Շատ դեպքերում հիվանդին ճիշտ է տեղափոխել Երեւան, քան բուժումը կազմակերպել տեղում. Թորոսյանի պարզաբանումը

Առողջապահության նախարար Արսեն Թորոսյանը ֆեյսբուքյան էջում համառոտ ամփոփել է կիսամյակի աշխատանքը՝ անդրադառնալով կյանք փրկող ծրագրերի արդյունքներին 2019 թվականի հուլիսի 1-ի դրությամբ:

Ըստ այդմ, սուր իշեմիկ ինսուլտի բուժման ծրագրով անվճար բուժվել է 156 քաղաքացի: Stent for Life» ծրագրով կատարվել է 1 361 վիրահատություն: Չարորակ հիվանդությունների վիրահատական բուժման ծրագրով կատարվել է 1 419 վիրահատություն:

Նախարարն անդրադարձել է նաեւ սանիտարական ավիացիայի ծառայությանը, նշելով, որ ուղղաթիռը տեղափոխել է 29 հիվանդ: Խոսքը ծանր եւ անհետաձելի բուժման կարիք ունեցող հիվանդներին Երեւան հասցնելու մասին է, որն իրականացվում է «Armenian Helicopters» ընկերության ուղղաթիռով՝ ապրիլից սկսած: Ուղղաթիռի մեկ ժամվա թռիչքի դիմաց պետությունն այս ընկերությանը վճարում է 720 հազար դրամ:

Եթե ընդունենք, որ յուրաքանչյուր հիվանդի տեղափոխման համար ծախսվել է միջինը մեկ ժամ, կստացվի, որ պետությունը այդ նպատակի համար երեք ամսում հատկացրել է 20 միլիոն 880 հազար դրամ կամ շուրջ 44 հազար դոլար:

Նախարար Թորոսյանից մի առիթով հետաքրքրվեցինք, թե կա՞ հաշվարկ՝ որքան գումար է անհրաժեշտ՝ տեղերում տվյալ ուղղությունները զարգացնելու համար, եւ արդյոք ուղղաթիռով հիվանդներին Երեւան տեղափոխելը ավելի ծախսատա՞ր չէ, քան եթե դա արվեր:

«Իհարկե ոչ: Երբեք: Լրիվ հակառակը: Տեղերում կարելի է նույնիսկ որոշ բաներ փակել ու լավ սանավիացիա ունենալ: Իհարկե, մենք չենք պատրաստվում որեւէ բան փակել, բայց աշխարհում եւ ընդհանրապես որակյալ բժշկությունը կենտրոնացված է լինում: Նյարդավիրաբուժություն, մանկական նյարդավիրաբուժություն, սրտային վիրաբուժություն, ծանր ռեանիմացիաներ, այրվածքաբանություն, թունաբանություն, բարձր ռիսկի հղիների հսկողություն. սրանք կարող են լինել միայն Երեւան քաղաքում: Եթե ինչ-որ մեկը մտածի, որ կարող են լինել, օրինակ Նոյեմբերյանում, դա շատ սխալ ու վատ միտք է, որովհետեւ այնտեղ հնարավոր չէ որակ ապահովել, եւ պատճառները կապ չունեն գումարի հետ: Կարող են լինել լավ սարքավորումներ, լավ շենքային պայմաններ, բայց բժիշկը պետք է ունենա ծանրաբեռնվածություն: Նույն վիրահատությունից անի շատ, որպեսզի ձեռքը սովորի: Կոպիտ եմ ասում, բայց այդ ձեռքը սովորելը մի մեծ պրոցես է բժշկության մեջ, որ թիմը կարողանա աշխատել, սարքավորումները պարապուրդի չմատնվեն»,- պատասխանեց առողջապահության նախարարը:

Նա նաեւ նկատեց, որ Հայաստանում, օրինակ, մեկ մանկական հիվանդանոցը կարող է լրիվ բավարար լինել: «Հայաստանում պետք է, օրինակ, մեկ մեծ մանկական հիվանդանոց, ինչպես աշխարհի շատ երկրներում: Օրինակ՝ Տորոնտոյում կա մեկ հատ մանկական հիվանդանոց (Կանադայի այս քաղաքը գրեթե Հայաստանի չափ բնակչություն ունի-խմբ.): Մենք ունենք արդեն երեք հատ: Ու դա մեզ բավարար է, որ տեղերում չունենանք շատ լուրջ, մեծ մանկական հիվանդանոցներ»,- զուգահեռ անցկացնելով՝ նշեց Հայաստանի առողջապահության նախարարը:  

Տպել
6841 դիտում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ

Աննա Հակոբյանը 13 հոգանոց կանանց ջոկատով շուտով կմեկնի հայրենիքի սահմանները պաշտպանելու

Կորոնավիրուսի պատճառով մահացել է Կամերային երգչախմբի հիմնադիր Հարություն Թոփիկյանը

Սարգիս Ադամյանը գրեթե 8 ամիս անց խաղադաշտ վերադարձավ

Հայտնաբերվել է արգելված հրապարակումների 207 դեպք, որոնցից 131-ը՝ լրատվական գործունեություն չիրականացնող անձանց կողմից

Պարգեւների ներկայացված զինծառայողները. հերոսական արարումները ճակատային գծի բոլոր ուղղություններում շարունակվում են. ՊԲ

Ի՞նչ հետեւանքներ է ունենալու հրադադարի խախտումը այն խախտող կողմի համար. վարչապետը՝ ձախողված հրադադարի մասին (տեսանյութ)

Մեր ժողովրդի անվտանգությունն ու իրավունքները որևէ զիջման ենթակա չեն. Արցախի նախագահ

Գրադի և Սմերչի կայանքներից հրթիռակոծվում են Մարտունին, Մարտակերտը, նաև Ասկերանի վերին ենթաշրջանի գյուղերը. Արցախի ԱԻՊԾ

Արցախի սահմանի երկայնքով կրակի խտությունը կտրուկ մեծացել է. ՊՆ

Իրանը զորքեր է կենտրոնացնում Արաքսի երկայնքով

Հունաստանի ԱԳ նախարարը Թուրքիային որակել Է որպես զինյալների տուրիստական գործակալ

Արմեն Գրիգորյանը ՌԴ գործընկերոջ հետ զրույցում անդրադարձել է արցախա-ադրբեջանական սահմանագոտում տիրող իրավիճակին

Կապի ոլորտի մեր հերոսները. թշնամու արկերի ու հրթիռների տարափի տակ շարունակում են իրենց անխոնջ ծառայությունը. Պողոսյան

«Ուրարտուն» հաղթեց ու պահպանեց առաջատարի դիրքը, ֆավորիտները միավորներ կորցրին մարզերում