Երևանի կենտրոնում բացվել է Արգենտինայի հրապարակը

Երևանի կենտրոնում՝ Սայաթ-Նովայի պողոտայի և Չարենցի փողոցի հատման վայրը, այսուհետ պաշտոնապես կկոչվի Արգենտինայի Հանրապետության հրապարակ: 

Հանդիսավոր բացմանը մասնակցել են Երևանի քաղաքապետ Հայկ Մարությանը, ՀՀ կրթության, գիտության, մշակույթի և սպորտի նախարար Արայիկ Հարությունյանը, Երևանի ավագանու անդամներ, դիվանագետներ, հոգևոր այրեր, պաշտոնատար այլ անձինք: 
Տարածքն ավագանու որոշմամբ անվանակոչվել էր դեռևս 2017-ին, իսկ այս տարի քաղաքային իշխանությունը հավանություն տվեց հրապարակում արգենտինացի գեներալ, քաղաքական գործիչ Մանուել Բելգրանոյի կիսանդրին տեղադրելու գաղափարին:

«Մենք մեր բարեկամ ժողովուրդների հանդեպ մեր սերն ենք արտահայտում՝ նրանց պատվին անվանակոչելով փողոցներ, հրապարակներ ու պուրակներ: Եվ, անշուշտ, այդ երկրների ցանկում պետք է իր արժանի տեղն ունենար Արգենտինան՝ մի երկիր, որը թեև տարածության առումով հեռու, բայց ոգով ու մշակույթով շատ մոտ է Հայաստանին: «Անցյալի ուսումնասիրությունը սովորեցնում է, թե ինչպես պետք է վերաբերվես ինքդ քեզ ներկայում և ապագայում»: Իմ մեջբերած այս խոսքերի հեղինակը իրավաբան ու զինվորական, ազատության մարտիկ Մանուել Բելգրանոն է: Ուշագրավ է, որ Արգենտինայի հերոս գեներալ Բելգրանոյի այս միտքը փոքր-ինչ վերաձևակերպված հանդիպում ենք մեր Գարեգին Նժդեհի մոտ. «Պատմագրել անցյալը՝ հանուն ապագայի ու գոյատևման»: Սա, կարծում եմ, մեր ազգերի հոգևոր հարազատության ևս մեկ նշան է, ինչպես նաև՝ ապացույցն այն բանի, որ ազատատենչ հոգիները նման են մեկը մյուսին»,- քաղաքապետարանի լրատվական ծառայության տեղեկացմամբ, նշել է Հայկ Մարությանը:

ՀՀ-ում Արգենտինայի Հանրապետության արտակարգ և լիազոր դեսպան Գոնսալո Ուռիոլաբեիտիան, շնորհակալություն հայտնելով քաղաքային իշխանությանը ցուցաբերած աջակցության համար, նշեց. «Թեև այսօր իմ պաշտոնավարման վերջին օրն է, սակայն Երևանը հասցրել է դառնալ ինձ համար իսկապես շատ հարազատ վայր: Ուրախ եմ, որ հնարավորություն ունեցա ծանոթանալու Հայաստանին և հայ ժողովրդին, բայց նաև տխուր եմ, որ ավարտում եմ դիվանագիտական առաքելությունս»:
Հյուրերը շրջել են տարածքում, զրուցել բարեկարգման աշխատանքների ընթացքի մասին: Դեսպանության ուժերով արդեն իսկ բարեկարգվել և արգենտինական մոտիվներով նկարազարդվել է հարակից կամարանցումը:

Տպել
1520 դիտում

Վարդենյաց լեռնանցքը բեռնատարների համար փակ է, Սոթք-Քարվաճառը՝ դժվարանցանելի, Լոռիում եւ Շիրակում ձյուն է

Լոռիում նախորդ տարի արտակարգ դեպքերի ու պատահարների աճ է գրանցվել. զոհվել է 42, վիրավորվել 866 մարդ

Արման Սարգսյանը բանակցություններ է վարում զինված տղամարդու հետ. «իմ մեքենայով գնում ենք իմ կաբինետ» (տեսանյութ)

Կիևյան կամրջի տակ՝ «Լավանդա» ռեստորանի մոտակայքում, 40-ամյա տղամարդու դի է հայտնաբերվել

Արագածոտնի մարզում կոռուպցիոն բնույթի հանցագործություն է բացահայտվել. ոստիկանություն (տեսանյութ)

«Էրեբունի պլազա»-ի կրակոցները պետք է սթափության ահազանգ լինեն Հայաստանի իրավապահ մարմինների համար. Բաբաջանյան

Համահայկական հիմնադրամի նախկին տնօրեն Արա Վարդանյանը կմնա ազատության մեջ

ՀՀ ոստիկանությունը տարածել է «Էրեբունի պլազա» ներխուժած զինված տղամարդու վնասազերծման տեսանյութը

Ռուզան Մանթաշյանն ընդունել է Դրեզդենի օպերային թատրոնում կայանալիք համերգի ելույթի առաջարկը. «հենց դա հաղթանակ կլինի»

Այսօր ԿԲ-ն շուկայից 5 միլիոն դոլարի գնում է իրականացրել. Նիկոլ Փաշինյան

Մեկնարկել է «Արտահանողի զարգացման դրամաշնորհներ» ծրագիրը. էկոնոմիկայի նախարարություն

Ընտանեկան կամ սոցիալական նպաստ նշանակելու համար անապահովության սահմանային միավորն իջեցվել է 30.00-ից՝ 28.00

«Էրեբունի պլազա» ներխուժած տղամարդը ոստիկանության պետի ժ/պ-ի ծառայողական մեքենայով տեղափոխվել է ոստիկանություն

Խորհրդարանը քննարկում է աշխատող ուսանողների ուսման վարձը եկամտահարկով փոխհատուցելու նախագիծը

Բռնության որեւէ դրսեւորում, որեւէ պատճառով կամ հիմնավորմամբ, անընդունելի է. վարչապետ

Արմեն Սարգսյանը հանդիպել է Կանադայի գեներալ-նահանգապետ Ժուլի Պայետին

Փոխել նախագահի ընտրվելու կարգը, ընտրելու իրավունքի շեմը 18 տարեկանից իջեցնել 17. Իոաննիսյանը հետաքրքիր առաջարկներ ունի

«Էրեբունի պլազա» հյուրանոց զինված ներխուժած անձը վնասազերծվել է. Աշոտ Ահարոնյան

«Էրեբունի պլազա» հյուրանոց ներխուժած զինված անձը բանակցությունների արդյունքում հանձնել է ինքնաձիգը. ոստիկանություն

«էրեբունի պլազա» հյուրանոցին մոտենալ չի թույլատրվում նաեւ այդտեղ գործող մանկապարտեզի երեխաների ծնողներին