Թեթեվացնելով ԱԺ-ի հոգսերը. Թորոսյանն ընդդեմ ՕԵԿ-«ականների»

26/08/2019 schedule10:05

Տպագրվել է «Հայկական Ժամանակ» օրաթերթի՝ 2006 թվականի օգոստոսի 24-ի համարում

«Նորմա» օպերա-ֆիլմի պրեմիերա, մասնակցություն ռուսաստանյան «Արարատ-ինֆո մոստ» թերթի հրատարակմանը, ՌԴ դաշնային կենտրոնների եւ դրանց ղեկավարների մասին վիճակագրական տվյալների հավաքագրում, «Մարտիրոս  Սարյանը եւ Ռուսաստանը» ալբոմի հրատարակում եւ այլն։ Հարցին, թե այս միջոցառումներն ի՞նչ բյուջեով են ֆինանսավորվել, կարելի է տալ բազմաթիվ պատասխաններ, որոնցից, թերեւս, ամենատրամաբանականն այն պետք է լինի, որ սրանք արվել են ՌԴ-ում Հայաստանի մշակույթի օրերի շրջանակում կամ հակառակը։ Սակայն «Նորմա» օպերան, ՌԴ դաշնային կենտրոնների ղեկավարների մասին տվյալների հավաքումն ու էլի մի քանի այսօրինակ միջոցառումներ արվել են  Հայաստանի խորհրդարանի հաշվին, քանզի Ազգային ժողովի բյուջեից անցած տարի՝ 20, իսկ այս տարի՝ 10 միլիոն դրամ է փոխանցվել ինչ-որ հայ-ռուսական միջռեգիոնալ համագործակցության կենտրոնի, որն էլ կազմակերպել է այս միջոցառումները։

Հերթական 10 միլիոնն էլ պետք է փոխանցվեր առաջիկայում, սակայն ԱԺ նախագահ Տիգրան Թորոսյանը կասեցրել է ԱԺ-ի բյուջեից այդ կենտրոնին գումարի փոխանցումը։ Ինչ վերաբերում է բնությանն անհայտ այդ կենտրոնին, ապա վերջինիս գործադիր տնօրենը պրոֆեսոր Հենրիկ Բակունցն է, որը միաժամանակ նաեւ Արթուր Բաղդասարյանին կից առողջապահական խորհրդի նախագահն էր ու Բաղդասարյանի խորհրդականը։ Իր նախորդի աշխատանքային գործունեությունից ահա այս հետաքրքիր դրվագը գրավել է ԱԺ ներկայիս նախագահի ուշադրությունը, երբ նա սկսել է թերթել խորհրդարանի բյուջեով կատարված ծախսերի ցուցակը։ Իհարկե, Տիգրան Թորոսյանը ոչ դատավոր է, ոչ էլ, առավել եւս, դատախազ եւ չի գտնում, որ այս գումարները տակով են արվել, սակայն երեկ հրավիրած ասուլիսում խորհրդարանի ղեկավարը հայտարարեց, որ ԱԺ-ն դոնոր կազմակերպություն չէ, որպեսզի իր բյուջեում ունենա նման կետ, որը կապ չունի ԱԺ-ի հետ։

ԱԺ հանրապետական նախագահն այլ պարագայում, թերեւս, ձեռնպահ կմնար ԱԺ-ի հաշվին արված իր նախորդի մշակութային անհասկանալի ծախսերը հրապարակելուց, եթե այս օրերին «Օրինաց երկիրը» պատերազմ հայտարարած չլիներ Տիգրան Թորոսյանին` վերջինիս մեղադրելով խորհրդարանում օրինացերկրականների դեմ վհուկների որս կազմակերպելու մեջ։ Եւ քանի որ ԱԺ նախագահը դեմ է ամեն տեսակի որսերին, երեկվա նրա ասուլիսը հիմնականում այն մասին էր, թե ինչո՞ւ է ինքը լուծարել իր նախորդի կողմից ստեղծված անհասկանալի բաժիններն ու վարչությունները, որոնց օգտակար գործողության գործակիցը ԱԺ-ի համար եղել է զրո։ Օրինակ, Տիգրան Թորոսյանը ոչ մի կերպ չի կարողացել հասկանալ, թե հանուն ինչի՞ ԱԺ-ում պետք է առանձին աշխատակազմով գործեր Արեւելքի, Ասիայի եւ Օվկիանիայի բաժինը, եթե դրանց վերաբերյալ հնարավոր խնդիրները հեշտությամբ կարող էր լուծել նաեւ ԱԺ արտաքին հարաբերությունների վարչությունը։

Կամ էլ, որեւէ մեկը այդպես էլ չի հիմնավորել, թե ինչո՞ւ էր Արթուր Բաղդասարյանը թարգմանիչների բաժինը տեղավորել գործերի կառավարչությունում, եւ երկու տարին մեկ լիագումար նիստ անցկացնող խորհրդարանական Վեհաժողովի համար ինչո՞ւ պետք է ԱԺ-ում գործեր մշտական քարտուղարություն: «Այդ քարտուղարությունը երկու տարին մեկ պետք է հրավիրատոմս ուղարկեր մարդկանց եւ հետո զանգեր ու ճշտեր, թե ովքեր են ընդունել Վեհաժողովին մասնակցելու հրավերը։ Ես կարծում եմ, որ արտաքին հարաբերությունների հանձնաժողովը շատ հանգիստ կարող է երկու տարին մեկ հրավիրատոմս ուղարկել եւ նաեւ հեռախոսով զանգել»,- ասում է ԱԺ նախագահը։ Ի դեպ, վերջինս հանդիպել է լուծարված այդ կառույցների աշխատակիցներին ու փորձել է հասկանալ, թե նրանք ինչո՞վ են զբաղված եղել ԱԺ-ում, բայց որեւէ մեկն այդպես էլ չի կարողացել գոնե մեկ փաստարկ նշել, որը հիմք տար եզրակացնելու, որ տվյալ բաժինն անհրաժեշտ է խորհրդարանին։

Միակ բացառությունը եղել է իրավաբանական ծառայության պետ, կրճատված Սուրեն Մամիկոնյանը, ըստ որի՝ իր ղեկավարած ծառայությունը լուրջ առաքելություն է իրականացրել, այսինքն՝ Մամիկոնյանը կարդացել է ԱԺ նախագահին ուղղված նամակներն ու դրանով ապահովել է ժողովուրդ-ԱԺ նախագահ անմիջական կապը։ Մինչդեռ, Տիգրան Թորոսյանին դա եւս պետք չէ, որովհետեւ ժողովրդի հետ ԱԺ նախագահը հարաբերվում է առանց միջնորդ կառույցների։ «Լուծարվել են խորհրդարանի այն կառույցները, որոնք որեւէ կապ չունեն ԱԺ գործունեության հետ, իսկ եթե ոմանք դա ցանկանում են կուսակցականացնել կամ քաղաքականացնել, դա իրենց գործն է»,- այս օրերին ԱԺ-ում տեղի ունեցող կրճատումներով խիստ մտահոգ ՕԵԿ-ին հեռակա պատասխան տվեց ԱԺ ղեկավարը։

Ի դեպ, երեկ նա խումբ-խմբակցությունների ղեկավարներին հրավիրել է խորհրդակցության՝ տեղեկացնելու ԱԺ-ում կատարված կրճատումների մասին, սակայն ՕԵԿ-ը որոշել է այդ հրավերը բոյկոտել, որը, սակայն, չի նշանակում, թե ԱԺ-ում ՕԵԿ-«ականներից» ազատվելու այս պրոցեսին ՕԵԿ-ն այլեւս չի արձագանքելու։ Մեր տեղեկությամբ, սեպտեմբերից սկսած, ԱԺ բոլոր նիստերում Տիգրան Թորոսյանի նյարդերի վրա ազդելու եւ նրան ափերից հանելու համար այս շաբաթներին հատուկ մասնագիտական վարժանքներ են անցնում ՕԵԿ երկու պատգամավոր՝ Հեղինե Բիշարյանն ու Հովհաննես Մարգարյանը, որոնք էլ ԱԺ-ում ստանձնելու են Արթուր Բաղդասարյանի կենտրոնական հարձակվողների դերը։

Մինչդեռ, իրեն հայտարարված պատերազմը Թորոսյանին բնավ չի հուզում: «Ես ցանկություն չունեմ նախկինում որեւէ մեկի արած քայլերին գնահատական տալ։ Որպես ԱԺ նախագահ ես այսօր պատասխանատու եմ խորհրդարանի աշխատանքի որակի համար։ Իսկ ովքեր կցանկանան այդ գործընթացը քաղաքականացնել, դա էլ իրենց խնդիրն է»,- թեման սպառված է համարում Տիգրան Թորոսյանը։ Բայց սա եւս խորհրդարանն ՕԵԿ-ի հետքերից մաքրելու ողջ ծրագիրը չէ։ Տիգրան Թորոսյանը հաստատեց, որ առաջիկայում կլուծարվեն ԱԺ նախկին նախագահ Արթուր Բաղդասարյանին կից բոլոր ութ խորհուրդները։ Որովհետեւ Տիգրան Թորոսյանը ինչքան ուսումնասիրել է, այդպես էլ չի կարողացել ԱԺ-ում այդ խորհուրդների գործունեության որեւէ հետք հայտնաբերել։

Նաիրա Զոհրաբյան

Տպել
521 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան