Կարծում եմ, որ կոնֆլիկտը չի էսկալացվի այնպես, որ հարցը հասնի նաեւ ցամաքային ճանապարհ փակելուն. Փամբուխչյան

Վրաստանի մայրաքաղաք Թբիլիսիում արդեն մի քանի օր է՝ բողոքի ակցիաներ են տեղի ունենում: Ցուցարարները պահանջում են բարձրաստիճան պաշտոնյաների հրաժարականները: Հանրային դժգոհության առիթը հունիսի 20-ին Թբիլիսիում կազմակերպված Ուղղափառության միջխորհրդարանական վեհաժողովի նիստն էր, որը վարում էր ռուսաստանցի պատգամավոր Սերգեյ Գավրիլովը: Գավրիլովը նստել էր Վրաստանի խորհրդարանի նախագահի համար նախատեսված տեղում, ինչը Թբիլիսիում ընկալել էին որպես վրացական պետականության նվաստացում: Վրացի ընդդիմադիր պատգամավորները տապալել էին նիստը, ինչից հետո Վրաստանի մայրաքաղաքում բախումներ էին տեղի ունեցել ոստիկանության ու ցուցարարների միջեւ: ՌԴ նախագահ Վլադիմիր Պուտինն էլ հրամանագիր է ստորագրել, որով ավիաընկերություններին հուլիսի 8-ից արգելվում է Ռուսաստանի Դաշնությունից Վրաստան ավիափոխադրումներ իրականացնել: Այս զարգացումներից հետո մտահոգություններ հնչեցին Լարսի ճանապարհի փակման մասին, ինչը արդեն էականորեն կսկսի բացասական ազդել Հայաստանի վրա, քանի որ հիմա գյուղատնտեսական շրջան է եւ գյուղմթերքը հենց այդ ճանապարհով է արտահանվում:

ՀՀ ԱԺ Տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ Արմեն Փամբուխչյանը «Հայկական ժամանակ»-ի հետ զրույցում ասաց, որ ներկա պահին Լարսի ճանապարհի հետ կապված խնդիրներ չկան. «Ես ռուս-վրացական կոնֆլիկտին ցավով եմ հետեւում, քանի որ մեր 2 բարեկամ երկրներն են եւ իրենց հարաբերություններին թե՛ էմոցիոնալ առումով, թե՛ քաղաքական առումով լավ չեմ վերաբերվում: Ես հույս ունեմ, որ իրենք կգտնեն կոմպրոմիս ու կքննարկեն իրենց հարցերը եւ խնդիրը կկարգավորեն»:

Դիտարկմանը՝ կոնկրետ այս պահին պրոցեսները դեռեւս չեն կարգավորվում եւ եթե բանը հասնի Լարսի ճանապարհը փակելուն՝ Հայաստանը տնտեսապես կարող է տուժել, Փամբուխչյանն արձագանքեց. «Իհարկե կտուժի, քանի որ մեր միակ ճանապարհն է: Ես կարծում եմ, որ կոնֆլիկտը չի էսկալացվի այնպես, որ նաեւ ցամաքային ճանապարհ փակելու հարց դրվի»:

Հարցին՝ եթե հանկարծ այդ խնդիրն առաջանա՝ Հայաստանը ռուսական կողմին կդիմի՞ այդ խնդրով, Փամբուխչյանը պատասխանեց. «Բնականաբար երկու կողմին էլ մենք պետք է դիմենք եւ ասենք, որ այդ ճանապարհը մեր միակ ճանապարհն է, օրհասական ճանապարհ է: Բայց քանի դրան չի հասել եւ մեծ հույս ունենք, որ չի հասնի, դրա համար կարելի է ենթադրություններ չանել: Բայց, եթե հարցը հասնի դրան, մեր կառավարությունը պետք է գործողություններ ձեռնարկի»:

Փամբուխչյանը հանդիսանում է նաեւ ԱԺ հայ-վրացական բարեկամական խմբի անդամ: ՀԺ-ի հարցին, թե հայկական կողմը երկու երկրների հետ ունենալով լավ հարաբերություններ՝ փորձո՞ւմ է ինչ-որ կերպ աջակցել, որպեսզի խնդիրը կարգավորվի, պատգամավորը պատասխանեց. «Այո, մենք ինչ-որ տեղ նաեւ մեր բարեկամների հետ իրենց կոնֆլիկտների ժամանակ պետք է ակտիվություն ցուցաբերենք: Այստեղ նաեւ մեկ այլ հարց կա. ներկա փուլում պետք է փորձենք չխանգարել, որովհետեւ այնտեղ քաղաքացիական ակցիաներ են գնում: Ես կարծում եմ, որ մեր բարեկամներին հաշտեցնելու հարցում պետք է ակտիվ լինենք մեր շփումներում»:

Դիտարկմանը, թե այս դեպքում, երբ խոսում ենք Լարսի խնդրից, առաջ է քաշվում իր ամիսներ առաջ ներկայացրած Լարսին այլընտրանքը, Փամբուխչյանն արձագանքեց. «Այո, ծովային ճանապարհը: Օրենսդրությունը գրվել է, պատրաստ է որպես փաստաթուղթ, բայց դեռ այն իրավական փորձաքննության փուլում է գտնվում: Իրավական ընթացակարգերն անցնելուց հետո ամեն ինչ կընկնի իր տեղը»:

Հարցին՝ դրանից հետո արդեն Հայաստանը որպես այլընտրանք կունենա ծովային ճանապա՞րհ, Փամբուխչյանը պատասխանեց. «Այո, կառավարությունը նաեւ որոշ գործողություններ ունի անելու, որից հետո ամբողջությամբ կկարողանանք օգտվել նաեւ այդ հնարավորությունից»:

Տպել
944 դիտում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին

«Ռեալ»-ն ու «Բարսա»-ն ուզում են խաղալ դեկտեմբերի 18-ին, առաջնության ղեկավարները համաձայն չեն

ՍԴ-ն մերժել է Ռոբերտ Քոչարյանի դիմումի հիման վրա գործի քննությունը

Եթե փոփոխություններն ուշացրել ենք, չի նշանակում՝ պետք է հաշված շաբաթների ընթացքում հապճեպ լուծել հարցը․ Սուրեն Սահակյան

Սուրեն Պապիկյանը Լիտվայի նորանշանակ դեսպանին ներկայացրել է ենթակառուցվածքների ոլորտի զարգացման առաջնահերթությունները

ՀՀ հավաքականից Եվրո 2020-ի եզրափակիչ փուլի ուղեգի՞ր էինք սպասում. օբյեկտիվորեն դա հնարավո՞ր էր

Բերդ համայնքում այրվել են մոտ 4 հա անտառամիջյան տերևներ և 20 ծառ

Երեւանում վթարի է ենթարկվել 67 համարի ավտոբուսը. տուժածներ չկան, վնասը նյութական է

Երևանում կանցկացվի Հնդկաստան-Հայաստան դեղագործական գործարար համաժողով- ցուցահանդեսը

Նկարչուհին ուզում է մանկատան երեխաներին արվեստի տարբեր ճյուղեր սովորեցնել, միայն թե պետությունն օգնի նյութերը ձեռք բերել

ԱՀ նախագահը մասնակցել է Դիլիջանի միջազգային դպրոցի հիմնադրման 5-ամյակին նվիրված տոնակատարությանը

Հարկեր հավաքելն այլեւս չի իրականացվում բիզնեսի «կաշին քերթելու» միջոցով. Արտակ Մանուկյան

Ոստիկանի սպանության գործով անչափահաս եղբորը մեղադրանք առաջադրվեց 4 հոդվածներով, մյուսին՝ 2. ՔԿ

Քաղաքապետարանը պարզաբանել է, թե ինչու են մանկապարտեզում երեխաներին կապել աթոռներից

Արմեն Սարգսյանին հավատարմագրերն է հանձնել Հայաստանում Զամբիայի նորանշանակ դեսպանը

Հաստատված 19 դրվագ խարդախության դեպքով մեղադրանք է առաջադրվել 23-ամյա կնոջ

Սարհատ Պետրոսյանը դիմել է վարչապետին՝ Կադաստրի կոմիտեի ղեկավարի պաշտոնից ազատվելու խնդրանքով

Մենք ընտրություն պիտի կատարենք՝ ժողովրդավարական տեխնոլոգիաներ ներկրող, թե՞ արտահանող հանրություն պիտի լինենք․ Նահապետյան