«Դրանով Լեննականում մի սենյակ էլ չենք առնի». ԲԳՎ ստացած անօթեւանները դժգոհ են գումարի չափից

88-ի աղետից Շիրակի մարզի գյուղական բնակավայրերում բնակարաններ կորցրած եւ մինչ օրս չփոխհատուցված անօթեւաններից 13-ն այսօր ստացավ բնակարանի գնման վկայագիր, մեկ ընտանիքի սեփական դիմումի համաձայն տրվեց ֆինանսական աջակցություն, ծրագրի այս փուլում ընդգրկված մեկ ընտանիք էլ հրաժարվել է վկայագրից՝ ներընտանեկան խնդիրներով պայմանավորված: Ֆինանսական աջակցություն ստացած ընտանիքը նախապես էր դիմել Շիրակի մարզպետարան եւ բացատրել, որ գյուղում կիսակառույց ունի, ֆինանսի առկայության դեպքում կկարողանա սկսած շինարարությունն ավարտին հասցնել: Քաղշինկոմիտեն հարցը քննարկել, ընդառաջել էր, կառավարության համապատասխան որոշման մեջ էլ փոփոխություն էր կատարվել այդ մասով:

ԲԳՎ ծրագրի այս փուլում Շիրակի մարզից ընտրվել են Ախուրյան, Հացիկ, Գետք և Քեթի բնակավայրերը: Ընտրվել են հենց այդ համայնքները, քանի որ այդ չորս համայնքում այնքան անօթեւան ընտանքիներ կային, որքան տրամադրված գումարի չափն էր,-լրագրողների հետ զրույցում ասաց Շիրակի մարզպետարանի քաղաքաշինության վարչության պետ Ալբերտ Մարգարյանը: Կառավարությունը ծրագրի իրկանացման համար հատկացրել է 75 մլն դրամ: 1 սենյականոց բնակարանի համար սահմանված է 3 մլն. 550 հազար դրամ, 2 սենյականոցի համար՝ 4 մլն. 336 հազար դրամ, երեք սենյականոցի շահառուն ստացավ 5մլն. 125 հազար դրամի վկայագիր: 4 սենյականոցի համար սահմանված է 5 մլն. 913 հազար դրամ: Վկայագրի գումարը հաշվարկված է կադաստրի պետական կոմիտեի կողմից տրամադրված սանդղակով՝ մարզի տարածքում գործող գների միջինացվածի արժեքի համաձայն: «Այս տարի ավելի լավ գին է ընտրվել գյուղական բնակավայրերի անօթեւանների համար, վերցվել է Գյումրու եւ Արթիկի շուկայական միջինացված արժեքը: Այնպես որ գումարի չափը բավարար է, որ գյուղական բնակավայրերում մարդիկ կարողանան բնակարաններ ձեռք բերել»,-վստահ է մարզպետարանի պատասխանատուն:Վկայագրեր ստացած անօթեւանները, սակայն, այս կարծիքը չեն կիսում: Ասում են արդեն հասցրել, ուսումնասիրել, հասկացել են, իրենց տրամադրված  գումարով  ոչ գյուղերում, ոչ էլ Գյումրիում բնակարան ձեռք բերել չեն կարողանա: Գյուղերում բնակարաններ  չկան, Գյումրիի համար՝ գումարը չի հերիքի: Համասփյուռ Մանուկյանը Գետքի բնակիչ է, ասում է 88-ի աղետից հետո սկզբում տնակում են ապրել, հետո երեխաները մեծացել են, իրենց վթարային տան մեկ սենյակում են հարմարվել, մնացել: Հիմա, որ վկայագիր են ստացել, այնպես չէ, որ շատ ուրախ են, որովհետեւ տրվող գումարով բանակարան գնել չի կարողանալու: «էս վկայագիրը տրամադրել են, բայց մեր գյուղում տուն չկա, որ վաճառեն, մենք էլ առնինք: Ստիպված բդի Գյումրիում տուն ման գանք, բայց 3 սենյակի համար տվել են 3 մլն 548.000 դրամ, 10.500 դոլարի չափ, էլի: Դրանով Լեննականում մի սենյակ էլ չենք առնի, արդեն հետաքրքրվել ենք, գիտենք: Ասինք, գոնե 2 սենյականոց առնինք, բայց 19.000, 26.000 դոլար են: Իմ ու ամուսնուս տարիքն էլ հիպոթեքին թույլ չի տալիս, 70-ը գերազանցում է, բդի նայենք, թե ինչ միջոցներով է հնարավոր գնելը»,-ՀԺ-ի հետ զրույցում ասաց Համասփյուռը:Այն, որ գյուղերում վաճառքի ենթակա բնակարաններ չկան, գիտեն նաեւ կառավարությունում: Մինչեւ վկայագրերի տրամադրումը մարզպետարանը հանձնարարական է ունեցել ճշտել այդ հանգամանքը: Ալբերտ Մարգարյանն ասաց, ունեցած տեղեկատվությունը փոխանցել են կառավարություն, համաձայն որի գյուղական բնակավայրերի անօթեւան շահառուների թիվն ավելի մեծ է, քան վաճառվող բնակարանների քանակը: Ամբողջ Հայաստանում այս պահին այդ գյուղական բնակավայրերում, որտեղ կան անօթեւան ընտանիքներ, առք ու վաճառքի ենթակա ընդամենը 71  բնակարան կա: Շիրակի մարզի համար այս պատկերը խիստ խնդրահարույց է: Այսօր տրամադրված 15 վկայագրի դիմաց վաճառվող ընդամենը մեկ բնակարան կա մարզում: Այն էլ ոչ թե վկայագիր տրված համայնքներից մեկում, այլ Մարմաշենում: «Փաստը դա է, իսկ կարգն անօթեւանին թույլ է տալիս ցանկացած բնակավայրում ձեռք բերել բնակարան: Բնական է, նրանք առաջին հերթին կուզենան իրենց գյուղում բնակարան ձեռք բերել, բայց նաեւ կարող են Գյումրիում եւ այլ վայրերում փնտրել: Այս 4 ամսում պետք  է կարողանան գտնեն ու գնեն այդ բնակարանները, այլապես ժամկետի ավարտից հետո վկայագիրը կմարվի եւ պետությունն անօթեւանի դիմաց իր պարտավորությունը կատարած կհամարի: Ծրագրի իրականացման վերջնաժամկետը դեկտեմբերի 20-նն է»,-ասաց Ալբերտ Մարգարյանը:Այսինքն, գյուղաբնակները ստիպված են թողնել իրենց գյուղն ու հողը, եւ բնակարան գնեն ու հաստատվեն Գյումրիում, ինչը շատերի համար անիրատեսական է: Գյուղում հողամաս ու անասուններ ունեցող գյուղացին Գյումրիում ապրուստի որեւէ միջոց չի ունենա, բացի դատարկ բնակարանից:

2020 թվականին եւս բնակապահովման ծրագիրը կշարունակվի: ՇՄ գյուղական բնակավայրերի  148 անօթեւան ընտանիքի նկատմամբ պետությունն իր պարտավորությունը կկատարի: ԲԳվ կտա, թե ֆինանսական աջակցություն, որոշելու են շահառու ընտանիքիները: Բոլորն առաջիկա մեկ ամսում կհրավիրվեն Շիրակի մարզպետարան, գրավոր ձեւով կհաստատեն՝ վկայագիր են ուզում, թե՝ ֆինանսական աջակցություն՝ սկսած շինարարությունը շարունակելու, կամ նոր բնակարանաշինություն սկսելու համար: Կհստակեցնեն, կուղարկեն կառավարություն, հետագա գործողություններն էլ կիրականացվեն համաձայն այդ դիմումների:

Ընդհանուր առմամբ վերջին 3 տարում ընթացքում Շիրակի մարզում ԲԳՎ ծրագրով 531 անօթեւան ընտանիքից 460 քաղաքացի ձեռք է բերել բնակարան, 71 ընտանիքի վկայագիր մարվել է: Այսինքն՝ 71 ընտանիք չի կարողացել բնակարան ձեռք բերել: Պատճառը, սակայն, ոչ թե վկայագրի գումարի չափն է եղել, այլ՝ ընտանեկան խնդիրներով պայմանավորված անհամաձայնությունները:

Տպել
1143 դիտում

Հաղարծնի կոյուղաջրերի հեռացման համակարգի խնդիրը լուծվել է. բնակիչները դիմել էին հնարավոր բոլոր մարմիններին

Վանաձորում հնչած կրակոցները վրեժի հետեւանք են. հրազենային վիրավորում ստացածը նոր էր ազատվել բանտից

Պարզվել է Վանաձորում 27-ամյա երիտասարդի նկատմամբ սպանության փորձ կատարած անձի ինքնությունը. ՔԿ

21-րդ դարում 30 աշակերտ օգտվում է 19-րդ դարի զուգարանից. Սիփան Փաշինյանը՝ Տավուշի 3 գյուղերի դպրոցների խնդրի մասին

Այս տարի ԿԲ կողմից գնված արտարժույթը հասավ 398 միլիոն դոլարի. սա շատ լավ նորություն է. վարչապետ

Ադրբեջանում «Երեւան» անունով ֆուտբոլային ակումբ է բացվել

Ինչ եմ ցանկանում լսել Փաշինյանի ՄԱԿ-ի ելույթում

Ոստիկանության պետի ու ԱԱԾ նախագահի ժամանակավոր պաշտոնակատարները նշանակվեցին

Վրաստանն օգոստոսին կորցրել է զբոսաշրջիկներից ստացվող եկամուտների 10 տոկոսը

Վրաստանում հայալեզու դպրոցների դասագրքերում գրված են ադրբեջաներեն տեքստեր (լուսանկարներ)

Ռեկտորը պնդում է՝ կոնսերվատորիայի միջոցառումը սատանիստական չէր

ՊԵԿ-ը կանխել է ԵԱՏՄ պետություններից կեղծ հաշվարկային փաստաթղթերով ապրանքների ներկրման դեպք

«Պատերազմական գործողություն» է. Փոմփեոն՝ Սաուդյան Արաբիայի նավթային օբյեկտների վրա հարձակման մասին

Պարապ եմ համարում բոլոր քննադատությունները. Տեր Վահրամը՝ Կարապետյանների մեծադիր կտավի մասին

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր