Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Երգչուհի Իվետա Մուկուչյանը համաձայն չէ կարծիքին, որ իր նոր՝ «Իմ անուշ Հայաստան» ու ճանաչված երգչուհի Բեյոնսեի «Spirit» տեսահոլովակները նման են: Երկուսում էլ հերոսուհին ինչ-որ ամայի վայրում է՝ շրջապատված պարողներով: Առաջին կադրերում նման են նաեւ նրանց զգեստները: «Հայկական ժամանակ»-ի հարցին ի պատասխան՝ Իվետա Մուկուչյանը նշեց, որ միայն մի հարցում է նմանություն գտնում:

«Համաձայն չեմ այն կարծիքին, որ տեսահոլովակը նման է Beyonce-ի «Spirit» տեսահոլովակին, եթե անկեղծ լինեմ, առաջին անգամ եմ նման տեսակետ լսում: Թերեւս միակ ընդհանրությունն այն է, որ 2 դեպքում էլ կան բնապատկերներ:

Ինչ վերաբերում է մեր աշխատանքին, ապա նշեմ, որ ռեժիսորն Արթուր Մանուկյանն է: Առաջին հայացքից տպավորություն կարող է ստեղծվել, որ պարզապես գեղեցիկ կադրեր ենք ներկայացրել եւ գերակշռողը ես եմ, սակայն վստահեցնում եմ, որ մենք փորձել ենք ժամանակակից լուծումներով նոր շունչ հաղորդել մեր հայկական ավանդույթներին եւ տոներին: «Իմ անուշ Հայաստան»-ում կան բուրդ չփխելու, խաղող ճզմելու, լախտախաղի, Վարդավառի, Ջանգյուլումի, Տյառընդառաջի տեսարաններ եւ ոչ միայն:

Արդյունքում, կարծում եմ, որ թիմային աշխատանքի շնորհիվ ստացել ենք գունեղ, ժամանակակից աշխատանք: Շնորհակալ եմ բոլոր այն մարդկանց, ովքեր մասնակցել են տեսահոլովակի ստեղծման մեծ աշխատանքին»,- ասում է նա:

Տեսահոլովակը երգչուհու երկրպագուներին դուր է եկել: Սոցիալական ցանցերում նրանք գովեստի խոսքեր են ուղղել, նշել, որ այն լավն է, երգչուհին էլ շատ գեղեցիկ է ու տաղանդավոր: Մյուս կողմից մեկնաբանություններում կա նաեւ դիտարկում, որ Իվետային ավելի շատ սազում են ոչ թե հայկական թեմաները, այլ արտասահմանյան ոճը: Երգչուհին ընդգծում է, որ ինքն ու իր թիմը նկատի են ունենում բոլոր կարծիքները:

«Շատ շնորհակալ եմ բոլորին նման կարծիքների համար, շատ ուրախ եմ, որ լավ արձագանքները գերակշռող են: Հավատացեք՝ բոլոր մեկնաբանությունները ընթերցվում են, եւ բոլոր կարծիքները նկատի ենք ունենում: Հանուն արդարության պետք է նշեմ, որ ձեր նշած կարծիքները շատ չէին, սակայն դրանց էլ, իհարկե, ուշադրություն կդարձնենք: Եթե ներկայացրել եմ «Իմ անուշ Հայաստան»-ը, ամենեւին էլ չի նշանակում, որ արտասահմանյան երգեր նախընտրողները չեն ունենա իրենց երգերը: Չմոռանանք, որ այս եւ, օրինակ, «Հայաստանի աղջիկներ» երգին զուգահեռ ներկայացրել եմ եռագրությունը՝ «Margo», «Rich Bitch», «United» տեսահոլովակները: Այսինքն՝ միշտ էլ կա այլընտրանք: Կարեւորը՝ ցանկացած երաժշտություն մատուցելիս չդավաճանես տեսակիդ, պահպանես որակը, բացի դրանից՝ այն կարծիքին եմ, որ այս փուլում մենք իսկապես նոր, հայկական, ռիթմիկ երգերի կարիք ունենք»,- ասում է նա՝ հույս հայտնելով, որ այս աշխատանքն էլ նախորդ հայկական երգերի նման կսիրվի:

Նոր տեսահոլովակն Իվետա Մուկուչյանը ներկայացրել է ընդամենը մի քանի օր առաջ՝ հոկտեմբերի 1-ին: Սա, սակայն, չի նշանակում, որ հաջորդելու է որոշակի դադար: Երգչուհին նշում է, որ իր մոտ աշխատանքային բուռն շրջան է, ընթացքի մեջ են նոր երգերը, բացի այդ՝ նա շրջագայում է, ինչն իրեն օգնում է նոր ձեւով նայել իր կյանքին:

Տպել
1347 դիտում

ԿԳՄՍ-ն հրապարակել է 2019 թ. ձմեռային զորակոչից տարկետում ստանալու համար դիմած քաղաքացիների անվանացանկը

Ռազմավարական եւ դաշնակցային գործընկերություն. Լավրովի երեւանյան այցը

Վանաձորում դեռեւս տնակային պայմաններում ու փայտե վառարաններով ջեռուցվող մանկապարտեզներ կան

Ոստիկանությունը պարզաբանում է ԱԺ պատգամավորի ավտոմեքենայից «Ռոլեքս» ժամացույցը կորչելու դեպքը

Մարվել են Կարմիր գրքում գրանցված կովկասյան ընձառյուծի եւ «Տարվա թռչուն» երկնագույն ալկոնի պատկերով նամականիշները

Լեհաստանի կառավարությունը հրաժարական է ներկայացրել

Թուրքիայում ասորական և հայկական գերեզմանոցների տեղում ազգային զբոսայգի է կառուցվել

Եթե ստանձնել ենք պատասխանատվություն մեր ժողովուրդների համար, պետք է ջանքեր գործադրենք հասնելու իրական փոփոխությունների

Գյումրեցու՝ Արարատ Միրզոյանին ուղղված նամակը ԱԺ-ն վերահասցեագրել է Գյումրու «Շիրակ կենտրոն» ՀԿ նախագահին

Հանդիպում եմ ՅՈՒՆԵՍԿՕ-ի գլխավոր տնօրեն Օդրի Ազուլեի հետ. վարչապետ (տեսանյութ)

Լավրովը Քոչարյանին հանձնեց Հայաստանին, նա նոր քաղաքականության հիմք դրեց. քաղաքագետ

ՀՀ ԱԳՆ դատապարտել է Սիրիայի Դեր Զորի նահանգում կատարված ահաբեկչական գործողությունը

Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

ՀՀ ոստիկանության պետի պաշտոնակատարի հրամանով Լոռու ոստիկանապետ է նշանակվել

Կառավարությունը մտադիր է պետական նոր մարմին ստեղծել, որը եւս կղեկավարի Քաղավիացիայի կոմիտեի ղեկավար Տաթեւիկ Ռեւազյանը

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից

30 համարի երթուղու 3 վարորդներ խիստ նկատողություն են ստացել հաշմանդամություն ունեցող քաղաքացուն չսպասարկելու համար

Վարչապետը հանդիպում է ունեցել ՖՄԿ գլխավոր քարտուղար Լուիզ Մուշիկիվաբոյի հետ