«Դիլիջան ՖԱ»-ի տերն ուզում է բյուջեն հասցնել 1 մլն դոլարի ու օգտագործել «Քրիստլ Փելըսի» իր կապերը

ՀՀ Առաջին խմբի առաջնության նոր մասնակցի անգլիացի սեփականատերը հայկական ֆուտբոլում հաստատվելու լուրջ նպատակներ ունի: 31-ամյա Ուիլ Թոմփսոնը Հայաստան է եկել անցած տարի որպես զբոսաշրջիկ, սիրահարվել է դիլիջանցի աղջկա, բացի այդ՝ հայկական ֆուտբոլում իր համար նոր հնարավորություններ է հայտաբերել ու որոշել է մնալ: ՀԺ-ի հետ զրույցում նա պատմեց «Դիլիջան» ակումբի մասին: Նշեց, որ սա իր համար ժամանակավոր զբաղմունք չէ:

«Երկարաժամկետ նախագիծ է: Ցանկանում ենք ֆուտբոլային ենթակառուցվածքներ հիմնել Դիլիջանում: Ցանկանում ենք, որ «Դիլիջանը» Տավուշի ֆուտբոլի տունը լինի, որ այն Հայաստանի ամենահայտնի թիմերից դառնա»,- ասաց նա:

Ակումբի ստեղծման աշխատանքները սկսվել են 2018-ի հուլիս-օգոստոս ամիսներին: Այն դեռ կայացման ճանապարհին է: Ունի պրոֆեսիոնալ թիմ, որում կան 23 ֆուտբոլիստներ՝ ինչպես տեղացի, այնպես էլ արտասահմանցի: Գլխավոր մարզչի անունը Գագիկ Գրիգորյան է: Ակումբն ունի նաեւ կանանց թիմ, որը մասնակցելու է կանանց Բ խմբի առաջնությանը: Սեփականատերն ընդգծում է, որ «Դիլիջանը» հայկական ֆուտբոլի պատմության առաջին ակումբն է, որը կանանց թիմի անդամների հետ պրոֆեսիոնալ պայմանագրեր են կնքելու (որոշ խաղացողներ պրոֆեսիոնալ պայմանագրեր կունենան):

Ակումբում կան նաեւ մանկապատանեկան 2 թիմեր՝ 60 խաղացողներով: Ադմինիստրատիվ անձնակազմն առայժմ փոքր է՝ 4-5 հոգի: Ապագայում պլանավորում են 60-70 աշխատատեղ բացել Դիլիջանում, ավելացնել մանկապատանեկան թիմերի քանակը: Աշխատանքների ընթացքում եղած խնդիրների մասին Թոմփսոնը չի խոսում: Դրանք անվանում է մարտահրավերներ:

«Բոլորը շատ ոգեւորված են նախագծով: Ոչ թե խնդիրը, այլ մարտահրավերը՝ հիմնական մարտահրավերը, ակումբը հիմնելու ճանապարհին եղել է բոլոր կողմերի միջեւ կապեր ստեղծելը»,- ասաց նա:

Այդ կողմերից են հովանավորները: Ակումբն արդեն համաձայնության է եկել «Վիվառոյի» ու BetConstruct-ի հետ. գլխավոր հովանավորներն են: «Դիլիջանն» ունի նաեւ այլ համաձայնություններ: Բացի այդ՝ շարունակում է բանակցություններ վարել: Առաջին մրցաշրջանում բյուջեն կազմելու է 150-200 հազար դոլար, սակայն հետագայում ավելանալու է:

«Երբ հասնենք Բարձրագույն խմբի առաջնություն, երեւի 1 մլն կամ ավելի դոլար կլինի: Մեր ընդլայնվելու հետ մեկտեղ բյուջեն նույնպես կմեծանա»,- ասաց նա:

Տնային հանդիպումների համար «Դիլիջանին» իր խաղադաշտն է տրամադրել Դիլիջանի միջազգային դպրոցը: Բացի այդ՝ Դիլիջանում պետք է վերանորոգվի տեղի մարզադաշտը, որն օգտագործելու մտքեր ակումբը նույնպես ունի: Սեփականատերը չի թաքցնում, որ օրերից մի օր սեփական մարզադաշտն ունենալու ցանկություն էլ կա: Նա նաեւ նոր ենթակառուցվածքներ է ուզում ստեղծել:

«Օրինակ, մարզվելու խաղադաշտ... մենք ցանակնում ենք մանկապատանեկան 8 թիմ ունենալ, մարզաբազա, կրթություն՝ ոչ միայն ֆիզիկական պատրաստվածություն, այլեւ գիտելիքներ տակտիկայի, առողջության վերաբերյալ եւ այլն: Ցանկանում ենք նաեւ նպաստել Հայաստանի ազգային հավաքականին»,- ասաց նա:

Ուիլ Թոմփսոնը կարծում է, որ ապագայում ակումբին կարող են օգնել Մեծ Բրիտանիաում ունեցած ֆուտբոլային իր կապերը: Մտերիմ հարաբերություններ ունի Անգլիայի Պրեմիեր լիգայում հանդես եկող «Քրիստլ Փելըսի» սեփականատերերից մեկի՝ Ստեֆան Բրոուեթի հետ: Դա կօգտագործի, երբ «Դիլիջանն» ավելի կայացած լինի:

««Քրիստլ Փելըսի» սեփականատերերից մեկն իմ լավագույն ընկերոջ հորեղբայրն է, ինձ ֆուտբոլային հանդիպումների էր տանում, երբ փոքր էի: Անպայման օգտագործելու ենք այդ կապերը, իհարկե, ոչ առաջին մրցաշրջանում: Դեռ ապացուցելու բան ունենք, բայց կարծում եմ՝ 1-2 տարի հետո կփորձենք կապ հաստատել «Քրիստլ Փելըսի» հետ եւ ինչ-որ համագործակցություն ունենալ»,- ասաց նա:

Թոմթսոնն ընդգծեց, որ Հայաստանում ապրելու ու աշխատելու հետ կապված դժգոհություններ չունի: Հայերը շատ հյուրընկալ են, հնարավորության սահմաններում բոլորն օգնում են, ինչի համար շատ շնորհակալ է: Ընդգծում է, որ ուտելիքն էլ հրաշալի է: Այստեղ դասավորելու է ոչ միայն գործնական, այլեւ անձնական կյանքը:

«Չենք ամուսնացել, բայց երեւի շուտով»,- ասաց նա՝ խոսելով դիլիջանցի սիրելիի մասին, որն աշխատում է Խաղաղության կորպուսում:

Ակումբի սեփականատերն ընդգծում է, որ թիմն արդեն երկրպագուներ ունի, որոնք սպասում են ելույթներին: Նշում է, որ նպատակն է առաջիկա 3-5 տարիների ընթացքում հայտնվել Եվրոպա լիգայի որակավորման փուլում: Հավելում է, որ ակումբում շատ ոգեւորված են առաջին մրցաշրջանից առաջ ու որ ամեն ինչ անելու են մյուս թիմերից տարբերվելու համար:

Տպել
4016 դիտում

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ

Մենք ասում ենք՝ թող թանկ լինի, բայց լինի բարձր մակարդակի եւ արդյունավետ․ Փաշինյան

Գտնվել է ռուսական արշավախումբը. փրկարարները վատառողջ քաղաքացուն տեղափոխում են Մարտունիի ԲԿ

Երբ իշխանական կերակրատաշտի մոտ էիք, ինչո՞ւ չէիք փակում սորոսական գրասենյակները, էդքան վատ բան էր փակեիք. Փաշինյան