Վիրահայերի հետ առնչություն ունեցող երկու պաշտոնյա մեղադրվում են սեռական բռնության մեջ

10/10/2019 schedule12:34

Թբիլիսիի սակրեբուլոյի անդամ Իլիա Ջիշկարիանիի հանդեպ Վրաստանի դատախազությունը քրեական գործ է հարուցել: Նա մեղադրվում է իր օգնական Թամթա Թոդաձեի հանդեպ սեռական բռնություն գործադրելու և ծեծի ենթարկելու մեջ, հայտնում է aliq.ge-ն:

Ջիշկարիանիի հանդեպ քրգործը հարուցվել է քրեական օրենսգրքի 138-րդ հոդվածի 2-րդ կետի, «Բ» ենթակետի և 126-րդ հոդվածի առաջին կետերի հատկանիշներով: Առաջին հոդվածը ենթադրում է 11-15 տարվա ազատազրկում, իսկ երկրորդը` 120-160 ժամ հանրության համար օգտակար աշխատանքով, կամ տնային կալանք` 0.5-1 տարվա ժամկետով:

Ի՞նչ է պատմում տուժածը

Ենթադրաբար բռնության զոհը պատմում է, որ Ջիշկարիանին փորձել է սեռական ոտնձգություններ կատարել իր հանդեպ և երբ կարողացել է փախչել, նրան բռնել է և ծեծի ենթարկել: Բացի դրանից, Թամթա Թոդաձեն պատմում էր, որ ոստիկանությունը մի քանի ժամ ուշացումով է հասել դեպքի վայր: Նրա խոսքով, դեպքը տեղի է ունեցել ցերեկը ժամը 4-ին, իսկ ոստիկանությունը տեղ է հասել միայն գիշերը 3-ին:

Այս ամենը հայտնի դառնալուց հետո, Ջիշկարիանին լրատվամիջոցների հետ կապի դուրս չի եկել: Միայն ասել է, որ իրեն լավ չի զգում և չի կարող մեկնաբանություն տալ: Թոդաձեի մայրը պատմում է, որ Ջիշկարիանիի ընկերը կապի է դուրս եկել նրա հետ, առաջարկել է հաշտվեն:

Ինքը` Թոդաձեն, «Մթավարի» հեռուստաալիքի եթերից հոկտեմբերի 6-ին առաջին անգամ էր խոսել այս մասին: Թեև պատմել է, որ դեպքը տեղի է ունեցել սեպտեմբերի 30-ին: Թամթա Թոդաձեին դատախազությունը տուժածի կարգավիճակ է տվել միայն հոկտեմբերի 8-ին:

Ո՞վ է Ջիշկարիանին

Իլիա Ջիշկարիանին ծնվել է 1965 թվականին: Սովորել է Թբիլիսիի պետական համալսարանի Բիզնեսի բարձրագույն դպրոցում, այնուհետև Վրաստանի տեխնիկական համալսարանում: 1983-1990 թվականին աշխատել է որպես ինժեներ, 1991-2001 թվականներին` գյուղատնտեսության նախարարության որակի վերահսկողության բաժնի փոխտնօրենն է եղել: 2001 թվականից զբաղվել է մասնավոր բիզնեսով, իսկ 2014 թվականից մինչ օրս հանդիսանում է Թբիլիսիի քաղաքային խորհրդի անդամ` Իսանի-Սամգորի մեծամասնական ընտրատարածքից: Այս ընտրատարածքի կազմում է նաև հիմնականում հայերով բնակեցված Էլիան և Հավլաբարը: Հատկանշական է, որ Ջիշկարիանիի նախընտրական քարոզարշավին մասնակցել են Վրաստանի հայ համայնքի մի շարք կարկառուն դեմքեր:

Սա, թերևս, Վրաստանի հայերի հետ առնչություն ունեցող նմանատիպ եզակի գործը չէ: Ախալքալաքիի և Նինոծմինդայի խոշորացված մեծամասնական ընտրատարածքի պատգամավոր Հենզել Մկոյանը սույն տարվա ամռանը մեղադրվեց սեռական ոտնձգությունների մեջ: Նինոծմինդայի միացյալ մանկապարտեզների տնօրեն Նարինե Գինոսյանը պնդում է, որ պատգամավորը նրան բազմիցս է առաջարկել սեռական հարաբերություններ ունենալ, նրան սպառնացել բռնաբարությամբ և ոչնչացմամբ: Թեև, երբ հրաժարվել է, նրա հանդեպ գործ են հարուցել: Գինոսյանը և նրա հաշվապահ Անժելա Ֆուտուլյանը մեղադրվել են գումարի յուրացման մեջ, թեև Ախալցիխեի շրջանային դատարանը նրանց 9 հազար լարի գրավի դիմաց ազատ է արձակել: Դատական հաջորդ նիստը տեղի է ունենալու հոկտեմբերի 30-ին:

Հենզել Մկոյանը հերքում է իր հանդեպ հնչեցված մեղադրանքները և այս ամենի հետևում տեսնում է ընդդիմադիր «Միացյալ ազգային շարժման» ձեռագիրը: Դատախազությունը գործ չի հարուցել: Գերատեսչությունից Netgazeti պարբերականին հայտնել են, որ «հանցանքի նշաններ չկան, հետևաբար գործ չի հարուցվել»: Միայն նշել են, որ Նարինե Գինոսյանը հարցաքննվել է:

Տպել
627 դիտում

System of a Down-ը նոր երգերի միջոցով մեկ միլիոն դոլար է հավաքել Արցախին աջակցելու համար

Ռուստամ Մուրադովն անձամբ այցելել է Ադրբեջան, հանդիպել հայ ռազմագերիների հետ, մեզ տրամադրել նրանց անունները. ԱՀ նախագահ

Արցախում ստուգվել է խմելու ջրի որակը. հերքվել են բնակչության մտահոգությունները

Հայազգի համաշխարհային աստղերը կոչ են անում գերությունից ազատել հայ ռազմագերիներին. Fox 11 Los Angeles

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ

Ընդդիմությունը վարչապետին հեռանալու համար մինչեւ երեքշաբթի օրը ժամանակ տվեց, այլապես կդիմեն անհնազանդությունների

Հանրահավաքի մասնակիցները երթով շարժվում են դեպի կառավարական ամառանոցներ

Վազգեն Մանուկյանը ներկայացրեց առաջարկվող ժամանակավոր կառավարության առաջնահերթությունները

Արսեն Թորոսյանը հանդիպել է վիրավոր զինծառայողների

Օրենքի խախտմամբ հավաքներ անցկացնելու համար ընդհանուր առմամբ մեղադրվում է 35 անձ

Լևոն Տեր-Պետրոսյանն իր մտահոգությունն է արտահայտել ներքաղաքական թեժացող գործընթացների առնչությամբ

Գագիկ Ծառուկյանն ԱԱԾ-ում է. հրապարակում նրա անունից խոսք կարդաց Իվետա Տոնոյանը

Խնածախ համայնքի տարածքում տեղի կունենա հայտնաբերված զենք-զինամթերքի վնասազերծում

Սյունիքի մարզի քաղաքային համայնքների ղեկավարները պահանջում են Նիկոլ Փաշինյանի հրաժարականը

Նիկոլ Փաշինյանի հրաժարականի պահանջով հանրահավաք Ազատության հրապարակում. մարդկանց խմբեր տանելու ահազանգեր են հնչում

Ստեփանակերտի Վերածննդի հրապարակում կայացել է նոր ռեանոմոբիլների նվիրատվության արարողությունը

Երեւանի Սարալանջի խճուղում բախվել են 4 մեքենաներ. կա զոհ եւ տուժածներ

Ավարտվել են Կապան քաղաքի «Սյունիք» օդանավակայանի վերականգնման աշխատանքները

Վրաերթի ենթարկված 57-ամյա կինը հիվանդանոցում մահացել է

Ապարան եւ Չարենցավան քաղաքներում ձյուն է տեղում, «Չայնիի ոլորաններ»-ում մառախուղ է