2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Հուլիսի 19-ին տեղի է ունեցել ՀՀ ոստիկանության ընդլայնված կոլեգիայի նիստը, որի ընթացքում ամփոփվել են ոստիկանության ծառայությունների և տարածքային մարմինների 2019 թվականի առաջին կիսամյակի օպերատիվ-ծառայողական գործունեության արդյունքները: Նիստը վարել է ոստիկանության պետ, ոստիկանության գեներալ-մայոր Վալերիյ Օսիպյանը:

Նիստին մասնակցել են ոստիկանության կոլեգիայի անդամներ, կենտրոնական ապարատի, մարզային և տարածքային ստորաբաժանումների ղեկավարներ: Զեկույցներով հանդես են եկել ոստիկանության պետի առաջին տեղակալ Արման Սարգսյանը, ոստիկանության պետի տեղակալ Վարդան Մովսիսյանը, շտաբի պետ Արմեն Ղուկասյանը և կադրային քաղաքականության վարչության պետ Սամվել Քոչարյանը:

Նշվել է, որ 2019թ. առաջին կիսամյակի ընթացքում ՀՀ ոստիկանությունը, ընդհանուր առմամբ, կատարել է իր առջև դրված խնդիրները, օրենքով վերապահված լիազորությունների շրջանակներում վերահսկել է օպերատիվ իրավիճակը՝ պահպանելով կայուն հասարակական կարգն ու անվտանգությունը:

Ըստ վիճակագրական տվյալների՝ կիսամյակի ընթացքում գրանցված հանցագործությունների ընդհանուր թվաքանակն աճել է 9 %-ով, ինչը, գլխավորապես, պայմանավորված է գողությունների, հատկապես՝ ոչ մեծ ծանրության գողությունների թվի աճով, ինչպես և ճանապարհային երթևեկության կանոնները խախտելու դեպքերի ավելացմամբ:

Չնայած հանցագործությունների թվի որոշակի աճին, 2019թ. առաջին կիսամյակում իրականացված լայնածավալ օպերատիվ-կանխարգելիչ միջոցառումների արդյունքում էականորեն՝ շուրջ չորս անգամ, կրճատվել է դրա տեմպը (2019 թ. հունվար՝ 35,3%, հունիս՝ 9 %):

Դեպքերի աճը պայմանավորված է նաև այն հանգամանքով, որ դեռևս նախորդ տարվանից, կապված իրավիճակի փոփոխության հետ, բարձրացել է քաղաքացիների վստահությունը ոստիկանության գործունեության նկատմամբ, և նրանք չեն խուսափում դիմել ոստիկանություն. եթե 2018 թ. 6 ամիսներին ոստիկանության ստորաբաժանումներ ստացվել է 93.874 առերևույթ հանցագործության մասին հաղորդում, ապա 2019 թ. 6 ամիսների ընթացքում դրանց թիվն աճել է 16,2%-ով՝ կազմելով` 109.087:

Ի դեպ, 18,1%-ով աճել են այն դեպքերը, երբ քաղաքացիները դիմել են ոստիկանություն՝ նախկինում իրենց կողմից չհայտնած դեպքերի վերաբերյալ: Հաշվետու շրջանում նվազել են դիտավորությամբ առողջությանը վնաս պատճառելու, այդ թվում` ծանր վնաս պատճառելու, սեռական անձեռնմխելիության դեմ ուղղված, յուրացման կամ վատնման, կողոպուտի դեպքերը: Ոստիկանության մարմինների ձեռնարկած միջոցառումների արդյունքում առգրավվել և բացատրական աշխատանքների շնորհիվ կամավոր հանձնվել է 320 միավոր հրազեն:

Զեկուցողը նկատել է, որ ՀՀ Ազգային ժողովի կողմից հայտարարված համաներման կապակցությամբ՝ 2018թ. նոյեմբերի 6-ից մինչև 2019 թ. հուլիսի 1-ն ազատ է արձակվել շուրջ 650 անձ: Նրանցից 88-ը հայտնաբերվել են կրկին անգամ հանցագործություն կատարելու համար. կատարել են 178 նոր հանցագործություններ, որոնցից 1-ը` սպանության, 1-ը` սպանության փորձի, 2-ը` սպանության սպառնալիքի, 3-ը՝ ավազակության, 2-ը` առողջությանը ծանր վնաս պատճառելու, 118-ը` գողության, այդ թվում 21-ը` բնակարանային, 10-ը` առանց իրացնելու նպատակի՝ թմրամիջոց պահելու, 2-ը` կողոպուտի, 4-ը` խարդախության, 14-ը` ծեծի և այլ դեպքեր են:

Նշվել է, որ հանցավորության դեմ պայքարում ոստիկանության ղեկավարության կողմից ընտրված մարտավարության և իրականացված լայնածավալ օպերատիվ-հետախուզական միջոցառումների արդյունքում բացահայտման աշխատանքներում արձանագրել է կայուն աճի տեմպ (հունվարին այն կազմել է 43,0%, փետրվարին՝ 44,6%, մարտին՝ 52,1%, ապրիլին 52,5%, մայիսին՝ 54,9%, հունիս ամսին՝ 60,1%):

Ըստ հիմնական հանցատեսակների՝ բացահայտման աշխատանքների արդյունավետության պատկերը հետևյալն է. սպանություններով՝ 73,9%, սպանության փորձերով՝ 78,1%, դիտավորությամբ առողջությանը վնաս պատճառելու դեպքերով՝ 86,3%, այդ թվում՝ ծանր՝ 80,2%, բռնաբարության և բռնաբարության փորձի՝ 66,7%, ճանապարհային երթևեկության կանոնների խախտման՝ 81,5%, այդ թվում՝ մահվան ելքով՝ 66,7%, խուլիգանության՝ 59,3%, այդ թվում՝ զենքի կամ որպես զենք օգտագործվող առարկաների գործադրմամբ՝ 71,2%, ավազակության՝ 87,7%, կողոպուտի՝ 63,5%, գողության՝ 45,5%, այդ թվում՝ բնակարանային՝ 24,4%, խարդախության՝ 61,5%, յուրացման կամ վատնման՝ 58,3% և տրանսպորտային միջոց փախցնելու դեպքերով՝ 78,8%:

2019 թ. 1-ին կիսամյակում կոռուպցիոն բնույթի հանցագործություններով հարուցված քրեական գործերով բացահայտվել է պետությանը, կազմակերպություններին և անձանց հասցված շուրջ 11 մլրդ 170.4 մլն ՀՀ դրամի, 6.1 մլն ԱՄՆ դոլարի և 3.200 եվրոյի վնաս: Վերականգնվել է շուրջ 237 մլն դրամի գումար: Ոստիկանության ստորաբաժանումները պատշաճ հասարակական կարգ ու անվտանգություն են ապահովել հանրապետությունում անցկացված 2.379 զանգվածային միջոցառումների, մասնավորապես՝ փետրվարի 17-ին և հունիսի 10-ին՝ հանրապետության մի շարք մարզերում կայացած համայնքի ղեկավարի և ավագանու անդամների ընտրությունների ընթացքում:

Բնակչության շրջանում ոստիկանության նկատմամբ վստահության բարձրացման առումով ՀՀ ոստիկանության ղեկավարությունը խիստ կարևորում է նաև յուրաքանչյուր ծառայողի կողմից օրինականության պահպանման խնդիրը: 2019 թ. 1-ին կիսամյակի ընթացքում ոստիկանության ծառայողների նկատմամբ կատարվել է 920 ծառայողական քննություն, որի արդյունքում կարգապահական տույժի է ենթարկվել 503 ծառայող:

Հաշվետու ժամանակահատվածում ոստիկանության ծառայությունները և ստորաբաժանումները զգալի աշխատանքներ են իրականացրել անձնակազմի կարգապահության բարձրացման և բարեփոխումների իրականացման ուղղությամբ, ձեռնարկվել են կազմակերպաիրավական բնույթի միջոցառումներ համակարգն արդի պահանջներին համապատասխանեցնելու, օպտիմալացման, ոստիկանությանն առնչվող իրավական դաշտի կատարելագործման, ոստիկանության աշխատանքը հանրությանը թափանցիկ ներկայացնելու, միջազգային ոստիկանական և այլ կառույցների հետ փոխհամագործակցությունն ակտիվացնելու ուղղությամբ։

