Նորաստեղծ հիմնարկում աղբատար մեքենայի ապագա վարորդներն ու բանվորները թրեյնինգներ են անցնում

Նորաստեղծ «Երեւանի աղբահանություն եւ սանիտարական մաքրում» համայնքային հիմնարկում առկա թափուր հաստիքների մասին հայտարարությունը հանրության շրջանում բավականին մեծ արձագանք է գտել: Շատերը դիմել են՝ այստեղ աշխատանքի անցնելու ակնկալիքով, ոմանք էլ հիասթափություն են ապրել եւ հեռացել:

Ընդհանուր առմամբ, ավելի քան 420 հաստիք ունեցող այս հիմնարկում առայժմ անհրաժեշտ են վարորդներ՝ 290 հազար դրամ ամսական աշխատավարձով եւ բանվորներ՝ աշխատավարձը 200 հազար դրամ: Սրանք հարկերը ներառյալ են: Այսինքն՝  աշխատակիցները կստանան մոտ 150-220 հազար դրամ: Այլ հաստիքների դեպքում սահմանված աշխատավարձը հասնում է ընդհուպ մինչեւ 850 հազար դրամի: Այդքան նախատեսված է տնօրենի համար: Տեղակալի համար՝ 650 հազար դրամ, գլխավոր ինժեների համար՝ 600 հազար, բաժնի պետ-գլխավոր հաշվապահի պարագայում նախատեսված է 650 հազար դրամ աշխատավարձ, հաշվապահի համար՝ 350, փողոցները մաքրող հավաքարարի համար՝ 200 հազար եւ այլն:

«Այս պահին վարորդներ եւ բանվորներ եմ հավաքագրում, որ մեքենաները երբ տեղ հասնեն, մենք համալրենք այդ մարդկանցով: Ուղղակի մեր ազգի մեջ որոշակի ինչ-որ բան կա, բանվոր չեն ուզում աշխատել, մարդիկ միանգամից տնօրեն են ուզում դառնալ: Ամեն անգամ մի պաշտոն են ուզում, չգիտեմ ինչու: Երեւի նորմալ է: Հետաքրքրությունը մեծ է մարդկանց մոտ, գալիս են, ուղղակի որ աղբահանության մասին են լսում, մի փոքր հիասթափվում են»,- ասաց «Երեւանի աղբահանություն եւ սանիտարական մաքրում» հիմնարկի տնօրենի պաշտոնակատար Արմեն Գրիգորյանը: Նա նկատեց, որ վարձատրությունը բարձր է: Ավելացրեց, որ լավ աշխատելու, մեքենաները չվնասելու դեպքում նախատեսվում են նաեւ պարգեւավճարներ մեկ աշխատավարձի չափով՝ յուրաքանչյուր եռամսյակը մեկ անգամ:

Մայրաքաղաքի աղբահանությունն իրականացնելու նպատակով ստեղծված ընկերությունն առայժմ ունի 5 աղբատար եւ 9 ջրցան մեքենաներ: Եվս 10-12 աղբատար նախատեսվում է, որ Երեւանում կլինի մեկ ամսից: Ընդհանուր առմամբ հիմնարկը 34 այդպիսի մեքենա կունենա: Յուրաքանչյուր մեքենան վարելու համար անհրաժեշտ է 2 վարորդ՝ հերթափոխով աշխատելու համար եւ 4 բանվոր՝ երկուական հոգով դարձյալ հերթափոխով աշխատելու համար:

Աղբատար մեքենայի վարորդ կամ բանվոր աշխատել ցանկացողները նախ թրեյնինգ են անցնում՝ նաեւ հիմնավորելու իրենց հմտություններն ու կարողությունները:

«Մինչեւ ընդունվելը թրեյնինգ են անցնում, տեսնում ենք անվտանգության նորմերը իրենք պահպանո՞ւմ են, վարորդը մեքենա վարել գիտի՞, թե չէ, կոմպակտորը կարողանո՞ւմ է օգտագործել: Դիմողները շատ են, ուղղակի որակավորում-թրեյնինգը շատերը չեն անցնում: Իրենք գիտեն միայն մեքենան շարժի գցել եւ տեղից պոկել: Ես ընտրում եմ նորմալ, սթափ մարդկանց: Ոգելից պետք է չօգտագործեն, առողջական որոշ նորմեր պետք է պահպանվեն, տեսողության խնդիր չպետք է լինի: Տարվա մեջ եթե երկու-երեք ԱՊՊԱ ունի արած եւ ինքն է հարվածել, այդ վարորդին էլ չեմ վերցնում, որովհետեւ պոտենցիալ կարող է ինձ համար գլխացավանք լինել: Այս պահին 40 հոգին թրեյնինգը անցել են: Բանվորները նույնպես թրեյնինգ են անցնում: Պետք է ես իմանամ՝ կարողանո՞ւմ է կոմպակտորի հետ աշխատել»,- նկատեց տնօրենի պաշտոնակատարը:

Ըստ նրա, պատահում է, մարդիկ ստանձնում են բանվորի աշխատանքը, բայց ծանրությանը չեն դիմանում:

«Դրա պատասխանն էլ ասեմ. որ աղբը շատ է գեներացված քաղաքում, գետնից շատ են հավաքում: «Սանթեքի» «հրաշք» արկղերը որ ջարդված են, դրա շնորհիվ մարդիկ գերհոգնածություն են ստանում: Մարդ կա՝ ֆիզիկապես կարողանում է այդ աշխատանքը անել, մարդ կա չի կարողանում, հրաժարվում է: Բայց իրենք վարձատրվում են: Եթե մեկ օր, մեկ ժամ էլ աշխատում են, դա անվճար չի լինում»,- պարզաբանեց մեր զրուցակիցը:

Ընկերության հաստիքները համալրելու հայտարարությունները լինում են՝ ըստ անհրաժեշտության: Մնացած հաստիքներն, ըստ նշված ընկերության ղեկավարի, կբացվեն այն ժամանակ, եթե աղբահանությամբ զբաղվող օպերատորը չներկայացնի առողջացաման ծրագիր:

«Երեւանի աղբահանություն եւ սանիտարական մաքրում» համայնքային հիմնարկը ստեղծելու որոշումը Երեւանի ավագանին ընդունել էր այս տարվա ապրիլին: Մայրաքաղաքում աղբահանություն իրականացնող միակ օպերատորի՝ «Սանթեքի» աշխատանքը չի գոհացնում քաղաքապետարանին ու Երեւանի բնակչությանը, եւ ի վերջո որոշվել էր ստեղծել աղբահանություն իրականացնող այլընտրանքային կազմակերպություն: Քաղաքային իշխանությունները փոխվելուց հետո «Սանթեքը» երկու անգամ միլիոնավոր դրամների տույժի է ենթարկվել: Օրերս հայտնի դարձավ, որ ընկերությունը դատական հայց է ներկայացրել՝ ընդդեմ քաղաքապետարանի: «Սանթեքից» չմանրամասնեցին, թե հատկապես ինչն է դրա պատճառը: «Ի պատասխան բազմաթիվ լրատվականների հարցադրումների՝ ցանկանում ենք տեղեկացնել, որ ընկերությունն այս պահին չի կարող տալ որևէ մեկնաբանություն՝ ելնելով տեղի ունեցող գործընթացների շահերից և իրավական արգելքներից։ Առաջիկայում «Սանիթեք» ընկերության ներկայացուցիչները հրապարակային հանդես կգան՝ բոլոր հարցերին պարզաբանում տալու նպատակով»,- ընկերության լրատվական ծառայությունից մեզ փոխանցեցին տնօրինության մեկնաբանությունը:

Քաղաքապետարանից եւս չմանրամասնեցին դատական հայցի հիմքը: «Ես միայն կարող եմ ասել, որ Երեւան քաղաքը «Սանիթեք» ընկերության նկատմամբ իր պայմանագրային պարտավորությունները պատշաճ կերպով կատարում է, իսկ պահումները եւ տույժերը արվում են փաստարկված, ի տարբերություն նույն «Սանիթեք» ընկերության, որի աշխատանքի արդյունքը մենք կարող ենք տեսնել մեր քաղաքի փողոցներում եւ բակերում»,- ասաց քաղաքապետի մամուլի քարտուղար Հակոբ Կարապետյանը:

Մեր տեղեկություններով՝ «Սանիթեքը» դատական կարգով վիճարկում է հենց քաղաքապետարանի տուգանքները: Դա, ըստ էության, ակնարկվում է նաեւ Կարապետյանի պատասխանում:

Տպել
10352 դիտում

Երկու ընկերությունների աշխատակազմը միացնելու ենք, որ ավելի մեծ ռեսուրս ունենանք․ Հայկ Եսայան

Ահազանգ է ստացվել «Աջարաբեթ․էյեմ» բուքմեյքերական գլխավոր գրասենյակում ռումբի տեղադրման մասին

Հայաստանի ֆուտբոլի հավաքականի իսպանացի գլխավոր մարզիչ Կապառոսը հետեւում է ՀՀ Գավաթի եզրափակչին

Բուժումն ավարտած և տուն վերադարձած Էլենը կաջակցի քաղցկեղ և արյան հիվանդություններ ունեցող երեխաներին

Մհեր Գրիգորյանը տեսակապի միջոցով մասնակցել է Եվրասիական տնտեսական հանձնաժողովի խորհրդի հերթական նիստին

«Առինջ մոլում» գտնվող շինանյութերի, հագուստի և տնտեսական ապրանքների վաճառքի կետերում հայտնաբերվել են մի շարք խախտումներ

Ժամանակավորապես կասեցվել է Աշտարակի հաշվառման-քննական ստորաբաժանման աշխատանքը

ԱՀ նախագահն ընդունել է Հայաստանի պաշտպանության նախկին նախարար Սեյրան Օհանյանին

Հակոբ Արշակյանն ու Լին Թրեյսին քննարկել են ներդրումների ներգրավման հնարավորությունները

Արտակարգ դրությամբ պայմանավորված՝ Լարսը բաց է միայն բեռնատարների համար

72 և 48 ժամով կասեցվել է Ազատության պողոտայում գտնվող «Նոր Զովք»-ի և Շենգավիթի հրուշակեղենի արտադրամասի գործունությունը

ՀՀ նախագահ Արմեն Սարգսյանը հանդիպել է Բակո Սահակյանի հետ

IDBank-ի և Idram-ի համատեղ հարթակում՝ մի շարք նոր առավելություններ

Գլխավոր դատախազի տեղակալը թոշակի է անցնում. նա ազատման դիմում է գրել

Այսօր նաեւ քննարկվել է Ազգային անվտանգության ռազմավարությանը հավանություն տալու մասին հարցը. Արմեն Գրիգորյան

Անցկացվել է պայմանագրային զինծառայողների երդման արարողություն

Կոտայքում կմեկնարկեն 5 դպրոցի կառուցման և վերակառուցման աշխատանքները

Լիլիթ Մակունցը եւ ՀՀ-ում ՌԴ դեսպանը քննարկել են հայ-ռուսական հարաբերությունների զարգացմանն առնչվող օրակարգային հարցեր

Սևանա լճում սիգի արդյունագործական որսի մասին «Սևան» ազգային պարկ»-ում աշխատանքային քննարկում է տեղի է ունեցել

Կորնավիրուս է հաստատվել Գյումրու Նանսենի անվան գիշերօթիկ հաստատության 10 սանի և 5 աշխատակցի մոտ