Քարագլուխ համայնքում բրուցելոզ հիվանդությունը չի նահանջում. վարակված են նաեւ մի քանի բնակիչներ (լուսանկարներ)

Վայոց Ձորի մարզի Եղեգիս խոշորացված համայնքի Քարագլուխ բնակավայրում տեւական ժամանակ է՝ բրուցելոզ հիվանդություն է տարածված: Հիվանդությունը լուրջ հարված է հասցրել համայնքի անասնապահությանը: Խոշոր եւ մանր անասունների մի մասը հարկադիր սպանդի է ենթարկվել, մի մասն էլ՝ առաջիկայում կենթարկվի: Հիվանդության հայտնաբերման նպատակով անասուններից վերջին անգամ արյան նմուշառում է կատարվել մայիսի 22-ին: 

Խոշորացված Եղեգիս համայնքի ղեկավար Արթուր Ստեփանյանի խոսքով՝ բրուցելոզը սկսել է տարածվել գարնան սկզբից. «Մարզում անասուններից արյան նմուշառում էր արվել, 92 խոշոր եղջերավոր եւ 96 գլուխ մանր եղջերավոր հիվանդ անասուններ են հայտնաբերվել: Կոնկրետ մեր գյուղից 6 հատ խոշոր եղջերավոր էր եւ 10 հատ մանր: Հարկադիր մորթի ենք ենթարկել ու թաղել: Մարզպետարանի կողմից որպես փոխհատուցում ամեն մորթված մանր անասունի համար որպես աջակցություն 10 հազար դրամ է հատկացվել: Նախորդ փորձանմուշի ժամանակ էլ 84 գլուխ անասուն էր հայտնաբերվել ու սպանդի ենթարկվել: Դրան հատուցում չկա, ուղղակի աջակցություն էր: Խնդիրը լուրջ է, բոլորն են տեղյակ»,-ասաց Ստեփանյանն ու հավելեց, որ վարակը դեռեւս պահպանվում է:

Արթուր Ստեփանյան

«Ամենասկզբում դիմեցին մանր եղջերավոր անասունների վիժման ահազանգով, 3 ընտանիքի ապրանք կոտորվեց, դիմեցինք տեսչություն, խնդրեցի բոլոր մանր եղջերավոր անասուններից արյուն վերցնել, ու պարզվեց, որ 84 վարակված կենդանի կար, հաջորդ անալիզի ժամանակ էլ 10 հատ մանր հայտնաբերվեց, աստիճանաբար մաքրում ենք»:

Արթուր Ստեփանյանը վստահեցնում է՝ խնդրին տեղյակ են բոլորը, պարզապես, ինչպես ինքն է ասում՝ դրա դեմ պայքարի ձեւ չկա. «Պարբերաբար արյան նմուշառումներ են անում, որ շուտ հայտնաբերենք ու կանխենք տարածումը: Մեր գյուղից էս պահի դրությամբ 134 գլուխ խոտանել ենք, բայց դեռ էլի ունենք, որ պետք է սպանդի ենթարկենք: Ախտահանիչ նյութեր ենք տվել, որ մաքրեն անասնագոմերը»:

Քարագլուխ բնակավայրի բնակիչ Արտյոմ Մելքոնյանը դեռ նախորդ տարի վարկ է վերցրել, անասուններ գնել, փորձել շատացնել, այսօր, սակայն, վախեցած է՝ իր անասունները եւս հարկադիր մորթի կենթարկվեն, մինչդեռ իր ուսերին կմնա բանկից վերցրած վարկն ու ապրելու հնարավորության բացակայությունը. «3 մլն դրմ վարկ վերցրեցի, հորթեր գնեցի, էս պահին դաշտում են, արյան նմուշառում են արել, վարակված լինելու դեպքում ես չգիտեմ՝ ինչ եմ անելու: Խնդրում եմ կառավարությանն ու Նիկոլ Փաշինյանին, թող հարցը իր ուշադրության տակ պահի, տեղական մասշտաբով խնդիրը չի լուծվում, մեղք են էս մարդիկ, չի բացառվում, որ ես էլ եմ բրուցելոզով վարակված, մենակ նմուշառում են անում, բայց վարակը չի վերանում գյուղից, մենակ գյուղապետն ա խառը, խնդրում ենք, որ ուրիշ մասնագետներ բերեն, բայց սայլը տեղից չի շարժվում, մի կամ երկու անգամ ստուգելը դա դեռ հարցի լուծում չի»,-ասաց նա:

