Մեր համազգային ներուժը ահռելի է. մեկնարկեց Հայաստան-սփյուռք գործարար կապերի զարգացման խորհրդաժողովը

Հոկտեմբերի 10-ին «Էլիտ պլազա» բիզնես կենտրոնում մեկնարկեց Հայկական առևտրային ցանցի Հայաստան-սփյուռք գործարար կապերի զարգացման 4-րդ խորհրդաժողովը: Այս մասին հայտնում են Սփյուռքի գործերի գլխավոր հանձնակատարի գրասենյակից:

Այն իրականացվում է Սփյուռքի գործերի գլխավոր հանձնակատարի գրասենյակի աջակցությամբ: Հայաստան-սփյուռք գործարար կապերի ամրապնդման, Հայաստանի տնտեսական զարգացման օրակարգը քննարկելու համար համաժողովին գրանցվել են 197 մասնակիցներ, որոնցից 110-ը 25 տարբեր երկրներից ժամանած սփյուռքահայ գործարարներ են:

Բացման խոսքում ՀՀ փոխվարչապետ Տիգրան Ավինյանը նշեց, որ պատմության ընթացքում հայերը գլոբալ առևտրային ազգ են համարվել, ցանցեր են ստեղծել Սինգապուրից մինչև Վենետիկ, Կահիրեից մինչև Ամստերդամ: «Եվ ահա այս նույն  տրամաբանությամբ այսօրվա միջոցառումը մի հարկի տակ է հավաքել հաջողակ գործարարների աշխարհի տարբեր ծայրերից՝ հիանալի հնարավորություն ստեղծելով Հայաստանի և սփյուռքի գործարար համայնքների միջև նոր կամուրջներ ստեղծելու համար: Այսօր Հայաստանի իշխանությունը ստանձնել է ներառական, նորարարական և տեխնոլոգիապես զարգացած տնտեսություն կառուցելու հանձնառությունը»,- իր խոսքում ընդգծեց Տիգրան Ավինյանը:

Ողջունելով ներկաներին՝ Սփյուռքի գործերի գլխավոր հանձնակատար Զարեհ Սինանյանը կարևորեց Հայկական առևտրային ցանցի գործունեությունը, որն իր ստեղծման օրվանից ի վեր վերածվել է հայ գործարարների միջև փորձի փոխանակման, համատեղ փոխշահավետ կապերի ստեղծման և ընդլայնման, ինչպես նաև հայրենիքում նոր ծրագրերի ու նախաձեռնությունների իրականացման հարթակի: «Այսօր հարյուրավոր սփյուռքահայ գործարարներ, տարբեր ոլորտների անհատ մասնագետներ, ինչպես նաև համահայկական կառույցներ իրենց կարևոր ներդրումն են բերում Հայաստանի զարգացման գործին՝ փորձելով դեպի Հայաստան ուղղել իրենց ֆինանսական, գիտական ու գաղափարական միջոցներն ու կառավարչական հմտությունները: Համոզված եմ, որ մեր համազգային ներուժը, որն ահռելի է, թույլ կտա օրեցօր փոխել ու նոր մակարդակի հասցնել Հայաստան-սփյուռք գործակցությունը, մասնավորապես բիզնես ոլորտում»,- ասաց Գլխավոր հանձնակատարը: Նա նաև նշեց, որ նպատակ է Հայաստանը դարձնել այն կենտրոնը, որտեղ սփյուռքահայ գործարարն առանց որևէ խոչընդոտի կկարողանա կյանքի կոչել իր բիզնես գաղափարները:

Հայկական առևտրային ցանցի գործադիր խորհրդի նախագահ Հրաչ Գասպարը շեշտեց, որ այսօր սփյուռքի մեջ ձևավորված բոլոր գործարար հասարակական կազմակերպությունները համախմբված են ՀԱՑ-ի ընդհանուր առաքելության շուրջ: «Համաշխարհային գործարար ցանցը կարող է անգնահատելի արժեք ներկայացնել թե՛ Հայաստանի և թե՛ սփյուռքի համայքներում»,- հավելեց Հրաչ Գասպարը:

Ելույթ ունեցավ նաև Հայաստանի արդյունաբերողների և գործարարների միության նախագահ Արսեն Ղազարյանը:

Այժմ խորհրդաժողովը շարունակվում է չորս նիստերով՝ քննարկելով Հայաստանի տնտեսական զարգացման գործին սփյուռքի մասնակցությունը, Հայաստան-սփյուռք բիզնես օրակարգի արդյունավետության բարձրացումը, առկա նոր հնարավորությունները, Հայաստանն ավելի նորարարական դարձնելու հեռանկարները:

Անցկացվում է նաև մրցանակաբաշխություն, որի շրջանակներում չորս տարբեր անվանակարգերում մրցանակներ են տրվելու հայազգի նշանավոր գործարարների և էկոնոմիկայի ոլորտի հայտնի մասնագետների: Այս տարի մրցանակաբաշխությունը ունենալու է «Տարվա գործարար անձ», «Գլոբալ նվաճումների», «Հայաստանյան բիզնեսի գերազանցության», «Հայաստանում ներդրող» մրցանակները:

Տպել
578 դիտում

Կարմիր խաչի ՄԿ-ն լրացուցիչ 400-500 մարդ կուղարկի Ղարաբաղ, կավելանա նաեւ բյուջեն. Մաուրեր

Ծովասար գյուղի անասնագոմերից մեկում հրդեհ է բռնկվել

Կա փոխվստահություն, և կարող ենք աշխատել հանուն ապագայի․ Արմեն Սարգսյանն այց է կատարել Հաշիմյան Թագավորություն

Իսպանիայի Կոնգրեսն ընդունել է Ինյառիտուի հերթական առաջարկ-միջնորդությունը Ղարաբաղի հարցով

Ստեփանծմինդա-Լարս ավտոճանապարհը տեղումների պատճառով փակ է բեռնատարների համար

Չպետք չէ մոռանալ, որ գերիների փոխանակման գործընթացը կախված է առաջին հերթին ադրբեջանական կողմից. ԱՀ ՄԻՊ

Ռիտա Սարգսյանի վերջին հրաժեշտի արարողությունը տեղի է ունենալու խիստ ընտանեկան միջավայրում

Ձեզնից յուրաքանչյուրն ամեն օր պետք է զգա, որ Կառավարությունը ձեր կողքին է, ձեր ցավով ապրողն է. վարչապետ (տեսանյութ)

Վերադարձող փախստականները, պահպանվող դիրքերն ու հանձնված բնակավայրերը. միջազգային անդրադարձը՝ Ղարաբաղի ներկային

Կորոնավիրուսի ծանր դեպքերի վարման համար Միացյալ Թագավորության շտապ բուժօգնության թիմի չորս անդամ գործուղվել է Հայաստան

Գերության մեջ հայտնված անձանց համար զանգահարեք 010 297415 հեռախոսահամարով.ԿԽՄԿ

Հռոմի Ս․Նիկողայոս եկեղեցում մատուցվել է պատարագ` նվիրված արցախյան պատերազմում նահատակված հերոսների հիշատակին

Երևան-Արտաշատ ավտոճանապարհին մեքենա է շրջվել. կան տուժածներ

Չեմպիոնը հաղթեց գավաթակրին. «Արարատ-Արմենիան» բարձրացավ 5-րդ հորիզոնական

Ֆրանսիան ներդնում է Լեռնային Ղարաբաղի հակամարտությունից տուժած հայ բնակչության աջակցության կառուցվածքային համակարգ

Երեւանում ծառերի էտումից առաջացած փայտանյութը անվճար կարող է տրամադրվել անապահով ընտանիքներին․ նախագիծ

Մեր հասարակությունը պետք է վերանայի կրթության նկատմամբ իր վերաբերմունքը. ԿԳՄՍՆ փորձագետ

Լավրովը Հորդանանի ԱԳ նախարարին է ներկայացրել ԼՂՀ-ում հրադադարի հաստատմանն ուղղված Ռուսաստանի միջնորդական ջանքերը

ԱԺ «Իմ քայլը» խմբակցության պատգամավորները հանդիպել են Հելեն Ֆեյզիի եւ Ժոնաթան Լաքոտի հետ

Covid-անվտանգության կանոնները վերանայվել են գեղեցկության սրահների և վարսավիրանոցների համար. ԱԱՏՄ