Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասին

«Հայկական ժամանակ»-ն արդեն տեղեկացրել է, որ երեկ Լոռու մարզի Ալավերդի քաղաքից դեպի Վրաստանի սահման տանող ավտոճանապարհի 20-րդ կիլոմետրին՝ Նեղոց գյուղի մոտակայքում, տեղի է ունեցել քարաթափում, ինչի հետեւանքով 2 մարդ զոհվել է, իսկ 1-ը ծայրահեղ ծանր վիճակում տեղափոխվել է Ալաբերդու բժշկական կենտրոն: Հսկա ժայռաբեկորներն ընկել են այդ պահին ճանապարհի երթեւեկելի մասով անցնող մեքենաների վրա:

Լոռու մարզպետ Անդրեյ Ղուկասյանը «Հայկական ժամանակ»-ի հետ զրույցում ասաց, որ քարերը թափվել են ժայռի վրայից՝ մոտավորապես 250 մետր բարձրությունից. «Որեւէ մարդկային գործոն այդտեղ չի եղել: Նույնիսկ մարդը չի կարող այդտեղ բարձրանալ այդ անմատչելի հատված: Դա ուղղակի անձրեւների հետեւանքով է առաջացել: Պոկված տեղը բարձր հատվածից երեւում է: 250 մետրից մեծ կտորներով թափվել է՝ պատկերացրեք, եւ սա բերել է նման աղետի: Ճանապարհաշինարարների եւ մարդկային գործոն բացարձակ չկա»:

Հարցին՝ քրեական գործ հարուցվե՞լ է դեպքի առթիվ, Ղուկասյանը պատասխանեց. «Այս պահին չեմ կարող ասել, բայց իմ կարծիքով չի հարուցվի կամ եթե հարուցվի էլ անպայման կկարճվի, որովհետեւ իրոք այդտեղ չի կարող մարդկային գործոն լինել»:

Հարցին, ի՞նչ միջոցներ են ձեռնարկվում, որպեսզի կանխվեն նման դեպքերը, Ղուկասյանը պատասխանեց. «Քանի որ Մ6-ը հիմա կառուցման փուլում է, մենք պետք տեսնենք՝ նախագծով նախանշվա՞ծ են նման պատնեշներ եւ եթե չեն նախատեսվել մենք ԱԻՆ-ի եւ տարածքային կառավարման եւ ենթակառուցվածքների նախարարության հետ գրություններ ենք ուղարկել, որ այդ հատվածներն առանձին դիտարկեն ու եթե կարիք լինի նախագծի մեջ փոփոխություններ անեն, որպեսզի հաշվի առնվի նաեւ այդ հատվածը: Օրինակ, այդ հատվածում պետք է 250 մետր երկարությամբ պատնեշ կառուցել, որպեսզի ապահովենք այդ մասը, բայց նման հատվածներ շատ ունենք»:

Հարցին՝ արդյո՞ք մեծ ծախսեր է պահանջում վերոնշյալ պատնեշները կառուցելը, Ղուկասյանը պատասխանեց. «Իհարկե ծախսատար է: Մ6-ի այն հատվածում, որը կառուցվել է շատ տեղերում ցանցեր ունենք ժայռին կպցրած, որն ինչ-որ տեղ ապահովում է անվտանգությունը: Տեղեր ունենք, որ այդպիսի պատեր ենք կառուցել: Հիմա ամբողջ երկայնքով պետք է դա արվի»:

Դիտարկմանը, թե ամեն դեպքում տեղանքով անցնողների թիվը մեծ է եւ վտանգ կա, Ղուկասյանն արձագանքեց. «Իհարկե, ե՛ւ տեղացիները, ե՛ւ Վրաստան ուղեւորվողները այդ ճանապարհով շատ են երթեւեկում»:

Ղուկասյանի խոսքով՝ քանի որ այդ ճանապարհը միջպետական է հարցով զբաղվում է տարածքային կառավարման եւ ենթակառուցվածքների նախարարությունը:

«ԱԻՆ-ի եւ գեոդեզիստների հետ համատեղ պետք է ուսումնասիրեն այդ ժայռերը ու տարբեր հատվածներում տարբեր լուծումներ պետք է տրվի: Տեղեր կան գուցե ցանցով հարցը լուծվի, տեղեր կան պատերի միջոցով, տեղեր կան գուցե քարաթափումներ արվի»,- ասաց Ղուկասյանը:

