Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Այսօր Երեւանի պետական հենակետային բժշկական քոլեջում տեղի ունեցած արտակարգ դեպքի վերաբերյալ մանրամասներ պարզելու մեր փորձերը էլ ավելի մեծացրին անորոշությունը: 

Կեսօրին տեղեկացել էինք, որ քոլեջում իրարանցում է, լուրեր են պտտվում, որ այնտեղ պայթյուն է եղել կամ դրսից եկած ինչ-որ մարդիկ շենքում գազ են բաց թողել: Ոստիկանության լրատվական ծառայությունից, պատասխանելով մեր հարցմանը, այդ ժամանակ հայտնել էին, որ ժամը 10:52-ի սահմաններում «911» ծառայությունից ահազանգ է ստացվել, որ Կորյունի 10 հասցեում գտնվող Բժշկական քոլեջի 3-րդ հարկում ուսանողները փուչիկ են պայթեցրել, որի հետեւանքով խեղդվում են: Նշել էին, որ օպերատիվ խումբը մեկնել է դեպքի վայր:

Ավելի ուշ միայն հավելեցին, որ ուսանողներից մեկը տեղափոխվել է հիվանդանոց, իսկ դեպքի առիթով նախապատրաստվում են նյութեր: 

Հետո այլ աղբյուրներից տեղեկացանք, լսարանում գազի հոտ է զգացվել, ուսանողների ինքնազգացողությունը վատացել է, տարածքում գտնվողները կարծել են, որ լսարանում եղած փուչիկն է պայթել: Շուտով, սակայն, պարզել են, որ փուչիկն անվնաս է: Ենթադրել են, որ գազի արտահոսք կա: Շատ չանցած դա նույնպես հերքվել է: 

Դեպքի վայր են ժամանել նաեւ Արտակարգ իրավիճակների նախարարության մասնագետները: Նախարարի մամուլի քարտուղար Էդմոն Զարգարյանը «Հայկական ժամանակին» ասաց, որ մասնագետներն այնտեղ ոչ մի արտասովոր բան չեն նկատել, գազի արտահոսք չի եղել, օդն աղտոտված չի եղել, ԱԻՆ-ի աշխատակիցները փուչիկ եւս չեն գտել: Էդմոն Զարգարյանի խոսքով՝ հավանաբար քոլեջի փոխտնօրենն է ենթադրել, որ փուչիկի պայթելը հնարավոր է կապ ունենա առկա հոտի եւ ուսանողի ինքնազգացողության վատացման հետ:

«Երեւանի շտապ բժշկական օգնություն» ՓԲԸ տնօրեն Թագուհի Ստեփանյանը մեզ հետ զրույցում ասաց, որ նշված ժամին իրենք եւս ահազանգ են ստացել, տեղում որոշ ուսանողների օգնություն են ցուցաբերել, սակայն նրանցից ոչ մեկի մոտ լուրջ խնդիր չի եղել եւ իրենք ոչ մեկին չեն տեղափոխել հիվանդանոց:

Մեզ հաջողվեց պարզել, որ մեկ տուժած մասնավոր մեքենայով քոլեջից տեղափոխվել է «Քանաքեռ-Զեյթուն» բժշկական կենտրոն: Այստեղից հաստատեցին այդ տեղեկությունը եւ նշեցին, որ 29-ամյա Է.Մ.-ին զննել է ռեանիմատոլոգը, նրա մոտ ախտորոշվել է թունավորում շմոլ գազից, այնուհետեւ Է.Մ.-ն շտապ օգնության մեքենայով տեղափոխվել է «Արմենիա» հանրապետական բժշկական կենտրոնի թունաբանական բաժանմունք:

Տպել
1299 դիտում

Նախորդ շաբաթվա ընթացքում արձանագրվել է թունավորման 8 դեպք, տուժել է 19, զոհվել՝ 5 քաղաքացի

Մեղրաձոր գյուղում այրվել է մոտ 1000 հակ անասնակեր

Թբիլիսիում հազարավոր մարդիկ արգելափակել են խորհրդարանը, պահանջում են կառավարության հրաժարական և արտահերթ ընտրություններ

Սիսիան-Երևան ավտոճանապարհին ավտոմեքենան կողաշրջվել է. կա տուժած

Հանձնաժողովի տեղ ծախեմ դոլարով. ընդդիմությունը հանձնեց նաեւ դալարը

Աչք են դրել. ո՞ւմը կդառնա պոլիկլինիկայի շենքը

Եկեք մեզ ստուգեք. արդեն զավեշտական է դառնում

56 տարեկանում մահացել է նախկին պատգամավոր Հովհաննես Ահարոնյանը

Վարչապետը ծանոթացել է Կոտայքում իրականացվող սուբվենցիոն ծրագրերի ընթացքին (լուսանկարներ)

Առավոտյան ժամը 05:00-ի սահմաններում «Նուբարաշեն» ՔԿՀ-ի դատապարտյալ է փախել. ՔԿԾ-ն փնտրում է

Գորիս-«Զանգեր» ավտոճանապարհին առկա է մառախուղ, Լարսը բաց է բոլոր տեսակի ավտոմեքենաների համար

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 18.7 հա տարածք

Ամուլսարի հարցով հանդիպում է տեղի ունեցել Գնդեվազի եւ Ջերմուկի բնակիչների, շահագրգիռ կողմերի հետ

30 հատ արծաթափայլ եղևնիների գողություն Կոտայքի մարզում. տուժածը բնապահպանության նախարարության պաշտոնյա է

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել