«Միսս տիեզերք Արմենիայի» ու «Միսս աշխարհ Արմենիայի» մասնակիցների սոցցանցի չատում վեճեր չկան

«Միսս տիեզերք Արմենիա» ու «Միսս աշխարհ Արմենիա» մրցույթների ղեկավար Գոհար Հարությունյանը փակագծեր է բացում իր ու 2019 թ. մասնակիցների շփումից: Երեկ՝ հուլիսի 15-ին, հայտնի դարձավ «Միսս աշխարհ Արմենիայի» անունը՝ Լիանա Ոսկերչյան, ու մրցույթն ավարտվեց: Ավելի վաղ՝ հուլիսի 9-ին էլ որոշվել էր «Միսս տիեզերք Արմենիայի» հաղթողը՝ Դայանա Դավթյան: «Հայկական ժամանակ»-ի հետ զրույցում Գոհար Հարությունյանը նշեց, որ մասնակիցներն ընդունել են արդյունքները ու սոցցանցի իրենց ընդհանուր չատում դժգոհություններ չկան:

«Քվեարկություն ենք արել, եւ աղջիկները նույնպես ընտրել էին Լիանային: Բայց դե դժգոհությունները կարող էին լինել մրցանակային տեղերի համար՝ որ տասնյակ չմտա, հնգյակ չմտա: Բայց նրանց բացատրել եմ, որ դա ընդամենը բեմի վրա մի փոքր երկար մնալ է, իսկ ես կարող եմ աշխատել անգամ տասնյակ չմտած աղջկա հետ, որովհետեւ շատ են գալիս այլ միջազգային մրցույթների մասնակցելու առաջարկներ, կամ էլ նրանք կարող են 2-րդ, 3-րդ անգամ մասնակցել: Փորձը ցույց է տալիս, որ 2-րդ անգամ գալու դեպքում ավելի պատրաստված են լինում, ինչպես Լիանան: Ես նույնպես 2-րդ անգամ մասնակցելիս եմ հաղթել: Այնպես որ ոչ ոք չի հուսահատվում: Բոլորը շատ ուրախ են, չատում տիրում է խաղաղություն, տխուր են միայն, որ այս ամենն ավարտվել է: Լիանան էլ էր 2-րդ անգամ եկել՝ 2017 թ. ապրած դրական էմոցիաները վերապրելու, առանց որեւէ ակնկալիքի, բայց նրան հասավ թագը»,- ասաց Գոհարը՝ խոստովանելով, որ ոմանք, իհարկե, տխրել են:

Ինչպես ամեն տարի, այս անգամ էլ Գոհարը չի թաքցնում, որ թերություններ եղել են: Ընդգծում է, որ թիմը մեծ աշխատանք է կատարել ու այդ առումով դժգոհություններ չունի: Պարզապես կազմակերպչական անձնակազմը բավական մեծ չի եղել, ու մի անձը ստիպված է եղել մի քանի հոգու աշխատանք կատարել:

«Աշխատակազմի համալրում է պետք. յուրաքանչյուր աշխատող մի 3 հոգու գործ էր անում, իհարկե ոչ թե թիմի թերությունն է, այլ ֆինանսական խնդիր է, որը պետք է լուծել: Թիմը շատ լավ է աշխատել, գոհ եմ»,- ասաց նա:

Գոհարը շատ է կարեւորում հասարակության կարծիքը: Հայաստանում գեղեկության մրցույթների վերաբերյալ մարդիկ շատ խստապահանջ են, ինչին նա շատ է բախվել: Դեռեւս դժգոհություններ չի լսել, սակայն գիտակցում է, որ մասնակիցներն անփորձ են ու թերություններ կլինեին:

«Ինձ համար շատ կարեւոր է հասարակության կարծիքը: Հայ հասարակությունը միշտ ինչ կա, այդպես ասում է՝ շատ ուղիղ կերպով, եւ առայժմ արձագանքները միայն դրական են: Իհարկե եղել են թերություններ, բայց կարող էր լինել ավելի վատ: Փոքր ինչ թերություններ են եղել: Կարծում եմ՝ բեմում ունենալով անփորձ մասնակիցների հնարավոր չէ, որ ամեն ինչ կատարյալ լինի»,-ասաց նա՝ ավելացնելով, որ պետք է ձգտեն կատարելության:

«Միսս աշխարհ Արմենիա 2019» Լիանա Ոսկերչյան

Սա 3-րդ տարին է, որ Գոհարը մրցույթներ է կազմակերպում: Այս անգամ նորարարություն կար: Մրցույթներն անցկացվեցին փառատոնային ձեւաչափով: Առաձին փուլերով հայտնի դարձան թե «Միսս աշխարհ» ու «Միսս տիեզերք» միջազգային մրցույթներում Հայաստանը ներկայացնողները, եւ թե մյուս անվանակարգերի հաղթողները: Սա, ըստ Գոհարի, օգնեց ժյուրիին:

«Ժյուրիի համար էր ավելի հեշտ: Այս տարի արեցինք հագուստներով փորձ, որի ժամանակ նրանք հանգիստ ընտրություն կատարեցին, այլ ոչ թե ուղիղ եթերում խառնաշփոթ վիճակում: Նայեցին ամբողջությամբ հագուստով փորձը, առանձնացան, հանգիստ կայացրին որոշումը: Մնում էր միայն հանգիստ նստել նայել շոուն»,- ասաց նա:

Մրցույթի շրջանակներում մյուս անվանակարգերում հաղթողներ դարձան Մելանյա Արզումանյանը («Միսս սպորտ»), Նարե Օրդյանը («Միսս տաղանդ»), Էլեն Սիմոնյանը («Միսս համերաշխություն»), Միլենա Թարյանը («Հանդիսատեսի համակրանք»): «Միսս աշխարհ Արմենիա» Լիանա Ոսկերչյանը նաեւ հաղթող ճանաչվեց «Մամուլի համակրանք» անվանակարգում: «Միսս աշխարհ Արմենիայի» «4-րդ վիցե միսս» դարձավ Միլենա Թարյանը, «3-րդ վիցե միսս»՝ Լիանա Իսրայելյանը, «2-րդ վիցե միսս»՝ Անետա Գաբրիելյանը «1-ին վիցե միսս»՝ Մոնիկա Գրիգորյանը:

Այս շրջանում հաղթողները պետք է սկսեն «Միսս աշխարհ» ու «Միսս տիեզերք» մրցույթի նախապատրաստությունը: Լիանա Ոսկերչյանին մի փոքր ավելի բարդ աշխատանք է սպասվում, քանի որ, ի տարբերություն Դայանա Դավթյանի, բացի հագուստ ընտրելուց, օտար լեզուն կատարելագործելուց, ֆիզիկական պատրաստականությունից ու թղթաբանական հարցերից, պետք է նաեւ բարեգործական նախագիծ իրականացնի «Գեղեցկությունը նպատակի համար» փուլի համար:

«Միսս աշխարհ 2019»-ի եզրափակիչը կայանալու է Լոնդոնում սեպտեմբերի 14-ին: «Միսս տիեզերք 2019»-ի մասին վերջնական հայտարարություն դեռ չի եղել:

Տպել
1549 դիտում

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)