Հեծանվասպորտից օլիմպիական խաղերի մասնակից ունենալու մասին պետք է մոռանանք. մարզիչը բացատրում է

Անհնար է, որ Հայաստանը հեծանվասպորտից մասնակից ունենա Տոկիո 2020-ում: Այս մասին «Հայկական ժամանակ»-ի հետ զրույցում ասաց ՀՀ հավաքականի գլխավոր մարզիչ Արմեն Գյոզալյանը: Նա նշեց, որ Հայաստանն արդեն կորցրել է վարկանիշային մրցումներում անհրաժեշտ քանակի միավորներ վաստակելու հնարավորությունը:

«Այս պահի դրությամբ Տոկիո 2020-ի մասին խոսք լինել չի կարող, որովհետեւ մենք շատ թանկ միավորներ չենք կարողացել հավաքել տարբեր պատճառներով, չենք մասնակցել տարբեր մրցաշարերի՝ վնասվածքների պատճառով, հեռու տեղերում լինելու պատճառով.... ամենագլխավոր պատճառը, որ ընդամենը 1 մարզիկ ունենք»,- ասաց նա:

Մասնագետը պարզաբանեց վարկանիշային միավորներ հավաքելու կարգն ու հայաստանյան հեծանվասպորտի իրավիճակը, որ հասկանալի լինի՝ ինչու ունենալով Եվրոպայի մինչեւ 23 տարեկանների չեմպիոն Էդգար Ստեփանյանին, որը մեծ պոտենցիալով մարզիկ է, ՀՀ-ն չի կարող իրեն այս մարզաձեւից օլիմպիական խաղերի մասնակից ունենալու ճոխություն թույլ տալ: Տոկիո 2020-ի վարկանիշային մրցումներն սկսվել են 2018թ.: Միավորներ են տալիս աշխարհի գավաթի խաղարկությունները, Եվրոպայի, աշխարհի մեծահասակների առաջնությունները: Տարբեր երկրներ մասնակցում են տարբեր քանակի մարզիկներով: Վերջում ամեն երկրի լավագույն 3 մարզիկների ցուցանիշները գումարվում են, ու աշխարհի 24 ամենաբարձր միավորները հավաքած երկրներն օլիմպիական խաղերին մսանակցելու իրավունք են ստանում:

Մրցակից երկրներն ունեն բազմաթիվ հեծանվորդներ, որոնք մասնակցում են տարբեր մրցաշարերի ու միավորներ վաստակում իրենց երկրի համար: Գյոզալյանն ընդգծում է, որ այսպիսի մրցակցության պայմաններում ունենալով 1 մարզիկ՝ ուղեգրի համար պայքարելն իրատեսական չէ: 1 մարզիկը չի կարող ողջ մրցաշրջանի ընթացքում լինել լավագույն մարզավիճակում, չհոգնել ու ապահովագրված լինել վնասվածքներից: Այս պարագայում մնում է մի բան:

«Պետք է մտածենք 2024թ.-ի մասին»,- ասաց մարզիչը:

Այժմ Էդգար Ստեփանյանը պետք է փորձի լավ մարզավիճակ հավաքել Հոլանդիայում կայանալիք Եվրոպայի 2019թ. մեծահասակների առաջնության համար: Մինսկ 2019-ին նա մեկնել էր ձեռքի կրկնակի կոտրվածքով: ՀԺ-ի հետ զրույցում մարզիկը նշեց, որ իրեն լիովին լավ է զգում, իսկ հետագա մրցումների մասին պետք է մարզիչը խոսի: Գյուզալյանն իր հերթին տեղեկացրեց, որ իրենք զբաղվում են փաստաթղթային հարցերով, սակայն Ստեփանյանը կմասնակցի, եթե մարզավիճակը թույլ տա:

«Մենք միշտ գնում ենք՝ լավ մասնակցելու, երբեւէ չի եղել, որ միայն մասնակցության կարգախոսով մեկնենք: Այդ վնասվածքներից հետո լավ մասնակցությունը... թոփ տասնյակի մեջ էլ եթե լինենք, շատ լավ կլինի: Մասնակցում են բոլոր ուժեղագույն մարզիկները, որոնք պայքարում են օլիմպիական ուղեգրերի համար»,- ասաց նա:

Հոկտեմբերի 1-ից Ստեփանյանն ուսումնամարզական հավաք է անցկացնելու «Օլիմպավանում»: Եվրոպայի առաջնության մասնակցության հայտ կարելի է ուղարկել մինչեւ հոկտեմբերի 13-ը: Թեեւ այժմ արդեն որոշակի, օրինակ, փաստաթղթային աշխատանքներ են տարվում, մարզիչը վստահեցնում է, որ, եթե որոշվի, որ Ստեփանյանը չի մասնակցելու, ՀՀ Հեծանվասպորտի ֆեդերացիան ավելորդ ծախսեր արած չի լինի: Եվրոպայի առաջնությունը կայանալու է հոկտեմբերի 16-20-ը:

Տպել
767 դիտում

Իրանցի միջուկային գիտնականը սպանվել է արբանյակից կառավարվող զենքով. Իրանը վրեժ է խոստանում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)

Ավագ լեյտենանտ Արմեն Մանասյանը խոցել է թշնամական 8 տանկ, 4 հրամանատարական դիտակետ և կենդանի ուժ․ ճանաչենք մեր հերոսներին

Համանախագահները ԼՂ հարցում առարկայական բանակցությունների կոչ են անում

Ամերիաբանկը 2020թ. Տարվա լավագույն բանկն է. Մրցանակը շնորհվել է «The Banker»-ի կողմից

Վեդիում իրականացվում են շենքի ջերմամեկուսացման և էներգաարդյունավետության բարձրացման աշխատանքներ

Բարեկարգվում է Մաստարա համայնքի մանկապարտեզի բակը, կառուցվում է խաղահրապարակ

Նախագահի հրամանագրով տասը զինծառայողներ հետմահու պարգևատրվել են Մարտական ծառայության մեդալով

Ջավախքում չեն ուզում Նոր տարի անել․ դիմել են հրավառությունն արգելելու ու գլխավոր տոնածառ չդնելու համար

2300 հեկտար նռան այգուց տարածքների կորստի հետեւանքով մնացել է 500-ը. Արցախի գյուղատնտեսության նախարար

Համավարակով պայմանավորված ՀՀ սահմանին մուտքի եւ ելքի սահմանափակումները շարունակում են ուժի մեջ մնալ

Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձև

Ցուցարարները Մաշտոցի պողոտան փակել են կաղամբով եւ դդումով բեռնված սայլակներով

Նախագահն ու ՄԻՊ-ն անդրադարձել են ռազմագերիների ու պատանդների հարցին և նրանց վերադարձի ուղղությամբ ձեռնարկվող քայլերին

Այվազյանն ու Լավրովը կքննարկեն եռակողմ հայտարարության շրջանակներում ձեռք բերված պայմանավորվածությունների իրագործումը

Այս պահին չեմ կարող որոշում կայացնել Հայաստանի հավաքականի օգտին, բայց չգիտեմ՝ վաղն ինչ կլինի․ Տիկնիզյան