Ձմեռը որ եկավ, կամ պետք է գյուղովի գնան դատվեն, կամ արտագաղթեն. Տաշտունի վարչական ղեկավար մտահոգվում է բնակիչների համար

Սյունիքի մարզի Մեղրի խոշորացված համայնքի Տաշտուն բնակավայրում տարիների ընթացքում բնակչության թիվը զգալիորեն նվազել է: Բնակավայրում ներկայումս 22 տնտեսություն է մնացել՝  60 բնակչով, մինչդեռ մի քանի տարի առաջ 162 տնտեսություն կար գյուղում: Լրագրողների հետ զրույցում հայտնեց Տաշտունի վարչական ղեկավար Հենրիկ Գաբրիելյանը:

Արդեն 3-րդ տարին է, ինչ գյուղի դպրոցը փակ է: Դպրոցահասակ երեխաների ընտանիքները տարիների ընթացքում հեռացել են գյուղից: Այսօր արդեն Տաշտունը դպրոցահասակ երեխա չունի: 2016 թվականին դպրոցի վերջին շրջանավարտը գյուղապետի տղան էր: Նա գյուղի դպրոցի միակ աշակերտն էր. «Իմ տղան տարիներ շարունակ մենակ է դպրոց գնացել, ես էլ հնարավորություն ունեի դուրս գալ գյուղից, մանավանդ, որ 9 տարի իմ երեխեն մենակ է դպրոց գնացել, 2001-ին ընտանիքով տեղափոխվել ենք այստեղ: Գյուղապահպանության խնդիր կա այսօր, որ պայմաններ լինեն, երիտասարդները մնան, աշխատեն, դպրոց ու մանկապարտեզ լինի, ներգաղթ լինի»:

Տաշտունում գյուղատնտեսությամբ  քչերն են զբաղվում: Վարչական ղեկավարն ասում է՝ ծուլացել է ժողովուրդը. «Մարդիկ չեն ուզում աշխատել կամ ուզում են քիչ աշխատեն, բայց լավ ապրեն, այսինքն դա մենակ մեր մոտ չէ, էս խնդիրը բոլոր տեղերում էլ նույնն է»:

Տաշտունում, ինչպես հարակից Լիճք բնակավայրում, որքան ցրտերը մոտենում են, այնքան բնակիչները խուճապի են մատնվում: Բնակարանները տաքացնել է պետք, բայց ոչ գազ ունեն, ոչ էլ անտառից են թույլատրում օգտվել. «Ոչ ես, ոչ էլ ոչ մի բնակիչ կողմնակից չենք անտառ հատելուն, դա տանջանք է, մենք «Արեւիք» ազգային պարկի տնօրենի հետ էլ քննարկում արեցինք, որ արեւային պանելներ տեղադրեն կամ այլ բան անենք… անտառից փայտ բերելը տանջանք է, մենք կողմ էլ չենք, ուղղակի այլընտրանք չկա, էս 22 տնտեսությունը փաստի առաջ է կանգնել: Ագարակի կամ Քաջարանի կոմբինատը հզոր կազմակերպություն է, եթե այս 22 տնտեսությանը ինչ-որ քանակի անվճար հոսանք տան, որ էս մարդիկ անտառից չօգտվեն, հաստատ չեն օգտվի: Էդ որոշակի քանակը, որ ասում եմ, կոմբինատների 1 ժամվա ծախսն էլ չի կազմի»,- խնդրի լուծման իր տարբերակն է առաջարկում վարչական ղեկավարն ու շարունակում. «Ձմեռը որ եկավ, կամ պետք է գյուղովի գնան դատվեն, կամ պետք է մնացած էս տնտեսություններն էլ արտագաղթեն: Խնդիրը համայնքապետին ենք ներկայացրել թե՛ անցած տարի, թե՛ այս տարի, բայց համայնքապետին էլ չեն թույլ տալիս: Նախորդ տարիներին գոնե թողնում էին թափուկից օգտվել, բայց հիմա դա էլ են արգելել, թույլ տրված տեղերում էլ թափուկ չկա: Այն վայրերում, որտեղ թափուկ էլ մնացել է, անանցանելի է, այնտեղ հնարավոր չէ հասնել: Իմ կարծիքով էս 22 տնտեսության տաքացման խնդիրը կարող է լուծել միայն կոմբինատը, թող  1000-2000 կիլովատ տարեկան անվճար հոսանք տան, ամենավատ ու բարձրադիր գյուղերն են Լիճքն ու Տաշտունը, այստեղ ապրելը շատ դժվար է, 6-7 ամիս ռեգուլյար ձմեռ է, ծովի մակերեւույթից 2000 մետր բարձրության վրա ենք… բուժկետ էլ չունենք, շտապօգնությունն էլ մինչեւ Մեղրիից գալիս ա….»:

Տպել
752 դիտում

ՀՔԾ-ն Արման Բաբաջանյանի հաղորդման հետքերով քննչական գործողություններ է իրականացրել ԱԺ-ում, առգրավել փաստաթղթեր

Դեպքի օրը սպանված ոստիկանը խոսել է համածառայակցի հետ՝ թե ինչ կարճ է կյանքը. վիրավոր ոստիկանը դուրս է գրվել հիվանդանոցից

Առաջարկում ենք կուսակցությունների հիմնադիր անդամների պարտադիր պահանջվող թիվը 100-ից իջեցնել 80, հրապարակել նրանց ցուցակը

Շանն ուղղված կրակոցից տուժած 32-ամյա կինը հողամասում աշխատում էր. կրակողը դեռ չի բացահայտվել

Կանայք կազմում են բնակչության կեսը, նրանք պետք է զբաղեցնեն որոշումներ կայացնող պաշտոններ․ Լենա Նազարյան

Նյութերի նախապատրաստման ընթացքում անհրաժեշտություն է առաջացել բացատրություն վերցնել Թովմասյանի մոտ ազգականներից. ԱԱԾ

ՍԴ դատավորները հետևում են Հրայր Թովմասյանի և նրա ընտանիքի անդամների հետ կապված զարգացումներին

Ինչպես բարձրացնել կուսակցությունների թափանցիկությունը, հրապարակայնությունն ու հաշվետվողականությունը․ Արմեն Մազմանյան

Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

ՍԴ նախագահ Հրայր Թովմասյանի հայրը հրավիրվել է ԱԱԾ

Լոռու մարզի Սվերդլով բնակավայրի մի շարք թաղամասեր 1 ամիս է՝ ջուր չունեն. բնակիչ

Կառավարությունում տեղի է ունեցել Հայաստանի ինովացիոն զարգացմանը նվիրված հանդիպում

Աշոտ Ղուլյանն ու ՀՀ հանրային կապերի և տեղեկատվության կենտրոնի ներկայացուցիչները քննարկել են համագործակցության հարցեր

Կարող ենք պատասխանել բոլոր զրպարտանքներին, բայց գործով կատարվում է նախաքննություն եւ կսպասենք. Հանրապետական ծննդատուն

Արսեն Թորոսյանին նորից դատի են տվել. պահանջում են հերքում, ներողություն եւ մինչեւ 3 մլն դրամ փոխհատուցում

Հայ-վրացական սահմանով ՀՀ մտնող մեքենաները մաքսազերծվելու են Հյուսիսային ավտոմաքսատանը՝ անկախ բերվող երկրից. ՊԵԿ

Ջրօգտագործման ոլորտում կոռուպցիոն չարաշահումների քրգործերով պետությանը պատճառվել է 5,7 միլիարդ դրամի վնաս

ՊՆ փոխգնդապետին ծեծի ենթարկելու կասկածանքով կալանավորված Վայոց ձորի նախկին մարզպետի օգնականն ազատվել է աշխատանքից

«Փոխանցիր հեշտ, ստացիր արագ». ակցիա ՀԱՅԲԻԶՆԵՍԲԱՆԿԻ կողմից

Վարչապետի գլխավորությամբ տեղի է ունենում Անվտանգության խորհրդի նիստ