Կարուսելից ընկած գյումրեցի տղան ուղեղի ցնցում է ստացել, բուժվում է Երեւանում

Օգոստոսի 30-ին Գյումրու կենտրոնական քաղաքային զբոսայգում, որը նաեւ հայտնի է Գորկու այգի անունով, շղթայավոր պտտվող կարուսելից ընթացքի պահին գյումրեցի 14-ամյա մի տղա է ընկել: Դեպքի պահին այգու աշխատակիցները շտապօգնություն չեն կանչել, տարածքում ներկաները ճանաչել են տղային, զանգել հարազատներին տեղյակ են պահել, երեխային տեղափոխել են Գյումրու Ավստրիական մանկական հիվանդանոց: Հետազոտվել է, ստացել բուժօգնություն, ձեռքը կոտրված է եղել, գիպս են դրել, գնացել տուն:

Հաջորդ օրը, սակայն, երեխայի ինքնազգացողությունն ավելի է վատացել, ծնողները նրան տեղափոխել են Երեւան՝ «Սուրբ Աստվածամայր» բժշկական կենտրոն: Ախտորոշվել է ուղեղի ցնցում:

«Իրենք որ բուժօգնության են դիմել Երեւանի բուժհաստատություն, հենց այնտեղից էլ ահազանգել են Երեւանի ոստիկանության համապատասխան բաժին, դեպքն արձանագրվել է այնտեղ, եւ այդ նյութերն ուղարկվել են ոստիկանության «Կումայրու» բաժին, նյութերի հետագա նախապատրաստությունը շարունակելու համար: Դեռեւս չի ստացվել, երբ ստանանք, կշարունակենք նյութերի նախապատրաստումը, դեպքին կտրվի քրեաիրավական գնահատական»,-«Հայկական Ժամանակի» հետ զրույցում ասաց ՇՄ դատախազ Կարեն Գաբրիելյանը:

Ինչո՞ւ Գյումրիում ոստիկանությունը չի արձանագրել դեպքը երբ տուժածը դիմել է բուժօգնության,-ՀԺ-ի հարցին, դատախազը պատասխանեց. «Իրենք ամբուլատոր բուժօգնության են դիմել, չեն պառկել, քանի որ ասել են ունեն վնասվածք եւ դիմելու են մասնագիտացված հիվանդանոց, դրա համար է երեխայի պառկելու փաստն արձանագրվել Երեւանում: Այսինքն այստեղ չեն պառկել, հետազոտվել»:

Նշենք, սակայն, որ տղայի ձեռքի գիպսը դրվել է Գյումրիում, Ավստրիական մանկական հիվանդանոցում:

Դեպքի հետ կապված մանրամասներ է ներկայացրել նաեւ ՀՀ Քաղաքաշինության տեխնիկական եւ հրդեհային անվտանգության տեսչական մարմինը: « ՀՀ քաղաքաշինության, տեխնիկական և հրդեհային անվտանգության տեսչական մարմնի Շիրակի տարածքային բաժնի աշխատակիցներն այցելել են դեպքի վայր և տեղում ծանոթացել դեպքի մանրամասներին, կատարել անհրաժեշտ ուսումնասիրություններ և հետազոտություններ: Շահագործողները տրամադրել են այգու տարածքում գործող զվարճանքի միջոցների և, մասնավորապես, «Շղթայավոր» կարուսելի շահագործման համար անհրաժեշտ բոլոր փաստաթղթերը, Տեսչական մարմնի աշխատակիցները ստուգել են կարուսելի տեխնիկական անվտանգության շահագործման թույտվության փաստաթղթերը՝ տեխնիկական անվտանգության վկայագիրը, որը համապատասխանում է օրենքով սահմանված պահանջներին, տեխնիկական միջոցները (պաշտպանիչ, ապահովվիչ միջոցները և պաշտպանակները, արգելակման համակարգը, եռակցման կարերի վիճակը, ուղևորատար կոնստրուկցիաների և դրանց ամրացումների վիճակը, ամրացման հուսալիությունն ապահովվող ամրակների վիճակը):

Հայտնում ենք, որ «Շղթայավոր» կառուսելն արտադրական վտանգավոր օբյեկտի տեխնիական անվտանգության ամենամյա փորձաքննություն վերջին անգամ անցել է 2019 թվականի փետրվարի 15-ին և «Տեխնիակական անվտանգության ազգային կենտրոն» ՊՈԱԿ-ի Շիրակի և Արագածոտնի մարզերի տեխնիկական անվտանգության փորձաքննության ծառայության ամբարձիչ սարքավորումների տեխնիկական անվտանգության փորձաքննության բաժնի կողմից ստացել շահագործման դրական եզրակացություն»,-ասված է տեսչական մարմնի հայտարարությունում:

Տպել
1373 դիտում

Իսկ գուցե պատճառներն ավելի պա՞րզ են

Սեպտեմբերի 21-ին Գյումրիում փակ են լինելու որոշ փողոցներ (տեսանյութ)

Նիկոլ Փաշինյանը եղել է Հանրայինի արխիվի նոր մասնաշենքում, լսել Առաջին ալիքի հաշվետվությունը

Գրոզնիում առեւտրի կենտրոն է հրդեհվել. ուժգին կրակն ընդգրկում է 700 քմ տարածք

Եվրախորհրդարանը դատապարտել է Թուրքիայում հիմնարար իրավունքների ու ազատությունների ոտնահարումը

Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ

Փոխվարչապետ Գրիգորյանն ընդունել է ԵՀ Հարևանության հարցերով գլխավոր տնօրենի տեղակալին

Սևանի ոստիկանները ապօրինի թմրաշրջանառության դեպք են բացահայտել (տեսանյութ)

Ոստիկանները բացահայտել են Վահագնի գյուղի հարակից անտառում երկու ծառի անօրինական հատման դեպք

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս. Կառավարությունն արձագանքում է հանրային պահանջին

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)