Ամեն ինչ շատ լա՞վ է լինելու. Ստամբուլը դուրս եկավ Էրդողանի վերահսկողության տակից

Թուրքիայի տնտեսական մայրաքաղաքի՝ Ստամբուլի քաղաքապետի ընտրություններում կրկին հաղթանակ է տանում ընդդիմադիր Ժողովրդա-հանրապետական կուսակցության թեկնածու Էքրեմ Մամօղլուն:

Ձայների 98 տոկոսի հաշվարկի արդյունքում, նա հաղթում է գրեթե 10 տոկոս առավելությամբ։ Նախնական արդյունքների համաձայն՝ Իմամօղլուի օգտին քվեարկել է ընտրողների 54.03 տոկոսը, իսկ նրա հիմնական մրցակցի՝ իշխանության թեկնածու Բինալի Յըլդըրըմի օգտին՝ 45.09 տոկոսը:

Կենտրոնական ընտրական հանձնաժողովի տվյալների համաձայն, քաղաքացիների ակտիվությունը շատ բարձր է եղել, 10 մլն 570 հազար 222 ընտրողների 84.42 տոկոսը մասնակցել է քվեարկությանը:

Արդյունքների հրապարակումից հետո կայացած ասուլիսի ժամանակ Իմամօղլուն հայտարարել է, որ այս ընտրությունները մեծապես կնպաստեն Թուրքիայի ժողովրդավարացման գործընթացին:

«Սա հաղթանակ չէ, սա նոր սկիզբ է: Ուզում եմ այստեղ հայտարարել, որ վաղվանից սկսած, որպես քաղաքապետ հավասարապես եմ վերաբերվելու 16 մլն քաղաքացիներին», - նշել է Իմամօղլուն, գրում է Ազատությունը: Նա հայտարարել է, որ տրամադրված է աշխատել կենտրոնական իշխանությունների հետ, քանի որ քաղաքի ու քաղաքացիների խնդիրները վեր են ամեն տեսակի քաղաքական մոտեցումներից:

Նորընտիր քաղաքապետին շնորհավորել են Բինալի Յըլդըրըմը և Թուրքիայի նախագահ Ռեջեփ Թայիփ Էրդողանը: Վերջինը իր թվիթերյան էջում գրել է, թե այսուհետ էլ շարունակելու են աշխատել մինչև 2023 թվականը նախանշված նպատակների իրականացման համար:

Մարտի 31-ին տեղի ունեցած ՏԻՄ ընտրությունների արդյունքում 13 հազար ձայների տարբերությամբ Ստամբուլում հաղթել էր ընդդիմության թեկնածու Էքրեմ Իմամօղլուն: Իշխող կուսակցության բողոքարկումից հետո, սակայն, Կենտրոնական ընտրական հանձնաժողովը, մայիսի 6-ի որոշմամբ, չեղյալ էր համարել քվեարկության արդյունքները՝ հայտարարելով, որ ընտրությունը պետք է կրկնել:

Այս անգամ Իմամօղլուի հաղթանակը կասկած չի հարուցում: Ուշագրավ է, որ ընդդիմադիր գործիչը վերջին 35 տարվա ընթացքում Ստամբուլի ՏԻՄ ընտրություններում ամենից շատ ձայներ հավաքած թեկնածուն է, իսկ 1984 թվականից ի վեր միայն Իմամօղլուին է հաջողվել 50 տոկոսից ավել քվե ստանալ:

Շուրջ 17 մլն բնակչությամբ ու 8,8 մլրդ բյուջեով Ստամբուլի կառավարումը ստանձնելը շատ կարեւոր է յուրաքանչյուր քաղաքական ուժի ու գործիչի համար: Աշխարհագրորեն այն քաղաք է, սակայն ֆինանսական առումով գործում է որպես պետություն՝ պետության մեջ: Ստամբուլ է հոսում միջազգային ներդրումների մեծ մասը, այստեղ են գալիս խոշոր գործարարները, որոնք կարող են մեծ աջակցություն ցույց տալ՝ դառնալով այս կամ այն քաղաքական ուժի հենարանը:

«Բի-բի-սի»-ն գրում է, որ քաղաքական իմաստով՝ Ստամբուլի քաղաքապետի պաշտոնը լավ սկիզբ է հետագա կարիերային աճի համար: Բավական է հիշել հենց նույն Էրդողանին, որը 1994-1998 թթ. զբաղեցրել է այդ պաշտոնը եւ մի քանի անգամ հայտարարել. «Եթե դու հաղթել ես Ստամբուլում, ուրեմն հաղթել ես Թուրքիայում»:

Ստամբուլում ապրում են Թուրքիայի բնակչության ամենատարբեր շերտերի ներկայացուցիչները: Այստեղ են հարուստներն ու աղքատները, միջին խավը եւ միգրանտները: Սա, ըստ էության, Թուրքիայի դեմոգրաֆիական ընտրանքն է:

Երեկ երեկոյան նախնական արդյունքների հրապարակումից հետո ընդդիմության համակիրները սկսեցին տոնել իրենց թեկնածուի հաղթանակը: Ստամբուլի մի շարք վարչական շրջաններում փողոց դուրս եկած մարդիկ իրար շնորհավորում էին, երգում, պարում, ուրախանում՝ հավատալով Իմամօղլուի նախընտրական կարգախոսին, որ ամեն ինչ շատ լավ է լինելու:

Միեւնույն ժամանակ Թուքիայում շատերը, հաշվի առնելով Ստամբուլի կարեւորությոնը, որն այժմ անցնում է ընդդիմության վերահսկողության տակ, նշում են երկրում արտահերթ նախագահական ընտրությունների անցկացման կարեւորության մասին: Փորձագետները, սակայն, կասկածում են:

Ընդդիմադիր Ժողովրդա-հանրապետական կուսակցության թեկնածու Էքրեմ Իմամօղլուի հաղթանակը Ստամբուլի քաղաքապետի ընտրություններում չի թուլացնի նախագահ Էրդողանի դիրքերը: Այդ մասին հայտարարել է թուրք քաղաքագետ Թողրուլ Իսմայիլը: Նա նշել է, որ ընդդիմությունը կարող է պահանջել արտահերթ նախագահական ընտրություններ, սակայն Էրդողանի փորձը թույլ կտա նրան մնալ իշխանության և շարունակել իր ուղենիշը:

Ըստ նրա, ՏԻՄ ընտրությունները պետք է մոտիվացնեն Էրդողանին՝ բարեփոխել Արդարություն և զարգացում կուսակցությունը:

ԳԱԱ Արևելագիտության ինստիտուտի տնօրեն Ռուբեն Սաֆրաստյանը կարծում է, որ Ստամբուլի քաղաքապետի ընտրություններում պարտությունը ծանր հարված է Էրդողանի համար:

«Իսկապես սա կարևոր էր, չմոռանանք, որ Ստամբուլում արտադրվում է Թուրքիայի ՀՆԱ-ի 30 տոկոսից ավելին, և ինչպես որ Էրդողանն էր ասում՝ ով պարտվի Ստամբուլի ընտրություններում, կպարտվի նաև համաթուրքական ընտրություններում։ Սա ծանր հարված էր թե՛ կուսակցությանը, թե՛ Էրդողանին, քանի որ ինքն այստեղ էր սկսել իր քաղաքական կարիերան 1994 թվականից և առաջին անգամ կորցրեցին Ստամբուլում իրենց հսկողությունը», - նշում է նա։

Տպել
4072 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին