Դա ձեր խնդիրն է․ «Իմ քայլ»-ի պատգամավորի շփման ձեւը լրագրողների հետ (տեսանյութ)

Ազգային ժողովի պետական-իրավական հարցերի մշտական հանձնաժողովի փոխնախագահ, «Իմ քայլը» խմբակցության պատգամավոր Աննա Կարապետյանը դժկամությամբ է պատասխանում լրագրողների հարցերին։ Ասվածի վառ վկայությունն այսօր խորհրդարանում տեղի ունեցած ճեպազրույցն էր։

«Իմ քայլը» խմբակցության ճեպազրույցն այս անգամ անցկացնում էին պետաիրավական հանձնաժողովի պատգամավորներ Աննա Կարապետյանը, Սուրեն Գրիգորյանն ու ֆինանսավարկային եւ բյուջետային հարցերի հանձնաժողովի փոխնախագահ Արտակ Մանուկյանը։

Լրագրողներն իրենց հարցերը հիմնականում ուղղում էին Կարապետյանին ու Գրիգորյանին, քանի որ ճեպազրույցի թեման, ըստ էության, վերաբերում էր վերջին օրերին Սահմանադրական դատարանի շուրջ ծավալվող իրադարձություններին։ Սակայն Աննա Կարապետյանը խուսափում էր հստակ հարցերին հստակ պատասխաններ տալ։

Նա տարբեր հարցեր լսելու ընթացքում դեմքի դժգոհ արտահայտություն էր ընդունում։ Նույնիսկ երբ լրագրողներից մեկը հարց էր տալիս՝ դիմելով Կարապետյանին, վերջինս զուգահեռ խոսում էր կողքին նստած Սուրեն Գրիգորյանի հետ։ Երբ լրագրողը հարցն ընդհատելով ասաց՝ «հարցը լսեցի՞ք», այդ ժամանակ նոր պատգամավորը դադարեց խոսել՝ ասելով, թե լսեց։

Մեկ այլ հարցի ժամանակ, երբ լրագրողը հետաքրքրվեց՝ ի վերջո ինչ-որ խնդրի դեպքում Սահմանադրական դատարան դիմելիս որպես նախագահ ո՞ւմ է դիտարկելու պատգամավորը՝ Վահե Գրիգորյանի՞ն, թե՞ Հրայր Թովմասյանին, Կարապետյանը քամահրանքով նկատեց․ «Քանի որ այս հարցին արդեն մի անգամ անդրադարձել եմ, կարծում եք՝ մի անգամ ե՞ւս պիտի խոսեմ սրա մասին։ ՍԴ նախագահը․․․ես այդ հարցին պատասխանել եմ, հիմա նույնությամբ կրկնում եմ Ձեզ համար․ ՍԴ նախագահը պետք է լինի դատավոր»։

«Քանի որ սրան արդեն անդրադարձել եմ» ասելով՝ Կարապետյանը նկատի ուներ օրեր առաջ Ազգային ժողովում լրագրողների հետ ունեցած 5 րոպեանոց ճեպազրույցը, որի ժամանակ եւս նա որեւէ հարցի հստակ պատասխան չտվեց։ Այս ճեպազրույցի ժամանակ, երբ լրագրողին չբավարարեց պատգամավորի պատասխանը եւ խնդրեց հստակեցնել, Կարապետյանն արձագանքեց՝ «դա ձեր խնդիրն է»։ Մնացյալ հարցերին էլ նա արձագանքեց մեկական խուսափողական նախադասություններով, օրինակ․

«Վահե Գրիգորյանն արդեն պարզաբանել է, ես չեմ ուզում հիմա մեկնաբանել Գրիգորյանի հնչեցրած մտքերը», կամ՝ ՍԴ անդամների հետագա պաշտոնավարման վերաբերյալ հարցին պատասխանեց այսպես․ «Բացակայում են այդ լուծումները, իմ լուծումների մասին ես հետո կասեմ», Էդմոն Մարուքյանի հայտարարությունների վերաբերյալ հարցին էլ՝ «Էդմոն Մարուքյանի հայտարարությունները չեմ մեկնաբանի», եւ այլն։ Իսկ արդեն վերջին հարցը լսելուց հետո Կարապետյանն ասաց՝ «շնորհակալություն, ավարտեցի», շրջվեց ու հեռացավ։

Տեսանյութը՝ Shantnews.am-ի։

Եւ այս պահվածքն այն դեպքում, երբ երկրի վարչապետը, որը նախկինում ակտիվ լրագրող է եղել, իր պաշտոնավարման առաջին օրվանից որդեգրել է լրագրողների հետ շփման բաց ու թափանցիկ քաղաքականությունը, իր յուրաքանչյուր մի քաի ժամ տեւած ասուլիսի նախորդ օրը պատասխանել է լրագրողների հարցերին, մինչեւ հաջորդ ասուլիս ընկած ժամանակահատվածում պարբերաբար ճեպազրույցներ է տվել, պատասխանել է նույնիսկ այն հարցերին, որոնք բազմիցս են հնչեցվել։ Եւ վարչապետը որեւէ անգամ չի խուսափել եւս մեկ անգամ կրկնել նախկինում տված իր պատասխանը։

Նկատենք, որ լրագրողը իշխանությունն ու հասարակությունը միմյանց կապող օղակ է, տեղեկատվություն հասցնող միջանցք, եւ պաշտոնյան, պատասխանելով լրագրողների հարցերին, ըստ էության, պատասխանում է հանրության մոտ ծագած հարցերին։

Տպել
14873 դիտում

Հրազդանում 17-ամյա պատանիների վեճն ավարտվել է դանակահարությամբ

Կրթության տեսչական մարմինը դպրոցներում եւ մանկապարտեզներում ստուգումներ է իրականացրել

Կորոնավիրուսի տարածմամբ պայմանավորված Իրանում ՀՀ դեսպանություն է դիմել 35 ՀՀ քաղաքացի

Ադրբեջանի կողմից հայտարարված «Դիվերսիան» ուղղակի լավ հեքիաթ է եւ ապատեղեկատվություն. Ա. Հովհաննիսյան

Սպանության փորձ Երեւանում. կրակել են «Ինֆինիտի» մակնիշի մեքենայի ուղեւորի ուղղությամբ

Բացահայտվել է Էջմիածնում կատարված սպանությունը. կրակել են նաեւ կնոջ եւ երեխաների ուղղությամբ. ՔԿ

Լանջիկ-Գյումրի ճանապարհահատվածում տեղադրվել է 52 ճանապարհային նշան

Երևանի Ծարավ Աղբյուրի փողոցում Իրանի քաղաքացու պատկանող մեքենա է հրդեհվել

Մգեր Արմենիան Հանրայինին մեղադրում է անազնիվ մրցույթ անցկացնելու մեջ, իսկ հեռուստաընկերության համար դա ընդամենը կարծիք է

Կոնսերվատորիայի ռեկտորը հորդորում է վատառողջ վիճակում դասի եւ աշխատանքի չներկայանալ

Երևանի Շինարարների փողոցի բնակարաններից մեկում հայտնաբերվել է կնոջ դի

Երեւանի մանկապարտեզներ հաճախող երեխաների բացակայություններն այս շրջանում կհամարվեն հարգելի

Կենդանաբանական այգում անկել է նախկինում Մանվել Գրիգորյանին պատկանած եղնիկը

Հայաստանն Իրանի հետ դադարեցնում է ցամաքային հաղորդակցությունը, օդայինը՝ սահմանափակում. նիստն ավարտվեց

Չարաշահումներ հենաշարժողական խնդիրներ ունեցող շահառուներին աջակցող միջոցների տրամադրման գործընթացում. գործ է հարուցվել

Ադրբեջանական ԶՈՒ-երը կրակ են բացել հայկական դիրքերի ուղղությամբ. հայ զինվոր է վիրավորվել

Լավ եմ զգում, բայց կարող եմ եւ ավելի սուր գործել. Մխիթարյանը փայլուն խաղից հետո մեկնաբանություն է տվել (տեսանյութ)

Գ. Բեգլարյանի եղբայրը, հանդիսանալով ՓԲԸ-ի տնօրեն, ողջ գույքը 25 տարով վարձակալության է հանձնել իր կնոջ ՍՊԸ-ին. Բաբայան

Երեւանում 35-ամյա տղամարդն ինքնավնասման փորձ է արել՝ ապակիով կտրելով դաստակները

Զոհրաբ Մնացականյանը ցավակցություն է հայտնել Վանի ավերիչ երկրաշարժի կապակցությամբ