Քարագլուխ համայնքի բնակիչ Զարզանդ Զուրաբյանի ոչ միայն անասուններն են վարակվել են, ինքը եւս վարակվել է բրուցելոզ հիվանդությամբ. «2 ամիս առաջ ոտքերի թուլություն զգացի, տաքություն տվեց, դող ունեցա, դիմեցի բժշկի, անալիզ արին ու բրուցելոզ բացահայտեցին, 8 հատ այծ ունեի, ստուգեցին ու պահանջեցին մորթել-թաղել: Գոմս էսօր դափ-դատարկ է: Մտածում եմ, որ կինս էլ է վարակված, վախենում ենք տանել ստուգման, էլ փող չունենք, ահագին ծախս է պահանջում դրա բուժումը: 100 հազարից ավել ծախս եմ արել, բայց դեռ չգիտեմ՝ լրիվ առողջ եմ, թե՝ չէ…»,-պատմեց բնակիչն ու դժգոհեց ուշադրության բացակայությունից. «Մեկը չկա՝ լրջից կանգնի ու ուշադրություն դարձնի, էսօր արյունը վերցնում են, մի ամիս հետո պատասխանը բերում, բայց էդ մի ամսում մի հիվանդ անասունը կարա սաղ անասուններին վարակի, սա պետք ա շտապ անել, լավ կազմակերպել, ոչ թե մատերի արանքով նայել ու մեզ էսպես փաստի առաջ կանգնացնել»:

Տպել
1188 դիտում

Հայաստանը հավատում է իր ապագային. երկիրը գրավիչ է դառնում շվեյցարացի զբոսաշրջիկների համար

Հայաստանն ու Բրիտանիան քննարկում են համատեղ կրթական ֆորումի կազմակերպման հարցը

Կառավարության նպատակն է պետական գնումների համակարգը դարձնել ճկուն. վարչապետ

Ֆելիքս Ցոլակյանն այցելել է Սևանա լճի լողափեր

Մի քիչ սպասեք՝ կիմանաք. դատավոր Դավիթ Գրիգորյանը՝ Քոչարյանի քրգործի ու իր աշխատասենյակի խուզարկության կապի մասին

Առաջիկա 5 օրը հրդեհների վտանգը բարձր է լինելու. ԱԻՆ-ը զգուշացնում է

«ՄՈՒԼՏԻ ԳՐՈՒՊ ԿՈՆՑԵՌՆ»-ի պաշտոնատար անձիք տուգանվել են. Տեսչական մարմինը խախտումներ է հայտնաբերել Աբովյան քաղաքում

Կայացվեցին ռազմավարական նշանակության որոշումներ. Փաշինյանը՝ պետական գնումների մասին (տեսանյութ)

ԱՄՆ-ի Կապիտոլիումի գմբեթի ներքո հնչել է հայ եկեղեցական աղոթքը

Տառապում եմ. վրացի լրագրող Գաբունիան դարձել է Մարիա Զախարովայի արցունքների պատճառը

Խուզարկություն դատավոր Դավիթ Գրիգորյանի աշխատասենյակում. ՀՔԾ-ն հաստատում է

Կորել են Մուսայելյան գյուղի նախրապանի կինն ու խորթ աղջիկը

Գեթ 1 անգամ, 1 ծառ անօրինական հատելը պետք է բացառվի. Իջեւանի անտառտնտեսության տնօրեն

Իրանի հետ պատերազմն «աղետ» կդառնա. Պենտագոնի ղեկավարի թեկնածու

Վաշինգտոնում տեղի է ունեցել Առաջնորդների ֆորումը. մասնակցել է Արարատ Միրզոյանի գլխավորած պատվիրակությունը

Ես Գավրիլովը չեմ. ռուսները ցույց են անում Թբիլիսիում (լուսանկարներ)

Արսեն Օհանյանը ներկայացրել է, թե ինչ է արել Սոցիալական ապահովության ծառայության պետի տեղակալի պաշտոնում

Էլեկտրաէներգիայի վթարը ռեժիմի կառավարման ընթացքում էր եղել, որեւէ արտաքին ազդեցություն չի եղել. Բադալյան

Շուրջ 320 անվանում 3.000 տուփ. բացահայտվել է մեծ քանակությամբ դեղորայքի ապօրինի ներմուծման և իրացման դեպք. ԱԱԾ

Մտածում էի, որ հանրային հեռարձակողի նախագահը վերջապես ընտրյալ է․ Տիգրան Պասկևիչյանի բաց նամակը