Քաղաքացին պնդում է՝ ոստիկանը հոր ու եղբոր հետ ծեծել է իր որդուն, հարվածել 80-ամյա տատին

Լուսանկարում՝  ձախից՝ ոստիկան Արամ Նասիբյանը

Սույն թվականի հունիսի 23-ի երեկոյան՝ ժամը 23։00-ի սահմաններում Նոյեմբերյանի շրջանի ոստիկանության աշխատակից Արամ Նասիբյանն իր հոր ու եղբոր՝ Յուրիկ եւ Դավիթ Նասիբյանների հետ ծեծի է ենթարկել Տավուշի մարզի Կողբ գյուղի բնակիչներ Մհեր Նասիբյանին, հարվածներ հասցրել նրա 80-ամյա տատին, մորը եւ կնոջը։

Այս մասին «Հայկական ժամանակ»-ին ահազանգել է ծեծի ենթարկված քաղաքացու մայրը՝ Կարինե Նասիբյանը։

Վերջինս մեր զրույցում պատմեց, որ նույն օրը երեկոյան իր որդին եւ նրա կինը մեքենայով ուղեւորվելիս են եղել իրենց տուն։ Ղեկին եղել է Մհեր Նասիբյանի կինը։ Նրանց հետեւից մեքենայով ընթացել է իրենց հարեւան 63-ամյա Յուրիկ Նասիբյանը, որը նաեւ հեռու ազգակցական կապ ունի Մհեր Նասիբյանի ընտանիքի հետ։ Ըստ մեր զրուցակցի՝ Յուրիկ Նասիբյանը Բերթաղ գնացող նեղ ճանապարհին անդադար հնչեցրել է մեքենայի ազդանշանը՝ փորձելով վազանց կատարել, եւ այդ ընթացքում շեղել է իր դիմացից ընթացող վարորդի ուշադրությունը, որովհետեւ վերջինս որեւէ խախտում չի արել եւ շատ հանգիստ է երթեւեկել։ Քանի որ ճանապարհի այդ հատվածում չի եղել վազանց կատարելու համար անհրաժեշտ տարածք, Յուրիկ Նասիբյանը սկսել է հայհոյանքներ հնչեցնել՝ դուրս նայելով մեքենայի պատուհանից։ Ընդ որում՝ Մհեր Նասիբյանի մեքենայում, եղել են նաեւ անչափահաս երեխաներ։ Մեքենայում եղած մարդիկ հարազատներին պատմել են, որ մինչեւ այդ նեղ ճանապարհին հասնելը՝ Յուրիկ Նասիբյանը վազանցի հնարավորություն ունեցել է, բայց չի կատարել, այլ ձորին մոտ նեղ ճանապարհահատվածում է սկսել ազդանշաններ տալ։

Մհեր Նասիբյանի քրոջ 12-ամյա որդին հարազատներին պատմել է, որ այդ իրավիճակում իր քեռին՝ Մհերը, կանգնեցրել է մեքենայի ընթացքը, դուրս եկել եւ փորձել ցուցաբերած վարքի համար պարզաբանում պահանջել Յուրիկ Նասիբյանից։ Վերջինս միանգամից հարձակվել է Մհեր Նասիբյանի վրա, քաշքշել նրան, սեռական բնույթի հայհոյանքներ հնչեցրել։ Այդ ընթացքում Յուրիկ Նասիբյանը հետեւից ձեռքերով ամուր բռնել է Մհեր Նասիբյանին, վերջինս էլ ինքնապաշտպանության նպատակով արմունկներով հարվածել է Յուրիկ Նասիբյանին, որն էլ սայթաքել ու ընկել է։

Ինչպես պատմեց մեր զրուցակիցը՝ Կարինե Նասիբյանը, իր որդին չի հասկացել, թե ինչու է Յուրիկ Նասիբյանն իրեն այդկերպ պահել։ Մհեր Նասիբյանն այդ պահին խնդրել է երեխաներին հասցնել տուն, հետ գալ՝ խնդիրը հասկանալու։ Երբ նստել է ղեկի առաջ, Յուրիկ Նասիբյանը պատուհանից բռնել է նրա ձեռքերը, որպեսզի չկարողանա տեղից շարժվել։ Կարինե Նասիբյանը պատմեց, որ իր որդին, մի կերպ պոկ գալով Յուրիկ Նասիբյանից, երեխաներին տուն է բերել, եւ մոտ 2-3 րոպե անց Յուրիկ Նասիբյանն իր ոստիկան որդի Արամ Նասիբյանի, մյուս որդու՝ Դավիթ Նասիբյանի եւ կնոջ՝ Անահիտ Ղազաչյանի հետ ներխուժել է իրենց տան դարպասներից ներս եւ միանգամից հարձակվել Մհերի վրա, գցել գետնին եւ սկսել հարվածներ հասցնել։ Երբ ինքը փորձել է կանխել հարվածները, իրեն պահել է Նասիբյանի կինը, իսկ որդին, որը ոստիկան է, ոտքով ուժեղ հարված է հասցրել Մհեր Նասիբյանի 80-ամյա տատին՝ Քնարիկ Յարալյանին, ինչից վերջինս վնասվածքներ է ստացել։

Կարինե Նասիբյանը մեր զրույցում պատմեց, որ այդ միջադեպի ժամանակ ինքը չէր կարող զանգել ոստիկանություն, որովհետեւ եթե մի պահ իր որդուն թողներ երեք տղամարդկանց հետ, նրան խեղդամահ կանեին։ Նա նաեւ ասաց, որ միջադեպին ներկա է եղել 12-ամյա տղան, մի հարված էլ ստացել է Մհեր Նասիբյանի կինը, որի գրկում երեխա է եղել։ Տիկնոջ խոսքով՝ Մհեր Նասիբյանը մի քանի օր նույնիսկ չի կարողացել նորմալ սնվել, քանի որ վնասված են եղել ձայնալարերը։

Այդ միջադեպից հետո Կարինե Նասիբյանի ամուսինը՝ Ռաֆիկ Նասիբյանը, որը ՌԴ-ում է եղել, այնտեղից զանգել է տեղի ոստիկանապետ Արմեն Անտոնյանին, տեղեկացրել միջադեպի մասին։ Երբ Անտոնյանը օրեր շարունակ չի արձագանքել, Նասիբյանը զանգահարել է ԱԱԾ թեժ գիծ։

Միջադեպի հաջորդ օրը Կարինե Նասիբյանը 80-ամյա կնոջը տարել է հիվանդանոց։ Ըստ Տիկին Կարինեի՝ երբ բժիշկը հիվանդասենյակում է եղել իրենց հետ, ներս են մտել երկու ոստիկան, մեկը՝ քաղաքացիական հագուստով, եւ հետաքրքրվել, թե «այդքան ինչ է գրում բժիշկը»։

 Կարինե Նասիբյանի կարծիքով՝ Յուրիկ Խաչատրյանը ավտոճանապարհին ստեղծված իրավիճակը դիտմամբ է արել, քանի որ տեսել է, որ ղեկին Մհեր Նասիբյանի կինն է, որը չունի վարորդական իրավունք․ «Քանի որ տղան ոստիկան է, երեւի ուզել է ինչ-որ իրավիճակ ստեղծել, գործ տալ։ Իրենց այդ բնավորության պատճառով էլ մենք արդեն երկար տարիներ չենք շփվում»։

Դեպքի առթիվ Հատուկ քննչական ծառայությունում հարցուվել է քրեական գործ՝ ՀՀ քրեական օրենսգրքի 118-րդ հոդվածի հատկանիշներով (ծեծ)։

Քրեական գործի շրջանակներում որպես տուժող են ներգրավվել 80-ամյա կինն ու Մհեր Նասիբյանը, իսկ ճանապարհի հատվածում տեղի ունեցած դեպքի առթիվ հարուցված քրեական գործի շրջանակներում ծեծի ենթարկված Մհեր Նասիբյանն ունի կասկածյալի կարգավիճակ։

Ի դեպ՝ դատաբժիշկը վնասվածքներ ստացածներին ուղեգիր է տվել դեպքից հետո 16-րդ օրը։ Առաջին օրը ոստիկանությունը խմածությունը չի ստուգել։ Համաձայն դատաբժշկական փորձաքննության՝ Մհեր Նասիբյանի ստացել է վնասվածքները՝ պարանոցի ձախ կեսի, կրծքավանդակի, զույգ վերին եւ զույգ ստորին վերջույթների արյունազեղումների, աջ սրունքի, ձախ ծնկահոդի շրջանների քերծվածքերի, ոտնաթաթի ներբանային հատվածների մակերեսային վերքերի ձեւով։

Տիկին Կարինեն պատմեց, որ սկզբում գործով ՀՔԾ քննիչ է եղել Բ․ Չիլինգարյանը, որին անհասկանալի պատճառներով փոխարինել է Վահե Մարտիրոսյանը, որի վարքից տիկին Նասիբյանի ընտանիքի անդամները եւս դժգոհություն ունեն։ Ըստ տիկին Կարինեի պատմածի՝ այս քննիչը փաստաթուղթ է տվել 80-ամյա տիկնոջը, ասել՝ կարդա։ Վերջինս ասել է, որ չի կարող կարդալ (տեսողական խնդիրներ ունի), քննիչն արձագանքել է «խի՞, անգրագետ ե՞ս», երբ տ․ Կարինեն փորձել է բացատրել եղածը, քննիչն ասել է՝ «լկտիաբար ընդհատում ես», եւ այսպես շարունակ։ Կարինե Նասիբյանի պնդմամբ՝ քննիչը նույնիսկ չի եկել տեղանքն ուսումնասիրելու։

Կարինե Նասիբյանն ասաց, որ մի քանի օր առաջ՝ միջադեպից երկու ամիս անց, նոր վկա է հայտնվել, որն իրենցից մոտ 100 մետրի վրա ապրող հարեւանն է եղել։ Տ․ Կարինեի պնդմամբ՝ նա իր տանից չէր կարող տեսնել իրենց բակը, որովհետեւ շատ մութ է եղել, ոչ մի լույս վառված չի եղել, հեռու է եղել, խաղողի վազերն էլ վստահաբար կխանգարեին, սական վկան իր ցուցմունքում ասել է, թե բակում երեխաների չի տեսել, գոռգոռոցներ չի լսել։ Քննիչը տեղանքը չի ուսումնասիրում, թե չէ հաստատ կտեսներ, որ անհնար է այդ տնից ինչ-որ բան երեւալը։

Կարինե Նասիբյանը նաեւ ասաց, որ այս ընթացքում իրենց թաղայինը մի քանի անգամ խնդրել է չբողոքել, փակել գործը, չեն համաձայնվել։

Նասիբյանները այս խնդրի վերաբերյալ հրավիրում են ՀՔԾ պետի ուշադրությունը։ Կարինե Նասիբյանի խոսքով՝ իրենց միակ պահանջը արդար քննությունն է, որպեսզի հետագայում որեւէ  ոստիկան իրավունք չունենա նման պահվածք դրսեւորել, իսկ բոլոր հարցերը լուծվեն միայն օրենքի շրաջանակներում։

«Հայկական ժամանակ»-ին չհաջողվեց կապ հաստատել ոստիկան Արամ Նասիբյանի հետ։ Մենք պատրաստ ենք լսել նաեւ մյուս կողմի տեսակետը։

Լուսանկարներում՝ Մհեր Նասիբյանի ստացած մարմնական վնասվածքները։

Տպել
5082 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում