Ըստ մարզչի՝ հայ ըմբիշները մասնակցեցին իրենց հնարավորությունների սահմաններում, իսկ դա քիչ է

Վանաձորում կայացած Ստեփան Սարգսյանի անվան ազատ ոճի ըմբշամարտի միջազգային 24-րդ մրցաշարում հայ մարզիկները հանդես եկան իրենց հնարավորությունների սահմաններում, իսկ դա քիչ է: Այս կարծիքին է Հայաստանի հավաքականի գլխավոր մարզիչ Հաբեթնակ Կուրղինյանը: Հայերը սեփական հարկի տակ կայացած ստուգատեսում ոչ մի ոսկի չնվաճեցին: Մասնակցում էր 6 երկրի շուրջ 120 մարզիկ: Հայաստանը, ունենալով մոտ 40 մասնակից, ավարտեց 2 արծաթով ու 6 բրոնզով: «Հայկական ժամանակ»-ի հետ զրույցում Կուրղինյանն ասաց, որ թե՛ մեդալներից, թե՛ գոտեմարտերից կարելի է ասել, որ գոհ է, բայց մի բայց կա:

«Ընդհանուր առմամբ բոլորն էլ իրենց հնարավորությունների սահմաններում մասնակցեցին, բայց կուզեի ավելին տեսնել, որովհետեւ աշխարհի առաջնությունն է մոտենում, որը շատ պատասխանատու մրցաշար է, եւ ես նրանցից սպասում էի անհնարինը, բայց չնկատեցի: Իրենց սովորական վիճակի մեջ էին: Դա ինձ չի գոհացնում: Ուզում էի, որ իրենց հնարավորություններից բարձր մասնակցեին, եւ դա չարեցին: Մասնակցեցին սովորականի պես: Մանավանդ խոսքը փորձառուների մասին է՝ Վալոդյա Ֆրանգուլյան, Գրիգոր Գրիգորյան.... իրենց հնարավորությունների սահմաններում հանդես եկան, ինչը քիչ էր՝ հաշվի առնելով ցիկլի այս պահի կարեւորությունը»,- ասաց նա:

Վալոդյա Ֆրանգուլյանը ՀՀ հավաքականի առաջատրներից է, ու իր՝ 65 կգ քաշային կարգում, լուրջ մրցակցություն ունի: Նույն քաշային կարգում հավաքականի առաջին համարը լինելու հավակնություններ ունեն աշխարհի ու Եվրոպայի չեմպիոն Դավիթ Սաֆարյանը եւ Եվրոպայի մինչեւ 23 տարեկանների չեմպիոն Վազգեն Թեւանյանը, որը հուլիսի 23-24-ը կայացած Ստեփան Սարֆսյանի անվան 2019 թ. մրցաշարին չմասանկցեց, քանի որ պատրաստվում է երիտասարդների աշխարհի առաջնությանը: Ֆրանգուլյանի համար սա իրեն դրսեւորելու շանս էր, սակայն 6-րդ տեղը զբաղեցրեց:

«Պետք է առնվազն մեդալ նվաճեր: Այո՛, գոտեմարտերում հավասար պայքար էր մղում, բայց դա ինձ համար քիչ էր կոնկրետ նրա դեպքում: Չգիտեմ՝ խնդիրներից է, թե վնասվածքից հետո....»,- ասաց նա:

Թե ով այս քաշային կարգում Հայաստանը կներկայացնի սեպտեմբերի 14-2-ը Ղազախստանում կայանալիք աշխարհի 2019 թ. առաջնությունում, որը վարկանիշային է Տոկիո 2020-ի համար, մարզիչը կորոշի աշխարհի երիտասարդական առաջնությունից հետո: Պարզ է միայն, որ Դավիթ Սաֆարյանի մասնակցությունն աշխարհի առաջնությանը չի դիտարկվում:

«Ո՛չ (խմբ. նկատի ունի թեկնածությունը չի դիտարկվում), այսպես ասեմ՝ կոնկրետ: Եթե մրցաշարերի չի մասնակցել... 65 կգ քաշային կարգում կշռման արարողության էլ չի մասնակցել այս նոր կանոնների համաձայն. աշխարհի առաջնություն անհնար է»,- ասաց մասնագետը:

Ստեփան Սարգսյանի անվան մրցաշարում իր հնարավորություններից ցածր հանդես եկավ նաեւ Եվրոպայի չեմպիոն Արսեն Հարությունյանը: 61 կգ քաշային կարգի եզրափակչում նա 2:12 հաշվով զիջեց ռուս Աբասգաջի Մագոմեդովին ու բավարարվեց արծաթով: Կուրղինյանը նշում է, որ նա աշխատելու տեղ ունի, մանավանդ որ աշխարհի առաջնությունում պետք է ելույթ ունենա ոչ թե 61 կգ քաշային կարգում, այլ 57-ում, քանի որ ի տարբերություն 61-ի՝ 57-ն օլիմպիական է:

«Նա, ճիշտ է, Եվրոպայի չեմպիոն է, բայց բավական երիտասարդ է՝ 19-20 տարեկան: Եվրոպայի առաջնությունից, ուսի վնասվածքից հետո առաջին մրցաշարին էր մասնացկում: Մինչեւ եզրափակիչ լավ գոտեմարտեր անցկացրեց: Եզրափակչում գուցե այդ մրցումներին չմասնակցելն էր պատճառը: Մի խոսքով, թե՛ տեխնիկապես, թե՛ տակտիկապես աշխատանք ունի կատարելու: Կփորձենք աշխատել, որպեսզի աշխարհի առաջնությանը լիարժեք մասանկցի: Աշխարհի առաջնությունում 57 կգ քաշային կարգում է մասնակցելու: Առաջին մրցումն էր վնասվածքից հետո, եւ դա կարող էր պատճառ լինել»,- ասաց նա:

Ստեփան Սարգսյանի անվան մրցաշարից հետո ազատոճայինները մեկշաբաթյա ուսումնամարզական հավաք են անցկացնելու Երեւանում՝ «Օլիմպավանում»: Կենտրոնանալու են ընդհանուր ֆիզիկական պատրաստականության վրա: Հետո օգոստոսին Սոչիում Ռուսաստանի հետ համատեղ հավաք են ունենալու: Աշխարհի առաջնությունից առաջ վերջին հավաքը նույնպես «Օլիմպավանում» է լինելու:

 

Տպել
806 դիտում

Ֆրանսիայի հայերը լայնամասշտաբ բողոքի ակցիա են իրականացրել Փարիզի սրտում (տեսանյութ)

Կարեն Շաքարյանն ու Հունան Հայրումյանը ԱՀ նախագահի կողմից արժանացել են «Արցախի հերոս» բարձրագույն կոչման

Քաջաբար ելեք հայրենիքի պաշտպանության նվիրական պայքարի, կանգնեք սահմանագծում մարտնչող քաջերի կողքին. Կաթողիկոսի ուղերձը

Այս պահի դրությամբ Արցախի ՊԲ կարիքների համար քնապարկերի անհրաժեշտ քանակը լրացված է. ՊԲ

Պարզ չէ, թե որտեղ է ավարտվում Բաքվի պահանջների և ախորժակի սահմանը. վարչապետն ընդունել է Ֆրանսիայի խորհրդարանականներին

Ահաբեկիչները բողոքում են, որ ադրբեջանցիները նրանցից խլում են ոչ միայն անձնագրերը այլ նաև հեռախոսները. Ա. Հովհաննիսյան

Հակառակորդի՝ այսօր խոցված հերթական ԱԹՍ-ն (լուսանկարներ)

Ադրբեջանում մշակութային գործիչները, մտավորականները հրապարակային խրախուսում և տարածում են ատելություն ու բռնության կոչերը

Թշնամական ոչնչացված հերթական զրահատեխնիկան (տեսանյութ)

Վերլուծությունը փաստել է Ադրբեջանի զինվորի կողմից ծանր վիրավոր հայ զինվորին գնդակահարելու կադրերի իսկությունը

ԱՀ նախագահի հետ քննարկվել են թշնամուն անդառնալի կորուստներ հասցնելու մասին անելիքները

Ադրբեջանական տեսանյութի 8 հայ գերիների մասով Հայաստանը դիմել է ՄԻԵԴ

Աջարահայերն աջակցում են Արցախին. խաղաղ ցույց Բաթումիում. (լուսանկարներ)

Մ. Մայիլյանը շնորհակալական նամակ է հղել Ավստրալիայի Նոր Հարավային Ուելս նահանգի պատգամավորին

Պատերազմը հենց մեր հայերն են ավարտելու, ու սա լինելու է վերջինը. արցախցի 4 երեխաների մայր

Ամենայն Հայոց կաթողիկոսը հանդես կգա ուղերձով

Կրակային դիրք, դիտակետեր, շարասյուներ ոչնչացնելու, կրակի տակ վիրավորներին դուրս բերելու համար կպարգևատրվեն զինծառայողներ

Արտակ Բեգլարյանը այցելել է Ստեփանակերտի և Շուշիի մի շարք ապաստարաններ (լուսանկարներ)

Արցախի ՊԲ-ն հրապարակել է ղարաբաղա-ադրբեջանական սահմանի մարտերում զոհված եւս 11 զինծառայողի անուն

Ֆրանսիայի խորհրդարանական պատվիրակությունը հարգանքի տուրք մատուցեց Ծիծեռնակաբերդի հուշահամալիրում