Ասա, ո՞ւմ գործակալն ես դու... Արամ Կարապետյանը հերքել է

08/10/2019 schedule10:10

Տպագրվել է «Հայկական Ժամանակ» օրաթերթի՝ 2006 թվականի հոկտեմբերի 8-ի համարում

Երեկ «Արմենիա Մարիոթ» հյուրանոցում «Նոր ժամանակներ» կուսակցության ղեկավար Արամ Կարապետյանը հանդիպեց լրագրողների հետ: Հանդիպման պատճառը, Կարապետյանի խոսքերով` վերջին ժամանակներս իր հասցեին հնչած տարատեսակ «զրպարտանքներն» էին, որոնց կապակցությամբ էլ արեց մի շարք մեկնաբանություններ: Օրերս «Հայոց աշխարհ» թերթը, վկայակոչելով ոստիկանության կայքէջը, գրել էր, թե Կարապետյանի կողքին կան կրիմինալ տարրեր: «Այս կապակցությամբ մենք դիմել ենք դատարան, եւ հոկտեմբերի 17-ին արդեն կլինի առաջին լսումը: Մենք պահանջելու ենք, որպեսզի ոստիկանությունը ներկայացնի այդ (կրիմինալի մեջ կասկածվող) մարդկանց ցուցակը: Իսկ եթե ցուցակ չունեն, ապա` հերքում տպեն «Հայոց աշխարհում»»,- հայտարարեց Կարապետյանը եւ նշեց նաեւ, որ դատախազություն է դիմելու Հայաստանի առաջադիմական կուսակցության ղեկավար Տիգրան Ուրիխանյանի արած հայտարարության առնչությամբ:

Վերջինս հայտարարել էր, թե Կարապետյանը թմրամոլ է, ապօրինի զենք է պահում եւ խուսափում է հարկերից, եւ ըստ այդմ էլ` պահանջել էր Կարապետյանի ազատազրկումը: Կարապետյանը երեկ հայտարարեց, թե վերոհիշյալ հայտարարությունն արված է կոնկրետ մարդկանց` Սերժ Սարգսյանի, Սեյրան Շահսուվարյանի պատվերով: Կատարումն էլ, ըստ Կարապետյանի աղբյուրների, դրված է եղել ՀՀ ԱԱԾ-ի վրա (Գորիկ Հակոբյան, Եպիսկոպոսյան): «Իսկ եթե ես թմրամոլ եմ, զենք եմ պահում եւ որեւէ հարկ չեմ մուծել, ապա դիմում եմ ՀՀ գլխավոր դատախազին` թող Ուրիխանյանի ասածը համարեն պաշտոնական հայտարարություն, քրեական գործ հարուցեն իմ նկատմամբ եւ ստուգեն այդ ամենը: Եթե դա չի արվելու, ուրեմն ես կարող եմ համարել, որ դա իշխանության պատվերն է: Իսկ եթե դա այդպես չէ, ապա ես պահանջում եմ քրեական գործ հարուցել այն անձանց նկատմամբ, ում անունները նշեցի»,- ասաց Կարապետյանը:

Ի դեպ, նա տեղեկացրեց նաեւ, որ չորեքշաբթի օրը «ՆԺ»-ն հայտարարություն է տարածելու, (հնարավոր է` Պ. Հայրիկյանի հետ համատեղ), որտեղ պահանջելու են, որպեսզի ՀՀ ԱԱԾ-ն եւ դատախազությունը տպագրեն ՀՀ քաղաքական դաշտում եղած բոլոր արտաքին եւ ներքին գործակալների ցանկը: «Եթե նրանք այդպիսի ցանկ չունեն` ուրեմն այդ մարդիկ իրենց տեղում չեն, եթե ունեն ու չեն տպագրում` ուրեմն դա ազգային դավաճանություն է: Իսկ եթե ունեն եւ կտպագրեն, ուրեմն համարենք, որ ԱԱԾ-ն, ոստիկանությունը եւ երկրի քաղաքական ղեկավարությունը իսկապես մտահոգված են ՀՀ քաղաքական դաշտով եւ արտաքին վտանգները չեզոքացնելով»,- ասաց Կարապետյանն ու ավելացրեց, որ ինքը տիրապետում է այդ ցանկի մի մասին: Այդ մի մասում, ըստ Կարապետյանի, ընդգրկված է 8 քաղաքական գործիչ, որոնց մեջ` նաեւ նախարարներ: Վերոհիշյալ ցանկը ինքը` Կարապետյանը, իհարկե, կհրապարակի, բայց` միայն ընտրություններից առաջ:

Հ.Գ. Արամ Կարապետյանը երեկ նաեւ հավաստիացրել է, թե «Հակակրիմինալի» հայտարարությունը ստորագրած 13 կուսակցություններից եւ ոչ մեկը դուրս չի եկել շարժման կազմից, իսկ շարժումն էլ իր հերթին մոտ օրերս հավաք է ունենալու, որի ընթացքում կազմվելու է կոնկրետ գործողությունների ծրագիր:

Քրիստինե Խանումյան

Տպել
803 դիտում

Մարզպետ Դավիթ Գեւորգյանը ծանոթացել է Արագածոտնի սպանդանոցի տեխնիկական հագեցվածությանը

Ոստիկանության բարեփոխումների կարևորագույն նպատակը ոստիկանություն-քաղաքացի նոր հարաբերությունների հաստատումն է. վարչապետ

Թել Ավիվում՝ ձյուդոյի «Գրան պրի» օլիմպիական վարկանիշային մրցաշարում, Ֆերդինանդ Կարապետյանը բավարարվել է արծաթե մեդալով

Երեւանում մայթով երթեւեկած մեքենան ու վարորդը հայտնաբերվել են (տեսանյութ)

Եվրամիության ղեկավարությունը ստորագրել է Մեծ Բրիտանիայի՝ ԵՄ-ից դուրս գալու համաձայնագիրը

Օգտագործել միայն լավ եփված սնունդ, շշալցված ջուր, չայցելել կենդանաբանական այգիներ. ինչպես խուսափել չինաստանյան վիրուսից

Մխիթար Հայրապետյանը զորակցություն է հայտնել Ադրբեջանի կողմից հետախուզվող Էլենի Թեոխարուսին

Հանդիպել են Հայաստանի եւ Վրաստանի արտգործնախարարները

ՊԵԿ մաքսանենգության դեմ պայքարի վարչությունը 2019-ին կանխել է թմրամիջոցների տարանցիկ տեղափոխման 6 փորձ

ԱԺ-ում տեղի է ունեցել Հայաստան-Նիդերլանդներ բարեկամության շրջանակի հայկական կողմի անդրանիկ նիստը

ՏԿԵ նախարարությունում քննարկվել են սպանդանոցների կառուցման ու սպանդանոցային պարտադիր մորթի հետ կապված խնդիրները

Գերմանիայում անհայտ անձը կրակ է բացել սրճարանում. 6 մարդ զոհվել է, կան տուժածներ

Տղամարդը ինքնասպանության փորձ է արել՝ ածելիով կտրելով ձեռքերի դաստակները. քաղաքացին հոսպիտալացվել է «Արմենիա» ԲԿ

Մհեր Գրիգորյանն ընդունել է Հայաստանում Ռուսաստանի Դաշնության դեսպան Սերգեյ Կոպիրկին

Հայրապետական սրբատառ կոնդակով հռչակվել է Բալթյան երկրների հայոց թեմը

Ռուբեն Ռուբինյանն ընդունել է Մեծ Բրիտանիայի եւ Հյուսիսային Իռլանդիայի ՄԹ գործերի ժամանակավոր հավատարմատարին

ՊԵԿ մաքսանենգության դեմ պայքարի վարչությունը 2019-ին արձանագրել է մաքսային իրավախախտման 202 դեպք

Արմեն Սարգսյանը դասախոսությամբ է հանդես եկել Հոլոնի տեխնոլոգիական համալսարանում

Պեկ հյուսիսային մաքսատուն-վարչությունը կաշխատի նաեւ հունվարի 27-ին եվ 28-ին

2019 թվականին 32 դեղատան լիցենզիա է կասեցվել. Լիցենզավորման գործակալությունն ամփոփել է կատարված աշխատանքները