Միացյալ Նահանգներում անտառային հրդեհների դեմ պայքարող Սմոքի արջը կայցելի Հայաստան

21/10/2019 schedule11:00

Իր առաջին միջազգային ուղեւորության շրջանակում այս շաբաթ Հայաստան կժամանի Միացյալ Նահանգների պատմության մեջ ամենաերկարատեւ հեռարձակվող սոցիալական գովազդի կերպարը՝ Սմոքի արջը`  շարունակելու անցանկալի, տեխնածին հրդեհների մասին իրազեկման իր առաքելությունը: Սկսած 1944 թվականից՝ Սմոքի արջը մեկնարկել է անտառային հրդեհների կանխարգելման արշավ, ինչը զգալի ազդեցություն է ունեցել ԱՄՆ-ում: Ինչպես Սմոքի արջի քաջածանոթ կերպարը (գլխին՝ ռենջերի գլխարկ, հագին՝ գոտիով կապույտ ջինս, ձեռքին՝ բահ),  այնպես էլ նրա միակ հստակ ուղերձը («Միայն դու կարող ես կանխել անտառային հրդեհները») հաղթահարել են յոթ տասնամյակից ավելի ժամանակի փորձություն:

Իր աշխատանքային փայլուն գործունեության ընթացքում Սմոքի արջը հանդիպել է բազմահազար մանուկների եւ նրանց փոխանցել հրդեհների կանխման վերաբերյալ հիմնավոր գիտելիքներ: Նա հանդիպումներ է ունեցել նաեւ նախագահների եւ կինոաստղերի, այդ թվում՝ Ջոն Ֆ. Քենեդու եւ Առնոլդ Շվարցենեգերի հետ՝  էլ ավելի ազդեցիկ դարձնելով իր ուղերձը: Սմոքի արջի շնորհիվ ամերիկացիների մի քանի սերունդ լավատեղյակ է կործանարար հրդեհների ճնշող մեծամասնության առաջացման պատճառին, որն է՝ անզգույշ վարքագիծը, ինչպես օրինակ՝ ճամբարային խարույկի պատշաճ կերպով չմարելը կամ մեծահասակների կողմից այրվող ծխախոտի մնացորդն ավտոմեքենայի պատուհանից դուրս նետելը: Սմոքի արջի հայտնի կարգախոսն անգիր գիտի ԱՄՆ-ի մեծահասակ բնակչության 96 տոկոսը: Բացօթյա հանգստի սիրահարների 75 տոկոսը, ճանաչելով Սմոքի արջին, կարծում է, որ նա ընդօրինակելի կերպար է երեխաների համար:

Գտնվելով Հայաստանում՝ Սմոքի արջն ԱՄՆ դեսպան Լին Թրեյսիի եւ ԱՄՆ Անտառային ծառայության ներկայացուցիչների ուղեկցությամբ հանդիպումներ կունենա ինչպես երեխաների, այնպես էլ պետական պաշտոնյաների հետ, կայցելի Երեւանում եւ դրա մերձակայքում գտնվող անտառապատ տարածքներ՝ հանրությանը ուսուցանելու, թե ինչպես պետք է սիրել բնությունը եւ պաշտպանել Հայաստանի անտառապատ   տարածքներն ու վայրի բնությունը: Տեսնենք՝ արդյո՞ք կհաջողվի ձեզ հանդիպել Սմոքի արջին քաղաքի փողոցներում եւ նրա հետ տոնել իր ծննդյան 75-ամյակը:

Սմոքի արջի եւ անտառային հրդեհների կանխարգելման մասին ավելին իմանալու համար այցելե՛ք կայք եւ հետեւե՛ք Սմոքի արջին Ֆեսբուքում, Ինստագրամում եւ Թվիթերում՝ #SmokeyBear75 եւ #OnlyYou հեշթեգերով։

Սմոքի արջի վերահսկման պատասխանատու գերատեսչությունն է ԱՄՆ Անտառային ծառայությունը՝ Պետական  անտառապահների ազգային ասոցիացիայի եւ Գովազդային խորհրդի հետ համագործակցությամբ: Անտառային ծառայությունը սպասարկում է 193 միլիոն ակր ազգային անտառածածկ եւ խոտածածկ տարածքներ՝ հանուն ամերիկյան հանրության: Նրա առաքելությունն է պահպանել անտառածածկ եւ խոտածածկ տարածքների անխաթարությունը, բազմազանությունն ու արտադրողականությունը՝ ներկա եւ ապագա սերունդների կարիքները բավարարելու նպատակով:

ԱՄՆ Անտառային ծառայությունը Հայաստանում իր գործունեությունն է ծավալում 2010 թվականից՝ տարեցտարի իրականացնելով շարունակական ծրագրեր: ԱՄՆ-ի Անտառային ծառայությունը, համագործակցելով քաղաքացիական հասարակության եւ կառավարության հետ, աշխատանքներ է կատարում  Հայաստանում բնական ռեսուրսների կառավարման մի շարք հիմնահարցերի լուծման ուղղությամբ, այդ թվում՝ անտառային հրդեհների կառավարման եւ անտառապատման ու անտառների վերականգնման ոլորտներում:

Տպել
329 դիտում

Փոխվարչապետ Տիգրան Ավինյանը մասնակցել է հայ-վրացական իրավական համագործակցության երրորդ ֆորումին

Հրազդանի բժշկական կենտրոնում հրդեհային անվտանգության կանոնների մի շարք թերություններ և խախտումներ են հայտնաբերվել

Վերահաստատում եմ իմ ակտիվ մասնակցությունն ընտրապայքարին, Արցախում ֆեյքային գզվռտոց չի լինելու. Արցախի ԱԳ նախարար

Գողացված բանկային քարտով կանխիկացման փորձ է արվել (տեսանյութ)

Թուրքիայում ստեղծվել է «1915.gov.tr» կայքը՝ Հայոց ցեղասպանության պնդումների դեմ պայքարելու համար

Սարհատ Պետրոսյանի հայտարարություններից հետո նախապատրաստված նյութերով քրգործի հարուցումը մերժվել է

Ճիշտն ասած՝ ինձ խաբեցին. Թլիկում պարտված միակ թեկնածու

Սահմանապահ գյուղերում 2020-ից ամեն ծնվող երեխայի համար 1000 դոլար կտրվի, ևս 100 հազ. դրամ՝ ամսական

Եթե հանկարծ նկատեք, որ բարեւների առումով ժուժկալ եմ դարձել, չմտածեք, թե մեծամտացել եմ․ Փաշինյան

ՀՀ վարչապետն ու բարձրաստիճան պաշտոնյաները ծաղիկ են խոնարհել Ծիծեռնակաբերդում (լուսանկարներ)

Գյումրի քաղաքում մասնակի փլուզվել է տան պատը. տուժածներ չկան

Արտակարգ դեպք Երևանում. Շենգավիթում որդին կասկածվում է մոր նկատմամբ բենզինով սպանության փորձ կատարելու մեջ

Դեկտեմբերի 10-ին հեռարձակման թվային ցանցում կկատարվեն պրոֆիլակտիկ աշխատանքներ

Ոմանք կոռուպցիայի դեմ պայքարը պատկերացնում են՝ համերգ հեռուստադիտողի հայտով․ վարչապետը՝ Սերժ Սարգսյանի մեղադրանքի մասին

Ռոբերտ Քոչարյանի պաշտպանները բողոքարկել են Աննա Դանիբեկյանի՝ ինքնաբացարկի միջնորդությունը մերժելու որոշումը

ԱԺ-ն ամբողջությամբ ընդունեց վարորդների համար բալային համակարգի ներդրման մասին օրինագիծը

ԱԺ-ն ամբողջությամբ ընդունեց նոր ուղղություններով չվերթով մեկնող անձանց օդի տուրքից ազատելու նախագիծը

Վաղը Երևանի և Արարատի մարզի որոշ հասցեներում ջրամատակարարումը 24 ժամով կդադարեցվի

Ալաշկերտի համայնքապետ է վերընտրվել ՊԵԿ փոխնախագահի հայրը

ԱԺ-ն առաջին ընթերցմամբ ընդունեց զինծառայությունից նաեւ 5 տարի անց հաշմանդամության կարգ տալու մասին օրինագիծը