Վերջին սրացումները նաեւ երկկողմանի իրականացվող ինժեներական աշխատանքների հետ են կապված. Բալայան

Վերջին շրջանում ՀՀ Զինված ուժերը մի քանի զորավարժություններ են իրականացրել եւ իրականացնում: Դրանցից խոշորը սեպտեմբերի 24-ից հոկտեմբերի 5-ն իրականացված զորավարժություններն են, որին մասնակցություն ունեցան նաեւ մեծ թվով պահեստազորայիններ: Եվ հենց այդ պատճառով էլ ՀՀ վարչապետ Նիկոլ Փաշինյանը այդ զորավարժությունները համարեց աննախադեպ: Դրանից հետո ՀՀ ՊՆ-ն եւս մի քանի զորավարժություններ է անցկացնում եւ անցկացնելու, սակայն ավելի փոքր մասշտաբի:

ՀՀ պաշտպանության նախարարի տեղակալ Գաբրիել Բալայանը «Հայկական ժամանակ»-ի հետ զրույցում ասաց, որ զորավարժությունների ժամանակ պլանավորված բոլոր միջոցառումներն իրականացվել են:

Բալայանի խոսքով՝ այս պահին ընթացող զորավարժություններն այդքան ծավալուն չեն, ավելի լոկալ բնույթ են կրում, սակայն ամեն ինչ նորմալ է ընթանում: Անդրադառնալով լայնամասշտաբ զորավարժությանը, որն անցկացվել էր, Բալայանն ասաց. «Անցկացված զորավարժությունը շատ դրական է եղել: Արդյունքների մասին ամբողջությամբ զեկուցվել է վարչապետին, նա մեկնաբանել է այդ մասին: Ասեմ, որ գրեթե ամբողջ Զինված ուժերը ներգրավված են եղել այդ զորավարժություններում: Սա աննախադեպ էր նրանով, որ մեծ քանակի կցագրված պահեստազորայիններ ենք ներգրավել եւ զորակոչել նաեւ կցագրված տեխնիկական միջոցներ՝ մեքենաներ եւ այլ տեխնիկական միջոցներ: Ես կարող եմ ասել, որ պլանավորված բոլոր միջոցառումներն իրականացվել են: Մի քանի տեխնիկական խնդիրներ են ընթացքում առաջացել, որոնք արագ լուծում են ստացել: Կարծում եմ՝ հաջորդ անգամ այդ խնդիրներն էլ չեն լինի: Բայց մարտական պատրաստության առումով կարող եմ ասել, որ բավարար արդյունքներ ենք գրանցել»:

Հարցին՝ արդյո՞ք մեր զորավարժությունները կապված են Ադրբեջանում նախորդ ամիսներին անցկացված մի քանի զորավարժությունների հետ, Բալայանը պատասխանեց, որ բացարձակ կապ չկա. «Որովհետեւ այդ զորավարժությունները նախատեսված են եղել Զինված ուժերի պատրաստության պլանով, համապատասխան ֆինանսական միջոցները հատկացված են եղել, ու սա Ադրբեջանի զորավարժությունների հետ կապելը միամտություն է»:

Դիտարկմանը՝ փաստորեն սա Ադրբեջանի ուժի «ցուցադրությանն» ի պատասխան չէր, Բալայանն արձագանքեց. «Բացարձակ, մենք իրականացնում ենք Զինված ուժերի ուսումնական ծրագրով նախատեսված միջոցառումներ, որի շարքում է նաեւ այդ զորավարժությունը»:

Փոխնախարարից հետաքրքրվեցինք, թե ռազմատեխնիկական հագեցվածության եւ մարդկանց ներգրավվածության առումով որքանո՞վ էր այս զորավարժություններն աննախադեպ: Եվ, օրինակ՝ «Շանթ» զորավարժությունից սա ինչո՞վ էր տարբերվում, ինչին ի պատասխան Բալայանն ասաց, որ «Շանթ 2018»-ը լրիվ այլ ոլորտի է, քանի որ դա հրամանատարաշտաբային զորավարժություններ էր. «Այսինքն՝ ներգրավվել էին բացառապես համապատասխան մարմիններ եւ կազմակերպություններ: Իսկ որպես այդպիսին պահեստազորայինների ներգրավում վարժական հավաքներին տեղի չի ունենում, տարբերությունը դա է: «Շանթ»-ը հրամանատարաշտաբային է, ստուգում էր պետական մարմինների եւ տեղական ինքնակառավարման մարմինների պատրաստությունը: Իսկ այս զորավարժությունները համալիր էին»:

Հարցին՝ այս զորավարժություններին պետական մարմինները մասնակցո՞ւմ էին, Բալայանը պատասխանեց. «Այո, պետական մարմիններն իրենց լիազորությունների շրջանակներում եւ առաջադրված պարտավորություններով մասնակցում էին: Ովքեր անելիք ունեին՝ մասնակցում էին»:

Օրերս Արցախի հերոս Վիտալի Բալասանյանը հայտարարել էր, թե Ադրբեջանը լայնածավալ ինժեներական աշխատանքներ է իրականացրել: Սրա վերաբերյալ Բալայանն ասաց, որ կփորձի խուսափել Վիտալի Բալասանյանի հայտարարածից. «Իհարկե, ինժեներական աշխատանքներ կատարվում են՝ երկկողմանի: Մենք դա երբեւիցե չենք թաքցրել: Վերջին սրացումները նաեւ երկկողմանի իրականացվող ինժեներական աշխատանքների հետ են կապված:

Անդրադառնալով ներկայիս սահմանային վիճակի մասին հարցին՝ Բալայանն ասաց. «Համեմատաբար բավականին հանգիստ է: Կրակոցներ ինչպես միշտ լինում են: Դուք գիտեք՝ շաբաթական կտրվածքով հայտնում են: Բայց համեմատաբար հանգիստ է, ոչ մի արտառոց բան չկա»:

Բալայանի կարծիքով՝ Ադրբեջանի կողմից հաճախակի հնչող պատերազմի մասին հայտարարությունները պարզապես անգիր արված տեքստեր են, որոնք պարբերաբար անում են՝ անելու համար, իրենց ներքին լսարանի սպառման համար. «Այդ հայտարարությունների հետեւանքով որեւիցե փոփոխություն առաջնագծում տեղի չի ունենում, որովհետեւ առաջնագիծը Հայաստանի եւ Արցախի Զինված ուժերի հսկողության տակ է: Վերջին գործողություններով մենք մի քանի անգամ ապացուցեցինք, որ իրավիճակի տերը ոչ թե հակառակորդն է այլ մենք: Գիտենք, նրանք ամեն անգամ բանակցություններից առաջ փորձում են սրել իրավիճակը՝ բանակցողների համար որոշակի բարենպաստ պայմաններ ստեղծելու համար, որը կանխվում է: Վերջին մի քանի սրացումը նաեւ դրա հետ է կապված»:

Հարցին՝ 2020 թվականի համար ՊՆ-ն արդեն մեծ զորավարժություն նախատեսե՞լ է, փոխնախարարն ասաց, որ չի կարող դա բացահայտել. «Իհարկե, նախատեսել ենք, ոչ թե մեկը այլ՝ մի քանիսը»:

Անդրադառնալով հարցին՝ թե 2020-ին սպասե՞նք նոր տեխնիկայի համալրումների, Բալայանն ասաց. «Նոր տեխնիկան ոչ թե առաջիկայում պետք է սպասել, այլ նոր տեխնիկան համալրվում է, դա շարունակական գործընթաց է: Հիմնական շեշտը դրվում է ճշգրիտ սպառազինության վրա: Մինչեւ տարվա վերջ էլի բավական համալրում ունենալու ենք»:

Հարցին՝ համալրվող տեխնիկաները մեզ համար հիմնականում նո՞ր են, թե ունենք արդեն նմանատիպ տեխնիկաներ, Բալայանը պատասխանեց. «Կա տեխնիկա, որն ունենք՝ օգտագործման մեջ է, մարտական հերթապահության մեջ է: Կան պարբերական տեխնիկաներ եւ կան բոլորովին նոր տեխնիկաներ, որը նախկինում չի եղել սպառազինությունում: Կան նաեւ այնպիսի սպառազինություններ, որն ունեցել ենք, բայց մոդիֆիկացնում ենք հիմա»:

Հարցին՝ նոր տեխնիկաները ի՞նչ տեսակի են՝ հիմնականում ռազմաօդայի՞ն են, թե այլ տեսակների էլ ունենք, Բալայանը պատասխանեց, որ բոլոր տեսակներից էլ կան՝ առանց որեւէ բացառության. «Ինչը որ մեր սպառազինության զարգացման ծրագրով նախատեսված է եւ ինչի կարիքը որ Զինված ուժերն ունեն՝ կան»:

Տպել
1210 դիտում

Ոստիկանի ինքնազգացողությունը վատացել է ընդհարման պահին. ակցիայի մասնակիցները փորձել են ներխուժել Դատախազության շենք

Մեղրի և Ագարակ քաղաքներից 79 տնային տնտեսություն 700,000-ական դրամ բիզնես ծրագրի ֆինանսական աջակցություն կստացան

Մեր գործընկերները պատրաստվում են Ծիծեռնակաբերդում կայանալիք միջոցառմանը․ Արայիկ Հարությունյանը լուսանկար է հրապարակել

Վրաստանը Բրիտանական շտամի թիրախում է

Արձակուրդում է գտնվում 21 դատավոր, իսկ COVID-19-ով պայմանավորված` 7 դատավոր գտնվում է ինքնամեկուսացման պայմաններում․ ԲԴԽ

«Ազատություն Նավալնուն» ակցիան ավարտվել է զանգվածային ձերբակալություններով

Ինքնասպանության փորձը կանխվել է

Եվրոպայի երկար սպասված բացումը․ շենքի ներսում սնվելու համար անհրաժեշտ է պատվաստման վկայագիր ներկայացնել

Դե թող հիմա ասեն՝ բե՞ռ է Արցախը, թե՞ վահան. Դավիթ Բաբայանը՝ Սյունիքում առկա իրավիճակի, Արցախում կրակոցների մասին

Այսօր մեքենայի պայթյունից տուժած տղամարդն անգիտակից վիճակում գտնվում է վերակենդանացման բաժանմունքում

4 հայ մարմնամարզիկ կպայքարի մեդալների համար առանձին գործիքների վրա վարժություններում

Դատախազության առջև ակցիա իրականացնողները մերժել են մի քանի հոգով ներս մտնելու առաջարկը․ Գոռ Աբրահամյան

Ջրանջատում Արաբկիր վարչական շրջանում. վթարվել է Արզնի-Երևան մայրուղային ջրատարը

Հայ կիսապաշտպանը պայմանագիր է կնքել ֆրանսիական Լիգա 1-ի թիմի հետ

Ներքին Խնձորեսկում 22 գլուխ խոշոր եղջերավոր կենդանի պատահաբար Ադրբեջանի տարածքում է հայտնվել․ գյուղապետարան

Ակցիայի ժամանակ ինքնազգացողությունը վատացած ոստիկանը հետազոտվում է. բերման է ենթարկվել 14 անձ

Թուրքիայում խոսքի ազատության խնդիրներ, Նավալնիի ազատում, հակամարտություններ. ԵԽԽՎ գարնանային նստաշրջանն ավարտվել է

Արամ Սուքիասյանը հաղթող է ճանաչվել Հանրային հեռարձակողի խորհրդի անդամի թափուր տեղի համար անցկացված մրցույթում

Հակառակորդի սադրիչ և ագրեսիվ գործողությունները նպատակ ունեն տորպեդահարել ՌԴ խաղաղապահ առաքելությունը. Արցախի ԱԳՆ

Դատախազության մոտ հրմշտոցի հետևանքով ոստիկանի ինքնազգացողությունը վատացավ. նրան տեղափոխեցին հիվանդանոց

Հալաբյան-Էստոնական խաչմերուկի լուսացույցները երթևեկելի մասի աջ կողմից կտեղափոխվեն

Լարված իրավիճակ Գլխավոր դատախազության դիմաց. ակցիայի մասնակիցները փորձեցին ներխուժել շենք

«Գրականություն» առարկայի անվան մեջ «հայ» բառը կավելացվի, իսկ «եկեղեցու պատմությունը» առանձին նախատեսվում է ավագ դպրոցում

Հաղարծին գյուղին հարակից անտառում քաղաքացին ընկել է․ վերջինս հոսպիտալացվել է Դիլիջանի ԲԿ

Մենք կողմ ենք ռազմագերիների խնդրի լուծմանը՝ համաձայն «բոլորը բոլորի դիմաց» ձևաչափի. Մարիա Զախարովա

Չարենցի փողոցում կկատարվի երթևեկության կազմակերպման փոփոխություն

17 անիվավոր տրակտորներ և 2 ՈւԱԶ ավտոմեքենա՝ Հայաստանի 8 մարզի «Արոտօգտագործողների միավորում» սպառողական կոոպերատիվներին

«Ժխտողականության հարցում Թուրքիայի ներկա իշխանությունը նախկինից ավելի վատն է». թուրք քաղաքագետ Ջենգիզ Աքթար

ԿԳՄՍ նախարարը կհաստատի Պոլիտեխնիկական համալսարանի ռեկտորի ընտրության արդյունքները

ՊՆ-ն քաղաքացիներին հորդորում է չդիմել ՊՆ իրավասությունների շրջանակից դուրս հարցերով

Էրդողանի նյարդերը տեղի են տալիս

Ընդդիմության ակցիան՝ ի աջակցություն սյունեցիների մեկնարկել է. շարժվելու են դեպի դատախազություն

Արտակ Դավթյանն ընդունել է ՀՀ-ում Սերբիայի գործերի ժամանակավոր հավատարմատարին՝ դեսպանության ռազմական կցորդի ուղեկցությամբ

Հետմահու պարգևատրվել են ԱԱԾ ահմանապահ զորքերի մի խումբ զինծառայողներ

Վերջին 2 տարվա մեջ ՀՔԾ քննիչների 18 որոշում է վերացվել դատախազության կողմից

Երևանի քաղաքապետարանի ճեմասրահում մեկ շաբաթ կգործի «Վտանգված ժառանգություն․ Արցախ». ցուցահանդեսը․ մուտքն ազատ է

Հայ խաղաղապահները Կոսովոյում մասնակցել են վարժանքների

Հրապարակվել է Վենետիկի Հանձնաժողովի և ԵԱՀԿ/ԺՀՄԻԳ-ի համատեղ կարծիքը ՀՀ Ընտրական օրենսգրքի նախագծի վերաբերյալ. Բադասյան

Սյունիքում երեկ տեղի ունեցած դեպքերի առնչությամբ այս պահին բերման ենթարկվածները 16-ն են

ՄԻՊ-ը շարունակում է այցելել Սյունիքի դեպքերի առնչությամբ ձերբակալվածներին ու բերման ենթարկվածներին