Մեծ Բրիտանիայից եւ Ռուսաստանից. հետաքրքիր նշանակումներ Արմեն Սարգսյանի աշխատակազմում

Օրեր առաջ միանգամից երկու նշանակում է տեղի ունեցել ՀՀ նախագահի աշխատակազմում: Մեծ Բրիտանիայի Լեսթերի համալսարանի միջազգային հարաբերությունների և անվտանգության բաժնի գիտաշխատող Էդուարդ Աբրահամյանը ՀՀ նախագահ Արմեն Սարգսյանի օգնական է նշանակվել: 

«Հիմք ընդունելով Սահմանադրության 145-րդ հոդվածի 1-ին մասը, ինչպես նաև՝ Հանրապետության նախագահի 2018 թվականի ապրիլի 18-ի ՆՀ-264-Լ հրամանագրի 1-ին կետով հաստատված՝ Հանրապետության նախագահի աշխատակազմի կանոնադրության 13-րդ կետի 3-րդ ենթակետը.

Էդուարդ Աբրահամյանին նշանակել Հանրապետության նախագահի օգնական»,- ասված է Սարգսյանի կարգադրության մեջ:

Աբրահամյանը նախկինում եղել է Ազգային նոր պահպանողական շարժման նախագահը: Նա եղել է նաեւ «Միտք» վերլուծական կենտրոնի ղեկավարը եւ «Չորրորդ հանրապետություն» կուսակցության նախագահը: 

Այժմ նա Մեծ Բրիտանիայի Լեսթերի համալսարանի միջազգային հարաբերությունների և անվտանգության բաժնի գիտաշխատող, վաշինգթոնյան Կենտրոնական Ասիայի և Կովկասի ինստիտուտի տարածաշրջանային անվտանգության հարցերով անկախ փորձագետ է:

Բայց սա միակ նշանակումը չէ: Ռուսական kommersant թերթի աղբյուրները հայտնում են, որ օրերս եւս մեկ նշանակում է տեղի ունեցել ՀՀ նախագահի աշխատակազմում: Ըստ թերթի աղբյուրների՝ այս անգամ խոսքը ՀՀ նախագահի գլխավոր խորհրդականի պաշտոնում՝ ՌԴ-ում բնակվող, ազգությամբ հայ Գեորգի Ասատրյանի նշանակման մասին է: Այս մասին նախագահի պաշտոնական կայքում դեռեւս որեւէ տեղեկատվություն զետեղված չէ:

«Նա զբաղվելու է ՌԴ նախագահ Վլադիմիր Պուտինի ու Արմեն Սարգսյանի միջեւ կապերի ամրապնդմամբ, ինչպես նաեւ՝ երկու պետությունների նախագահների աշխատակազմերի կոնտակտների ակտիվացմամբ: Իր պարտավորություններն Ասատրյանը կատարելու է հասարակական հիմունքներով»,- ասված է հրապարակման մեջ:

Մեր տեղեկություններով, սակայն, Գեորգի Ասատրյանը նշանակվել է ոչ թե նախագահի գլխավոր խորհրդական, այլ խորհրդատու: 

Տեղեկատվությունը հաստատեցին նաեւ նախագահի աշխատակազմից: «Գեորգի Ասատրյանը հայտնի վերլուծաբան է՝ մասնագիտացած Կենտրոնական Ասիայի և հարավկովկասյան տարածաշրջանի հարցերում: Ինչ վերաբերում է  նրա նշանակման մասին ռուսականյան մամուլի «վերլուծությանը», այն թերթի մեկնաբանությունն է եւ չի  համապատասխանում իրականությանը:

Գեորգի Ասատրյանը չի նշանակվել Հայաստանի նախագահի գլխավոր խորհրդական կամ հասարակական հիմունքներով գլխավոր խորհրդական: Նա նշանակվել է Հանրապետության նախագահի խորհրդատու՝ իր մասնագիտական հարցերով, հասարակական հիմունքներով, որը չի հանդիսանում պետական պաշտոն,  չի ենթադրում որևէ վարձատրություն, ինչպես նաև նորմավորված աշխատանքի և աշխատաժամանակի ռեժիմ», - ասված է նախագահի աշխատակազմի տարածած հաղորդագրությունում:

Գեորգի Ասատրյանը պատմական գիտությունների թեկնածու է, Աֆղանստանի ու Մերձավոր Արեւելքում ԱՄՆ-ի հակաահաբեկչական գործողությունների հարցերով փորձագետ:

Տպել
2396 դիտում

Առաջարկում ենք կուսակցությունների հիմնադիր անդամների պարտադիր պահանջվող թիվը 100-ից իջեցնել 80, հրապարակել նրանց ցուցակը

Շանն ուղղված կրակոցից տուժած 32-ամյա կինը հողամասում աշխատում էր. կրակողը դեռ չի բացահայտվել

Կանայք կազմում են բնակչության կեսը, նրանք պետք է զբաղեցնեն որոշումներ կայացնող պաշտոններ․ Լենա Նազարյան

Նյութերի նախապատրաստման ընթացքում անհրաժեշտություն է առաջացել բացատրություն վերցնել Թովմասյանի մոտ ազգականներից. ԱԱԾ

ՍԴ դատավորները հետևում են Հրայր Թովմասյանի և նրա ընտանիքի անդամների հետ կապված զարգացումներին

Ինչպես բարձրացնել կուսակցությունների թափանցիկությունը, հրապարակայնությունն ու հաշվետվողականությունը․ Արմեն Մազմանյան

Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

ՍԴ նախագահ Հրայր Թովմասյանի հայրը հրավիրվել է ԱԱԾ

Լոռու մարզի Սվերդլով բնակավայրի մի շարք թաղամասեր 1 ամիս է՝ ջուր չունեն. բնակիչ

Կառավարությունում տեղի է ունեցել Հայաստանի ինովացիոն զարգացմանը նվիրված հանդիպում

Աշոտ Ղուլյանն ու ՀՀ հանրային կապերի և տեղեկատվության կենտրոնի ներկայացուցիչները քննարկել են համագործակցության հարցեր

Կարող ենք պատասխանել բոլոր զրպարտանքներին, բայց գործով կատարվում է նախաքննություն եւ կսպասենք. Հանրապետական ծննդատուն

Արսեն Թորոսյանին նորից դատի են տվել. պահանջում են հերքում, ներողություն եւ մինչեւ 3 մլն դրամ փոխհատուցում

Հայ-վրացական սահմանով ՀՀ մտնող մեքենաները մաքսազերծվելու են Հյուսիսային ավտոմաքսատանը՝ անկախ բերվող երկրից. ՊԵԿ

Ջրօգտագործման ոլորտում կոռուպցիոն չարաշահումների քրգործերով պետությանը պատճառվել է 5,7 միլիարդ դրամի վնաս

ՊՆ փոխգնդապետին ծեծի ենթարկելու կասկածանքով կալանավորված Վայոց ձորի նախկին մարզպետի օգնականն ազատվել է աշխատանքից

«Փոխանցիր հեշտ, ստացիր արագ». ակցիա ՀԱՅԲԻԶՆԵՍԲԱՆԿԻ կողմից

Վարչապետի գլխավորությամբ տեղի է ունենում Անվտանգության խորհրդի նիստ

Ի՞նչ կարող է տալ Հայաստանին Երեւանի՝ Booking.com-ի ամենաթրենդային քաղաքների 10-նյակում հայտնվելը

Հարուցվել է քրգործ՝ Ավանում տեղի ունեցած կրակոցների դեպքի առթիվ. հայտնաբերվել է 3 կրակված պարկուճ, 1 գնդակ