Նիդերլանդներում անցկացվել է կաթնարդյունաբերության բնագավառում հայ-հոլանդական գործարար սեմինար

27/09/2019 schedule16:10

ՀՀ էկոնոմիկայի փոխնախարար Տիգրան Գաբրիելյանի գլխավորած պատվիրակությունը սեպտեմբերի 25-26-ը, Հոլանդական ձեռնարկությունների գործակալության նախաձեռնությամբ, կաթնարդյունաբերության ոլորտում հայ-hոլանդական համագործակցության ընդլայնման նախագծի շրջանակում, գտնվում էր Նիդերլանդերում։  

Ինչպես հայտնում են նախարարության մամուլի ծառայությունից, պատվիրակության կազմում էին AM Partners ընկերության ղեկավար Վահե Մամբրեյանը և CARD կազմակերպության տնօրեն Գագիկ Սարդարյանը։

Պատվիրակության անդամները հանդիպումներ են ունեցել Նիդերլանդական ներդրումային բանկում, ինչպես նաև Ֆրիսլանդ նահանգի կաթնարդյունաբերության ընկերությունների ներկայացուցիչների հետ։

Սեպտեմբերի 26-ին Հեռենվեն քաղաքում տեղի է ունեցել կաթնարդյունաբերության և հարակից ոլորտները ներկայացնող շուրջ երեք տասնյակ խոշոր հոլանդական ընկերությունների մասնակցությամբ գործարար սեմինար, որի նպատակն էր ներկայացնել BLES Dairies խորհրդատվական կազմակերպության կողմից Հայաստանի կաթնարդյունաբերության ոլորտի և հոլանդական ընկերությունների գործունեության ներուժի վերաբերյալ պատրաստված համապարփակ զեկույցը։

Սեմինարի մասնակիցներին ողջույնի խոսքով դիմել է Նիդերլանդներում Հայաստանի Հանրապետության արտակարգ և լիազոր դեսպան Տիգրան Բալայանը: Շնորհակալություն հայտնելով նախաձեռնության հեղինակներին ու այն կյանքի կոչելուն աջակցած բոլոր կողմերին՝ Հոլանդական ձեռնարկությունների գործակալությանը, ՀՀ-ում Նիդերլանդների նախկին դեսպան Յոս Դաումային, Նիդերլանդների դեսպանության գյուղատնտեսական խորհրդական Մեուս Բրուերին, BLES Dairies-ի տեխնիկական տնօրեն Մարտին դե Յոնգին, դեսպանն ընդգծել է, որ նախաձեռնությունը հրաշալի հնարավորություն է կաթնարդյունաբերությամբ զբաղվող հոլանդացի գործարարներին ներկայացնելու Հայաստանում գործունեություն ծավալելու հնարավորությունները։ Հավելելով, որ կաթնարդյունաբերությունը Հայաստանի գյուղատնտեսության առանցքային ոլորտներից է, նա նշել է, որ Հայաստանի աշխարհագրական դիրքն ու աշխարհաքաղաքական իրավիճակը լուրջ հեռանկարներ են բացում հոլանդացի գործարարների համար՝ Հայաստանի միջոցով մուտք գործելու անհասանելի շուկաներ։

ՀՀ էկոնոմիկայի փոխնախարար Տիգրան Գաբրիելյանը հանդես է եկել Հայաստանի կաթնարդյունաբերության ոլորտի, գյուղատնտեսության բնագավառում պետական քաղաքականության և իրականացվող խթանման ծրագրերի մասին համապարփակ ելույթով։

Հայաստանի կաթնարդյունաբերության և հոլանդական ընկերությունների համար առկա հնարավորությունները ներկայացրել է զեկույցի հեղինակ Մարտին դե Յոնգը։ Ելույթներով հանդես են եկել նաև «CARD» Ագրոբիզնեսի և գյուղի զարգացման կենտրոնի տնօրեն Գագիկ Սարդարյանը՝ ներկայացնելով Հայաստանում կաթնարդյունաբերության ոլորտում ներդրումներ անելու առավելություններն ու փորձի փոխանակման կարևորությունը։ Հոլանդական PUM կազմակերպության հայաստանյան ծրագրերի համակարգող Յան Դուքսենը ներկայացրել է իրենց՝ Հայաստանում շուրջ 15 տարվա արդյունավետ գործունեության փորձը, իսկ Նիդերլանդական ձեռնարկությունների գործակալության ներկայացուցիչը ներկաներին տեղեկացրել է Հայաստանում ներդրումներ կատարելու պարագայում՝ գործակալության կողմից տրամադրվող ֆինանսական աջակցության գործիքների մասին։

Մի շարք հոլանդական ընկերությունների ներկայացուցիչներ կիսվել են Հայաստանում իրենց գործունեության փորձառությամբ։

Սեմինարի երկրորդ հատվածում Հայաստանի պատվիրակության անդամներն ու զեկույցի հոլանդացի հեղինակները պատասխանել են հոլանդացի գործարարներին հուզող մի շարք հարցերի, որոնք հիմնականում վերաբերել են ներդրումների իրարանցման ընթացակարգին, Հայաստանի ֆինանսական շուկային և կաթնարդյունաբերությանն առնչվող մասնագիտական խնդիրներին։

Նախաձեռնությունը շարունակական է, և նոյեմբերին նախատեսվում է հայկական կաթնարդյունաբերության ընկերությունների ներկայացուցիչների այցելությունը Նիդերլանդներ։

Տպել
462 դիտում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում

Մեքենաների կեսգիշերային մրցավազք Երևանում. վարորդներից մեկը սթափ չի եղել (տեսանյութ)

Շենգավիթում կրկնակի կասեցման ենթարկված և խախտումներ արձանագրած տնտեսավարողները շտկել են խախտումները․ ԱԱՏՄ

Երևանի քաղաքապետ Հայկ Մարությանն այցելել է հիմնանորոգվող մանկապարտեզներ

Որպեսզի ստվերը նկատես եւ նվազեցնես՝ առաջին հերթին պետք է թափանցիկություն եւ հաշվետվողականություն ունենաս. պատգամավոր

Երևանը նոր «կանաչ բնակիչներ» ունի. բուսատեսակները միմյանց հաջորդելով կծաղկեն և քաղաքը միշտ կանաչ կլինի

Փրկարարները դադարեցրել են 30-ամյա քաղաքացու որոնողական աշխատանքները

Երկու ընկերությունների աշխատակազմը միացնելու ենք, որ ավելի մեծ ռեսուրս ունենանք․ Հայկ Եսայան

Ահազանգ է ստացվել «Աջարաբեթ․էյեմ» բուքմեյքերական գլխավոր գրասենյակում ռումբի տեղադրման մասին

Հայաստանի ֆուտբոլի հավաքականի իսպանացի գլխավոր մարզիչ Կապառոսը հետեւում է ՀՀ Գավաթի եզրափակչին

Բուժումն ավարտած և տուն վերադարձած Էլենը կաջակցի քաղցկեղ և արյան հիվանդություններ ունեցող երեխաներին

Մհեր Գրիգորյանը տեսակապի միջոցով մասնակցել է Եվրասիական տնտեսական հանձնաժողովի խորհրդի հերթական նիստին