Վայոց Ձորի մարզի Վարդահովիտ բնակավայրում անբարեկարգ ճանապարհը լուրջ խնդիր է (լուսանկարներ)

Վայոց Ձորի մարզի Եղեգիս խոշորացված համայնքի Վարդահովիտ բնակավայրում 275 մարդ է հաշվառված, մինչդեռ գյուղում մշտական բնակվում են ձմռանը 150, ամռանը՝ մի փոքր ավել: Գյուղն առհասարակ համարվում է ամառանոցային, սակայն այստեղ ամռանը բնակիչները գալիս են ոչ թե հանգստանալու, այլ գյուղատնտեսությամբ զբաղվելու, ձմռան պաշարն ամբարելու:

Բնակավայրը խոշորացվել է 2017թ-ին: Վարչական ղեկավարն ասում է՝ խոշորացումը թե՛ դրական, թե՛ բացասական հետեւանքներ բերեց գյուղին. «Չգիտեմ՝ ինչ ասեմ, ոնց ասեմ… բյուջեն ճիշտ է՝ տնտեսվեց, բայց մենք մեր գյուղով մեր բյուջեով կարողանում էինք ինչ-որ բաներ անել կոնկրետ, հունի մեջ էինք ընկնում, կարող էինք ավելի շատ աշխատանքներ անել, քան էսօրվա դրությամբ, բայց դե խոշորացված համայնքի ղեկավարն էլ ուշադրություն դարձնում է, հնարավորություն տալիս է, չի դիտարկում որպես փոքր բնակավայր: Մինչ խոշորացումը մենք մեր ավագանիով մեր խնդիրները ավելի լավ էինք պատկերացնում ու բյուջեի գումարը օգտագործում էինք միայն բնակավայրի խնդիրների լուծման վրա»,-ասաց նա:

Հիմնական զբաղվածությունը Վարդահովիտ համայնքում անասնապահությունն է: Գյուղը բարձր լեռնային է, հողագործությունն ու այգեգործությունը եկամտաբեր չէ: Համայնքը գազաֆիկացված չէ, որպես վառելիք օգտագործվում է հիմնականում աթարն ու փայտը: Անբարեկարգ ճանապարհները եւս լուրջ խնդիր են բնակչության համար. «6.5 կմ երկարությամբ ճանապարհի ամբարեկարգ վիճակն է առաջնահերթ մեր խնդիրը: Պետական մակարդակով պետք է լուծվի, քննարկումներ ենք արել, ասել են՝ 1,2 մլն դոլար է պահանջվում ասֆալտապատման համար»:

Դպրոցում 10 աշակերտ է սովորում, մանկապարտեզ չի եղել ու չկա: Կառավարության ուշադրությունից վարչական ղեկավարը չի դժգոհում: Ներկայումս խմելու ջրի ջրագիծն է նորոգվում: Որպես ասվածի ապացույց մատնանշում է ձմռանը չփակված ճանապարհները, որ միշտ մաքրվել են ու բնակիչները չեն մնացել ճանապարհին:

3 տարի առաջ որոշվել էր Վարդահովիտում ոսկու հանք շահագործել, լսումներ ու ուսումնասիրություններ են արվել. «3 տարով էր թույլտվությունը տրվել, հիմա նորից ուզում են լսումներ անել, առաջին լսումը եղել է, ու ժողովուրդը դեմ է արտահայտվել, չեն ուզում շահագործել, մտավախություններ ունեն բնակիչները, դրա համար էլ դեմ են արտահայտվել»,-ասաց վարչական ղեկավարը:

Հոդվածը պատրաստվել է «Հանուն հավասար իրավունքների» ՀԿ-ի կողմից կազմակերպված «Լրագրողական ցանց, միջհամայնքային մեդիատուր» ծրագրի շրջանակներում։

Տպել
6476 դիտում

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