Հարյուր տարեկան պապիկ էլ լինեմ, ձեռնափայտով պիտի գամ ձեր հարսանիքներին երգելու. Ձախ Հարութ

Հունիսի 25-ին երգիչ Հարութ Փամբուկչյանը այցելեց պրոֆեսոր Ռ. Հ. Յոլյանի անվան արյունաբանական կենտրոն։ Երգչի այցի նպատակն էր՝ հանդիպել քաղցկեղով հիվանդ երեխաներին, երգել նրանց համար եւ մի փոքր ուրախացնել:

Լրագրողների հետ զրույցում Փամբուկչյանն իր այցը կարեւորեց հատկապես նրանով, որ այն նախատեսված էր օնկոլոգիայով հիվանդ երեխաների համար. «Երեխաներն իմ թույլ կողմն են, միշտ պատրաստ եմ ուժերիս ներածին չափով օգտակար լինել նրանց: Երբ «City of smile ժպիտների քաղաք» հիմնադրամը Լոս Անջելոսում դրամահավաք կազմակերպեց, որտեղ գտնվում էր նաեւ տիկին Աննան, ինձ առիթ ընձեռվեց այնտեղ ելույթ ունենալ: Երեկոն շատ արդյունավետ անցավ: Կարողացանք բավականաչափ գումար հավաքել այդ երեկո եւ հենց այդտեղից ծագեց իմ այսօր այստեղ ներկա գտնվելու միտքը: Հոգեւոր բավականությունը մեծ նշանակություն ունի մեր երեխաների համար, ինչքանով կարողանամ՝ օգտակար կլինեմ»,-ասաց Հարութ Փամբուկչյանը:

Երգիչը նկատեց, որ նման հիվանդություն ունեցող երեխաների հետ երբեւէ առիթ չի ունեցել շփվելու: Այցի ընթացքում նա մի քանի երգեր կատարեց, նվագեց կիթառի վրա, լուսանկարվեց եւ ջերմորեն շփվեց սրահի բոլոր փոքրիկների հետ՝ ասելով. «Եթե հարյուր տարեկան պապիկ էլ լինեմ, ձեռնափայտով պիտի գամ ձեր հարսանիքներին երգելու»:

«Երբ ես սկսել եմ երգել, այս փոքրիկները դեռ ծնված չեն եղել եւ հիմա ես պետք է փորձեմ շփվել, նայել իրենց աչքերի մեջ, եթե իմ ներկայությամբ կարողանամ ապրելու հույսը փոխանցել իրենց, ուրեմն ես իմ գործն արած կլինեմ»,-ասաց Հարութ Փամբուկչյանը:

Հանդիպմանը ներկա էր նաեւ ՀՀ վարչապետի տիկին, «City of smile ժպիտների քաղաք» բարեգործական հիմնադրամի հոգաբարձուների խորհրդի նախագահ Աննա Հակոբյանը, որը նույնպես հերթական շփումը ունեցավ կենտրոնում բուժվող փոքրիկների հետ, ողջունեց Հարութ Փամբուկչյանին, լսեց նրա կատարումները:

Հունիսի 30-ին Հրազդան մարզադաշտում կկայանա երգչի՝ «30 տարի անց՝ Հրազդան մարզադաշտում» խորագիրը կրող համերգը: Երգիչը կենտրոնում բուժվող բոլորին հրավիրեց իր համերգին՝ ասելով, որ բոլորը տոմսեր կունենան եւ ներկա կգտնվեն իր համերգին:

«City of smile Ժպիտների քաղաք» բարեգործական հիմնադրամի գործադիր տնօրեն Էսթեր Դեմիրճյանի վստահեցմամբ՝ Հարութ Փամբուկչյանն այսուհետ «City of smile Ժպիտների քաղաք» բարեգործական հիմնադրամի բարեկամն է եւ իրենց համագործակցությունը դեռ երկար կշարունակվի:

«Հայտնի մարդկանց ներկայությունը եւ այցելությունը շատ-շատ կարեւոր է եւ ինչպես նշեց Հարութը, մեր համագործակցությունը ԱՄՆ-ից է սկսվել, որտեղ ինքը մեծահոգաբար մեր միջոցառումներից մեկին մասնակցեց եւ իր կիթառը նվիրաբերեց աճուրդին: Գտնվելով Հայաստանում՝ նորից պատրաստակամություն հայտնեց գալ հիվանդանոց, այցելել երեխաներին, նորից ինչ-որ ձեւով խրախուսել եւ ոգեւորել մարդկանց»,-ասաց «City of smile Ժպիտների քաղաք» հիմնադրամի գործադիր տնօրենը՝ ընդգծելով, որ կենտրոնում բուժում ստացող մարդիկ բոլորն էլ միանշանակ կարիք ունեն ուշադրության եւ ոգեւորության:

Տպել
10967 դիտում

Պետք է ուսումնասիրել ոչ միայն իշխանության, այլև ընդդիմության վարքը, պարզել՝ ով է վարակել մեր պատգամավորներին. Ջուլհակյան

Սևանում կհիմնանորոգվի բակային 5 ճանապարհ

Պարետի որոշմամբ կասեցվել է Գազպրոմ Արմենիա, Վեոլիա Ջուր եւ մի շարք այլ տնտեսվարողների մասնաճյուղերի գործունեությունը

Վենեսուելան Անգլիայի բանկից չի ստանա իր ոսկու պաշարը. Մեծ Բրիտանիան չի ճանաչում Մադուրոյին որպես նախագահ

Նորակերտում խմելու ջրատարի ներքին ցանցը կհիմնանորոգվի 2650 մետր երկարությամբ

Ամառային զորակոչի մեկնարկի առիթով ՊԲ զորամասերում հանդիսավոր արարողություններ են անցկացվել

Վերանայվել է 1․3 տրիլիոն դրամ մնացորդով շուրջ 980 հազար վարկային պայմանագիր․ բանկերի միության նախագահ

Մանկապարտեզներում արձանագրվող խախտումները նվազել են. ԿՏՄ

Ինքնաձիգ, ատրճանակներ, նռնակներ․ քաղաքացիները ոստիկանության բաժիններում հրազեններ են հանձնել (տեսանյութ)

«Սուրբ Գրիգոր Լուսավորիչ» ԲԿ-ն արձագանքել է մահացած կնոջ մարմինը կորցնելու ու նրա հեռախոսից գումար փոխանցելու դեպքին

ՌԴ ԿԸՀ-ն կայացած է համարել երեկվա ընտրությունները. պաշտոնական արդյունքները կհրապարակվեն վաղը

ԱԻՆ ջրափրկարարները դադարեցրել են կորած քաղաքացու ստորջրյա որոնողական աշխատանքները

Լավ կլինի՝ վերադառնաք Ձեր «մահացած» քաղաքական ուժի ռեինկառնացիային. Արսեն Թորոսյանը՝ Նաիրա Զոհրաբյանին

Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին

Կասեցումներ են իրականացվել «ՎՏԲ Հայաստան բանկ»-ում, Սոցիալական ապահովության ծառայությունում, առեւտրի կենտրոններում․ ԱԱՏՄ

Ստեղծվել է ԱԺ քննիչ հանձնաժողով. կուսումնասիրվեն կորոնավիրուսային իրավիճակում իրականացված միջոցառումներն ու այլ հարցեր

Գեղարքունիքում հաստատվել է կորոնավիրուսային հիվանդության 31 նոր դեպք, եւս 27 հոգի առողջացել է

Ձերբակալվել են Գյումրու սոց. աջակցության տարածքային բաժնի վեց աշխատակիցներ, այդ թվում՝ բաժնի պետը և գլխավոր մասնագետները

Սրբուհի Գալյանն ընտրվել է գլխավոր դատախազի՝ ապօրինի գույքի բռնագանձման ոլորտը համակարգող տեղակալ

Կոտայքի մարզպետը նախորդ տարի 35 մլն դրամ վարկ է վերցրել և 51 մլն դրամանոց բնակարան գնել