Ամփոփելով կոլեգիայի նիստը՝ ոստիկանության պետ Վալերիյ Օսիպյանն անդրադարձել է հաշվետու զեկույցներում ներկայացված վիճակագրությանն ու բարձրացված խնդիրներին: Ընդհանուր առմամբ` դրական գնահատելով կիսամյա աշխատանքի արդյունքները՝ Վալերիյ Օսիպյանը հույս է հայտնել, որ ոստիկանության ծառայություններն ու տարածքային մարմինները կշարունակեն հետևողական աշխատանքը, և կոնկրետ հանձնարարականներ է տվել ոստիկանության առջև դրված խնդիրների պատշաճ իրականացման, հանցավորության դեմ պայքարն առավել արդյունավետ կազմակերպելու, կատարողական և ծառայողական կարգապահությունն ամրապնդելու ուղղությամբ:

Տպել
474 դիտում

Երկրաշարժ Շիրակի մարզում. ցնցման ուժգնությունը էպիկենտրոնային գոտում կազմել է 3-4 բալ

Ադրբեջանի տեղեկատվական ձախողումը, որից պետք է դասեր քաղի հայկական կողմը

Տասնյակ միլիոնավոր դրամների հասնող չարաշահումներ. ՊՈԱԿ-ի պատասխանատու պաշտոնատար անձիք չարաշահել են պաշտոնեական դիրքը

«RyanAir»-ը մտադրություն ունի առաջիկայում մուտք գործել հայկական ավիաշուկա. հանդիպում վարչապետի հետ

Կրակի հետ ցանկացած անզգուշություն կարող է աղետալի հրդեհների պատճառ դառնալ. Սուրենյանը զգուշացնում է

Թրամփն անորոշ ժամկետով հետաձգել է սեպտեմբերի սկզբին պլանավորած այցը Դանիա

Սերբիան պատրաստվում է ազատ առևտրի գոտու համաձայնագիր ստորագրել ԵԱՏՄ-ի հետ

ՄԻՊ-ի աջակցությամբ հաշմանդամություն ունեցող քաղաքացու համար բնակության շենքի բակում կայանատեղի է առանձնացվել

Գյումրին ՅՈւՆԵՍԿՕ-ի անդամության ի՞նչ հավակնություններ ունի

Կա՞ նոր ՇՄԱԳ իրականացնելու անհրաժեշտություն . «Էլարդի» եզրակացությունն ուղարկվում է Շրջակա միջավայրի նախարարություն

Շարունակում ենք աշխատել այս խիստ կարեւոր թեմայի վրա. Փաշինյանը խորհրդակցություն է անցկացրել «Ամուլսարի» հարցով

Արսեն Թորոսյանի «հեռացող խորհրդատուն» նախարարություն չի ներկայացրել հեռանալու դիմում. խոսնակ

«Լիդիան Արմենիա»-ն պարտավորվում է հանքի տարածքից չմաքրված կոնտակտային ջրերը բաց չթողնել շրջակա միջավայր. ՔԿ

Արմեն Ղազարյանը պնդում է՝ Ադրբեջանում հայտնված զինծառայող եղբայրը սպաների հետ խնդիրներ է ունեցել

Ryanair-ի նախագահի տեղակալի հետ քննարկեցինք ընկերության Հայաստան հնարավոր մուտքի հետ կապված հարցեր. Ավինյան

Հրապարակվել է Ամուլսարի գործով փորձաքննության եզրակացության վերաբերյալ վերլուծություններն ու գնահատումը

Վատնվել է ավելի քան 21 մլն դրամ. ԱԱԾ–ն հափշտակման նոր դեպք է բացահայտել ՊՆ–ում

Հայաստանն ու Խորվաթիան ցանկանում են զարգացնել միջհամայնքային կառուցողական շփումները

Խաչատուրյան քույրերի հորը մեղավոր են ճանաչել դուստրերին անարգանքի ենթարկելու համար

ՀՅԴ-ն առաջարկում է Ամուլսարի հանքի հարցը լուծել հանրաքվեով