեյնի ու Հունաստանի դեմ: Եվ կարելի է պահանջել Գյուլբուդաղյանցի նշած արժանապատիվ ֆուտբոլը, որը վերջին 2 խաղերում նրա սաների մոտ ստացվեց:

Հ.գ. ընտրական վերջին 2 խաղերից հետո J խմբի մրցաշարային աղյուսակն ունի հետեւյալ տեսքը.

1.Իտալիա 12 միավոր

2.Ֆինլանդիա 9 միավոր

3.Հայաստան 6 միավոր

4.Հունաստան 4 միավոր

5.Բոսնիա եւ Հերցեգովինա 4 միավոր

6.Լիխտենշտեյն 0 միավոր

Տպել
1008 դիտում

ՌԴ-ից մատակարարվող գազի գնի բարձրացման գումարի տարբերությունը վճարում է «Գազպրոմ Արմենիա»-ն. ՀԾԿՀ նախագահ

Ռուս զբոսաշրջիկների արտահոսքը բացասաբար կազդի ազգային արժույթի վրա. Վրաստանի ազգային բանկ

Անվճար եւ արտոնյալ պայմաններով բժշկական օգնության եւ սպասարկման իրավունք է տրվում մինչեւ 18 տարեկան բոլոր երեխաներին

Էրեբունու ոստիկանները հայտնաբերել են մի ողջ զինանոց

Կառավարության որոշմամբ 13 բասկետբոլիստի տարկետում տրամադրվեց

Համագործակցության ընդլայնման հնարավորություններ. ՀՀ դեսպանի հանդիպումը Ռումինիայի առողջապահության նախարարի հետ

Հայ-վրացական օրակարգը հագեցած է էներգետիկայի և տրանսպորտի ոլորտներում բազմաթիվ հեռանկարային ծրագրերով. Ավինյան

Ազգային հավաքականի 6 ֆուտբոլիստներ ազատվեցին զինծառայությունից

Ոսկերչական արտադրանքի արտահանումը 5 ամսում ունեցել է 86 տոկոսի աճ. Խաչատրյան

Ձեր ինստիտուտի շրջակայքը, երեւի թե, մեկ-երկու ամիս առաջ սեփական ձեռքերով եմ մաքրել. վարչապետը՝ ԵԹԿՊԻ նորընտիր ռեկտորին

Կառավարությունն արտոնություն տրամադրեց «Ռոյալ գլաս գրուպ»-ին եւ «Քանաքեռի կարի ֆաբրիկա»-ին. 42 աշխատատեղ կստեղծվի

Շաբաթներով կարող են պահել. Վրաստանի մաքսավորները խոչնդոտում են հայկական ապրանքների արտահանմանը. հայտարարություն

Այս տարի հունվար-մայիսին ունենք 25 ներդրումային ծրագիր՝ 254 մլն դոլարի ներդրման պայմանով եւ 2379 աշխատատեղով. վարչապետ

Կոնդի առանձնատների համար տարիներով ջրի վարձ չի վճարվել. կառավարությունը 48 մլն դրամ հատկացրեց

Կառավարությունն արտոնություն տրամադրեց «Մանուկյան կոնյակի գործարան»-ին. 42 նոր աշխատատեղ կստեղծվի

Լարսի անցակետի վրացական հատվածում արգելված բեռ տեղափոխելու գործով ավտոբուսի ուղևորներից մեկին մեղադրանք է առաջադրվել

Կառավարությունն առաջարկում է նվազագույն աշխատավարձը դարձնել 68 հազար դրամ. այն կազդի 80 հազար քաղաքացու վրա

Կիեւի մարզային պետվարչակազմի նախագահ է դարձել Միխայիլ Բնո-Հայրիյանը

Մեդվեդեւի վերջին այցի ընթացքում այս առումով կոնկրետ պայմանավորվածություններ ենք ձեռք բերել. Փաշինյան

Հայաստանը շարունակում է գտնվել տնտեսական բավականին բարձր ակտիվության ցուցանիշներում. վարչապետ