Վերջին հաշվառումից հետո Շիրակի մարզի գյուղերից նոր անօթեւան ընտանիքների տվյալներ են ստացվում

Հունիսի 30-ին վարչապետ Նիկոլ Փաշինյանին անօթեւանների ճշտված ցուցակը ներկայացնելուց հետո Շիրակի մարզում նոր խնդիրներ են ի հայտ եկել: Ըստ մարզպետարանի քաղաքաշինության վարչության պետ Ալբերտ Մարգարյանի, իրենք գյուղական բնակավայրերի ցուցակները ներկայացնելուց հետո համայնքապետերից նոր անօթեւան ընտանիքի տվյալ են ստացել: Այս պահին ընդգծում է Սպանդարյանը, սակայն չի պատկերացնում, թե ինչպես կարող էր գյուղում առկա տնակի եւ անօթեւանի մասին համայնքապետն օրեր առաջ միայն տեղեկանա եւ ներկայացնի:

Ո՞վ է Սպանդարյանում հաշվառումից հետո հայտնված անօթեւանն ու որքա՞ն ժամանակ է, որ բնակվում է գյուղում:

«Ոչ թե հայտնվել են, այլ միշտ էլ մեր բնակիչն են եղել, նոր չենք գտել»,-ՀԺ-ի հետ զրույցում ասաց Սպանդարյանի համայնքապետ Ավետիք Մխիթարյանը: Խոսքը սպանդարյանցի Սարիբեկ Մխիթարյանի ընտանիքի մասին է: Ասում է՝ որպես անօթեւանի հաշվառման չի ներկայացրել, քանի Գյումրիում Մինասյանները տարիներ առաջ բնակարան են ստացել: Բնակարանն էլ Գյումրիում են ստացել, քանի որ 88-ի աղետի պահին հենց այնտեղ են բնակարան ունեցել ու կորցրել: Քանի որ Մինասյանները պետության կողմից ժամանակին փոխհատուցվել են, դրա համար էլ համայնքապետը նրանց չի ընդգրկել Սպանդարյանի անօթեւանների ցուցակի մեջ: Հետո պարզվել է, որ սխալ քայլ է արել, ուղղել է: Արդյունքում էլի սխալ է դուրս եկել, դարձել թյուրիմացության պատճառ:

«Լեննական որ իրանք տուն էին ստացել, մենք որպես բնակելի տարածք ունեցող չենք ներառել մեր ցուցասկում, բայց վերջին ճշտումը պահանջում է, որ մենք պետք է նրան ընդգրկենք անօթեւանների ցուցակում, հետագայում այդ խնդիրը, որ իրենք բնակարան ունեն, արդեն ինչ ձեւի կլինի, չի լինի, չգիտեմ: Դա է եղել խնդիրը, որ չէի ներկայացրել, հիմա ներկայացրել եմ, ուղղակի քարտեզագրում են կատարում, պետք էր: Էդ ընտանիքից մեկը Սպանդարյան դոմիկի մեջը կապրի, բայց ընտանիքի կեսը սեփականություն ունի Լեննականում: Հմի մեզի էլ ասացին, որ իրանք տուն ունին, թե չունին, Ձեր գործը չէ, ուղղակի դոմիկը քանի որ հասցեավորված է, պետք է ներառնվի վարչապետի հանձնարարականի մեջ: Ըդքան բան: Ուղղակի ստեղ վիճահարույց է էլի: Էդ ընտանիքի 3 անդամից 2-ը Լեննական բնակարան ունի, իրանք ոնց որ 66 տոկոս լինեն օթեւան ունեցող, այսինքն, տան 1 հոգին անօթեւան է: Ես գիտեի, որ իրանք տուն ունեին ստացած, դրա համար էլ չէի ներկայացրել: Բայց որ ուզեցին որպես դոմիկ ապրող, ներկայացրի, թե չէ ուրիշ ոչ մի խնդիր չի եղել»,- ասաց համայնքապետը:

Եթե պետք լինի Սպանդարյանի համայնքապետը կարող է նաեւ ապացուցել, որ ներկայացրած տնակը գյուղում վաղուց է դրված, 2003 թվականի քարտեզագրման ժամանակ էլ այն հաշվառված է մշտական բնակչով:

«Մարդիկ տեղում են եղել, ապրել են, ուղղակի խնդիրը գիտե՞ք որն էր, որ գրությունը ներկայացնում, պահանջում են անօթեւան, դե արի որոշե՝ հմի անօթեւան են, թե՝ չէ»,-ասաց համայնքապետը: Վերջնական որոշումը, սակայն, ինքնուրույն չի կայացրել:  

«Քաղաքաշինության հետ պարզինք, որ կապ չունի՝ ինքը բնակարան ունի, թե՝ չէ: Եթե ինքը կապրի գյուղում, դոմիկի մեջ, պիտի հաշվառվեն: Թե չէ ոնց կարամ ես անօթեւաններին պահեմ»:

Ընդհանուր առմամբ Շիրակի մարզի 21 համայնքներում ֆիքսվել է մոտ 3500 ժամանակավոր կացարան: «Ինչու թիվը շատ հստակ, մեկ տնակի  ճշտությամբ չենք ասում, որովհետեւ մինչեւ էսօր կան դեպքեր, որ համայնքներից տվյալներ են ստացվում, որ էս կամ էն մարդու տվյալը համայնքի ղեկավարի կողմից ամբողջությամբ չի ներկայացվել, եւ սրանով պայմանավորված էլ ցուցակը փոփոխվում է»,- ՀԺ-ի հետ զրույցում ասաց Շիրակի մարզպետ Տիգրան Պետրոսյանը: Նման իրավիճակով պայմանավորված՝ գյուղական բնակավայրերում ճշտումներն արագ ու հստակ ավարտին հասցնելու հանձնարարական է տրված բոլոր համայնքապետերին:

Տպել
922 դիտում

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան

Մայր Աթոռի միաբանությունն ու պաշտոնեությունը շնորհավորեցին Ամենայն Հայոց Կաթողիկոսին ծննդյան տարեդարձի առիթով

Զարգացման շոկային տեմպեր. ՀՀ և Չինաստանի վարչապետերը մեծամասշտաբ համագործակցության պայմանավորվածությունների են հասել

Արտերկրում ելույթ ունեցող 13 ֆուտբոլիստ հրավիրվել է ազգային հավաքական

Ամուլսարի նախագիծը պե՞տք է անցնի նոր ՇՄԱԳ. վարչապետն ասում է՝ ինչու է «Էլարդի» եզրակացությունն ուղարկել ուսումնասիրելու

Գյումրիում էր ՊԵԿ նախագահ Դավիթ Անանյանը

Հաղթողներին պատվոգրեր են հանձնվել. «Նուբարաշեն» ՔԿՀ-ում դատապարտյալները ծանրաքար են հրել

Դավիթ Անանյանը Գյումրիում արձանագրել է ԱՏԳ սպասարկման կենտրոնի կառուցման գործում առաջընթացն ու անելիքները

Վրաստանի «Ռուսթավի 2»-ի լրագրողները լքում են հեռուստաընկերությունը

Երկրաշարժ Շիրակի մարզում. ցնցման ուժգնությունը էպիկենտրոնային գոտում կազմել է 3-4 բալ

Ադրբեջանի տեղեկատվական ձախողումը, որից պետք է դասեր քաղի հայկական կողմը