Ինեկոբանկը եւ EFSE հիմնադրամը ընդլայնում են միկրո եւ փոքր ձեռնարկությունների ֆինանսավորման համագործակցության շրջանակները

16/07/2019 schedule12:45

[Լյուքսեմբուրգ եվ Երեվան] - Հարավարևելյան Եվրոպայի Եվրոպական Հիմնադրամը (EFSE) նոր վարկ է տրամադրել Հայաստանում իր գործընկեր Ինեկոբանկին` երկրում միկրո և փոքր ձեռնարկությունների ֆինանսավորումը խթանելու նպատակով: Հիմնադրամը, ներդնելով 10 մլն ԱՄՆ դոլար, նպատակ ունի ընդլայնելու Բանկի ներգրավվածությունը միկրո և փոքր ձեռնարկատիրության ոլորտում՝ մեծացնելով ֆինանսավորման հնարավորությունները և նպաստելով ոլորտի կայուն զարգացմանն ու աճին։

Հայաստանյան բանկային համակարգում ակտիվների ծավալով վեցերորդը հանդիսացող Ինեկոբանկը համագործակցում է EFSE հիմնադրամի հետ սկսած 2012 թվականից։ Բանկը բազմիցս հայտնել է իր պատրաստակամությունն աջակցելու EFSE հիմնադրամի թիրախային խումբ հանդիսացող միկրո և փոքր ձեռնարկատիրություններին և նպաստելու ձեռներեցության զարգացմանը Հայաստանում՝ տրամադրելով գործարար կարիքներից բխող ֆինանսական պրոդուկտներ և ծառայություններ։

EFSE- ի խորհրդի նախագահ Քրիստոֆ Տիսկենսը նշեց. «Այս վարկը կշարունակի ամրապնդել EFSE հիմնադրամի ազդեցությունը Հայաստանում և մեր արժեքավոր գործընկերությունն Ինեկոբանկի հետ, որը հանդիսանում է միկրո և փոքր բիզնեսը ֆինանսավորող առաջատար ֆինանսական հաստատություններից մեկը երկրում։ Ապահովելով ձեռնարկատերերին կայուն ֆինանսավորման միջոցներով և հետևելով մեր առաքելությանը` համատեղ խթանում ենք տարածաշրջանում բիզնեսի և տնտեսության զարգացումը»։

«Հարավարևելյան Եվրոպայի Եվրոպական Հիմնադրամը հանդիսանում է Ինեկոբանկի ռազմավարական գործընկերներից և շարունակաբար հնարավորություն է ընձեռում մեզ մշակելու թիրախավորված վարկավորում` օժանդակելով առավել  արդար և արդյունավետ կերպով  բավարարել շուկայի պահանջարկը։ Այս գործարքը բացառություն չէ և միտված է ամրապնդելու մեր ներգրավվածությունը Հայաստանում միկրո, փոքր և միջին ձեռնարկատիրության զարգացման գործընթացում», - մեկնաբանեց Ինեկոբանկի գործադիր տնօրեն Տիգրան Դավթյանը։

ԻՆԵԿՈԲԱՆԿԻ ՄԱՍԻՆ

«Ինեկոբանկ» ՓԲԸ-ը, հանդիսանալով Հարավային Կովկասի առաջատար բանկերից մեկը, մատուցում է համալիր բանկային, ինչպես նաև թվային բանկային ծառայություններ անհատներին, ՓՄՁ և խոշոր կազմակերպություններին։ Շուրջ 23 տարի բանկը տրամադրում է բարձրորակ բանկային ծառայություններ Հայաստանում՝ սպասարկելով ավելի քան 400 000 հաճախորդի, որոնցից մոտ 200 000-ին` թվային ուղիներով:

Իր գործունեության ընթացքում Ինեկոբանկը մշակել և մատուցել է ոլորտի առաջատար թվային բանկային լուծումներ՝ նպատակ ունենալով ներդնել ամբողջովին նոր բանկային ծառայություններ։

  • 2009թ. առաջինը Հայաստանում ներդրել է «Ապառիկ տեղում» թվայնացված և ամբողջովին ավտոմատացված ծրագիրը, որն ապրանքի ապառիկ գնման գործընթացը 3-4 օրից կրճատել է մինչև մի քանի րոպեի։
  • 2012թ. իր InecoOnline համակարգի շնորհիվ առաջիններից մեկն էր, որ ապահովել է գործարքների կատարումը 24/7 ռեժիմով:
  • 2014թ. ներդրել է InecoMobile բջջային հավելվածը, որն իր հնարավորությունների և օգտագործման պարզության շնորհիվ այսօր ունի ամենաշատ օգտատերերը հայաստանյան ֆինանսական հավելվածների շարքում։
  • 2017թ. բանկն առաջինն էր, որ ներդրել է ամբողջովին ավտոմատացված վարկավորման գործընթաց իր օնլայն և մոբայլ հավելվածների միջոցով: Արդյունքում վարկերը տրամադրվում են հաճախորդներին 24/7 ռեժիմով:

2018թ. առաջինը բանկային համակարգում գործարկել է նորարարական ու ժամանակակից InecoPay վճարային համակարգը, որը հնարավորություն է տալիս վճարումներ իրականացնել սմարթֆոնի միջոցով:

EFSE-Ի ՄԱՍԻՆ

Զարգացման ոլորտում աշխարհի խոշորագույն հիմնադրամներից մեկի՝ Հարավարևելյան Եվրոպայի Եվրոպական Հիմնադրամի (EFSE) նպատակն է աջակցել Հարավարևելյան Եվրոպայում և Արևելյան գործընկերության տարածաշրջանում տնտեսական զարգացմանը և աճին` ներդրումներ կատարելով միկրո և փոքր ձեռնարկությունների հաջողություններում, ինչպես նաև բարելավելով տնային տնտեսությունների կենսապայմանները։ Քանի որ ֆինանսական ծառայությունների հասանելիությունը կարևոր է տվյալ խմբի համար, EFSE-ն  աջակցում է տեղական 

ֆինանսական հատվածին, որպեսզի վերջինս անհրաժեշտ ֆինանսավորում տրամադրի թիրախային խմբերին։ Տեղական գործընկերների միջոցով ներդրումային գործունեությոան հետ մեկտեղ, հիմնադրամը կրկնապատկում է իր ազդեցությունը հիմնադրամի Զարգացման կառույցի միջոցով, որը կազմակերպում է վերապատրաստումներ,տրամադրում է տեխնիկական, և այլ ոչ ֆինանսական աջակցություն ձեռնարկատերերին և հաստատություններին:

EFSE-ն հիմանադրվել է KfW զարգացման բանկի կողմից` Գերմանիայի տնտեսական համագործակցության և զարգացման դաշնային նախարարության (BMZ) և Եվրոպական հանձնաժողովի ֆինանսավորմամբ: Որպես առաջին հանրային-մասնավոր գործընկերության օրինակ՝ EFSE-ն իր կապիտալը ստանում է դոնոր գործակալությունների, միջազգային ֆինանսական հաստատությունների և մասնավոր ինստիտուցիոնալ ներդրողների ներդրումների շնորհիվ :

Finance in Motion GmbH գերմանական կառույցը հանդիսանում է EFSE հիմնադրամի խորհրդատու, իսկ լյուքսեմբուրգյան Hauck & Aufhäuser Fund Services S.A. կազմակերպությունը՝ ֆոնդի մենեջեր։

Հարավարևելյան Եվրոպայի Եվրոպական Հիմնադրամի մասին լրացուցիչ տեղեկությունների համար այցելեք www.efse.lu կայքը։

Finance in Motion կառույցի մասին լրացուցիչ տեղեկությունների համար այցելեք` www.finance-in-motion.com կայքը։

Տպել
623 դիտում

Հայ խաղաղապահները մասնակցել են «Կոսովոյի ուժեր» զորավարժության վարժանքին

ՀՀ վարչապետն ու բարձրաստիճան պաշտոնյաները հարգանքի տուրք են մատուցում Սումգայիթի ոճրագործության զոհերի հիշատակին

Նիկոլ Փաշինյանը հրապարակել է Այո-ի մեծ պաստառներից մեկը

Երևանի Երզնկյան փողոցի և Բաղրամյան պողոտայի խաչմերուկում քաղաքացին վրաերթի է ենթարկվել

Արմեն Սարգսյանը ուղերձ է հղել Ադրբեջանական ԽՍՀ-ում կազմակերպված ջարդերի զոհերի հիշատակի օրվա առթիվ

Իրանցի վարորդները բեռնատարները կդատարկեն «Ագարակ տերմինալ»-ի պահեստում՝ չխորանալով ՀՀ-ի տարածքի մեջ. ՊԵԿ

ՀՀ տարածքում կան փակ և դժվարանցանելի ճանապարհներ. ռուսական կողմում կուտակված 400 բեռնատար կա

Դավթաշեն 2-րդ թաղամասում էլեկտրական սյունն ընկել էր ճանապարհի երթևեկելի գոտի

Հրդեհ Հովտաշեն գյուղում. այրվել է մոտ 300 հակ անասնակեր

Վրաստանում կորոնավիրուսի առաջին դեպքը, «դատարկված» սուպերմարկետներն ու դեղատները

Վիրուսին ձեռ չի տալիս, որ սպանի իր տիրոջը, իրեն ձեռք է տալիս, որ ապրի այդ օրգանիզմում. բժիշկը՝ կորոնավիրուսի մասին

Տավուշի մարզպետարանը եւ Teach For Armenia կրթական հիմնադրամը համագործակցության հուշագիր են ստորագրել

ՀՀ հպարտ քաղաքացու անձնագիր. Նիկոլ Փաշինյանը հրապարակել է «Այո» քարոզչության բուկլետը

Արտաշատի ԲԿ-ում ավելի քան 500 աշխատակիցների աշխատավարձը բարձրացվել է

Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում ձնահոսքի բարձր ռիսկ կա

Գյումրիում կատարված դանակահարությունը բացահայտվել է. 46-ամյա տղամարդուն դանակահարել է 39-ամյա եղբայրը

Արագածոտնի մարզպետը 7 ընտանիքի բնակարանի գնման վկայագրեր է հանձնել

Եվրամիությունն ընդլայնում է Թուրքիայի դեմ պատժամիջոցները

Գյումրի է վերադարձել հետախուզման մեջ գտնվող Վերա Ա.-ն. նա մեղադրվում է ՀՀ ՔՕ 119-րդ (Խոշտանգումը) և 133-րդ հոդվածներով

Սումգայիթի ջարդերի 32-րդ տարելիցն է. ստահոդ քարոզչությունը տարածվում է ռուսական կայքերով