Ընդդիմությունը հասկանում է, թե չի հասկանում իրավիճակը

Վարչապետ Փաշինյանի՝ ամերիկյան լրատվամիջոցներից մեկին տված հարցազրույցում արտահայտած այն միտքը, թե ղարաբաղյան հակամարտության կարգավորման վերջնարդյունքը պիտի բավարարի եւ՛ Հայաստանի, եւ՛ Արցախի, եւ՛ Ադրբեջանի ժողովուրդներին, հերթական անգամ քարոզչական մանիպուլյացիաների ենթարկվեց ընդդիմադիր քարոզչամիջոցների կողմից: Եղան եւ՛ զուտ մարդկայնորեն հասկանալի դժգոհություններ («չհասկացանք, ո՞նց թե կարգավորումը պիտի բավարարի նաեւ ադրբեջանցիներին»), եւ՛ «խորիմաստ վերլուծություններ» (իբր՝ դա լուրջ նահանջ էր Ստեփանակերտում հնչեցված «Արցախը Հայաստան է, եւ վերջ» դիրքորոշումից):

Ի՞նչ է տեղի ունենում իրականում: Նիկոլ Փաշինյանն, իհարկե, կարող էր խուսափել սեփական երկրում քննադատությունների ենթարկվելու հեռանկարից եւ հայտարարել, որ ղարաբաղյան հակամարտության կարգավորումը պիտի բավարարի Հայաստանի եւ Արցախի ժողովուրդներին, իսկ ադրբեջանցիներին այդ կարգավորումը կգոհացնի, թե ոչ՝ իրենց պրոբլեմն է: Սա, անշուշտ, կլիներ շատ ավելի «հայրենասիրական» դիրքորոշում: Բայց գործնականում դա ոչինչ չէր տա, որովհետեւ ակնհայտ է, որ եթե վերջնական կարգավորման որեւէ տարբերակ ադրբեջանական կողմի համար անընդունելի լինի, նրանք պարզապես չեն ընդունի այդ տարբերակը, այսինքն՝ հակամարտությունը չի կարգավորվի (համենայն դեպս՝ բանակցությունների ճանապարհով): Այլ կերպ ասած՝ հակամարտության երեք կողմերին էլ բավարարող տարբերակը խաղաղ կարգավորման միակ ձեւն է: Հատուկ շեշտում ենք՝ միա՛կ: Եվ եթե ՀՀ վարչապետը նման բան է հայտարարում, նշանակում է՝ Հայաստանն իսկապես ձգտում է հասնել խաղաղ կարգավորման (եւ ոչ թե ձեւական հայտարարություններ է անում՝ իր գերխնդիրը համարելով գործընթացը ձգձգելն ու ներկայիս փաստացի պատերազմական վիճակը հնարավորինս երկար պահպանելը):

Հիմա հարցին նայենք ադրբեջանական կողմի տեսանկյունից: Այդ երկրի նախագահն առայժմ համարժեք հայտարարություն չի արել, այսինքն՝ չի ասել, որ հակամարտության կարգավորումը պիտի բավարարի նաեւ Հայաստանին ու Արցախին: Այլ կերպ ասած՝ Ադրբեջանը համարում է, որ վերջնական կարգավորումը պիտի բավարարի միայն իրենց: Բայց Ադրբեջանում շատ լավ հասկանում են, որ հայկական կողմը երբեք չի գնա այդպիսի տարբերակի, ինչն էլ իր հերթին նշանակում է, որ ադրբեջանական կողմը հրաժարվում է կատարել իր քայլը այն միակ ճանապարհին, որը հնարավոր կդարձնի հակամարտության խաղաղ կարգավորումը: Այս իմաստով իրավիճակը բավականին պարզ է, եւ ադրբեջանական կողմի լռությունը միջազգային հանրության համար ակնհայտ է դարձնում, որ հայկական կողմը պատրաստ է խաղաղության, ու հենց Ադրբեջանն է ապակառուցողականը: Իսկ սա բանակցությունների սեղանի շուրջ բավականին կարեւոր գործոն է:

Բայց նաեւ այնպես չէ, որ հայկական կողմն առաջին քայլն անելով միակողմանի (կամ՝ ոչ համարժեք) զիջումներ անելու պատրաստակամություն է հայտնում: Հակառակը՝ այս հարցում մեր դիրքորոշումը բավականին կոշտ է եւ հնչում է մոտավորապես այսպես. եթե ադրբեջանական կողմը պատրաստ է ընդունել, որ վերջնական կարգավորումը պիտի բավարարի նաեւ Հայաստանի եւ Արցախի ժողովուրդներին՝ եկեք բանակցենք ու հասնենք խաղաղության, իսկ եթե ադրբեջանական կողմը դա չի ընդունում՝ ուրեմն Արցախը Հայաստան է եւ վերջ, գնացեք, ինչ ուզում եք՝ արեք:

Հ. Գ. Սա, իհարկե, չի նշանակում, որ եթե ադրբեջանական կողմն ընդունում է մեր դիրքորոշումը, ուրեմն «Արցախը Հայաստան է, եւ վերջ» պնդումը «չեղարկվում է»: Որովհետեւ եթե «Արցախը Հայաստան չլինի» կամ միջազգայնորեն ճանաչված անկախություն չունենա, այդ տարբերակը չի բավարարելու Հայաստանի եւ Արցախի ժողովուրդներին, հետեւաբար՝ խաղաղության համաձայնագիրն էլ չի ստորագրվելու: Բայց սա արդեն հետագա բանակցությունների խնդիր է, իսկ առայժմ գնդակն Ադրբեջանի դաշտում է: Որքան էլ մեր ընդդիմությունը ձեւացնի, թե չի հասկանում դա:

Տպել
2430 դիտում

Լեռնագոգ համայնքում հարգանքի տուրք մատուցեցի և ներկա գտնվեցի Սուրբ Նարեկ եկեղեցու բացման արարողությանը. Մանավազյան

Հաջողվել է արմատապես փոխել փաստաթղթում հայկական կողմին վերաբերելի կարևոր դրույթներ․ Բաղդասարյանը՝ ԵԽԽՎ բանաձևի մասին

Մենակ իրան բնորոշ խնդալու հոտի մեջ կկլորնան իր պոլոզ պատմությունները. Գյումրիում կայացավ «Մայլից մայլա» գրքի շնորհանդեսը

Արտակ Դավթյանը մասնակցել է Արցախյան 44-օրյա պատերազմի տարելիցին նվիրված խաչքար-հուշակոթողների բացմանը

Պաշտանության նախարարն ու ԳՇ պետը հարգանքի տուրք են մատուցել Հայրենիքի պաշտպանության ընթացքում զոհվածների հիշատակի

«Արևիք» ազգային պարկի տարածքում աշխատանքները ժամանակավորապես դադարեցվել են

«Ասել էր, որ երբեք գերի չի ընկնի՝ նռնակ ունի». Գոռ Այվազյանը պայթեցրել է իրեն՝ իր հետ միասին հակառակորդի զինվորներին

Ստրասբուրգում ընդունվեց Լեռնային Ղարաբաղի հակամարտության հումանիտար հետևանքների վերաբերյալ ԵԽԽՎ բանաձևը

Ալեն Սիմոնյանը պատգամավորների ու ԱԺ աշխատակազմի ներկայացուցիչների հետ այցելել է «Եռաբլուր» պանթեոն (լուսանկարներ)

Աղավնաձորում բացվեց Արցախյան պատերազմների ընթացքում զոհված զինծառայողների հիշատակին նվիրված հուշաքար

Էմանուել Մակրոնի վրա ձու նետած տղամարդը ձերբակալվել

Արման Թաթոյանը Շվեդիայի ազգային դատարանների վարչության պատվիրակությանն է ներկայացրել դատական համակարգի խնդիրները

Փոխվարչապետ Սուրեն Պապիկյանն այցելել է «Նուբարաշեն» ՔԿՀ (լուսանկարներ)

Հայաստանում ՌԴ դեսպանատանը մեկ րոպե լռությամբ հարգել են արցախյան պատերազմի զոհերի հիշատակը․ դեսպանատան հայտարարությունը

Տեղի է ունեցել հայ և եվրոպացի կին հրշեջ-փրկարարների փորձի փոխանակում

Արթիկում հուշահամալիր է բացվել՝ նվիրված Արցախյան 44-օրյա պատերազմի զոհերի հիշատակին (լուսանկարներ)

Արցախում յուրաքանչյուրը, անկախ գտնվելու վայրից, մեկ րոպեով դադարեցրել է շարժը (տեսանյութ)

Շենաթաղ գյուղի մոտակա սարալանջին այրվում է մոտ 22 հա խոտածածկույթ

Սպասվում է առանց տեղումների եղանակ

«Հայրիկը երկնքում է, աստղերն է ներկում վարդագույն». 44-օրյա պատերազմում փոքրիկ Ալեքսանդրան կորցրեց հայրիկին

Վթար Իսակովի պողոտայում. բախվել են երեք մեքենաներ (լուսանկարներ)

COVID-19 համավարակի ներկա իրավիճակը. առցանց քննարկման օրակարգում 2 հարց է եղել

Լևոն Տեր-Պետրոսյանն իր առանձնատանը հանդիպել է Ռուսաստանի դեսպան Սերգեյ Կոպիրկինի հետ

Դիմումը պետք է ներկայացվի միջոցառման օրվանից առնվազն 10 օր առաջ. ՊՆ-ն հայտարարություն է տարածել

ԱԻՆ աշխատակիցների ավելի քան 88 տոկոսն արդեն պատվաստվել է. փրկարար ծառայությունն ամփոփել է աշխատանքային ամիսը

Ագրեսիայից մեկ տարի անց էլ ադրբեջանական իշխանությունները շարունակում են էթնիկ զտման քաղաքականությունը․ Արցախի ՄԻՊ

Հակոբ Արշակյանն ընդունել է Միջազգային հանրապետական ինստիտուտի տնօրեն Ջեյմս Դե Ուիթի գլխավորած պատվիրակությանը

Արմեն Սիմոնյանն ու Վարդան Չիլինգարյանը կգործուղվեն Չեխիա՝ քննարկելու Ստեփանավանի օդանավակայանի վերանորոգման հարցը

Գնել Սանոսյանն այցելել է Ջրային կոմիտե․ ներկայացրել է կոմիտեի երկու նորանշանակ տեղակալներին

Լուսինե Ալեքսանյանն ազատվել է վարչապետի աշխատակազմի կադրերի և անձնակազմի կառավարման վարչության պետի պաշտոնից

Առկա է երկկողմ կապերի ամրապնդման հսկայական ներուժ. ՀՀ նախագահը շնորհավորել է Կիպրոսի Հանրապետության նախագահին

Քրեակատարողական հիմնարկի պաշտոնատար անձին կաշառք տալու գործն ուղարկվել է դատարան

Արդարադատության բարեփոխումների օրակարգում ԱՄՆ-ն ՀՀ-ի առանցքային գործընկերներից է. Անդրեասյանը հանդիպել է Լին Թրեյսիի հետ

Զորամիավորումներում հիշատակի միջոցառումներ են անցկացվել (լուսանկարներ)

Արմեն Սարգսյանը շնորհավորական ուղերձ է հղել Թուրքմենստանի նախագահին

Միշտ ասել եմ ու ասում եմ` ես Շուշի կմտնեմ. Սասուն Միքայելյան

«Քիչ առաջ բժիշկը զանգահարեց, լուր ստացանք». շոու բիզնեսի ներկայացուցիչները՝ Հայկոյի մասին

«Զվարթնոց» օդանավակայանի ոստիկանները խուլիգանության մեղադրանքով հետախուզվողի են հայտնաբերել

Վարչապետը Զինվորի տանը Հայրենիքի պաշտպանների հետ մեկ րոպե լռությամբ հարգանքի տուրք է մատուցել (լուսանկարներ, տեսանյութ)

Մեկ տարի առաջ այս օրը Արցախի երկինքը դղրդաց, Ստեփանակերտում հոգեհանգստյան արարողություն է կատարվել