Այս տարի շուկայում ընդհանրապես ծիրանի պակաս չի զգացվել. գյուղատնտես

Երեկ ՀՀ վիճակագրական կոմիտեն հրապարակել էր ՀՀ սոցիալ-տնտեսական վիճակը բնութագրող ընթացիկ-օպերատիվ ամփոփմամբ ստացված նախնական հիմնական մակրոտնտեսական ցուցանիշները 2019 թվականի հուլիսի դրությամբ:

Այնտեղ, բնականաբար, տեղեկություն չկար նախորդ ամսվա գյուղատնտեսական վիճակի մասին, ինչը պայմանավորված է գյուղատնտեսական արտադրանքի արտադրության սեզոնայնությամբ եւ բնակլիմայական ոչ կայուն պայմաններից կախված՝ ամսական արտադրության տատանողականության համահարթեցման անհրաժեշտությամբ: Գյուղատնտեսության մասին տվյալները հրապարակվում են եռամսյակը մեկ:

«Հայկական ժամանակ»-ը զրուցել է գյուղատնտես Հարություն Մնացականյանի հետ՝ պարզելու  թե 2019-ի ամառն ինչպիսի՞ն էր գյուղատնտեսության համար:

- Պարոն Մնացականյան, այս ամառը գյուղատնտեսության համար ինչպիսի՞ն էր նախորդի համեմատ:

- Այս տարի դաշտավարության համար ծանր տարի էր, հատիկաընդեղենի բերքը շատ ցածր էր: Գյուղացիները ցորենից, գարուց, հաճարից հեկտարից 2-3 տոննա բերք ստանալու փոխարեն հավաքել են 500 կգ, մինչեւ 800 կգ բերք: Ֆերմերային տնտեսություններ են եղել, որոնք ընդհանրապես բերք չեն հավաքել, կոմբայնը չէր կարող քաղել: Մնացած բոստանային կուլտուրաների առումով այդքան վատ չէր: Այս տարի միայն սոխի գնի բարձրացում է եղել: Անցած տարի այս ժամանակահատվածում 70-80 դրամ էր, այս տարի 100-ը անցնում է, մինչեւ 250 դրամի հասնում է: Կաղամբն է այս տարի նախորդ տարվա համեմատ էժան. մեծածախը 30-50 դրամ: Պտուղների՝ այս տարի նախորդ տարվա համեմատ արտահանումը շատ է եղել, դրա համար գները մի քիչ բարձր է եղել:

- Ո՞ր բերքն էր հիմնականում առատ եւ որի՞ պակասը զգացվեց:

- Այս տարի շուկայում ծիրանի պակաս չի զգացվել ընդհանրապես, ոչ գինը բարձրացել է, ոչ իջել է: Նորմալ քանակով արտահանումը տեղի է ունեցել: Այս տարի՝ նաեւ հիմա, արդեն սեւ սալորն է շատ շուկայում, գինը կիջնի: Խնձորն է շատ, անցած տարի էլ էր գինը ցածր, այս տարի էլ: Այս տարի նաեւ շուկա դուրս եկավ ուշահաս ծիրանը, եթե սուպերմարկետներում տեսած կլինեք, կան 250 դրամով, որը նորույթ է, բնակչության քիմքին սովոր չէ, դրա համար այդքան լավ չի վաճառվում: Կարծում եմ՝ ժամանակ է պետք, աստիճանաբար արդեն կսովորեն կսկսեն գնել: Դեղձի գնային եւ քանակային փոփոխություն չկա: Անցյալ տարվա համեմատությամբ ձմերուկի բերքն էր նորմալ, ինչի շնորհիվ անցյալ տարվա համեմատ ահագին ցածր է գինը՝ 20- 60 դրամ մեծածախը: Առաջին անգամ հաճար կներմուծվի, գարու եւ ցորենի ներմուծման ծավալները կավելանան:

- Այս ամառ նախորդ ամառվա համեմատ կորուստներ շա՞տ ենք ունեցել:

- Գյուղատնտեսական բարենպաստ տարի չի եղել, երաշտ է եղել: Մայիս ամսին լավ անձրեւներ եկան, հետո երաշտ եղավ, որի պատճառով ընդհանուր գյուղատնտեսական համախառն արտադրանքը, իմ սուբյեկտիվ կարծիքով, ցածր է եղել, բերքը քիչ ենք ունեցել բոլոր ուղղություններով, բայց հատիկաընդեղենը ամենասարսափելի վիճակում է եղել, դրա համար այս տարի բավականին կմեծանա ներմուծման ծավալները:

- Ապրանքի իրացման խնդիրներ առաջացե՞լ են:

- Այս տարի մի պահ միայն կեռասի հետ կապված խնդիրներ առաջացավ, մնացած ոչ մի կուլտուրայի դեպքում չեմ հիշում, որ գյուղացին բարձրաձայնած լինի՝ ասի չի ստացվում վաճառել:

- Շուկայում գնային քաղաքականությունը նախորդ տարվա համեմատ ավելի ցա՞ծր էր, թե՞ ավելի բարձր:

- Նախորդ տարվա համեմատ ապրանքներ կան՝ գները բարձրացել են, ապրանքներ կան ցածր են: Լոլիկն է ցածր, կաղամբը: Լոբին է մի քիչ բարձր անցած տարվա նույն ժամանակահատվածի համեմատ:

- Մինչեւ տարեվերջ ո՞ր ապրանքների դեֆիցիտ կունենանք, ո՞րն անհրաժեշտ կլինի ներկրել` բացի հատիկաընդեղենից։

- Այս տարի համ կաղամբ կներկրենք, համ կարտոֆիլ, համ գազար։

Տպել
3343 դիտում

Երեւանում Բեթհովենի գործերը կնվագեն իր համերկրացի դաշնակահարն ու աշխարհահռչակ Ջոն Նելսոնը

Ձևավորվում է Ղարաբաղյան հարցի բանակցային նոր բովանդակություն. Նիկոլ Փաշինյան

Շուտով կստեղծվի միջգերատեսչական աշխատանքային խումբ, որը բանակում բարեփոխումների օրակարգը կդարձնի իր աշխատանքային թեմա

ՖՆ ջանքերով Հայաստանը հանվել է ԵՄ-ի հետ հարկային հարցերով չհամագործակցող երկրների «Մոխրագույն ցուցակից»

ԱՄՆ-ը ընդլայնել է Իրանի դեմ պատժամիջոցների ցանկը

Ամենաատելի օլիգարխն ասում է՝ ոտերս մաքրելու եմ. արդարադատությունն է իր ոտքերը օրենքով սահմանված կարգով մաքրելու

Հրազդան ԲԿ-ի տնօրենին աշխատանքից ազատելը պայմանավորված է առանձնապես խոշոր չափի ֆինանսական չարաշահումներով

Մայր Աթոռ Սուրբ Էջմիածնում նշվել է Սուրբ Վարդանանց զորավարների տոնը 

Իդլիբում դաժան մարտեր են ընթացել ողջ օրվա ընթացքում. զոհեր կան հակամարտող 2 կողմում էլ

Շիրակի մարզպետ Տիգրան Պետրոսյանն ընդունել է Լիտվայի դեսպան Ինգա Ստանիտե-Տոլոչկիենեին

ՀՀ վարչապետ Նիկոլ Փաշինյանի հարցազրույցը Հանրային հեռուստաընկերությանը (ուղիղ)

Գագիկ Ծառուկյանի տան դիմաց գտնվող «Մուլտի» բենզալցակայանում ՊԵԿ-ը ՀԴՄ խախտման 2-րդ դեպքն է արձանագրել

Շուկայի վերահսկողության տեսչական մարմինը վարչական պատասխանատվության է ենթարկել «Թոյս լանդ» ՍՊԸ-ին

Երվանդ Մանարյանի հոգեհանգստի արարողությունը տեղի կունենա փետրվարի 21-ին, վերջին հրաժեշտը՝ փետրվարի 22-ին

Արաբկիրի համայնքային ոստիկաններն ապօրինի թմրաշրջանառության դեպք են բացահայտել (տեսանյութ)

Դավիթի մոտ հիվանդանոց էր եկել առողջապահության նախկին նախարարը, որին Սերժ Սարգսյանն էր ուղարկել. տուժողի հոր ցուցմունքը

20 խոշորացված համայնք փոքր դրամաշնորհ է ստացել. ՏԿԵ նախարարություն

Հունահռոմեական ըմբշամարտի հավաքականի մարզչական խորհուրդը կայացնում է ապօրինի, հակասպորտային որոշում. Արսեն Ջուլֆալակյան

Ատելության քարոզ տանում է ոչ թե իշխանությունն, այլ ատելության քարոզ տարվում է իշխանության նկատմամբ. Նիկոլ Փաշինյան

ՀՀ տարածքում կան փակ և դժվարանցանելի ավտոճանապարհներ