«Հայաստանի փոքրիկ երգիչներ» ՀՈԱԿ-ն անհասցե է. քաղաքապետարանը պնդում է, որ իրավական որեւէ պարտավորություն չունեն

Տիգրան Հեքեքյանի «Հայաստանի փոքրիկ երգիչներ» երգչախումբն արդեն մի քանի ամիս է՝ տարածք չունի, անգամ փորձեր չեն կարողանում անել: Երգչախմբի հիմնադիր ղեկավար Տիգրան Հեքեքյանի խոսքով՝ այս պահին տարբեր դպրոցներում են փորձեր անում, սակայն արձակուրդներից հետո, երբ դասերը սկսվեն, դա այլեւս անհնար կլինի:

«Օրերս առաջ մենք ելույթ ունեցանք բժիշկների համաշխարհային կոնգրեսի համար եւ լուրջ խնդիրներ ունեցանք: Ծրագիրը, որով հարյուր տարի երգել էինք, արդեն խնդիր էր ներկայացնելը, որովհետեւ մեզ մի քանի փորձ էր պետք: Այն խումբը, որը երբեւէ խնդիր չուներ, քնից էլ հանեիր կերգեր, հիմա լուրջ չարչարանքների մեջ է, եթե մի քանի անգամ էլ նման խնդրի առաջ կանգնենք՝ կզրկվենք երգչախմբից»,- իր մտահոգությունը հայտնեց Հեքեքյանը:

Արամի 23 հասցում գտնվող եւ սեփականության իրավունքով երգչախմբին պատկանող, պատմամշակութային հուշարձան հանդիսացող շենքի պատը փլուզվել էր տարեսկզբին: Երկար տարիներ բարձրաձայնված նախազգուշացումները, անտեսված մնալով, ի վերջո հանգեցրել էին դրան: Շենքն այսօր էլ է մնում փլուզված։

Փլուզման հիմնական պատճառն, ըստ էության, շենքին հարակից կառուցապատումն էր։ Կառուցապատումը կատարվել է քաղաքապետարանի թույլտվությամբ՝ առանց Մշակույթի նախարարության թույլտվության՝ քաղաքաշինության նորմերի խախտմամբ։ Դրա արդյունքում վթարվել է հուշարձան-շենքի հարակից պատը։

Արամի 23 հասցեում կառուցապատում իրականացնող շինարարական կազմակերպության գործողությունների դեմ բազմիցս ահազանգել է երգչախմբի հիմնադիր ղեկավար Տիգրան Հեքեքյանը: Մշակույթի նախարարությունը եւս պնդել է, որ շենքն ամեն կերպ պետք է պահպանել եւ կանխել նրա վերջնական փլուզումը: Նախարարությունն այդ մասին տեղեկացրել է պատկան մարմիններին, քաղաքապետարանին, որոնք եւ անօրինական թույլտվություն են տվել շինարարության համար։

Տիգրան Հեքեքյանն այդ հարցով դիմել է դատարան՝ վիճարկելու կառավարության որոշումը. Քրեական գործ է հարուցված, բայց մինչեւ այդ հարցը լուծվի՝ երեք տարի կարող է անցնի: «Հայկական ժամանակ»-ի հետ զրուցում Հեքեքյանը հայտնեց, որ ֆրանկոֆոնիայի շրջանակներում կազմակերպված միջոցառումներին իրենց ելույթից հետո երգչախումբը գրեթե 7 ամիս նորմալ փորձեր չի անցկացրել:

Ամիսներ առաջ տեղի ունեցած շենքի փլուզումից հետո իրենց կողմից հրավիրվել էին իտալացի մասնագետներ, ճարտարապետներ, հնագետներ, որոնք շատ մատչելի գումարով նախագիծ էին կազմել, որն այդպես էլ օդում մնաց:

Մոտ 7 միլիոն դրամ արժողությամբ նախագիծը Երեւանի քաղաքապետարանին եւ Կրթության, գիտության, մշակույթի եւ սպորտի նախարարությանն է ներկայացվել, որպեսզի հաստատեն, սակայն չի հաստատվել: Մարտի 20-ին նախագիծը ներկայացվել է քաղաքապետարան՝ հաստատման, եւ գրված է եղել, որ մեկ-երկու շաբաթվա մեջ եթե չսկսվեն աշխատանքները, այս նախագիծն անհիմն կլինի, որովհետեւ հողի գրունտների, անձրևաջրերի հետ կապված փոփոխություն կլինի ու նորից հետազոտելու կարիք է կառաջանա:

Հեքեքյանը հայտնեց, որ նախագիծն այդպես էլ չի ստորագրվել. «Մարտի 20-ից անցել էր երկու ամիս, եւ նոր տալիս են ճարտարապետահատակագծային առաջադրանք: Իտալացիները պիտի անեին, իրենք էլ ասում են՝ 4 ամիս անցել է, հնգակողմ պայմանագրի ժամկետը մայիսի 31-ին լրացել է: Մենք արդեն ոչ ոք ենք, քանի որ անգամ պայմանագիր չունենք: Հիմա իրենց խնդրում, հորդորում ենք, որ նորից թռնեն գան, նոր պայմանագիր կնքենք, նորից այդ բոլոր գործընթացներն անենք»:

Երգչախմբի ղեկավարը դժգոհություն հայտնեց՝ ասելով, որ Հայաստանում նմանատիպ բյուրոկրատական քաշքշուկները դիտավորյալ են արվում, իսկ եթե՝ ոչ, այդ ամենն ուղղակի անտարբերության եւ անկազմակերպվածության հետեւանք է:

Հունվարին կառավարության նիստից հետո, պայմանավորվածություն էր ձեռք բերվել, որ Ի-Եմ-Սի կազմակերպությունը պիտի վճարի եւ «Հայաստանի փոքրիկ երգիչներ» ՀՈԱԿ-ը մի տարածքում փորձ անելու հնարավորություն ունենա:

«Ամսական 3 հազար դոլարին համարժեք գումար էր, որ պետք է տային շինարարություն իրականացնողները, որոնց պատճառով մենք մնացել ենք անտուն: Ցավոք սրտի, երեք ամիս չէինք գտնում տարածք եւ ապրիլին գտանք, Ի-Եմ-Սի-ն մեկ ամսի գումարը տվեց: Առաջին մեկ ամսից հետո մենք այլեւս գումար չստացանք: Հիմա մենք դպրոցում ենք փորձեր անում, բայց դատապարտված ենք այստեղից էլ դուրս գալու, որովհետեւ այդ մարդիկ մեզ հարգելով՝ շատ չնչին գումար էին ուզել, որը մենք չկարողացանք վճարել»,-ասաց երգչախմբի ղեկավարը:

Տիգրան Հեքեքյանի խոսքով՝ Երեւանի փոխքաղաքապետ Տիգրան Վիրաբյանի թերացումն էլ կա այս հարցում, քանի որ վերջինս որեւէ ձեւով չի կարողացել հասնել նրան, որ շինարարություն իրականացնող կազմակերպությունը վճարի խոստացված գումարը, կամ պայմանագիր կնքի իրենց հետ, որպեսի ստիպված լինի պարտավորությունները կատարել:

«Երեւանի քաղաքապետարանը պետք է կարողանա հասկանալ, թե փոխքաղաքապետ Տիգրան Վիրաբյանը՝ չնայած իր ջանքերին, ինչու չի կարողանում ստանալ այդ մարդկանցից գումարը, կամ ստիպել, որ պայմանագիր կնքեն»,-ասաց նա:

Հեքեքյանի վստահեցմամբ՝ կա՛մ քաղաքապետարանը պետք է օգնի Վիրաբյանին՝ իրականացնել այդ աշխատանքը, կա՛մ նրանք պետք է դիմեն վարչապետի աշխատակազմի ղեկավարին, հիշեցնեն, որ իրենց համաձայնությամբ է այս ամենն արվել, իրենք են որոշել, թող իրենք էլ միջամտեն, որպեսզի իրականացվի:

Հեքեքյանը հայտնեց, որ երգչախումբը մեծ հյուրախաղերով սեպտեմբերին մեկնելու է Գերմանիա եւ Լիտվա: Հյուրախաղերը նվիրված են Կոմիտասի 150-ամյակին: Սակայն շատ լուրջ խնդիրներ կարող են ունենալ, որովհետեւ 7 ամիս նորմալ փորձեր չեն իրականացրել:

Երգչախմբի ղեկավարը պատրաստվում է նորից դիմել ՀՀ վարչապետ Նիկոլ Փաշինյանին, բարձրաձայնել: «Ուրիշ ճար չունենք, հիմա պետք է գրենք մեր փորձասենյակների համար տրվող գումարը ստանալու համար: Գոնե ապահովեն երգչախմբի փորձերի խնդիրը, հետո հանգիստ սկսեն զբաղվել շենքով»,-ասաց Հեքեքյանը:

«Հայկական ժամանակ»-ի հետ զրույցում Երեւանի փոխքաղաքապետ Տիգրան Վիրաբյանը նշեց, որ իրավական առումով Երեւանի քաղաքապետարանը ոչ մի պարտավորություն չունի «Հայասատանի փոքրիկ երգիչներ ասոցիացա» ՀԿ- ի հանդեպ:

Արամի 23 հասցեում գտնվող շենքը Երեւանի քաղաքապետարանի հետ էական որեւէ առնչություն չունի: Նույնը Ի-Եմ-Սի կազմակերպության կողմից տրվող գումարների մասով, մենք որեւէ իրավական պարտավորություն չունենք: Այդ գործողությունները արվել են զուտ նրա համար, որ երկու կողմերին բերենք բանակցային սեղանի շուրջ, որ ընդամենը քննարկեն ու հասկանան: «Հայաստանի փոքրիկ երգիչներ» ՀՈԱԿ-ին Պուշկին դպրոցում փորձել ենք հատկացնել տարածք, որտեղ կկարողանան փորձեր կազմակերպել»,-ասաց Վիրաբյանը:

Ինչ վերաբերվում է Ի-Եմ-Սի կազմակերպության հետ պայմանագիր չկնքելուն, ապա Վիրաբյանը նշեց, որ այստեղ էլ Երեւանի քաղաքապետարանը իրավաբանորեն որեւէ բան պահանջելու իրավունք չունի. «Եթե մեր գործողությունները դիտարկվել են որպես պարտավորություն, ուրեմն այդտեղ մենք ասելիք չունենք»:

Վիրաբյանը հիշեցրեց, որ «Հայաստանի փոքրիկ երգիչներ» ՀՈԱԿ-ն այսքան տարի գործունեություն է ծավալել Արամի 23 շենքում, Երեւանի քաղաքապետարանի կողմից չի դիտարկվել որպես տարածքի խնդիր ունեցող ՀՈԱԿ: Սակայն, քանի որ վերջին մի քանի ամսում տեղի ունեցան շենքի փլուզման եւ նմանաատիպ գործընթացներ, քաղաքապետարանը սկսեց տարբերականեր դիտարկել ՀՈԱԿ-ի բնականոն գործունեությունն ապահովելու համար:

Տպել
7810 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)