«Հեռուստատեսության եւ ռադիոյի մասին» օրենքի նոր նախագիծ է մշակվում. գործող օրենքը 29 անգամ փոփոխությունների է ենթարկվել

Լրագրողական 3 կազմակերպություններ` Խոսքի ազատության պաշտպանության կոմիտեն, Մեդիա նախաձեռնությունների կենտրոնը եւ Երեւանի մամուլի ակումբը մշակել են  «Հեռուստատեսության եւ ռադիոյի մասին» նոր օրենքի նախագիծը։ Գործող օրենքը 29 անգամ ենթարկվել է փոփոխությունների եւ լրացումների։

«Հեռուստատեսության եւ ռադիոյի մասին» օրենքի փոփոխությունը որոշակի դիսկոմֆորտ է առաջացնելու ոլորտի համար, բայց դա բխում է ոչ թե օրինագծի վատ լինելուց, այլ նրանից, որ 20 տարի մենք ոչ մի գործ չենք չենք արել այդ ուղղությամբ»: Այս մասին այսօր հրավիրված քննարկմանը ասաց Երեւանի մամուլի ակումբի նախագահ՝ Բորիս Նավասարդյանը:

Համատեղ աշխատանքային խումբը հուլիսի 11-ին Ազգային ժողովում ներկայացրել է «Հեռուստատեսության եւ ռադիոյի մասին» նոր օրենքի նախագիծը:

Հանդիպումը կայացել էր Խոսքի ազատության պաշտպանության կոմիտեի նախագահ Աշոտ Մելիքյանի, Երեւանի մամուլի ակումբի նախագահ Բորիս Նավասարդյանի, Մեդիա նախաձեռնությունների կենտրոնի գործադիր տնօրեն Նունե Սարգսյանի եւ Հեռուստատեսության, ռադիոյի, մամուլի եւ տեղեկատվության ոլորտների ենթահանձնաժողովի մասնակցությամբ:

Բորիս Նավասարդյանը նշեց, որ քննարկումներն ու այդ ամբողջ գործընթացը ցանկալի է ավարտել մինչեւ 2020 թվականի փետրվարի վերջ: «Եթե օրենքի փոփոխություններ չեն լինելու, ապա, ինչպես ասացի, գործող օրենքի շրջանակներում 2021 թվականին հայտարարվելու են լիցենզավորման մրցույթներ, որն այս ոլորտի համար կատաստրոֆա է»,-ասաց նա:

Խոսելով «Հեռուստատեսության եւ ռադիոյի մասին» օրենքի նախկինում մշակված նախագծի մասին՝ Նավասարդյանը ներկայացրեց զուգահեռ գործընթաց, որը միշտ եղել է այս տարիներին: Տարբեր պետական եւ ոչ պետական կազմակերպությունները, աշխատելով օրինագծի վրա, պարզապես փողեր էին լվանում: «Բացի այն, որ քաղաքական կամքի բացակայության հետ էր կապված, նեղ շահերի սպասարկման, դա նաեւ կոռուպցիոն գործընթաց էր: Հայտնվում էին անհասկանալի աշխատանքային խմբեր, որոնք գաղտնի պայմաններում աշխատում էին»-ասաց Նավասարդյանը:

Մեդիա նախաձեռնությունների կենտրոնի գործադիր տնօրեն Նունե Սարգսյանն էլ հիշեց, որ «Հեռուստատեսության եւ ռադիոյի մասին» օրենքի նախագծի մշակումը որպես գաղափար սկսվել էր 2010 թվականից: Այդ ընթացքում բազմաթիվ քննարկումներ են եղել ոլորտի ներկայացուցիչների հետ: «Անընդհատ ինչ-որ իրավիճակ էր ստեղծվում, երբ մեզ թվում էր թե պահն է նախագիծը ներկայացնելու, դա կրկին չէր կատարվում»,-ասաց նա:

Սարգսյանի վստահեցմամբ՝ փաստաթղթի տեսքը վերջանական, նույնիսկ ոչ մասնագիտական շրջանակում երբեւէ չի շրջանառվել:

Խոսքի ազատության պաշտպանության կոմիտեի նախագահը Աշոտ Մելիքյանն էլ նկատեց՝ չնայած այն հանգամանքին, որ երկուշաբթի օրվանից խորհրդարանն արձակուրդ է գնում, իրենք կապի մեջ են լինելու:

«Բավականին ոգեւորություն նկատեցինք պատգամավորների կողմից այն առումով, որ պատրաստի փաստաթուղթ է ներկայացված քննարկման համար: Տարիներ շարունակ ակնկալվում էր, որ ոլորտի պատասխանատուները պետք է պատրաստեն դա: Երբ վերջին անգամ «Հեռուստատեսության եւ ռադիոյի մասին» օրենքը փոփոխվեց, այն ժամանակ էլ առաջարկվում էր նոր օրենքի նախագիծ, որը չէր քննարկվել ո՛չ լրագրողական կազմակերպությունների, ո՛չ նույնիսկ շահառուների հետ»,-ասաց նա:

Հիշեցնենք, որ օրեր առաջ վերոնշյալ կազմակերպություններին ընդունել էր ՀՀ ԱԺ Հեռուստատեսության, ռադիոյի, մամուլի եւ տեղեկատվության ոլորտների ենթահանձնաժողովի ղեկավար՝ Վահագն Թեւոսյանը: Հանդիպմանը մասնակցել էին նաեւ ԱԺ պատգամավորներ Աննա Կոստանյանը, Իվետա Տոնոյանը, Սոֆյա Հովսեփյանը, Անուշ Բեղլոյանը, Սիսակ Գաբրիելյանը եւ Գայանե Աբրահամյանը:

ԱԺ պատգամավոր Վահագն Թեւոսյանը ակտիվ նախաձեռնողականության համար շնորհակալություն էր հայտնել քաղաքացիական հասարակության ներկայացուցիչներին: Վերջինս խիստ կարեւորելով նրանց դերը՝ այդ թվում մեդիադաշտի ոլորտում իրավական դաշտի ձեւավորման առումով, նշել էր, որ օրենքի նախագծի այդ տարբերակը կարող է դառնալ բազիսային՝ օրենքի նախագծի վերջնական տարբերակի համար: Թեւոսյանը խոստացել էր, որ հնարավորության շրջանակներում ամենամոտակա ժամանակահատվածում նախագիծը կքննարկվի բոլոր շահագրգիռ կողմերի հետ, կարվեն համապատասխան հետեւություններ եւ առաջարկություններ:

Տպել
11177 դիտում

Թուրքիան կռիվ է տալիս ռուսական զենքի և Կիպրոսի գազի համար. ԱՄՆ-ն դժգոհում է, ԵՄ-ն՝ պատժամիջոցներ սահմանում

Մխիթարյանը խաղաժամանակ չստացավ «Արսենալի» առաջին ընկերական խաղում

Մենք կցանկանանք, որ ԱՄՆ- ճնշում չգործադրի Հայաստանի վրա՝ իրանական պատժամիջոցների օրակարգում ներգրավվելու համար. Միրզոյան

Հակառակորդի կրակոցների հետեւանքով Նախիջեւանի սահմանին հրդեհ է բռնկվել. հայկական կողմը մարել է այն (տեսանյութ)

Նպատակը՝ անվտանգ երթևեկությունն է. ՀՀ-ի հյուսիսում եւ հարավում մասշտաբային ճանապարհաշինական աշխատանքներ են ընթանում

Անասնագերեզմանոց Գյումրիում. ոսկորներն ու գանգերը տարածված են բաց դաշտում

Նոր ՋԷԿ-ի պայմանագիրը վերաբանակցվել է. տարեկան 6.4 միլիոն դոլարի խնայողություն է ապահովվել

Նախշուն Տավարացյանի լիազորությունների դադարեցման պահանջով ԲԴԽ նիստ է գումարվելու. Բեքմեզյան

Հայբիզնեսբանկը միացել է EARLYONE հաճախորդների հոսքերի հեռահար կառավարման համակարգին

ՎՏԲ-Հայաստան Բանկի Թիվ 33 մասնաճյուղը կգործի նոր հասցեում

ՀՀ-ում ընթացող Եվրո 2019-ի B խումբը միանձնյա առաջատար ունի

Քաղաքացին կարող է իր գույքն ու հողամասն օտարել առանց եկամտահարկ վճարելու․ ՄԻՊ-ի բարձրաձայնած խնդիրները լուծվել են

Խոշոր չափերով շորթում և ծեծ. ՔԿ-ն մանրամասներ է ներկայացրել Սամվել Կարապետյանի եղբորդորդուն առաջադրված մեղադրանքի մասին

Հայտնաբերվել է մաքսային հսկողությունից թաքցված հեռախոսների ներմուծման դեպքեր. ՊԵԿ-ի բացահայտումը

Հայաստանը դարձնում ենք դրախտ՝ տաղանդավոր մարդկանց համար. Նիկոլ Փաշինյան (տեսանյութ)

ՀՀ պաշտպանության նախարարը մասնակցել է ԵԿՄ ուսումնամարզական ճամբարի բացման արարողությանը

Աննա Հակոբյանն պետական տիկնիկային թատրոնում ներկա է գտնվել բարեգործական ներկայացմանը

Աբովյանում 34-ամյա տղամարդու սպանությունը բացահայտվել է, կասկածյալը ձերբակալվել է (լուսանկարներ)

Երեւանի բնակարաններից մեկում հայտնաբերվել է 77-ամյա տանտիրոջ դին

Արփիին ու ինձ սկսել է դուր գալ իրար հետ աշխատանքի գնալը. Աննա Հակոբյան