«Խրատելու» անխափան մեթոդը. պետությունը ծեծում է իր գեներալին

08/10/2019 schedule10:20

Տպագրվել է «Հայկական Ժամանակ» օրաթերթի՝ 2006 թվականի հոկտեմբերի 8-ի համարում

Կիրակի օրը առավոտյան իր տան մոտ ծեծել են «Հանրապետություն» կուսակցության քաղխորհրդի անդամ, ՆԳ նախկին նախարար, գեներալ Սուրեն Աբրահամյանին։ Ժամը 10.30-ի սահմաններում, երբ Աբրահամյանը դուրս է եկել իր տնից, հենց մուտքի մոտ թիկունքին հասցված հուժկու հարվածից տապալվել է գետնին։ Այնուհետեւ հարձակվողները, որոնք, ըստ ականատեսների, երկուսն են եղել, սկսել են ոտքերով հարվածել տապալված գեներալին, եւ երբ նա սկսել է օգնություն կանչել, հարձակվողները փախել են։ ՆԳ նախկին նախարարին մոտ երեք րոպե ծեծել են անձայն եւ միայն մեկ բան են ասել. «Կգնաս ու ներողություն կխնդրես»։ Աբրահամյանն ու «Հանրապետություն» կուսակցությունը վստահ են, որ այդ հարձակումը պատասխանն է ՆԳ նախկին նախարարի վերջին այն հայտարարության, որ եթե ընդդիմությունը ՀՀԿ-ի ներսում կրիմինալ է փնտրում, ապա պետք է սկսել վարչապետից։

«Ես այդ հարձակումը միանշանակ կապում եմ իմ այդ հայտարարության հետ եւ մեղադրում եմ Անդրանիկ Մարգարյանին։ Եթե այդ հարձակումը ինքը չի կազմակերպել, այլ ինչ-որ մարդիկ դա արել են նրան հաճոյանալու համար, կամ էլ երրորդ մի ուժ է արել՝ վարչապետի դեմ սադրանք կազմակերպելու համար, միեւնույն է, Անդրանիկ Մարգարյանը, որպես վարչապետ, բոլոր հնարավորություններն ունի հանձնարարելու, որ բացահայտվեն հանցագործները, եւ ինքն ազատվի իր հանդեպ իմ հանիրավի մեղադրանքից։ Թող բացահայտեն այդ հարձակումը, եւ ինքը համոզվի, որ իր թշնամին Սուրեն Աբրահամյանը չէ, այլ իրեն ավելի մոտ կանգնած մարդիկ»,- երեկ մեզ հետ զրույցում ասաց ՆԳ նախկին նախարարը։

Իհարկե, դժվար թե Անդրանիկ Մարգարյանն այդքան պրիմիտիվ լիներ եւ նման ծեծ կազմակերպեր` հրաշալի հասկանալով, որ ինքը թիվ մեկ կասկածյալն է լինելու։ Եւ դա դեռ բավական չէ, ծեծողներին էլ հրահանգեր հասկացնելու, որ իրենց վարչապետն է ուղարկել։ «Հանրապետություն» կուսակցությունում, սակայն, վարչապետի ալիբիի վերաբերյալ այլ տեսակետ ունեն. կուսակցության քաղխորհրդի անդամ Գեղամ Հարությունյանը չի բացառում, որ պատվիրատուն հենց այդ հաշվարկով էլ գործել է` շատ լավ հասկանալով, որ ոչ ոք ամենահավանական կասկածյալին չի կասկածում։ Չնայած, Աբրահամյանի կուսակիցները չեն բացառում նաեւ այն տարբերակը, որ դա երրորդ ուժի սադրանքն է՝ «Հանրապետության» թշնամանքը դեպի վարչապետն ուղղելու համար։

Ավելին, կուսակցության նախագահ Արամ Սարգսյանը զգուշացնում է, որ եթե հանկարծ մի օր Անդրանիկ Մարգարյանին իր տան մոտ սպանված գտնեն, որեւէ մեկը չհամարձակվի ասել, թե հետքերը տանում են դեպի Դավալու: «Մենք հրաշալի հասկանում ենք, որ նման քայլերով ոմանք մեզ ուզում են դրդել համարժեք պատասխանների։ Սակայն մենք այս իշխանությունների դեմ պայքարելու ենք բացառապես քաղաքական մեթոդներով, եւ թող որեւէ մեկը փորձ չանի մեզ դրդելու այլ քայլերի»,- երեկ կուսակցության գրասենյակում հրավիրված ասուլիսում ասաց Արամ Զ. Սարգսյանը։

Ինչեւէ, «Հանրապետությունն» առաջարկում է իրենց նախկին կուսակից վարչապետին ապացուցել, որ ինքը եւս, ինչպես իր կուսակցության նորակոչիկները, հոգով սափրագլուխ չի դարձել. այլապես՝ տեղի ունեցածի ողջ պատասխանատվությունն ընկնում է նրա վրա։ Ինչ վերաբերում է տեղի ունեցածի բարոյական խնդրին, ապա կազմակերպված պետություն Հայաստանի բարոյալքումը իջել է այն մակարդակի, որ ոմն սափրագլխի (այս մի սափրագլուխը եղել է խիտ մազերով) իշխանությունները քսի են տալիս գեներալի վրա, իսկ պետականամետ որոշ հեռուստաընկերությունների դուխը հերիքում է ընդամենը տեղեկացնելու, որ Երեւանի բնակիչ, 1947 թվականին ծնված Սուրեն Աբրահամյանը դիմել է Արաբկիրի ոստիկանություն եւ տեղեկացրել, որ իրեն ծեծել են։

Բարոյական հենց այս անկումն է հատկապես վիրավորել ՆԳ նախկին նախարարին: «Ես չեմ պատկերացնում, որ անգամ ամենակրիմինալ երկրում իրենց թույլ տային հարձակվել վաստակ ունեցող գեներալի վրա։ Անգամ Յապոնչիկը չէր համարձակվի, բարոյականությունը չէր հերիքի ձեռք բարձրացնել գեներալի վրա։ Ես ամոթ եմ զգում, որ անօգնական կերպով պառկած՝ օգնություն էի հայցում, ես ամոթ եմ զգում այս երկրի համար, որն այսքան անկառավարելի, լկտի եւ սանձարձակ է դարձել, ուր մարդ ասածը ոչ մի արժեք չունի։ Ես անհարմար եմ զգում արժանի եւ անարժան գեներալների, իմ մարտական ընկերների համար, որոնք կարող են հանդուրժել, որ վաստակ ունեցող գեներալի հետ մի ստահակ նման կերպ վարվի՝ մարդուն ծեծի մսաղացի նման անկիրք եւ ինքն էլ չիմանա, թե ինչի համար է ծեծում։

Ցավ եմ ապրում այն գեներալների համար, որ կրավորական կեցվածք են ընդունել, ծակերն են մտել կամ այս ու այն օլիգարխի եւ ֆեոդալի պատվերն են կատարում։ Նրանք թող լավ իմանան, որ ուզած պահի իրենց հետ եւս նման կերպ են վարվելու։ Իմ տպավորությունն այն է, որ Քոչարյանն ու Սերժ Սարգսյանը չեն հաշտվում այն մտքի հետ, որ ես Աստծո կամոք հոկտեմբերի 27-ին կենդանի եմ մնացել»,- ասաց Սուրեն Աբրահամյանը։

Եւ որպեսզի թեթեւացնի իշխանամետ լրատվամիջոցների ծանր գործը, երեկ նա դրանց այսօրվա նյութերի համար վերնագրի մի քանի տարբերակ առաջարկեց, որոնցից դուր եկավ հատկապես այս մեկը՝ «Անգաղափարակից գեներալը չդիմացավ նժդեհական գաղափարախոսության հուժկու մարտիկի հարվածին եւ տապալվեց գետնին»։ Ինչ վերաբերում է նժդեհական հուժկու գաղափարախոսությանը, ապա ՀՀԿ նախագահ Անդրանիկ Մարգարյանն իրեն ուղղված մեղադրանքներին երեկ պատասխանեց այսպես. «Իշխանություններին միշտ էլ քննադատում են՝ գոնե ընդդիմության մակարդակով։

Իմ պաշտոնավարման շրջանում այդ քննադատությունները, ավելի հաճախ՝ սեւ տեխնոլոգիաների կիրառումը, որը առանձին դեպքերում նաեւ էթիկայի սահմաններից դուրս էր, պարբերաբար է եղել եւ հատկապես նախընտրական շրջանում կրել է համակարգված բնույթ։ Սակայն իմ քաղաքական մրցակիցների կամ հակառակորդների նման կեցվածքին ես հանգիստ եմ վերաբերվել եւ երբեք չեմ իջել այդ մակարդակին։ Չեմ ցանկանում հետեւություններ անել, թե հերթական անգամ ո՞վ եւ ի՞նչ նպատակ է հետապնդում՝ օգտագործելով այդ անձի կողմից հրապարակ նետված ինչ-ինչ մտքեր։ Սակայն, կարծում եմ, մամուլը այդ խայծը կուլ չի տա։ Իսկ ՀՀ ցանկացած քաղաքացու նկատմամբ, ով էլ լինի նա, դատապարտելի է նման վերաբերմունքը»։

Նաիրա Զոհրաբյան

Տպել
1364 դիտում

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության

Նիկոլ Փաշինյանն այցելել է Գյումրի՝ ծանոթանալու ավտոմաքսատան շինաշխատանքների ընթացքին (տեսանյութ, լուսանկարներ)

ԿԳՄՍ նախարար Արայիկ Հարությունյանի հանդիպել է ՅՈՒՆԵՍԿՕ-ի բարձրաստիճան պաշտոնյաների հետ

Անցնող շաբաթ Ադրբեջանն Արցախի հետ շփման գծում հրադադարի ռեժիմը խախտել է ավելի քան 150 անգամ՝ արձակելով շուրջ 1100 կրակոց

«Էրեբունի-Երեւան 2801» տոնակատարության միջոցառումների կազմակերպման համար փակ կլինեն մի շարք փողոցներ

Հայաստանի մայրաքաղաքն այսօր տոնում է հիմնադրման 2801-րդ տարեդարձը

ԱԱԾ ստորաբաժանման ղեկավարը նախապես փորձել է ՍԴ աշխատակազմի ղեկավարի միջոցով կապ հաստատել անձամբ Հրայր Թովմասյանի հետ

Երեւանում ոստիկանների վրա հարձակում գործած եղբայրները կալանավորվեցին․ դատարանը բավարարել է քննիչի միջնորդությունը

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