Տասնյակ օրենքներ, հարյուրավոր նախագծեր, այցեր․ «Իմ քայլ»-ի պատգամավորները ներկայացնում են 6-7 ամիսների աշխատանքը

12/07/2019 schedule13:07

Խորհրդարանական «Իմ քայլը» խմբակցության պատգամավորներն այսօր՝ հուլիսի 12-ին ներկայացնում են վերջին վեց-յոթ ամիսների ընթացքում իրենց կատարած աշխատանքներն ու հետագա անելիքները։

Խմբակցության ղեկավար Լիլիթ Մակունցը մինչեւ աշխատանքների զեկուցումը կարեւորեց այն ներքին ժողովորդավարությունը, որն այս ամիսների ընթացքում դրսեւորվել է խմբակցության ներսում, եւ չնայած այն հանգամանքին, որ խմբակցության պատգամավորներն արժանանում են քննադատությունների՝ տարբեր կարծիքներ հնչեցնելու համար, Մակունցը սա չափազանց կարեւոր արժեք գնահատեց՝ նշելով, որ եթե չկա ներքին ժողովրդավարություն, ապա արտաքին ժողովրդավարության մասին խոսելը կարող է տարակուսանք առաջացնել։

Խմբակցության ղեկավարը նկատեց, որ «Իմ քայլը» այս ամիսների ընթացքում իրացրել է վերահսկողական գործիքներից օգտվելու իր իրավունքը՝ հանդիպումներ կազմակերպելով գործադիր իշխանության ներկայացուցիչների ու առանձին պաշտոնյաների հետ, որոնք ոչ թե եղել են միայն դեկլարատիվ բնույթի հանդիպումներ, այլ ունեցել են շոշափելի արդյունքներ։

Այնուհետեւ «Իմ քայլ»-ի տարբեր պատգամավորներ մի քանի նախադասությամբ ներկայացրին իրենց ղեկավարած հանձնաժողովների աշխատանքները՝ խոստանալով լրագրողների հետ հարց ու պատասխանի ժամանակ բոլոր հուզող  հարցերին մանրամասն պատասխանել։

Նախ, ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը, որպես ամփոփ աշխատանք, հայտնեց, որ առաջին նստաշրջանի ընթացքում հանձնաժողովն արել է 15 նիստ, վեցը՝ հերթական, ինը արտահերթ։ ԱԺ նախագահի կողմից այս հանձնաժողով է ուղարկվել շրջանառության մեջ դրված 111 նախագիծ, որից 56-ն ամբողջությամբ ընդուվել է, 14-ն ընդգրկվել է օրակարգում։ Հանձնաժողովի անդամները քաղաքացիներից ստացել են շուրջ 46 գրություն, դրանց սահմանված կարգով պատասխանել են, մասնակցել են քաղաքացիների ընդունելությանը։ Ակտիվ հանդիպումներ են ունցել իրավական ոլորտի միջկառավարական եւ այլ կազմակերպությունների հետ, ոլորտի վերաբերյալ քննարկումներ ունեցել։

Խորհրդարանական պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանն էլ հայտնեց, որ իրենց հանձնաժողովն անցկացրել է հերթական եւ արտահերթ նիստեր, քննարկվել են բազմաթիվ հարցեր, որոնք վերաբերել են ներքին գործերին, ազգային անվտանգությանն ու պաշտպանությանը։ Քոչարյանի պնդմամբ՝ հանձնաժողովն ունեցել է շատ ակտիվ հանդիպումներ միջազգային կառույցների հետ, իսկ եվրոպական կառույցների հետ ունեն մշակած ծրագրեր, ընթանում են փորձագիտաան հարթակի կառուցման աշխատանքներ, որտեղ մշակվելու է պաշտպանությանն ու անվտանգությանը առնչվող օրենսդրական։

Քանի որ այս հանձնաժողովը նաեւ ապրիլյան պատերազմի հանգամանքներն ուսումնասիրող քննիչ հանձնաժողովն է՝ նախագահությամբ Անդրանիկ Քոչարյանի, վերջինս նաեւ նշեց, որ քննիչ հանձնաժողովն էլ այս պահին շատ լուրջ քայլերի մեջ է, առաջին նախապատրաստական փուլն, ըստ էության, անցել է, եւ ամռան ու աշնան շրջանում գերհագեցած աշխատանքային ընթացք կլինի։ Քոչարյանը խնդրեց չնեղանալ, որ շատ դեպքերում հասանելի չեն լինի լրագրողների համար, բայց հնարավորության դեպքում տեղյակ կպահեն արվող քայլերի մասին։

Տնտեսական հարցերի մշտական հանձնաժողովի նախագահ Բաբկեն Թունյանն էլ իր հերթին ներկայացրեց, որ իրենց հանձնաժողովն ունեցել է 17 նիստ, դրանց օրակարգում եղել է 69 նախագիծ, որոնցից 50-ն ամողջությամբ ընդուվել է, 14-ը շրջանառության մեջ է, 5-ը ընդունվել է առաջին ընթերցմամբ։ Ունեցել են մոտ 20 աշխատանքային քննարկումներ։

Արտաքին հարաբերությունների մշտական հանձնաժողովի նախագահ Ռուբեն Ռուբինյանը նշեց, որ իրենց հանձնաժողովը ընդդիմության հետ կառուցողական եւ դրական համագործակցություն է ունեցել։ ԱԺ նախագահի գլխավորությամբ պատվիրակություններ են այցելել Ռուսաստան, Գերմանիա, Շվեդիա, Կիպրոս, շուտով նաեւ ԱՄՆ։ Հայաստան են այցելել խորհրդարանական ու կառավարական խմբեր տարբեր երկրներից։ Հայաստանյան պատվիրակությունների օրկարագերի կիզակետում եղել են արցախյան հակամարտության, ցեղապսանության ճանաչման հարցերը։ Մեր պատվիրակությունը համատեղ նիստ է ունեցել ՌԴ դաշնային խորհրդի համապատասխան հանձնաժողովի հետ, հաջորդ նիստը կլինի այս տարի՝ Երեւանում։

Տպել
5523 դիտում

«Գահերի խաղը» «Էմմի» մրցանակի է արժանացել՝ անկախ երկրպագուների դժգոհություններից

Ուշադիր ընթերցողը հասկացել է՝ ինչ նկատի ունեի ես. Վանեցյանը արձագանքել է Փաշինյանի հայտարարությանը. Hraparak.am

ՎՏԲ-Հայաստան Բանկը և “Armenian Assembly” ՀԿ-ն հուշագիր են ստորագրել

Սուրեն Պապիկյանի մարտահրավերը լրագրողներին. միասին անցնենք 48.3կմ երկարությամբ «Արփա-Սևան» թունելով

Վանաձորում որսորդական հրացանով կատարված սպանության փորձը բացահայտվել է. կասկածյալը ձերբակալվել է

Ուղղակի մոլորվել էր. Ադրբեջանի ՊՆ-ն հաստատել է կորուստն իր զինված ուժերում

Ժողովուրդը չհասկացավ, առեւտուր սարքեց, նաեւ քաղաքականացվեց. Խառատյանը՝ կիսամերկ տղամարդկանցով իր բեմադրության մասին

Վարչապետ Նիկոլ Փաշինյանն աշխատանքային այցով գտնվում է ԱՄՆ-ում. այցը մեկնարկել է Լոս Անջելես քաղաքից

4 անշարժ գույք, 2 ավտոմեքենա, 20 մլն դրամ, 95 հազար դոլար, 20 հազար եվրո եւ ոսկյա զարդեր. ԱԱԾ տնօրենի ԺՊ-ի ունեցվածքը

Ժամանակն է, որ հայ ժողովուրդը զգա իր ստեղծարար ուժը և այն կիրառելու նպատակ դնի. վարչապետ

Մի խումբ պահեստազորի սպաներ պահանջում են պատժել փոխգնդապետին ծեծողներին

Եկել է ժամանակը, որ սփյուռքի ներդրողները մտածեն Հայաստանում շահույթ ստանալու մասին. Փաշինյանի ելույթը Գրանդ Փարքում

Խոշոր ավտովթար Երեւան-Գյումրի մայրուղու վրա (լուսանկարներ)

Ժողովրդի իշխանություն հետ բերած առաջնորդն էսօր Հայաստանի ոգին կբերի մեզ մոտ. Սարգիս Մանուկյան

Վանաձորի կերպարվեստի թանգարանը կապիտալ նորոգվում է (լուսանկարներ)

Ռոհանին կոչ է արել Պարսից ծոցի երկրներին համատեղ ապահովել տարածաշրջանի անվտանգությունը

Ես երբեք որևէ ներքաղաքական գործընթացի չեմ խառնվել և չեմ խառնվում. Արծրուն Հովհաննիսյանի հայտարարությունը

Առաջացել է ռեակտիվ հզորության դեբալանս. ինչ է պարզել մասնագիտական աշխատանքային խումբը մասսայական հոսանքազրկման մասին

56 մլրդ դրամ ԱԱՀ դեբետային պարտքը կվերադարձվի շուրջ 2835 հարկ վճարողների

Մարզպետի մասնակցությունը միջադեպին ստուգելու նպատակով առգրավվել են տարածքում առկա տեսախցիկները