Հարգելի՛ դատարան, ո՛չ փախնելու եմ, ո՛չ խանգարելու եմ․ Ռոբերտ Քոչարյան

Մեղադրող կողմն իր հիմնավորումներն ամբողջությամբ կառուցում է ենթադրությունների վրա, որովհետեւ գոնե մեկ փաստարկ խոչընդոտելու, թաքնվելու վերաբերյալ չի բերել: Այս մասին այսօր Երեւանի ընդհանուր իրավասության դատարանի Շենգավիթի նստավայրում Մարտի 1-ի գործով դատական նիստի ժամանակ ասաց ամբաստանյալ Ռոբերտ Քոչարյանը․

«Ստիպված եմ որոշ բաներ պարզաբանել․ ես առաջին ծանուցումը ստացել եմ հունիսի 6-ին, եղել եմ Հունաստանում եւ հայտնել եմ իմ հետ գալու օրը, այդ ժամանակ արդեն պաշտպանության նախարարը (Միքայել Հարությունյանը,-խմբ.) հետախուզման մեջ էր, ես 100 տոկոս գիտեի, որ մեղադրանք է առաջադրվելու եւ շատ մեծ հավանականությամբ փորձելու են կալանավորել: Ես հստակ գիտեի՝ ուր եմ գնում եւ ինչ եմ սպասում»,- ասաց Քոչարյանը։

Անդրադառնալով մեղադրող դատախազ Գեւորգ Բաղդասարյանի այն հայտարարությանը, որ վարույթն իրականացնող մարմինն այլ անձից է տեղեկացել, որ Քոչարյանը բուժման համար երկրից դուրս գնալու ավիատոմսեր է գնել մինչեւ թույլտվություն ստանալը, ապա հետ վերադարձրել, Քոչարյանն ասաց․

«Շատ խոսվեց իմ բուժման հետ կապված։ Ես ունեցել եմ երկու անձնագիր, մեկը եղել է քննչի մոտ, մեկը՝ ինձ մոտ, ես կարող էի հանգիստ գնալ, չկար որեւէ խափանման միջոց, դիմել եմ քննիչին, ասել են հետեւյալը՝ ես գիտեմ, որ գնամ, աղմուկ եք բարձրացնելու եւ այլն, եւ այլն, եթե խնդիր չեք տեսնում, գնում եմ, եթե խնդիր տեսնում եք, կփորձեմ բուժում ստանալ այստեղ՝ Հայաստանում, եւ քննիչն ասաց՝ ինձ երկու-երեք օր է պետք, քննարկեմ եւ պատասխանը կտամ: Քննիչի դուրս գալուց հետո պատվիրել եմ տոմսը, եւ երբ ստացա մերժում, հրաժարվեցի պատվերից, չգնացի, սա է այն պատկերը, որը եղել է»,- ներկայացրեց ամբաստանյալը։

Ապա ասաց, որ դատախազները քանի անգամ ասացին, որ իր կալանքի հարցը որոշվել է, բոլոր հարցերին անդրադարձ է եղել Վերաքննիչ դատարանում, բայց, Քոչարյանի խոսքով, այնտեղ ոչ մի բանի անդրադարձ չի եղել․

«Մենք պրոցեսում դիտորդ ենք եղել։ Ասել, որ այնտեղ ինչ-որ բան է քննարկվել, իրականությանը չի համապատասխանում»։

Ինչ վերաբերում է հանգամանքին, որ ինքը նախկինում բարձրաստիճան պաշտոններ է զբաղեցրել եւ դրանով կարող է խոչընդոտել գործի քննությանը կամ ազդել գործում ներգրավված անձնաց վրա, Քոչարյանն արձագանքեց․

«Ասում են, որ ես նախկինում պաշտոն եմ զբաղեցներ, եւ կարող եմ ազդել։ Ենթադրվում է, որ, պաշտոն զբաղեցրած լինելով, կարող ես ազդել քննիչների, իրավապահների վրա, որովհետեւ ազդեցությունը լինում է վկաների կամ քննությունն իրականացնող մարմինների վրա։ Իմ պաշտոն զբաղեցնելու հանգամանքն իմ օգտին չի խոսում, հակառակը՝ ազդելու հնարավորությունից զրկում է այսօրվա տրամադրությունների եւ իմ ու գործող իշխանությունների միջեւ եղած հարաբերությունների պայմաններում։ Ուղղակի զարմանում եմ, դրսում եմ, ներսում եմ, փակի տակ եմ, չեմ, ո՞նց պիտի ազդեմ ներկա ՀՔԾ պետի, դատախազի պայմաններում։ Ուղղակի աբսուրդ է։ Ինչ վերաբերում է վկաների վրա ազդեցություն ունենալուն, ես ասել եմ, որ ընդամենը մի քանի հոգու հետ է եղել շփում, մնացած 80 հատորի մեջ ես, ուղղակի, չկամ, ազդելու սուբյեկտ քրեական գործում, ուղղակի, գոյություն չունի»։

Ռոբերտ Քոչարյանը պատմեց, որ երբ դեկտեմբերի 7-ին իրեն կալանավորելու որոշում կայացվեց, ծառայողական մեքենայով գնացել է մեկուսարան՝ «Երեւան-Կենտրոն» ՔԿՀ, մեկ ժամից ավելի քննիչին է սպասել, ասել է՝ եկել եմ, կալանավորեք, ասել են՝ թղթերը չկան, առանց թուղթ չենք կարող․

«Ես մեկ ժամից ավելի սպասել եմ, որ քննիչը գա, թուղթը հետը բերի։ Քննությունից թաքնվող մարդն այսպիսի վարքագիծ չի ցուցաբերում։ Ուղղակի մի քիչ էլ խղճի հարց ա, գնահատել՝ մարդն ընդունակ է, թե ընդունակ չի»։

Այնուհետեւ Քոչարյանը դիմեց դատարանին․

«Հարգելի՛ դատարան, ո՛չ փախնելու եմ, ո՛չ խանգարելու եմ, ես չեմ կասկածում, եւ այստեղ եմ ապացուցելու համար, որ վերջում այստեղ նստածները արդարացվելու են, այս մարդկանց ուսերի վրա է կառուցվել մեր պետականությունը, մեր բանակը, մեր հաղթանակները։ Եւ էսօր եթե մենք պատրաստ ենք էս ամենի վրա խաչ քաշել, մենք թույլ չենք տալու, եւ թույլ չտալու ճանապարհը ոչ թե փախնելն է, այլ այստեղ մնալը, դատական նիստերին մասնակցելն ու ապացուցելը։ 180-ից ավելի ոստիկան է տուժել, այստեղ չեն, որովհետեւ այս մթնոլորտը թույլ չի տալիս, որ գան եւ իրենց խոսքը ասեն։ Ես տեսնում եմ, որ ոչ թե տուժածներն են ուղղորդում փաստաբաններին, այլ ճիշտ հակառակը, որովհետեւ փաստաբաններն ընդգծված խոսում են հեղափոխության մասին, նոր Հայաստանի մասին, բայց օրենսգիրքը նույնն է, Սահմանադրությունը նույնն է, եթե թվում է մարդկանց, որ ամեն ինչ փոխվել է, ու մենք կարող ենք օրենսդրությունը ռեզինի պես քաշել, հարմարեցնել այսօրվա, այսպես ասած, հեղափոխական նպատակներին, ապա ուղղակի սպանում ենք արդարադատությունը»։

Ամբաստանյալը խոսեց նաեւ գործով մյուս ամբաստանյալների մասին՝ ասելով, որ նրանք նույնպես «փախնող» չեն․

«Խաչատուրովը Մոսկվայում էր, ՀԱՊԿ-ում, կարող էր չգալ, ինչի՞ եկավ, որովհետեւ մարտական գեներալ է։ Որեւէ մեկի մտքով կարող է անցնել, որ Սեյրան Օհանյանը կարող է փախնել երկրի՞ց, փախնող լիներ, ոտքը չէր կորցնի։ Ես ուզում եմ հասկանան, որ այս տեսակի մարդկանց շնորհիվ է այս երկիրն այսօր կայացել»,- եզրափակեց Քոչարյանը։

Տպել
1493 դիտում

Իրանում արձանագրվել է նոր կորոնավիրուսով վարակվելու 5 դեպք. «Մեղրի» անցակետում հսկողությունը կուժեղացվի

2-րդ զորամիավորման զորամասերը բերվել են մարտական պատրաստականության բարձր աստիճանի. ՊՆ (լուսանկարներ)

IDBank-ի մասնաճյուղերն այսուհետ ավելի երկար կաշխատեն

Բախվել են «BMW 3», «Porsche Cayenne» եւ «Lexus RX 300» մակնիշների ավտոմեքենաները. տուժածներ չկան

JTI ընկերությունը կրկին ճանաչվել է որպես Լավագույն գործատու Հայաստանում

2019թ. տարվա 10 լավագույն մարզիկները 5-ական մլն դրամ պարգեւավճար կստանան (տեսանյութ)

Արմեն Սարգսյանը ցավակցական ուղերձ է հղել Երվանդ Մանարյանի մահվան կապակցությամբ

Դիլիջանում ապօրինի փայտանյութը քողարկել էր թեփի պարկերով (տեսանյութ)

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Վրաստան

Ապօրինի ծառահատում «Սևան» ազգային պարկում. հարուցվել է քրեական գործ (տեսանյութ)

Գնդացիր, ինքնաձիգ, ատրճանակ, հրացաններ, նռնակներ ու փամփուշտներ. ոստիկանությունում զենքեր են հանձնել

Իրանի Քոմ քաղաքում փակվել են բոլոր դպրոցներն ու համալսարանները. պատճառը կորոնավիրուսն է

Դրանք այն ենթամշակույթի հետեւանքն են, որոնց դեմ մենք պայքարում ենք. նախարարը՝ դպրոցականների դանակահարությունների մասին

Երեւանում ամբողջությամբ այրվել է վագոն-տնակ. տուժածներ չկան

Հրդեհ Ռուբինյանց հասցեի բնակելի շենքում. առաջին հարկի բնակիչը տանը դույլի մեջ կրակ է արել (լուսանկարներ)

Հանդիպել են Արցախի նախագահ Բակո Սահակյանն ու ՀՀ գլխավոր դատախազ Արթուր Դավթյանը

ԵՊՀ-ում այսօր հրավիրված Հոգաբարձուների խորհրդի նիստը տեղի չի ունեցել

Մայիսի 29-ը ոչ աշխատանքային կլինի. Կառավարությունը որոշում ընդունեց

«Ոչինչ, ես միշտ 1000 դրամի եմ լցնում». վարչապետը հայտնի անեկդոտ հիշեց

Կյանքից հեռացել է ՀՀ ժողովրդական արտիստ, դիրիժոր, պրոֆեսոր Յուրի Դավթյանը