Թումանյանի ճանշինը տուգանվել է անորակ ասֆալտապատում անելու համար

Օրեր առաջ սոցիալական ցանցերում ահազանգ հնչեցվեց Լոռու մարզի Ախթալա խոշորացված համայնքի կազմի մեջ ընդգրկված Նեղոց բնակավայր տանող ճանապարհի ցածրորակ ասֆալտապատման աշխատանքների վերաբերյալ: Օգտատերերը նշում էին, որ մի քանի օր առաջ արված ասֆալտն արդեն քանդվում է:

Լոռու մարզպետ Անդրեյ Ղուկասյանի հանձնարարությամբ՝ Լոռու մարզպետարանի քաղաքաշինության վարչության մասնագետները եղել են տեղում եւ ուսումնասիրել: Հրավիրվել է նաև կապալառու կազմակերպության ներկայացուցիչը՝ «Թումանյանի ՃՇՇՁ»-ԲԲԸ-ի տնօրենը: Լոռու մարզպետարանից ՀԺ-ին փոխանցեցին, որ տեղում արդեն պարզվել է՝ ասֆալտի ճաքերն առաջացել են տվյալ հատվածի թեքության և հիմքերի պաստառի ավազակոպճային խառնուրդի անհամապատասխանության հետևանքով: Մարզպետարանի ներկայացուցիչներն աֆալտապատումն իրականացնող կազմակերպությանը հանձնարարել են մեկ շաբաթվա ընթացքում վերացնել թերությունները և իրականացնել նախագծանախահաշվային փաստաթղթերին համապատասխան աշխատանքներ:

Այն թերությունները, որոնք նկատել էին օգտատերերը, արձանագրել են նաև Քաղաքաշինության, տեխնիկական և հրդեհային անվտանգության տեսչության Լոռու տարածքային բաժնի աշխատակիցներն ու կիրառել օրենքով սահմանված տուգանքներ շինկազմակերպության և տեխհսկողություն իրականացնող կազմակերպության նկատմամբ:

Լոռու մարզպետարանի տեղեկատվության եւ հասարակայնության հետ կապերի բաժնից ՀԺ-ին հայտնեցին, որ մարզի ղեկավարի հանձնարարությամբ՝ մարզում սուբվենցիոն ծրագրերով իրականացվող բոլոր աշխատանքները Քաղաքաշինության վարչությունը վերահսկում է ամենօրյա ռեժիմով: Անդրեյ Ղուկասյանի հստակ դիրքորոշմամբ՝ ծրագրերը չեն ֆինանսավորվի այնքան ժամանակ, քանի դեռ պատշաճ որակ ապահովված չէ:

Վարչական իրավախախտումների օրենսգրքի 157-րդ հոդվածի համաձայն՝ տեխնիկական հսկողության ոչ պատշաճ իրականացման եւ նախագծից շեղվելու դեպքում սահմանվում է տուգանք՝ յուրաքանչյուրի համար 50 հազար դրամի չափով: Իրականացվել է վարույթ, ընկերությունն արդեն իսկ ծանուցվել է, որ սեպտեմբերի 26-ին ենթարկելու են վարչական տույժի՝  50 հազար դրամ՝ գիտեխնիկական հսկողության ոչ պատշաճ իրականացման եւ եւս 50 հազար դրամ՝ նախագծից շեղվելու համար:

«Ախթալա համայնքի ներհամայնքային ճանապարհների բարեկարգում» ծրագրի շրջանակներում նախատեսվում է բարեկարգել Ախթալայի թիվ 2 դպրոց տանող ճանապարհը, Շահումյան փողոցը եւ հարակից 300 մետր երկարությամբ մայթը, Շամլուղի 11-րդ եւ 8-րդ (դեպի դպրոց տանող) փողոցները, Նեղոցի Արմեն Գրիգորյան փողոցը, Ճոճկան գյուղի մշակույթի տան բակը: Ծրագրի ընդհանուր արժեքը՝ 54.459.090 ՀՀ դրամ, որից համայնքի ներդրումը՝ 24.506.590 ՀՀ դրամ, պետության հատկացրած գումարը՝ 29.952.500 ՀՀ դրամ:

Տպել
4397 դիտում

Իրանցի միջուկային գիտնականը սպանվել է արբանյակից կառավարվող զենքով. Իրանը վրեժ է խոստանում

ՀՀ-ում կա մեկ հանրային ճնշում եւ դա 17 ուժի քայլերի դեմ է. մարդիկ հիշում և ճանաչում են Վազգեն Մանուկյանին. Վ. Ենգիբարյան

ԿԳՄՍ նախարարը խոստացել է Երևանի մշակույթի և արվեստի պետական քոլեջի տնօրենի ժ/պ նշանակել աշխատակազմի առաջարկած թեկնածուին

62 ուսուցիչ ստացել է առաջին, երկրորդ և երրորդ աստիճանի տարակարգ․ ԿԳՄՍՆ

Երեւանի քաղաքապետարանի ենթակայության բոլոր ծառայությունները զբաղվում են իրենց լիազորություններից բխող գործունեությամբ

96-ամյա Սուրիկ Ղարիբյանը 3 տոննա կարտոֆիլը նվիրաբերել է Հայոց բանակին (լուսանկար)

Ավագ լեյտենանտ Արմեն Մանասյանը խոցել է թշնամական 8 տանկ, 4 հրամանատարական դիտակետ և կենդանի ուժ․ ճանաչենք մեր հերոսներին

Համանախագահները ԼՂ հարցում առարկայական բանակցությունների կոչ են անում

Ամերիաբանկը 2020թ. Տարվա լավագույն բանկն է. Մրցանակը շնորհվել է «The Banker»-ի կողմից

Վեդիում իրականացվում են շենքի ջերմամեկուսացման և էներգաարդյունավետության բարձրացման աշխատանքներ

Բարեկարգվում է Մաստարա համայնքի մանկապարտեզի բակը, կառուցվում է խաղահրապարակ

Նախագահի հրամանագրով տասը զինծառայողներ հետմահու պարգևատրվել են Մարտական ծառայության մեդալով

Ջավախքում չեն ուզում Նոր տարի անել․ դիմել են հրավառությունն արգելելու ու գլխավոր տոնածառ չդնելու համար

2300 հեկտար նռան այգուց տարածքների կորստի հետեւանքով մնացել է 500-ը. Արցախի գյուղատնտեսության նախարար

Համավարակով պայմանավորված ՀՀ սահմանին մուտքի եւ ելքի սահմանափակումները շարունակում են ուժի մեջ մնալ

Ֆրանսիայի ԱԺ-ն ընդունել է Լեռնային Ղարաբաղի ճանաչման հրատապ անհրաժեշտության մասին բանաձև

Ցուցարարները Մաշտոցի պողոտան փակել են կաղամբով եւ դդումով բեռնված սայլակներով

Նախագահն ու ՄԻՊ-ն անդրադարձել են ռազմագերիների ու պատանդների հարցին և նրանց վերադարձի ուղղությամբ ձեռնարկվող քայլերին

Այվազյանն ու Լավրովը կքննարկեն եռակողմ հայտարարության շրջանակներում ձեռք բերված պայմանավորվածությունների իրագործումը

Այս պահին չեմ կարող որոշում կայացնել Հայաստանի հավաքականի օգտին, բայց չգիտեմ՝ վաղն ինչ կլինի․ Տիկնիզյան