Հաջորդ մենամարտից հետո հայ բռնցքամարտիկը պայմանագիր կկնքի Top Rank-ի հետ, որի հետ աշխատել է Մուհամեդ Ալին

Հայ պրոֆեսիոնալ բռնցքամարտիկ, ՀՀ հավաքականի նախկին անդամ Գոռ Երիցյանը շուտով պայմանագիր կկնքի ամերիկյան հայտնի Top Rank պրոմոութերական ընկերության հետ: Գոռի ունակություններին կազմակերպությունը ծանոթացել էր դեռ նախորդ մենամարտում, որը կայացել էր այս տարվա օգոստոսին: Պայմանավորվածությունն էլ կար դեռ շուրջ մեկուկես ամիս առաջ, սակայն դեռեւս չի ստորագրվել: Ամեն դեպքում Գոռն ընդգրկված է կազմակերպության հաջորդ շոուում: «Հայկական ժամանակ»-ի հետ զրույցում նա նշեց, որ անհանգստացած չէ, որ պայմանագիրը դեռ չի ստորագրվել, քանի որ, եթե Top Rank-ը նման ցանկություն չունենար, իրեն մենամարտեր չէին վստահի:

«Ասացին՝ այս մի մենամարտն էլ անցնի նոր, սակայն այս շոուն ամբողջությամբ իրենցն է: Այս մենամարտից հետո կստորագրենք: Նրանք մեկ անգամ փորձեցին, մեկ անգամ էլ ավելի ուժեղ մրցակցի հետ են փորձում, որպեսզի հաստատ վստահ լինեն, սակայն իրենց հետ որ խոսում ենք, ասում են՝ մի մտածեք, հաշվեք՝ ստորագրված է: Այդ պահով ավելի հանգիստ եմ: Եթե չուզենան ստորագրել, ինձ մենամարտ չեն տա: Եթե տալիս են, ուրեմն ամեն ինչ լավ է»,- ասաց նա:

Գոռի հաջորդ՝ 12-րդ մենամարտը կայանալու է նոյեմբերի 2-ին Լոս Անջելեսում: Կիսամիջին քաշային կարգում՝ 8 ռաունդանոց մենամարտում հայ բռնցքամարտիկի մրցակիցը կլինի ամերիկացի Դամիեն Լոպեսը: Նա պրոֆեսիոնալ ռինգում անցկացրած 10 մենամարտում տարել է 9 հաղթանակ, 1 մենամարտ էլ ավարտել է ոչ-ոքի: Գոռը հաղթել է իր նախորդ բոլոր մենամարտերում, նաեւ մինչեւ 23 տարեկանների աշխարհի չեմպիոն է: Մենամարտից առաջ իրեն վստահ է զգում:

«Լավ բռնցքամարտիկ է: 9 հաղթանակ ունի, պարտություն չունի: Լավ մենամարտ է լինելու: Ես պատրաստ եմ շատ լավ ու գնալու եմ մինչեւ վերջ հաղթանակի համար: Կռվող բռնցքամարտիկ է՝ մեքսիկական ոճով: Հարվածները հիմնականում վերցնում է իր վրա: Իմ հասակի է: Ուսումնասիրել եմ նրան, ունեմ մշակված պլան, ու ինձ թվում է՝ ամեն ինչ կստացվի իմ ուզածով»,- ասաց Գոռը՝ ավելացնելով, որ չի լարվում:

Գոռ Երիցյանը հիմա ապրում ու մարզվում է ԱՄՆ-ում: 1970-ականներին հիմնադրված Top Rank պրոմոութերական ընկերությունը, որի հետ նա պատրաստվում է պայմանագիր կնքել, աշխատել է այնպիսի մարզիկների հետ, ինչպիսիք են լեգենդար Մուհամեդ Ալին, Մենի Պակիաոն, Ֆլոյդ Մեյվեդր Կրտսերը: Գոռի մարզիչը Ֆրեդի Ռոչն է, որը նաեւ աշխարհահռչակ Մենի Պակիաոյի մարզիչն է: Գոռը հենց Ռոչի մարզասրահում էլ մարզվում է:

Տպել
684 դիտում

ԿԳՄՍ-ն հրապարակել է 2019 թ. ձմեռային զորակոչից տարկետում ստանալու համար դիմած քաղաքացիների անվանացանկը

Ռազմավարական եւ դաշնակցային գործընկերություն. Լավրովի երեւանյան այցը

Վանաձորում դեռեւս տնակային պայմաններում ու փայտե վառարաններով ջեռուցվող մանկապարտեզներ կան

Ոստիկանությունը պարզաբանում է ԱԺ պատգամավորի ավտոմեքենայից «Ռոլեքս» ժամացույցը կորչելու դեպքը

Մարվել են Կարմիր գրքում գրանցված կովկասյան ընձառյուծի եւ «Տարվա թռչուն» երկնագույն ալկոնի պատկերով նամականիշները

Լեհաստանի կառավարությունը հրաժարական է ներկայացրել

Թուրքիայում ասորական և հայկական գերեզմանոցների տեղում ազգային զբոսայգի է կառուցվել

Եթե ստանձնել ենք պատասխանատվություն մեր ժողովուրդների համար, պետք է ջանքեր գործադրենք հասնելու իրական փոփոխությունների

Գյումրեցու՝ Արարատ Միրզոյանին ուղղված նամակը ԱԺ-ն վերահասցեագրել է Գյումրու «Շիրակ կենտրոն» ՀԿ նախագահին

Հանդիպում եմ ՅՈՒՆԵՍԿՕ-ի գլխավոր տնօրեն Օդրի Ազուլեի հետ. վարչապետ (տեսանյութ)

Լավրովը Քոչարյանին հանձնեց Հայաստանին, նա նոր քաղաքականության հիմք դրեց. քաղաքագետ

ՀՀ ԱԳՆ դատապարտել է Սիրիայի Դեր Զորի նահանգում կատարված ահաբեկչական գործողությունը

Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

ՀՀ ոստիկանության պետի պաշտոնակատարի հրամանով Լոռու ոստիկանապետ է նշանակվել

Կառավարությունը մտադիր է պետական նոր մարմին ստեղծել, որը եւս կղեկավարի Քաղավիացիայի կոմիտեի ղեկավար Տաթեւիկ Ռեւազյանը

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից

30 համարի երթուղու 3 վարորդներ խիստ նկատողություն են ստացել հաշմանդամություն ունեցող քաղաքացուն չսպասարկելու համար

Վարչապետը հանդիպում է ունեցել ՖՄԿ գլխավոր քարտուղար Լուիզ Մուշիկիվաբոյի հետ