Առաջարկում են ինձ դատել նրա համար, որ պատշաճ մարմինները գործը չեն բացահայտել․ Ռոբերտ Քոչարյան

Պարոն Քլոյանը հետաքրքիր բան ասաց՝ գոնե ձեւական մեկին պետք է պատժել, եւ այդ մեկը ես եմ, քանի որ գործը բացահայտված չէ։

Այսօր նիստի ժամանակ հայտարարեց Մարտի 1-ի գործով առանցքային մեղադրյալ Ռոբերտ Քոչարյանը՝ նշելով, թե ստիպված է հայտարարություն անում, քանի որ տուժողների իրավահաջորդների ելույթներում իրեն հասցեագրված որոշ հարցադրումներ կային։

«Ես Մարտի 1-ի դեպքերից հետո աշխատել եմ մեկ ամսից մի քիչ ավելի։ Իմ լիազորությունների շրջանակներում որպես իմ պարտականություն գործ բացահայտելը չի եղել, ընդհանրապես խառնվելու իրավունք չեմ ունեցել։ Եւ եթե պարոն Քլոյանը դրանով է մտահոգված, առաջին հերթին պետք է հարցնի իր մոտ նստած դատախազներին։ Եւ եթե մարդ պետք է դատվի՝ գործը չբացահայտելու համար, ապա առաջին հերթին պետք է դատվի դատախազը, կամ քննչական մարմինները, որոնք պարտավոր էին գործը բացահայտել։ Առաջարկում են ինձ դատել նրա համար, որ պատշաճ մարմինները գործը չեն բացահայտել։ Ինձ համար սա վիրավորական է նաեւ այն պատճառով, որ փաստաբաններն աշխատում են այդ մարդկանց հետ, կարող են բացատրել, որ դա այդպես չէ։ Իմ տպավորությունն է, որ, ուղղակի, սովորեցնում են ասել այն, ինչը կարող է տպավորություն թողնել, թե մեղավորը ես եմ»,- ասաց Քոչարյանը, ապա շարունակեց, թե՝ տիկին Աբգարյանը՝ մարտիմեկյան դեպքերի ժամանակ զոհված Տիգրան Աբգարյանի մայրը, ակնհայտ չի տիրապետում գործի նյութերին․

«Ինքն ասաց այնպիսի բաներ, որոնք գործի հետ առնչություն չունեն, եւ իր կողքին նստած հարգարժան փաստաբան Սեդա Սաֆարյանը եւս գիտակցաբար չի բացատրել, որ դա այդպես չէ, առաջին հերթին, որ ես իբրեւ հայտարարել եմ, իբրեւ մեկը զոհվել է, դա եղել է ՀՔԾ պետի հայտարարությունը, ես ասել եմ, որ կան վիրավորներ, այդպիսի բան ուղղակի չեմ ասել։ Կամ ասվում էր, որ ցուցարարներ չկային Լեո փողոցում, կան բազմաթիվ ցուցմունքներ, որ կրակել են հենց ցուցարարների կողմից»։

Քոչարյանի խոսքով՝ գործի նյութերում կա հատված, որ ներքին զորքերի հրամանատարությունը կանչել է դիպուկահարին մի բանի համար՝ չեզոքացնելու այն մարդուն, որը կրակել է Տիգրան Աբգարյանի վրա։ Մեղադրյալ Քոչարյանն ասաց, որ ինքը առաջարկում է՝ եթե Տիգրան Աբգարյանի մայրն ուզում է իմանալ ճշմարտությունը, ինքն իր փաստաբաններին կխնդրի՝ փաթեթ պատրաստեն Լեո փողոցում կատարվածի վերաբերյալ եւ տրամադրեն տիկին Աբգարյանին։ (Տիգրան Աբգարյանը սպանվել է Լեո փողոցում,-հեղ․):

Հիշեցնենք, Տիգրան Աբգարյանի մայրն այսօր դատարանում պատմեց, որ Քոչարյանը Մարտի 1-ի երեկոյան, ժամը 21։30 հեռուստացույցով ելույթ ունեցավ, ասաց՝ մեր կողմից էլ զոհեր կան, բայց այդ ժամանակ իր որդին դեռ ողջ է եղել․

«Մեղադրյալ Քոչարյանը ելույթ ունեցավ, ասաց՝ մեր կողմից էլ զոհեր կան, բայց իմ որդին դեռ կենդանի էր, կանգնած էր Լեո փողոցի վրա։ Ինչո՞ւ սպանվեց իմ որդին, որպեսզի ասեն՝ երկու կողմից էլ զոհե՞ր կան։ Իմ որդին զինվոր էր, 18 տարեկան։ Ո՞վ սպանեց իմ զինվորին։ Պարոն Քլոյանը ճիշտ է ասում՝ Սամվել Նիկոյանը տարիուկես մեզ համոզում էր, որ դա պատահական գնդակ էր։ Սնայպերը ո՞նց կարա պատահական կրակի։ Հետո ասում են՝ պարոն Քոչարյանը չի իմացել ոչ մի բան։ Մի ընտանիքում եթե խժդժություններ են լինում, մեղավորն ընտանիքի մեծն է։ Էդ ժամանակ դուք էինք հանրապետության նախագահը»,- ասաց Աբգարյանի մայրը

Տպել
1321 դիտում

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում