Գեղամ Պետրոսյանը նախկին ոստիկանապետին առաջադրված մեղադրանքում իրեն առնչվող դրվագներով հարցաքննության չի կանչվել

Մարտի 1-ի գործով Զաքար Հովհաննիսյանի սպանության մեջ մեղադրվող, ոստիկանության ներքին զորքերի շտաբի նախկին պետ Գեղամ Պետրոսյանը ՀՀ նախկին ոստիկանապետ Ալիկ Սարգսյանին առաջադրված մեղադրանքում իրեն առնչվող դրվագներով հարցաքննության չի կանչվել։ «Հայկական ժամանակ»-ի հետ զրույցում այս մասին հայտնեց Պետրոսյանի պաշտպան Վաղարշակ Գեւորգյանը։

Հատուկ քննչական ծառայությունը սեպտեմբերի 25-ին մեղադրանք էր առաջադրել նախկին ոստիկանապետ Ալիկ Սարգսյանին՝ պաշտոնեական լիազորությունները չարաշահելու, փաստաթղթեր կեղծելու եւ հանցագործությունը պարտակելու համար։ ՀՔԾ-ի տարածած այս հաղորդագրության մեջ բազմիցս հիշատակվում է նաեւ Գեղամ Պետրոսյանի անունը՝ մասնավորապես մարտիմեկյան իրադարձություններից հետո այդ դեպքերի ժամանակ կրակված մոտ 1000 պարկուճները փոխելու դրվագներում։

Ըստ ՀՔԾ հաղորդագրության՝ 2008 թվականի հուլիսի 2-ից հետո ընկած ժամանակահատվածում ՀՀ նախագահի օգնական Գեւորգ Կոստանյանը եւ փոխոստիկանապետ Գեւորգ Մհերյանը մարտի 1-2-ին տեղի ունեցած իրադարձությունների ժամանակ ԶՈՒ ապօրինի մասնակցության, նրանց կողմից հրազենի կիրառման նախապես չխոստացված պարտակումը կազմակերպելու դիտավորությամբ Գեղամ Պետրոսյանին հանձնարարություն են տվել ԶՈՒ ներգրավվածությունը հերքելու, նրանց կողմից կատարված գործողությունները ոստիկանության զորքերին վերագրելու նպատակով զրուցել ենթակա անձնակազմի հետ՝ հրահանգավորելով նրանց ապագայում քրեական գործով տալ այնպիսի ցուցմունքներ, որոնցով հնարավոր լինի հերքել ԶՈՒ ներգրավվածությունը հիշյալ դեպքերին:

Հաղորդագրության մեջ նշված է, որ Կոստանյանի եւ Մհերյանի տված ցուցումները կատարելու ընթացքում Գեղամ Պետրոսյանը ՀՔԾ-ում հաճախակի հանդիպել է Մարտի 1-ի գործով քննչական խմբի ղեկավար Վահագն Հարությունյանի, վերջինս էլ Պետրոսյանին հայտնել է, որ անհրաժեշտ է դեպքի վայրի տարբեր տեղամասերից զննությամբ հայտնաբերված տարբեր տեսակի հրազեններից կրակված, իրեղեն ապացույց հանդիսացող շուրջ 1000 պարկուճները փոխարինել ՀՀ ոստիկանության զորքերի սպառազինության մեջ մտնող նույն տրամաչափի այլ հրազեններից կրակված պարկուճներով: Գեղամ Պետրոսյանը նշված հանձնարարությունը ստանալուց հետո այն իր հերթին հանձնարարել է ՀՀ ոստիկանության զորքերի հատուկ նշանակության ջոկատի հրամանատար Բագրատ Խաչատրյանին:

Վերջինս ՀՀ ոստիկանության զորքերի մի խումբ ծառայողների հետ ոստիկանության զորքերի՝ Արարատի մարզում գտնվող մարտական կրակային դաշտում տարբեր տեսակի ինքնաձիգներից կրակել են պահանջվող քանակությամբ փամփուշտներ: Կրակված փամփուշտների պարկուճները հավաքելուց հետո Բագրատ Խաչատրյանը, Գեղամ Պետրոսյանի հանձնարարությամբ, դրանք տարել է ՀՔԾ եւ հանձնել քննիչ Արմեն Հակոբյանին:

Բացի այդ, մինչ կեղծված ապացույցը քրեական գործին կցելը՝ Վահագն Հարությունյանը հանդիպել է Գեղամ Պետրոսյանի հետ, իրեղեն ապացույց հանդիսացող շուրջ 1000 պարկուճները ՀՀ ոստիկանության զորքերի սպառազինության մեջ մտնող նույն տրամաչափի այլ հրազեններից կրակված պարկուճներով փոխարինելու շուրջ պայմանավորվածություն ձեռք բերելուց հետո կազմակերպել է 2008 թվականի մարտի 1-ին տեղի ունեցած զանգվածային անկարգությունների կանխման ժամանակ ՀՀ ոստիկանության զորքերի հատուկ նշանակության ջոկատի անձնակազմի կողմից անգնդակ փամփուշտներով հրազեն գործադրելու փաստով արդեն իսկ անցկացված ծառայողական քննության նյութերը, մասնավորապես՝ զեկուցագրերն ու վերջնական որոշումը քննչական խմբի առանձին քննիչների եւ ոստիկանության ծառայողների կողմից փոխելու գործողությունները:

Գեղամ Պետրոսյանի պաշտպան Վաղարշակ Գեւորգյանը մեր զրույցում ասաց, որ, ըստ էության, հաղորդագրության այս դրվագներին առհասարակ որեւէ նշանակություն չի տալիս:

«Երբ մեզ հանկարծ կհրավիրեն հարցաքննության ու կասեն՝ մենք այդպիսի բան ենք գրել, եւ դրա հիմքերը հանդիսանում են այսինչ աղբյուրները, այդ ժամանակ ես իմ դիրքորոշումը կհայտնեմ։ Բայց սրա կապակցությամբ ոչինչ չեմ ուզում ասել եւ հաղորդագրությանն առհասարակ նշանակություն չեմ տալիս, ՀՔԾ-ն ավելի լավ կիմանա՝ ինքն ինչ է գրել»,- ասաց Գեւորգյանը՝ մեկնաբանելով, թե այս հաղորդագրության հատվածները հագուստների համար գծվող ձեւաչափերի՝ շաբլոնների պես են.

«Շաբլոն է սա, հագուստները կարելու համար ձեւաչափեր կան, գծում են ու դրանով սկսում հազարավոր հագուստներ կարել։ Դրել են ու ում հասնում, ում հարմար են գտնում՝ մեղադրում են, ում չէ՝ առայժմ սպասում են։ Կանցնի՝ կանցնի, չի անցնի՝ չի անցնի։ Այն, ինչ գրել են, Գեղամ Պետրոսյանին վերաբերող որեւէ փաստական տվյալ իրեն առաջադրված մեղադրանքի հետ կապված գոյություն չունի»։

Պաշտպանից հետաքրքրվեցինք՝ Գեղամ Պետրոսյանն իր հետ երբեւէ խոսե՞լ է պարկուճները փոխելու, կեղծ ցուցմունքներ տալու՝ Վահագն Հարությունյանի հրահանգների մասին։ Վաղարշակ Գեւորգյանն ասաց, որ դրանց վերաբերյալ Գեղամ Պետրոսյանն իրեն բացարձակ ոչինչ չի ասել:

«Իսկ եթե պարկուճները փոխելու հետ կապված մեղադրանքներ կլինեն, նոր դիրքորոշում կարտահայտենք։ Մենք մարդու այն տեսակն ենք եւ այնպիսի դիրքորոշում ենք արտահայտում, որ հանկարծ ու հանկարծ չընկնենք այդ ձեւակերպումների հետեւից»։

Ինչ վերաբերում է Գեղամ Պետրոսյանի եւ Վահագն Հարությունյանի հանդիպումներին՝ Վաղարշակ Գեւորգյանն ասաց, որ իր պաշտպանյալի հետ այդպիսի հարցադրումներ չեն ունեցել, չեն քննարկել, որովհետեւ նման մեղադրանք չի եղել:

«Պարոն Պետրոսյանի նկատմամբ մեղադրանքը եղել է Զաքար Հովհաննիսյանի սպանության հետ կապված, ես էլ արդեն հազար ու մի տեսակ անհերքելի ապացույցներ եմ բերել, որ այդպիսի դեպք տեղի չի ունեցել, ոչ թե Պետրոսյանը այդպիսի արարք չի կատարել, այլ նման դեպք իրականության մեջ տեղի չի ունեցել, եւ պատահական չէր, որ իր կալանքի ժամկետը չերկարացվեց եւ ինքն ազատ արձակվեց ստորագրությամբ։ Հետեւաբար, հաղորդագրության մեջ առկա ձեւակերպումներին ես ուշադրություն չեմ դարձնում, նույն խորհուրդը տվել են նաեւ Գեղամ Պետրոսյանին։ Երբ մեղադրանք կլինի, դիրքորոշում կհայտնենք։ Իսկ ժամանակից շուտ, կարծում եմ, այնքան էլ ողջամիտ չէ»,- պարզաբանեց մեր զրուցակիցը։

Անդրադառնալով այս մեղադրանքում առկա դրվագներով հարցաքննության չկանչվելուն՝ պաշտպան Վաղարշակ Գեւորգյանն ասաց, որ Գեղամ Պետրոսյանը մինչ օրս հաղորդագրության մեջ առկա հարցադրումներով ՀՔԾ չի հրավիրվել եւ, ըստ այդմ, ակնկալվող պատասխաններ չեն եղել։

Տպել
1884 դիտում

«Տոնոյանը խոսում է նոր բարենպաստ դիրքերի զբաղեցման մասին, իսկ ադրբեջանցիները՝ 2 դիրքի կորստի և 17 հոգու մահվան մասին»

Դավիթ Տոնոյանը մշտական կապի մեջ է ԵԱՀԿ գործող նախագահի անձնական ներկայացուցիչ Անջեյ Կասպրշչիկի հետ

Խստորեն դատապարտում ենք ադրբեջանական զինված ուժերի կողմից Տավուշի մարզի ուղղությամբ հրադադարի խախտումները. ԱԳՆ

Հակառակորդի բոլոր փորձերը չեզոքացվում են, հայկական զինված ուժերը կորուստներ և վիրավորներ չունեն. ՊՆ խոսնակ

Կարևոր եմ համարում միջազգային համարժեք արձագանքը, այդ թվում ՀԱՊԿ–ի կողմից՝ ուղղված Ադրբեջանին․ Լիլիթ Մակունց

Հակառակորդը թանկարժեք թռչնակ էլ կորցրեց՝ ԱԹՍ. Արծրուն Հովհաննիսյան

Այս պահին Արցախի սահմանի ամբողջ երկայնքով հարաբերական հանգիստ է տիրում. Վահրամ Պողոսյան

Ադրբեջանական կողմը վերսկսել է հրետակոծել ՀՀ նույն դիրքի ուղղությամբ 82 մմ ականանետից և տանկից. ՊՆ

Հրապարակվել են ՀՀ ԶՈՒ կողմից սահմանին խոցված ադրբեջանական «ՈՒԱԶ»-ի լուսանկարները

Կորոնավիրուսն ու դրա դաշնակիցները

Փաստորեն մեր զինծառայողները շատ հմտորեն են ցավեցրել ադրբեջանցի զինծառայողներին. Շուշան Ստեփանյան

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում