Կոռուպցիայի մեջ մեղադրվող Գյումրու թիվ 19 դպրոցի տնօրենը կվերադառնա աշխատանքի

11/07/2019 schedule17:20

Գյումրու թիվ 19 դպրոցի տնօրեն Նարինե Մեսրոպյանը, որն անցյալ տարվա հուլիսին իր մանկավարժական հանրույթի հետ հայտնվել էր կոռուպցիոն սկանդալի մեջ, կվերադառնա աշխատանքի, նաեւ կստանա հարկադիր պարապուրդի իր գումարը:

Այսպիսի որոշում է հրապարակել Շիրակի մարզի ընդհանուր իրավասության դատարանը:

Հիշեցնենք, որ վերջին մեկ տարում Գյումրու տարբեր դպրոցներ հայտնվեցին դատական ատյաններում՝ կապված տնօրենների կողմից իրականացված չարաշահումների, ապօրինությունների, կոռուպցիոն հանցագործությունների հետ: Դրանց թվում հատկապես առանձնացավ թիվ 19 դպրոցը, որի տնօրեն Նարինե Մեսրոպյանի նկատմամբ 2018 թվականի հուլիսի 31-ին մեղադրանք էր առաջադրվել ՀՀ քրեական օրենսգրքի 308-րդ հոդվածի 1-ին մասի եւ 314-րդ հոդվածի 1-ին մասի հատկանիշներով:

Նշված ժամանակահատվածում ՀՀ ոստիկանության Մուշի բաժնում օպերատիվ տվյալներ էին ստացվել այն մասին, որ Գյումրի քաղաքի թիվ 19 միջնակարգ դպրոցի համապատասխան փաստաթղթերում, աշակերտների ցուցակներում և դասամատյաններում՝ որպես տարբեր դասարանների աշակերտներ գրանցված են թվով 16 անձանց տվյալներ, ովքեր, սակայն, դպրոց չեն հաճախում և չեն մասնակցում դասապրոցեսներին: Դրա հիման վրա նախապատրաստված նյութերով փաստական տվյալներ էին ձեռք բերվել այն մասին, որ Գյումրու 12 բնակիչներ՝ տարբեր ժամանակահատվածներում իրենց ծնողների դիմումների հիման վրա ընդունվել են նշված միջնակարգ դպրոց, սակայն ուսումնական տարիների ընթացքում տևական ժամանակ, որոշ դեպքերում՝ ամբողջ ուսումնական տարվա ընթացքում, բացակայել են Հայաստանի Հանրապետությունից, այսինքն որևէ դասապրոցեսի չեն մասնակցել: Մինչդեռ, դպրոցի տնօրենը, նշված փաստերն արձանագրելու ու օրենսդրությամբ սահմանված կարգով համապատասխան ընթացք տալու փոխարեն, ուսուցիչների միջոցով, ինչպես նաև անձամբ, դպրոցի պաշտոնական փաստաթղթերում կեղծ տեղեկություններ է մտցրել վերը թվարկված աշակերտների՝ դասապրոցեսներին մասնակցելու կամ ավելի քիչ դասաժամերին բացակայելու վերաբերյալ: Այդ գործողությունների հետևանքով էական վնաս է պատճառվել պետության օրինական շահերին, քանի որ նշված աշակերտների թվաքանակով դպրոցը ստացել է ֆինանսավորում: Նկատի ունենալով, որ նախապատրաստված նյութերն առերևույթ պարունակել են դպրոցի պաշտոնատար անձանց կողմից պաշտոնեական լիազորությունները չարաշահելու և պաշտոնեական կեղծիք կատարելու հանցավոր արարքների հատկանիշներ՝ Շիրակի մարզի դատախազության ավագ դատախազի որոշմամբ նշված փաստերի առթիվ 1 տարի առաջ հարուցվել էր քրեական գործ:

Նույն այդ ժամանակահատվածում էլ տնօրենին աշխատանքը շարունակելու իրավունք չէր տվել: ՇՄ դատախազ Կարեն Գաբրիելյանը միջնորդել էր Շիրակի մարզպետ Տիգրան Պետրոսյանին, որպեսզի վերջինս լուծեր թիվ 19 դպրոցի տնօրեն Նարինե Մեսրոպյանի հետ ունեցած աշխատանքային պայմանագիրը, քանի որ աշխատանքային օրենսգրքով եւս սահմանված է վստահությունը կորցնելու պարագայում պայմանագրի լուծումը: «Այդ հանցագործության մեջ տնօրենը ներգրավել է շուրջ 25 աշխատողի: Քրեական գործի ընթացքում սուբյեկտը վերականգնեց պետությանը պատճաված վնասը, տվեց ցուցմունք: Նույնաբովանդակ ցուցմունք տվեցին նաեւ դպրոցի 25 աշխատակիցներն ու փոխտնօրենը: Այդ պարագայում ես նպատակահարմար գտա քրեական գործով վարույթը կարճել՝ ոչ արդարացման հիմքով: Այսինքն, մենք փաստեցինք, որ տվյալ դպրոցի տնօրենը կատարել է հանցագործություն, բայց ես նպատակահարմար չգտա դատել, քանի որ ե՛ւ տնօրենին, ե՛ւ 25 ուսուցչին դատելը աննպատակահարմար է: Ո՞նց եք պատկերացնում՝ մի դպրոցից 25 ուսուցչի միանգամից դատի տայինք»,-ասել էր դատախազը:

Շիրակի մարզպետ Տիգարն Պետրոսյանն էլ զբաղեցրած պաշտոնից ազատել էր Գյումրու թիվ 19 դպրոցի տնօրեն Նարինե Մեսրոպյանին: Մեսրոպյանը, սակայն Շիրակի մարզպետի որոշումը բողոքարկել է ՇՄ առաջին ատյանի դատարանում: Եվ ստացել վճիռը: Դատարանը որոշել է ՀՀ Շիրակի մարզպետի 2019թ. փետրվարի 28-ի թիվ 32 որոշումն անվավեր ճանաչել, Նարիեն Մեսրոպյանին նախկին աշխատանքում վերականգնել, ինչպես նաեւ հարկադիր պարապուրդի ամբողջ ժամանակահատվածի համար վճարել միջին աշխատավարձը: Դատարանի որոշումն ուժի մեջ է մտնելու մեկ ամսից: ՇՄ դատախազ Կարեն Գաբրիելյանը ՀԺ-ի հետ զրույցում ասաց, տեղի ունեցածը քաղաքացիաիրավական գործընթաց է, եւ դուրս է քննչական մարմնի տիրույթից, ուստի իր կարգավորման շրջանակում չէ: Շիրակի մարզպետ Տիգրան Պետրոսյանն ասաց այս պահին իրենց ձեռքի տակ պաշտոնապես չկա դատարանի վճիռը: Երբ ստանան, իրենց դիրքորոշումը կարտահայտեն:

Տպել
1586 դիտում

Կորոնավիրուսի ծանր դեպքերի վարման համար Միացյալ Թագավորության շտապ բուժօգնության թիմի չորս անդամ գործուղվել է Հայաստան

Գերության մեջ հայտնված անձանց համար զանգահարեք 010 297415 հեռախոսահամարով.ԿԽՄԿ

Հռոմի Ս․Նիկողայոս եկեղեցում մատուցվել է պատարագ` նվիրված արցախյան պատերազմում նահատակված հերոսների հիշատակին

Երևան-Արտաշատ ավտոճանապարհին մեքենա է շրջվել. կան տուժածներ

Ֆրանսիան ներդնում է Լեռնային Ղարաբաղի հակամարտությունից տուժած հայ բնակչության աջակցության կառուցվածքային համակարգ

Երեւանում ծառերի էտումից առաջացած փայտանյութը անվճար կարող է տրամադրվել անապահով ընտանիքներին․ նախագիծ

Մեր հասարակությունը պետք է վերանայի կրթության նկատմամբ իր վերաբերմունքը. ԿԳՄՍՆ փորձագետ

Լավրովը Հորդանանի ԱԳ նախարարին է ներկայացրել ԼՂՀ-ում հրադադարի հաստատմանն ուղղված Ռուսաստանի միջնորդական ջանքերը

ԱԺ «Իմ քայլը» խմբակցության պատգամավորները հանդիպել են Հելեն Ֆեյզիի եւ Ժոնաթան Լաքոտի հետ

Covid-անվտանգության կանոնները վերանայվել են գեղեցկության սրահների և վարսավիրանոցների համար. ԱԱՏՄ

Տավուշի մարզի սահմանապահ գյուղերում կառուցվել է 4 ռմբապաստարան

Արցախում ճշգրտվում են սահմանները. ՊԲ հրամանատարությունը հորդորում է լինել համբերատար

ՀՀ վարչապետ Նիկոլ Փաշինյանը հանդիպում է անհետ կորածների հարազատների հետ

Արցախում ականի պայթյունից վիրավորված փրկարարների ու ՊԲ զինծառայողի կյանքին վտանգ չի սպառնում

Մեկնարկել է ՀՀ նախագահ Արմեն Սարգսյանի աշխատանքային այցը Հորդանանի Հաշիմյան Թագավորություն (տեսանյութ, լուսանկարներ)

Վարչապետն այցելել է ռազմարդյունաբերական ընկերություններ և հանձնարարել շարունակել արտադրական հզորությունների զարգացումը

Վարչապետ Փաշինյանը շնորհավորել է Արարատ Միրզոյանին ծննդյան տարեդարձի կապակցությամբ

Ականի պայթյունի հետևանքով Արցախում ռուս սպա է վիրավորվել. ria.ru

Ախուրյանի ոստիկաններն ապօրինի թմրաշրջանառության դեպք են բացահայտել

Արագածոտն գյուղում այրվել է մոտ 450 հակ անասնակեր․ ԱԻՆ