Ասա էլի, որ զզվում էի, խի՞ եք պախկվում, արա՛ խոսացեք էլի. դատավոր Գագիկ Հեբոյանը՝ վկա կարգադրիչին

Երեւան քաղաքի ընդհանուր իրավասության դատարանի Կենտրոնի նստավայրում՝ դատավոր Տաթեւիկ Գրիգորյանի նախագահությամբ, այսօր շարունակվեց կաշառք վերցնելու մեջ մեղադրվող դատավոր Գագիկ Հեբոյանի եւ փաստաբան Վահագն Դանիելյանի գործով արտագնա դատական նիստը:

Դատարանում այսօր հարցաքննվեցին Կոտայքի մարզի ընդհանուր իրավասության դատարանի Եղվարդի նստավայրի դատական կարգադրիչները, նույն դատարանի աշխատակազմի աշխատակիցը, Վահագն Դանիելյանի եւ դատավոր Գագիկ Հեբոյանի օգնականները:

Փաստաբան Վահագն Դանիելյանի օգնական Լիլիթ Եղիազարյանը, որը 2011 թվականից աշխատում է Դանիելյանի գրասենյակում, խոսելով դեպքի մասին ասաց, որ մարտի 26-ին մի քաղաքացի (խոսքը Բենիկ Հարությունյանի մասին է, ում դեմ Հեբոյանը վճիռ է կայացրել եւ որն ըստ էության հաղորդում է տվել փաստաբանի եւ դատավորի դեմ,-հեղ) գնացել է իրենց գրասենյակ, հարցրել է Դանիելյանին, ինքն էլ այդ մասին տեղեկացրել է Դանիելյանին, վերջինս էլ պատասխանել է, որ գրասենյակում կլինի հաջորդ օրը եւ ճանապարհել է նրան: Ըստ վկայի ցուցմունքի՝ նա հետագայում է իմացել, որ քաղաքացին Բենիկ Հարությունյանն է: Պատասխանելով մեղադրող Արթուր Չախոյանի հարցին՝ վկան ասաց, թե Դանիելյանի համար անծանոթ է եղել այդ քաղաքացին եւ զարմացել է, թե ինչու է նա եկել:

Մեղադրողի դիտարկմանը, որ ըստ իրականացված ներքին դիտման՝ վկան փաստաբան Լիլիթ Մալյանի հետ հեռախոսազրույցում գումարի մասին խոսակցություն է ունեցել, վկան պատասխանեց, որ չի հիշում, բայց չբացառեց, որ գուցե պետտուրքի վճարումների հետ կապված լինի: Գագիկ Հեբոյանի պաշտպան Արմեն Նադիրյանի հարցին, թե վկան մարտի 26-ին Հեբոյանին իրենց գրասենյակում տեսե՞լ է, թե՝ ոչ, վկան ասաց, որ չի տեսել: Դատավոր Գագիկ Հեբոյանի հարցին՝ ես ձեր գրասենյակում սուրճ խմե՞լ եմ, վկան բացասական պատասխան տվեց, ինչը վրդովեցրեց դատավորին, նա կրկին նույնը հարցը տվեց, սակայն բացասական պատասխան ստացավ:

Դատավոր Տաթեւիկ Գրիգորյանի հարցին՝ կմտաբերե՞ք որեւէ դեպք, երբ Գագիկ Հեբոյանը ձեր գրասենյակի փաստաբանների մոտ իրավաբանական խորհրդատվության նպատակով ինչ-որ հաճախորդներ ուղարկած լինի, վկա Լիլիթ Եղիազարյանը ասաց՝ հնարավոր է, բայց թե քանի այդպիսի դեպք է եղել վկան ասաց, թե չի հիշում:

Դատավորը նկատեց, որ որոշ հանգամանքեր վկան շատ լավ հիշում է, ժամանակ էլ այդքան երկար չի անեցել, սակայն որոշ հանգամաքներ էլ չի հիշում, ապա նրանից հետաքրքվեց, թե ինչով է դա պայմանավորված, վկան պատասխանեց, որ այն, ինչ հիշում է, պահի տակ ասում է:

Այնուհետեւ հարցաքննվեց Գագիկ Հեբոյանի օգնական Աշոտ Մարտիրոսյանը, որը 2013 թվականից աշխատում է որպես Հեբոյանի օգնական: Նա իր ցուցմունքում նշեց, որ Բենիկ Հարությունյանի գործով այս տարվա մարտին կայացրել են վճիռ, իսկ մինչ այդ նրա հայցը երկու անգամ ետ են ուղարկել, քանի որ պետտուրքը պակաս է վճարել: Վկան ասաց, որ Բենիկ Հարությունյանը մի քանի անգամ հանդիսացել որպես հայցվոր եւ իր հիշելով, բոլոր հայցերը իրենց մոտ մերժվել են:

Հեբոյանի պաշտպան Արմեն Նադիրյանի հարցին, թե վկան նկատե՞լ է արդյոք Բենիկ Հարությունյանի գործի վերաբերյալ Հեբոյանի կողմից շահագրգռվածություն, վկան ասաց, որ նման բան չի նկատել: Պաշտպանի հարցին՝ քանի որ վեց տարի աշխատել է Գագիկ Հեբոյանի հետ, նա ընդունա՞կ է կաշառք վերցնել, վկան ասաց, որ նման բան բացառվում է. «Բացառվում է, որ նա որեւիցե մեկից կաշառք պահանջեր կամ նյութական բարիքներ ցանկանար ստանար, դա ինձ համար բացառված է: Վկան ասաց, որ Գագիկ Հեբոյանը Բենիկ Հարությունյանի հետ որեւէ անգամ դատարանում առանձին հանդիպում չի ունեցել: Նրանից հետո հարցաքննված մյուս վկաները դատարանի կարգադրիչներն էին: Նրանք նույնպես պնդեցին, թե չեն տեսել, որ դատարանի տարածքում երբեւէ Գագիկ Հեբոյանը հանդիպած լինի Բենիկ Հարությունյանի հետ:

Կարգադրիչ վկաներից Արսեն Սիմոնյանն իր ցուցմունքում նշեց, որ մարտի 26-ին դատարան է գնացել Բենիկ Հարությունյանը, որը ցանկացել է հանդիպել Գագիկ Հեբոյանի հետ, ինքը այդ մասին տեղեկացրել է Հեբոյանին, վերջինս էլ ասել է, որ նրան ուղեկցի փաստաբան Լիլիթի մոտ, ինչը եւ ինքն արել է:

Վկա կարգադրիչ Անահիտ Թովմասյանի հարցաքննության ժամանակ դատավոր Գագիկ Հեբոյանի նյարդերը տեղի տվեցին: Նա ասաց, որ մինչեւ դեպքը իրեն է մոտեցել Բենիկ Հարությունյանը եւ ասել, որ ուզում է հանդիպել Գագիկ Հեբոյանի հետ: «Ես զանգահարեցի մեր ներքին համարով պարոն Հեբոյանին եւ ասացի՝ պարոն Հեբոյան, ձեզ քաղաքացի ա հարցնում Բենիկ անունով, որքան հիշում եմ՝ պարոն Հեբոյանը ասաց՝ էտի խի՞ ա եկել, երեւի եկել ա վճռի հետեւից: Ես որ թեքվեցի, որ էդ քաղաքացուն հարցնեմ, թե ինչի հետեից եք եկել, նա արդեն գնացել էր, հեռախոսն էլ արդեն անջատել էր պարոն Հեբոյանը»,- ասաց վկան:

Հեբոյանի պաշտպան Արմեն Նադիրյանի հարցին՝ երբ Գագիկ Հեբոյանը լսեց Բենիկ Հարությունյանի մասին, նրա ռեակցիան ինչպիսի՞ն էր, զարմանք կա՞ր նրա ձայնի մեջ, վկան պատասխանեց. «Ոչ, ես նույնիսկ կասեի՝ ոնց որ վրդովված լիներ»: Վկայի այս խոսքերից հետո Գագիկ Հեբոյանը արձագանքեց. «Ասա էլի, որ զզվում էի, խի՞ եք պախկվում, արա՛ խոսացեք էլի»:

Դատարան հրավիրված մյուս կարգադրիչներն էլ նշեցին, որ Գագիկ Հեբոյանը դատավոր աշխատած ժամանակ միշտ բարյացակամ վերաբերմունք է ունեցել դատարանի աշխատակազմի հետ, անգամ մասնակցել իրենց աշխատակիցների ծննդյան տոներին, որոնք նշվել են դատարանում:

Հիշեցնենք, որ Գագիկ Հեբոյանին մեղադրանք է առաջադրվել այն բանի համար, որ նա, զբաղեցնելով ՀՀ Կոտայքի մարզի ընդհանուր իրավասության դատարանի դատավորի պաշտոնը, հանդիսանալով դատական իշխանության մարմնի ղեկավար աշխատող և մշտապես իշխանության ներկայացուցչի գործառույթներ իրականացնող պաշտոնատար անձ, Բենիկ Հարությունյանի օգտին իր լիազորությունների շրջանակում գործողություն կատարելու համար 2019 թվականի մարտի 6-ին նրանից անձամբ պահանջել եւ 2019թ. մարտի 27-ին ՀՀ փաստաբանների պալատի փաստաբան Վահագն Դանիելյանի օժանդակությամբ ստացել է առանձնապես խոշոր չափերի կաշառք:

Իսկ Վահագն Դանիելյանին մեղադրանք է առաջադրվել այն բանի համար, որ նա, հանդիսանալով ՀՀ փաստաբանների պալատի փաստաբան, խոչընդոտներ վերացնելու եւ հանցավոր ճանապարհով ձեռք բերված միջոցները թաքցնելու եղանակով օժանդակել է Կոտայքի մարզի ընդհանուր իրավասության դատարանի դատավոր Գագիկ Հեբոյանի կողմից առանձնապես խոշոր չափերի կաշառք ստանալուն:

Առաջադրված մեղադրանքներում նրանք իրենց մեղավոր չեն ճանաչում:

Տպել
10481 դիտում

ԿԳՄՍՆ-ն մոտ կես միլիոն դրամ է հատկացրել պաշտոնական կեղծիքով ներկայացված միջոցառման ծրագրին. ռեժիսոր Հովհաննես Գալստյան

Իջևանի ոստիկաններն առանց փաստաթղթերի փայտածուխի արտադրամասեր են հայտնաբերել. (տեսանյութ)

Հայաստան ապօրինի թմրամիջոց ներկրելու հերթական դեպքն է կանխվել, 28-ամյա կինը կալանավորված է․ (տեսանյութ)

Սահմանամերձ Բերդավան գյուղի դպրոցը, մանկապարտեզը եւ բուժկետը պաշտպանական նոր պատեր ունեն. գյուղն ավելի ապահով կլինի

Փարիզում ոստիկանները արգելափակել են ցուցարարների ճանապարհը դեպի խորհրդարան

Աբովյան քաղաքը շուտով կունենա «loft» ոճի հանրային գրադարան

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել