Ալլա Լեւոնյանին հաճելի է, որ իր երգերն ուզում են նորովի ներկայացնել. գովում է իր երգի՝ Իվետա Մուկուչյանի տարբերակը

Երգչուհի Ալլա Լեւոնյանին շատ է դուր եկել իր «Հայաստան» երգի նոր տարբերակը, որը երգչուհի Իվետա Մուկուչյանը ներկայացրել է «Գաթա բենդի» հետ համատեղ: Ստեղծագործությունն իր նոր ձեւով հանրության դատին է հանձնվել այս շաբաթվա սկզբին ու հասցրել է դրական արձագանքներ ստանալ: Ալլա Լեւոնյանին նույնպես դուր է եկել: «Հայկական ժամանակ»-ի հետ զրույցում նա ասաց, որ Իվետան նախապես իրենից թույլտվություն է խնդրել, ինքն էլ սիրով համաձայնել է, քանի որ այդպես ստեղծագործությունները նոր շունչ ու կյանք են ստանում, մեծացնում են իրենց լսարանը:

«Խնդրեց, որ տրամադրեմ երգը, հարցրեց՝ ինչպես եմ նայում այդ փաստին: Ասացի, որ շատ լավ, որովհետեւ ինչքան էլ այդ երգը մինչեւ հիմա ակտուալ է եւ շատ տեղերում, սփյուքում, ուր ինձ հրավիրում են, երգում եմ, բայց շատ հաճելի է, որ կա մեկը, ով ուզում է նորովի ներկայացնել: Ես հեղինակ եմ, եւ ինձ հաճելի է, որ ուզում են իմ երգերը երգել, հատկապես, որ Իվետան էր: Նա իր տեսակն ունեցող, հետաքրքիր երգչուհի է: Երբ լսեցի, շատ հետաքրքիր էր: Չէի էլ սպասում, որ իմ ոճի մեջ կլինի, իմ տեսակը պետք է լինի: Հենց դա էր հետաքրքիրը, որ նա յուրովի էր ներկայացրել: Ինչպես հասկանում եմ, շատերին դուր է եկել, ու երգն իր լսարանն ավելի մեծացրեց: Այնպես, որ շատ լավ եմ տրամադրված: Կարծիքներ կարդացի, տարբեր էին, բայց վատ մեկնաբանություն չկար, ուղղակի մարդիկ կան, որ սովոր են լսել իմ ձեւով, որովհետեւ անհամեստ չլինեմ, «նստած» է ականջներին երկար տարիներ: Բայց կարծում եմ՝ երգը հետաքրքիր լուծում ունեցավ: Իվետան ճաշակով երգչուհի է»,- ասաց նա

Ալլա Լեւոնյանին հաճախ չէ, որ խնդրում են թույլ տալ իր երգերը վերափոխել: Նա դա հասկանում է, քանի որ գիտակցում է, որ արվեստի մարդկանց համար դժվար է հեղինակ-կատարողին խնդրել թույլ տալ փոխել իր ստեղծագործությունը: Ամեն դեպքում նման դեպքեր նախկինում էլ են եղել ու նույնպես մեծ հաճույքով համաձայնել է: Վերջերս էլ ոգեւորված Իվետատյի կատարածից մի երիտասարդ է դիմել Ալլա Լեւոնյանին:

«Գրել էին ինստագրամով: Մի երիտասարդ խնդրեց, ասաց՝ ես էլ եմ ուզում փոխել իմ ձեւով, եթե թույլ կտաք: Ասացի՝ խնդրեմ, եթե դա Ձեզ հետաքրքիր է եւ ուզում եք, իհարկե, այո՛: Նույն «Սպարապետ» երգը Դավիթ Ամալյանը.... մի առիթով, կարծեմ, հենց Սպարապետի ծննդյան թե բանակի օրվա հետ կապված ես էլ պետք է լինելի «Երգ երգոցում», հարցերց՝ կարո՞ղ եմ ես երգել, ասացի՝ իհարկե: Շատ ուրախացավ: Ռոքային կատարումով ներկայացրեց: Դա միայն հաճելի է: Դու այդ դեպքում դառնում ես երգի հեղինակ, երգերդ ավելի թեւավորվում են: Եթե անդրադառնում են այդ երգերին, նշանակում է՝ դու որպես հեղինակ ինչ-որ չափով կայանում ես»,- ասաց նա:

Այս շրջանում Ալլա Լեւոնյանը մի շարք նոր ծրագրեր ունի, որոնց մասին նախապես բարձրաձայնել չի ցանկանում, քանի որ դեռ աշխատանքային փուլում են, ու չգիտի՝ ինչ ընթացք կունենան: Պատմում է, որ վերջին շրջանում բավական հագեցած գրաֆիկ ունի: Մասնակցել է մի քանի համերգների: Առաջիկայում նույնպես համերգի նպատակով մեկնելու է Լոնդոն: Միջոցառումը սեպտեմբերի 21-ի առիթով է: Ամռանը հասցրել է նաեւ հանգստի մեկնել: Ընտանիքի հետ 10 օր անցկացրել է Եգիպտոսում՝ Հուրգադայում:

Տպել
1810 դիտում

Բանկային համակարգին սպառնացող աղմկահարույց գործը վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել