Անասնագոմում հիվանդ տղայի հետ ապրող ազատամարտիկի հոսանքն են հիմա էլ անջատել (լուսանկարներ)

Արցախյան շարժման մասնակից, տարբեր մեդալների ու շքանշանների արժանացած ազատամարտիկ Արսեն Աղաբեկյանն ապրում է Վայոց Ձորի մարզի Գլաձոր գյուղի անասնագոմերից մեկի մի սենյակում: ՀԺ-ի հետ զրույցում ազատամարտիկը պատմեց, որ տարիներ շարունակ ինքը պայքարել է ոչ միայն հաշմանդամության կարգ ստանալու, այլ նաեւ իր բնակարանի համար: Ինչպես ինքը նշեց՝ անասնագոմում ապրում է հաշմանդամություն ունեցող տղայի հետ. «Մարտական ուղիս սկսվել է 1992թ-ից, երբ Վազգեն Սարգսյանը հայտարարեց, որ ամեն գյուղից 10 հոգի եթե գա, կլինի իսկական մահապարտների գումարտակ, ես դեռ 18 տարեկան էի, դպրոցից դուրս եկա ու կամավոր գրվեցի Երասխավանի պատերազմի մասնակից: Ստեղծեցինք հատուկ գունդ, տանկիստ էի ես, հենց 1992թ-ին էլ վիրավորվեցի, կյանք ու արյուն տվեցի, բայց ցավն այն է, որ իմ սեփական գյուղում ապրելու տեղ չունեմ՝ օձերի ու կարիճների հետ եմ ապրում՝ գոմի մեջ: 3 օր է արդեն լույսն էլ են անջատել՝ 10 հազար դրամ պարտքի պատճառով, մեծ տղաս Եղնիկներում հիմա ծառայում է, հենց այն վայրում, որտեղ ես կռիվ եմ տվել պատերազմի ժամանակ, էս գոմի մեջ էպիլեպսիայով հիվանդ 19 տարեկան տղուս հետ եմ ապրում»:Արսեն Աղաբաբյանն ասում է, որ թեպետ պատերազմի ժամանակ բազմաթիվ վնասվածքներ է ստացել, որոնք հաստատող բոլոր փաստաթղթերը կան, սակայն մերժել են իրեն հաշմանդամության կարգ տրամադրել. «2010 թ-ին, երբ առողջականս վատթարացավ, ես դիմեցի հոսպիտալ, ասին՝ մերժված ես, դու հաշմանդամ չես ճանաչվի, ու սա մի դեղի պատճառով: ՊՆ-ի սոցվարչությունից էլ եկան, թղթերս նայեցին, մի դեղի պատճառով անգամ 3-րդ կարգ չտվեցին, հիմա էլ պահանջում են փոխել թղթերս, բայց իմ էպիկրիզը փոխման ենթակա չէ, հիմա նորից պետք է թղթերը զրոյից հավաքեմ, բայց դա ֆինանսի հետ ա կապված»,- ասաց նա՝ նշելով, որ ինչ վերաբերում է բնակարան չունենալուն, ինքը ապրել է հայրական տանը՝ եղբոր հետ, ամեն մեկն իր ընտանիքն է կազմել, ինքն էլ առանձնացել է:Ազատամարտիկն ասում է, որ իր խնդիրներից տեղյակ են բոլորը՝ գյուղապետից մինչեւ մարզպետ. «Ամեն անգամ խոստացնում էին, թե մի բան կանեն, բայց փաստն այն է, որ այսօր արդեն լույսս են անջատել...օր ա լինում, որ հիվանդ երեխուս համար դաժե չեմ կարում 200 դրամանոց հաց առնեմ»:

Ինչպես ինքն է նշում՝ պետության կողմից որեւէ աջակցություն չի ստանում, միայն ամեն տարի մայիսի 9-ին համայնքապետի կողմից է 30000 դրամ ստանում՝ իր նման մյուս ազատամարտիկների հետ միասին: Ժամանակին Վազ 21-07 մակնիշի ավտոմեքենա է ունեցել, որով առեւտուր է արել, սոցիալական վիճակը փոքրիշատե բարելավել, տղային բանակ ճանապարհելու եւ իր վիրահատությունը կազմակերպելու նպատակով վաճառել է մեքենան ու մնացել ձեռնունայն: Այսօր արդեն ապրում է համագյուղացիների օգնությամբ ու աջակցությամբ: Ասում է՝ գյուղատնտեսությամբ չի կարող զբաղվել՝ առողջական խնդիրները թույլ չեն տալիս:Արցախյան շարժման մասնակիցը հեռվից ցույց է տալիս անասնագոմը, որի մի անկյունում ապրում է ինքը: Անասնագոմի մուտքի չոր խոտն այրված է, ասում է՝ օձերին քշելու համար է այրել. «Անցած տարի վարչապետին նամակ գրեցի, մարզպետարանից եկան, նայեցին, նկարեցին, խոստացան, թե հարցերս կլուծեն ու գնացին: Գնում եմ մարզպետարան, ասում են՝ մարզպետը տեղում չի, չի ընդունում»:

Արդեն բնակարանում, որն իրականում անասնագոմի մի սենյակ է, պատին կախված է ազատամարտիկի հագուստը, վրան՝ 3 մեդալ: Սոցիալական խնդիրները մեղմելու, օրվա հացն ու հիվանդ երեխայի կարիքները հոգալու համար որոշել է վաճառքի հանել որպես հնություն բնակարանում մնացած ամենաարժեքավորը՝ գորգը՝ շուկայականից անհամեմատ էժան գնով:

Հոդվածը պատրաստվել է «Հանուն հավասար իրավունքների» ՀԿ-ի կողմից կազմակերպված «Լրագրողական ցանց, միջհամայնքային մեդիատուր» ծրագրի շրջանակներում։

Տպել
6733 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)