Երևան
24 °C
Տպագրվել է «Հայկական Ժամանակ» օրաթերթի՝ 2006 թվականի հունիսի 22-ի համարում
Երեկ Ռոբերտ Քոչարյանը նախագահական նստավայրում ընդունել է փոքր եւ միջին բիզնեսը ներկայացնող մոտ երկու տասնյակ գործարարների հանրապետության տարբեր մարզերից: Ինչպես նկարագրված է այս հանդիպման մասին պատմող պաշտոնական հաղորդագրության մեջ, քննարկվել են մի քանի խնդիրներ, այդ թվում դրամի արժեւորումը եւ ստուգումների հաճախականությունը: Դրամի արժեւորման մասով Քոչարյանն ասել է, թե այդ խնդիրը «ամբողջ աշխարհի գործարար շրջանակներին է առնչվում», իսկ թե ինչ է ասել Քոչարյանը ստուգումների հաճախականության մասին, հաղորդագրությունից պարզ չի դառնում: Եւ ուրեմն ինչի՞ մասին են զրուցել նախագահականում գործարարներն ու Քոչարյանը, եւ ի՞նչ կարող է տալ այս հանդիպումը փոքր եւ միջին ձեռնարկատերերին:
Հանդիպման մասնակիցներից մեկի ասելով՝ դրամի արժեւորման հետեւանքով առաջացող խնդիրները բարձրացրել են Գյումրիի տեքստիլ ֆաբրիկայի ու հաստոցաշինական մի ընկերության ղեկավարները: Արտահանման վրա աշխատող ընկերությունների համար այս հարցը լրջագույնն է, որ կանգնած է իրենց առաջ: Անցած տարվանից ի վեր դրամը արժեւորվել է մոտ 30 տոկոսով: Սա նշանակում է, որ դրամով աշխատավարձ տվող, հարկեր վճարող, արտադրության համար անհրաժեշտ ծախսեր կատարող ձեռնարկության համար արտահանվող ապրանքի ինքնարժեքը դոլարով արտահայտված բարձրացել է գրեթե այնքանով, որքանով արժեւորվել է դրամը: Իսկ դա էլ իր հերթին նշանակում է, որ Հայաստանից արտահանվող ապրանքի մրցունակությունը միջազգային շուկաներում նվազել է ճիշտ այդքանով:
Իսկ դրա հետեւանքն այն է, որ անգամ մեր պաշտոնական վիճակագրությունը արձանագրում է արտահանման զգալի նվազում` առաջին անգամ վերջին տարիների ընթացքում: Իսկ ի՞նչ կարող է տալ այս հանդիպումը: Արդյոք արտահանման վրա աշխատող ընկերությունների խնդիրները կլուծվե՞ն, եթե դրանց մասին իրենք պատմեն Քոչարյանին: Իհարկե, ոչ: Դրամը չի արժեզրկվելու անկախ նրանից՝ այդ արժեւորումը բնակա՞ն է, թե՞ արհեստական: Չի արժեւորվելու, որովհետեւ այդպես որոշել է նույն Ռոբերտ Քոչարյանի կողմից 7 տարով իր պաշտոնին վերանշանակված ԿԲ նախագահ Տիգրան Սարգսյանը: Մյուս հարցը, որ առավել սրությամբ բարձրացրել են փոքր ու միջին ձեռնարկատերերը, ստուգումներն են: Մակարոնեղեն արտադրող ընկերություններից մեկի ղեկավարը Քոչարյանին պատմել է, որ ձեռնարկությունը մեկ տարվա ընթացքում ստուգել են մոտ 15 անգամ:
Յուրաքանչյուր ստուգումը, ըստ ՀՀ օրենսդրության, կարող է տեւել 15 օր: Հիմա բազմապատկելով ստուգումների քանակը ստուգման օրերով՝ կստանանք, որ այդ ձեռնարկությունը 365 օրվա ընթացքում ստուգվել է 225 օր: Իսկ դա նշանակում է, որ մակարոնեղեն արտադրելու փոխարեն այդ ընկերությունը հիմնականում զբաղված է եղել ստուգողների ուզած փաստաթղթերը դասավորելով, պահեստների ապրանքները հաշվառելով, հակահրդեհային ու սանիտարական հարցերը կարգավորելով: Ռոբերտ Քոչարյանին այդ մասին պատմելով՝ որքանո՞վ կփոխվի իրավիճակը: Գուցե կոնկրետ այդ ձեռնարկությունը ազատվի նման պարբերական ստուգումներից: Բայց ընդհանուր Հայաստանում սրանից ոչինչ չի փոխվելու: Եւ ահա թե ինչու: Այդ ձեռնարկությունները դժգոհում են հիմնականում հարկային մարմինների, հրշեջների եւ սանեպիդի ստուգումներից:
Հարկային մարմինները չեն կարող չստուգել, որովհետեւ նրանք պետք է հարկահավաքման պլան կատարեն: «Հարկային վարչարարության բարելավում» տերմինը, որով հպարտանում է մեր կառավարությունը, ոչ այլ ինչ է, եթե ոչ հարկային ստուգումների հաճախականության բարձրացում: Այլ կերպ ասած, հարկայինի մասով ստուգումների հաճախականության նվազեցման հույսեր փայփայելը միամտություն է: Իսկ «պաժառնիկն» ու սանեպի՞դը: Հայաստանում չափազանց դժվար է գտնել որեւէ ձեռնարկություն, որտեղ հակահրդեհային իրավիճակը իդեալականորեն համապատասխանի գործող նորմերին: Իսկ սա հրշեջների «կողմնակի եկամուտն է», որը իրենք կիսվում են շատ ու շատ օղակների հետ: Այդ ինչպե՞ս եք համոզելու, որ հրշեջները գան որեւէ ընկերություն, տեսնեն, որ իրավիճակը չի համապատասխանում նորմերին, աչքերը փակեն ու գնան:
Հնարավո՞ր է դա: Պատասխանը, թերեւս, ունեն բոլորը: Իհարկե՝ ոչ, հնարավոր չէ: Նույնն էլ սանեպիդի դեպքում: Այս պարզ իրականությանը չափազանց լավ ծանոթ է հենց Քոչարյանն անձամբ: Եւ ուրեմն, ի՞նչ տվեց այս հանդիպումը ընդհանուր առմամբ: Գրեթե ոչինչ: Բայց մի արդյունք ենթադրվում է, որ կտա: Քոչարյանը կերեւա հեռուստաէկրաններին, խիստ տոնով կխոսի «անհարկի» եւ «հաճախակի» ստուգումների անթույլատրելիության մասին, եւս մի քանի ականջ շոյող հայտարարություններ կանի: Իշխանությանը սպասարկող եւ նրանից սնվող ԶԼՄ-ներն էլ պարբերաբար մեջբերումներ կանեն ՀՀ նախագահի ասածներից, ու միամիտներին կթվա, թե իրենց մոտ պարբերաբար ստուգումների եկողները ինքնագլուխ բաներ են անում, եւ երկրի բարձրագույն իշխանությունը դրանից տեղյակ չէ:
Չնայած միամիտների թիվը Հայաստանում գրեթե զրոյի է հավասարվել, եւ բոլորն էլ գիտեն` ռեկետը Հայաստանում բարձրացված է պետական մակարդակի, ռեկետն ունի իր «բյուջեն»` թե՛ եկամտային եւ թե՛ ծախսային մասերով: Այդ բյուջեն ենթակա է լրիվ կատարման, հակառակ դեպքում մեր պետական պաշտոնյաները չեն ունենա այն շքեղ դղյակներն ու մեքենաները, չեն կարողանա իրենց հանգիստն անցկացնել աշխարհի ամենաթանկ հանգստավայրերում: Բա որտեղի՞ց նրանց այդքան փող: Դա հենց այդ ռեկետից գոյացող «բյուջեի» ծախսային մասն է: Իսկ եկամտային մասը ապահովում են հենց ձեռնարկատերերը, որոնք ամեն ստուգողի գրպանը մի որոշակի գումար են դնում:
Հայկ Գեւորգյան
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
Ուժերը մեզ վրա է պատո՞ւմ, թե չեն ընկալում ՀՀ-ն որպես անկախ պետություն. Սիմոնյան
Բերման է ենթարկվել բողոքի ակցիաների 29 մասնակից
Գառնիկ Դանիելյանին տեղափոխել են հիվանդանոց
Ռուսաստանում մեկնաբանել են Հայաստանի և Ադրբեջանի միջև առաջին սահմանային սյան տեղադրումը
Բերման են ենթարկվել Էդգար Ղազարյանը, Նաիրա Զոհրաբյանն ու Երևանում կազմակերպված ակցիայի այլ անդամներ
Տավուշում ԵԿՄ մեքենան վնասելու, խուլիգանության գործով ձերբակալված «Մարտական եղբայրության» հիմնադիրը կալանավորվել է
Ապրիլի 17-22-ին գրանցված առավելագույն ջերմաստիճանները գերազանցել են բոլոր պատմական արժեքները. անոմալ տաքը կպահպանվի
Քանի դեռ ժողովրդին ոչ մի բան չունեն առաջարկելու, 20, 30, 40 հոգով հավաքվելու են գոռգռան և գնան տներով. Սիմոնյան
Վազգենը որ գար, կասեր՝ «արա, ամբողջ կյանքում «наша раша»-ի տակ տնքալով պարողը իրավունք չունի սահմանից խոսել. Խաչատրյան
ԱԺ Հայաստան-Ֆրանսիա բարեկամական խումբը ֆրանսիացի գործընկերների հետ քննարկել է երկուստեք հետաքրքրության հարցեր
Դրսից թելադրված բան է․ Սիմոնյանը մանրամասնեց, թե ովքեր են ՀՀ-ում ընդդիմախոսները
Հայաստանը դիմացել է, նա գրում է իր և իր ժողովրդի ապագան. Ֆրանսիայի վարչապետ
12 կմ արդեն սահմանազատված է, թե Ալիևը ՌԴ-ի ու Թուրքիայի հետ սակարկելու համար ինչ կասի, չի հետաքրքրում․ Սիմոնյան
Ադրբեջանցին զարթնելու է, տենա՝ եռագույնը ծածանվում է Կզըլ Հաջիլիի բարձունքի վրա, դրա մասին ինչո՞ւ չեք խոսում. Սիմոնյան
Տեղեկատվական հոսքերով փորձ է արվում հրամցնել, թե բազմաթիվ, այդ թվում՝ միջպետական ճանապարհներ են փակ. Չախոյան
ՌԴ ԱԳՆ-ն ափսոսանք է հայտնել, որ Հայաստանում շարունակում են «ՀԱՊԿ-ի հասցեին հրապարակային քննադատություն թույլ տալ»
Ով ինտերնետ մուտք ունի, ասում է՝ հանձնում են, գնաս վզից բռնես, սկսում է հեքիաթներ պատմել․ Սիմոնյան
Մենք միշտ Հայոց ցեղասպանությունն ընկալել ենք որպես մեր սեփական ցավ ու դժբախտություն. Զախարովա
Պատրաստ եմ վարչապետի հետ կիսել պատասխանատվությունը․ Անահիտ Ավանեսյան
© 2024 Հայկական ժամանակ