Դիտարկմանը՝ մինչեւ հիմա չե՞ն պատկերացրել, որ հնարավոր է նման դեպք լինի, թե՞ դեպքը լինելուց հետո են սկսում այսպիսի խնդիրներին անդրադառնալ, մարզպետը պատասխանեց. «Ցավոք սրտի այդ հատվածում մեր ռելիեֆն այնպիսին է, որ այդ 250 մետր բարձրությամբ ժայռը, նույնիսկ, եթե այդ պատնեշը դնենք 100 տոկոսով անվտանգ չի դառնա: Իհարկե, ռիսկերը կնվազեն, բայց այն որ մի ժայռաբեկոր ասենք 100 տոննայանոց Աստված չանի պոկվի հնարավոր է պատն էլ հետը քանդվի եւ ճանապարհի վրա ընկնի: Հետեւաբար՝ մենք ռիսկերը մինիմալի կարող ենք հասցնել, բայց ամբողջությամբ խնդիրը վերացնել ցավոք սրտի չենք կարող»:

Տպել
432 դիտում

Ադրբեջանի տեղեկատվական ձախողումը, որից պետք է դասեր քաղի հայկական կողմը

Տասնյակ միլիոնավոր դրամների հասնող չարաշահումներ. ՊՈԱԿ-ի պատասխանատու պաշտոնատար անձիք չարաշահել են պաշտոնեական դիրքը

«RyanAir»-ը մտադրություն ունի առաջիկայում մուտք գործել հայկական ավիաշուկա. հանդիպում վարչապետի հետ

Կրակի հետ ցանկացած անզգուշություն կարող է աղետալի հրդեհների պատճառ դառնալ. Սուրենյանը զգուշացնում է

Թրամփն անորոշ ժամկետով հետաձգել է սեպտեմբերի սկզբին պլանավորած այցը Դանիա

Սերբիան պատրաստվում է ազատ առևտրի գոտու համաձայնագիր ստորագրել ԵԱՏՄ-ի հետ

ՄԻՊ-ի աջակցությամբ հաշմանդամություն ունեցող քաղաքացու համար բնակության շենքի բակում կայանատեղի է առանձնացվել

Գյումրին ՅՈւՆԵՍԿՕ-ի անդամության ի՞նչ հավակնություններ ունի

Կա՞ նոր ՇՄԱԳ իրականացնելու անհրաժեշտություն . «Էլարդի» եզրակացությունն ուղարկվում է Շրջակա միջավայրի նախարարություն

Շարունակում ենք աշխատել այս խիստ կարեւոր թեմայի վրա. Փաշինյանը խորհրդակցություն է անցկացրել «Ամուլսարի» հարցով

Արսեն Թորոսյանի «հեռացող խորհրդատուն» նախարարություն չի ներկայացրել հեռանալու դիմում. խոսնակ

«Լիդիան Արմենիա»-ն պարտավորվում է հանքի տարածքից չմաքրված կոնտակտային ջրերը բաց չթողնել շրջակա միջավայր. ՔԿ

Արմեն Ղազարյանը պնդում է՝ Ադրբեջանում հայտնված զինծառայող եղբայրը սպաների հետ խնդիրներ է ունեցել

Ryanair-ի նախագահի տեղակալի հետ քննարկեցինք ընկերության Հայաստան հնարավոր մուտքի հետ կապված հարցեր. Ավինյան

Հրապարակվել է Ամուլսարի գործով փորձաքննության եզրակացության վերաբերյալ վերլուծություններն ու գնահատումը

Վատնվել է ավելի քան 21 մլն դրամ. ԱԱԾ–ն հափշտակման նոր դեպք է բացահայտել ՊՆ–ում

Հայաստանն ու Խորվաթիան ցանկանում են զարգացնել միջհամայնքային կառուցողական շփումները

Խաչատուրյան քույրերի հորը մեղավոր են ճանաչել դուստրերին անարգանքի ենթարկելու համար

ՀՅԴ-ն առաջարկում է Ամուլսարի հանքի հարցը լուծել հանրաքվեով

Կդադարեցվի արդյո՞ք Լեռնային Ղարաբաղում ականազերծման ծրագիրը. Բաքուն ակտիվորեն աշխատում է այդ ուղղությամբ